૭. પઞ્હાવારો

પચ્ચયચતુક્કં

હેતુપચ્ચયાદિ

૨૦૫. ઉપ્પન્નો હેતુ ધમ્મો ઉપ્પન્નસ્સ હેતુસ્સ ધમ્મસ્સ હેતુપચ્ચયેન પચ્ચયો – ઉપ્પન્ના હેતૂ સમ્પયુત્તકાનં હેતૂનં હેતુપચ્ચયેન પચ્ચયો; પટિસન્ધિક્ખણે…પે…. (૧)

અનુપ્પન્નો હેતુ ધમ્મો ઉપ્પન્નસ્સ હેતુસ્સ ધમ્મસ્સ આરમ્મણપચ્ચયેન પચ્ચયો – અનુપ્પન્ના હેતૂ ચેતોપરિયઞાણસ્સ અનાગતંસઞાણસ્સ આરમ્મણપચ્ચયેન પચ્ચયો. ઉપ્પાદી હેતુ ધમ્મો ઉપ્પન્નસ્સ હેતુસ્સ ધમ્મસ્સ આરમ્મણપચ્ચયેન પચ્ચયો – ઉપ્પાદી હેતૂ ચેતોપરિયઞાણસ્સ અનાગતંસઞાણસ્સ આરમ્મણપચ્ચયેન પચ્ચયો. (૨)

ઉપ્પન્નો હેતુ ધમ્મો ઉપ્પન્નસ્સ હેતુસ્સ ધમ્મસ્સ અધિપતિપચ્ચયેન પચ્ચયો… તીણિ.

સહજાતપચ્ચયેન પચ્ચયો… અઞ્ઞમઞ્ઞપચ્ચયેન પચ્ચયો… નિસ્સયપચ્ચયેન પચ્ચયો… ઉપનિસ્સયપચ્ચયેન પચ્ચયો… વિપાકપચ્ચયેન પચ્ચયો… ઇન્દ્રિયપચ્ચયેન પચ્ચયો… મગ્ગપચ્ચયેન પચ્ચયો… સમ્પયુત્તપચ્ચયેન પચ્ચયો… અત્થિપચ્ચયેન પચ્ચયો…પે… અવિગતપચ્ચયેન પચ્ચયો.

૨૦૬. હેતુયા એકં, આરમ્મણે દ્વે, અધિપતિયા તીણિ, સહજાતે એકં, અઞ્ઞમઞ્ઞે એકં, નિસ્સયે એકં, ઉપનિસ્સયે દ્વે…પે… અવિગતે એકં (સંખિત્તં).

નહેતુયા દ્વે, નઆરમ્મણે દ્વે (સંખિત્તં).

હેતુપચ્ચયા નઆરમ્મણે એકં (સંખિત્તં).

નહેતુપચ્ચયા આરમ્મણે દ્વે (સંખિત્તં).

(યથા કુસલત્તિકે પઞ્હાવારં, એવં વિત્થારેતબ્બં.)

નહેતુપદં

આરમ્મણપચ્ચયાદિ

૨૦૭. ઉપ્પન્નો નહેતુ ધમ્મો ઉપ્પન્નસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો. (૧)

અનુપ્પન્નો નહેતુ ધમ્મો ઉપ્પન્નસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો. (૧)

ઉપ્પાદી નહેતુ ધમ્મો ઉપ્પન્નસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો. (૧)

૨૦૮. ઉપ્પન્નો નહેતુ ધમ્મો ઉપ્પન્નસ્સ નહેતુસ્સ ધમ્મસ્સ અધિપતિપચ્ચયેન પચ્ચયો. (૧)

અનુપ્પન્નો નહેતુ ધમ્મો ઉપ્પન્નસ્સ નહેતુસ્સ ધમ્મસ્સ અધિપતિપચ્ચયેન પચ્ચયો. (૧)

ઉપ્પાદી નહેતુ ધમ્મો ઉપ્પન્નસ્સ નહેતુસ્સ ધમ્મસ્સ અધિપતિપચ્ચયેન પચ્ચયો. (૧)

ઉપ્પન્નો નહેતુ ધમ્મો ઉપ્પન્નસ્સ નહેતુસ્સ ધમ્મસ્સ સહજાતપચ્ચયેન પચ્ચયો… અઞ્ઞમઞ્ઞપચ્ચયેન પચ્ચયો… નિસ્સયપચ્ચયેન પચ્ચયો… ઉપનિસ્સયપચ્ચયેન પચ્ચયો.

અનુપ્પન્નો નહેતુ ધમ્મો ઉપ્પન્નસ્સ નહેતુસ્સ ધમ્મસ્સ ઉપનિસ્સયપચ્ચયેન પચ્ચયો.

ઉપ્પાદી નહેતુ ધમ્મો ઉપ્પન્નસ્સ નહેતુસ્સ ધમ્મસ્સ ઉપનિસ્સયપચ્ચયેન પચ્ચયો (સંખિત્તં).

૨૦૯. આરમ્મણે તીણિ, અધિપતિયા તીણિ, સહજાતે એકં, અઞ્ઞમઞ્ઞે એકં, નિસ્સયે એકં, ઉપનિસ્સયે તીણિ…પે… અવિગતે એકં (સંખિત્તં).

નહેતુયા તીણિ, નઆરમ્મણે તીણિ (સંખિત્તં).

આરમ્મણપચ્ચયા નહેતુયા તીણિ (સંખિત્તં).

નહેતુપચ્ચયા આરમ્મણે તીણિ (સંખિત્તં).