૧-૬. પટિચ્ચવારાદિ

પચ્ચયચતુક્કં

હેતુ-આરમ્મણપચ્ચયા

૧૫૩. સેક્ખં નહેતું ધમ્મં પટિચ્ચ સેક્ખો નહેતુ ધમ્મો ઉપ્પજ્જતિ હેતુપચ્ચયા. સેક્ખં નહેતું ધમ્મં પટિચ્ચ નેવસેક્ખનાસેક્ખો નહેતુ ધમ્મો ઉપ્પજ્જતિ હેતુપચ્ચયા. સેક્ખં નહેતું ધમ્મં પટિચ્ચ સેક્ખો નહેતુ ચ નેવસેક્ખનાસેક્ખો નહેતુ ચ ધમ્મા ઉપ્પજ્જન્તિ હેતુપચ્ચયા. (૩)

અસેક્ખં નહેતું ધમ્મં પટિચ્ચ અસેક્ખો નહેતુ ધમ્મો ઉપ્પજ્જતિ હેતુપચ્ચયા… તીણિ.

નેવસેક્ખનાસેક્ખં નહેતું ધમ્મં પટિચ્ચ નેવસેક્ખનાસેક્ખો નહેતુ ધમ્મો ઉપ્પજ્જતિ હેતુપચ્ચયા. (૧)

સેક્ખં નહેતુઞ્ચ નેવસેક્ખનાસેક્ખં નહેતુઞ્ચ ધમ્મં પટિચ્ચ નેવસેક્ખનાસેક્ખો નહેતુ ધમ્મો ઉપ્પજ્જતિ હેતુપચ્ચયા. (૧)

અસેક્ખં નહેતુઞ્ચ નેવસેક્ખનાસેક્ખં નહેતુઞ્ચ ધમ્મં પટિચ્ચ નેવસેક્ખનાસેક્ખો નહેતુ ધમ્મો ઉપ્પજ્જતિ હેતુપચ્ચયા. (૧)

૧૫૪. સેક્ખં નહેતું ધમ્મં પટિચ્ચ સેક્ખો નહેતુ ધમ્મો ઉપ્પજ્જતિ આરમ્મણપચ્ચયા. (૧)

અસેક્ખં નહેતું ધમ્મં પટિચ્ચ અસેક્ખો નહેતુ ધમ્મો ઉપ્પજ્જતિ આરમ્મણપચ્ચયા. (૧)

નેવસેક્ખનાસેક્ખં નહેતું ધમ્મં પટિચ્ચ નેવસેક્ખનાસેક્ખો નહેતુ ધમ્મો ઉપ્પજ્જતિ આરમ્મણપચ્ચયા. (૧) (સંખિત્તં.)

હેતુયા નવ, આરમ્મણે તીણિ, અધિપતિયા નવ…પે… આસેવને દ્વે…પે… અવિગતે નવ (સંખિત્તં).

પચ્ચનીયં

નહેતુપચ્ચયો

૧૫૫. નેવસેક્ખનાસેક્ખં નહેતું ધમ્મં પટિચ્ચ નેવસેક્ખનાસેક્ખો નહેતુ ધમ્મો ઉપ્પજ્જતિ નહેતુપચ્ચયા (સંખિત્તં).

નહેતુયા એકં, નઆરમ્મણે પઞ્ચ, નઅધિપતિયા તીણિ…પે… નોવિગતે પઞ્ચ (સંખિત્તં).

હેતુપચ્ચયા નઆરમ્મણે પઞ્ચ (સંખિત્તં).

નહેતુપચ્ચયા આરમ્મણે એકં (સંખિત્તં).

(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં વિત્થારેતબ્બં.)