૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૧૨૭. દસ્સનેન પહાતબ્બહેતુકં નહેતું ધમ્મં પટિચ્ચ દસ્સનેન પહાતબ્બહેતુકો નહેતુ ધમ્મો ઉપ્પજ્જતિ હેતુપચ્ચયા… તીણિ.

ભાવનાય પહાતબ્બહેતુકં નહેતું ધમ્મં પટિચ્ચ ભાવનાય પહાતબ્બહેતુકો નહેતુ ધમ્મો ઉપ્પજ્જતિ હેતુપચ્ચયા… તીણિ.

નેવદસ્સનેન નભાવનાય પહાતબ્બહેતુકં નહેતું ધમ્મં પટિચ્ચ નેવદસ્સનેન નભાવનાય પહાતબ્બહેતુકો નહેતુ ધમ્મો ઉપ્પજ્જતિ હેતુપચ્ચયા… તીણિ (સંખિત્તં).

હેતુયા નવ, આરમ્મણે તીણિ…પે… અવિગતે નવ (સંખિત્તં).

પચ્ચનીયં

નહેતુપચ્ચયો

૧૨૮. નેવદસ્સનેન નભાવનાય પહાતબ્બહેતુકં નહેતું ધમ્મં પટિચ્ચ નેવદસ્સનેન નભાવનાય પહાતબ્બહેતુકો નહેતુ ધમ્મો ઉપ્પજ્જતિ નહેતુપચ્ચયા. (૧) (સંખિત્તં.)

૧૨૯. નહેતુયા એકં, નઆરમ્મણે પઞ્ચ…પે… નોવિગતે પઞ્ચ (સંખિત્તં).

હેતુપચ્ચયા નઆરમ્મણે પઞ્ચ (સંખિત્તં).

નહેતુપચ્ચયા આરમ્મણે એકં (સંખિત્તં).

(સહજાતવારમ્પિ…પે… સમ્પયુત્તવારમ્પિ પટિચ્ચવારસદિસં વિત્થારેતબ્બં.)

આરમ્મણપચ્ચયો

૧૩૦. દસ્સનેન પહાતબ્બહેતુકો નહેતુ ધમ્મો દસ્સનેન પહાતબ્બહેતુકસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો… દ્વે.

ભાવનાય પહાતબ્બહેતુકો નહેતુ ધમ્મો ભાવનાય પહાતબ્બહેતુકસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો… તીણિ.

નેવદસ્સનેન નભાવનાય પહાતબ્બહેતુકો નહેતુ ધમ્મો નેવદસ્સનેન નભાવનાય પહાતબ્બહેતુકસ્સ નહેતુસ્સ ધમ્મસ્સ આરમ્મણપચ્ચયેન પચ્ચયો… તીણિ (સંખિત્તં).

૧૩૧. આરમ્મણે અટ્ઠ, અધિપતિયા દસ…પે… અવિગતે તેરસ (સંખિત્તં).

નહેતુયા ચુદ્દસ, નઆરમ્મણે ચુદ્દસ (સંખિત્તં).

આરમ્મણપચ્ચયા નહેતુયા અટ્ઠ (સંખિત્તં).

નહેતુપચ્ચયા આરમ્મણે અટ્ઠ (સંખિત્તં).

(યથા કુસલત્તિકે પઞ્હાવારં, એવં વિત્થારેતબ્બં.)