૧-૭. પટિચ્ચવારાદિ
પચ્ચયચતુક્કં
હેતુપચ્ચયો
૧૩૨. આચયગામિં હેતું ધમ્મં પટિચ્ચ આચયગામી હેતુ ધમ્મો ઉપ્પજ્જતિ હેતુપચ્ચયા. (૧)
અપચયગામિં હેતું ધમ્મં પટિચ્ચ અપચયગામી હેતુ ધમ્મો ઉપ્પજ્જતિ હેતુપચ્ચયા. (૧)
નેવાચયગામિનાપચયગામિં હેતું ધમ્મં પટિચ્ચ નેવાચયગામિનાપચયગામી હેતુ ધમ્મો ઉપ્પજ્જતિ હેતુપચ્ચયા. (૧) (સંખિત્તં.)
૧૩૩. હેતુયા તીણિ, આરમ્મણે તીણિ, અધિપતિયા તીણિ (સબ્બત્થ તીણિ).
નઅધિપતિયા તીણિ, નઆસેવને દ્વે, નવિપાકે તીણિ, નવિપ્પયુત્તે તીણિ (સંખિત્તં).
હેતુપચ્ચયા નઅધિપતિયા તીણિ (સંખિત્તં).
નઅધિપતિપચ્ચયા હેતુયા તીણિ (સંખિત્તં).
(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં વિત્થારેતબ્બં.)
હેતુઆરમ્મણપચ્ચયાદિ
૧૩૪. આચયગામી હેતુ ધમ્મો આચયગામિસ્સ હેતુસ્સ ધમ્મસ્સ હેતુપચ્ચયેન પચ્ચયો. (૧)
અપચયગામી હેતુ ધમ્મો અપચયગામિસ્સ હેતુસ્સ ધમ્મસ્સ હેતુપચ્ચયેન પચ્ચયો. (૧)
નેવાચયગામિનાપચયગામી હેતુ ધમ્મો નેવાચયગામિનાપચયગામિસ્સ હેતુસ્સ ધમ્મસ્સ હેતુપચ્ચયેન પચ્ચયો. (૧)
આચયગામી હેતુ ધમ્મો આચયગામિસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. આચયગામી હેતુ ધમ્મો નેવાચયગામિનાપચયગામિસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. (૨)
અપચયગામી હેતુ ધમ્મો આચયગામિસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. અપચયગામી હેતુ ધમ્મો નેવાચયગામિનાપચયગામિસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. (૨)
નેવાચયગામિનાપચયગામી હેતુ ધમ્મો નેવાચયગામિનાપચયગામિસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. નેવાચયગામિનાપચયગામી હેતુ ધમ્મો આચયગામિસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. (૨)
૧૩૫. આચયગામી હેતુ ધમ્મો આચયગામિસ્સ હેતુસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. (૧)
અપચયગામી હેતુ ધમ્મો અપચયગામિસ્સ હેતુસ્સ ધમ્મસ્સ અધિપતિપચ્ચયેન પચ્ચયો – સહજાતાધિપતિ…. અપચયગામી હેતુ ધમ્મો આચયગામિસ્સ હેતુસ્સ ધમ્મસ્સ અધિપતિપચ્ચયેન પચ્ચયો. અપચયગામી હેતુ ધમ્મો નેવાચયગામિનાપચયગામિસ્સ હેતુસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ…. (૩)
નેવાચયગામિનાપચયગામી હેતુ ધમ્મો નેવાચયગામિનાપચયગામિસ્સ હેતુસ્સ ધમ્મસ્સ અધિપતિપચ્ચયેન પચ્ચયો. નેવાચયગામિનાપચયગામી હેતુ ધમ્મો આચયગામિસ્સ હેતુસ્સ ધમ્મસ્સ અધિપતિપચ્ચયેન પચ્ચયો.
૧૩૬. આચયગામી હેતુ ધમ્મો આચયગામિસ્સ હેતુસ્સ ધમ્મસ્સ અનન્તરપચ્ચયેન પચ્ચયો. આચયગામી હેતુ ધમ્મો અપચયગામિસ્સ હેતુસ્સ ધમ્મસ્સ અનન્તરપચ્ચયેન પચ્ચયો. આચયગામી હેતુ ધમ્મો નેવાચયગામિનાપચયગામિસ્સ હેતુસ્સ ધમ્મસ્સ અનન્તરપચ્ચયેન પચ્ચયો. (૩)
અપચયગામી હેતુ ધમ્મો નેવાચયગામિનાપચયગામિસ્સ હેતુસ્સ ધમ્મસ્સ અનન્તરપચ્ચયેન પચ્ચયો. (૧)
નેવાચયગામિનાપચયગામી હેતુ ધમ્મો નેવાચયગામિનાપચયગામિસ્સ હેતુસ્સ ધમ્મસ્સ અનન્તરપચ્ચયેન પચ્ચયો. (૧) (સંખિત્તં.)
૧૩૭. હેતુયા તીણિ, આરમ્મણે છ, અધિપતિયા છ, અનન્તરે પઞ્ચ, સમનન્તરે પઞ્ચ, સહજાતે તીણિ, અઞ્ઞમઞ્ઞે તીણિ, નિસ્સયે તીણિ, ઉપનિસ્સયે અટ્ઠ, આસેવને તીણિ, વિપાકે એકં…પે… અવિગતે તીણિ (સંખિત્તં).
નહેતુયા અટ્ઠ, નઆરમ્મણે અટ્ઠ (સંખિત્તં).
હેતુપચ્ચયા નઆરમ્મણે તીણિ (સંખિત્તં).
નહેતુપચ્ચયા આરમ્મણે છ (સંખિત્તં).
(યથા કુસલત્તિકે પઞ્હાવારં, એવં વિત્થારેતબ્બં.)