૭. પઞ્હાવારો

પચ્ચયચતુક્કં

૮૦. સવિતક્કસવિચારો હેતુ ધમ્મો સવિતક્કસવિચારસ્સ હેતુસ્સ ધમ્મસ્સ હેતુપચ્ચયેન પચ્ચયો. (૧)

અવિતક્કવિચારમત્તો હેતુ ધમ્મો અવિતક્કવિચારમત્તસ્સ હેતુસ્સ ધમ્મસ્સ હેતુપચ્ચયેન પચ્ચયો. (૧)

અવિતક્કઅવિચારો હેતુ ધમ્મો અવિતક્કઅવિચારસ્સ હેતુસ્સ ધમ્મસ્સ હેતુપચ્ચયેન પચ્ચયો. (૧)

૮૧. સવિતક્કસવિચારો હેતુ ધમ્મો સવિતક્કસવિચારસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. સવિતક્કસવિચારો હેતુ ધમ્મો અવિતક્કઅવિચારસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. (૨)

અવિતક્કવિચારમત્તો હેતુ ધમ્મો સવિતક્કસવિચારસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. અવિતક્કવિચારમત્તો હેતુ ધમ્મો અવિતક્કઅવિચારસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. (૨)

અવિતક્કઅવિચારો હેતુ ધમ્મો અવિતક્કઅવિચારસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. અવિતક્કઅવિચારો હેતુ ધમ્મો સવિતક્કસવિચારસ્સ હેતુસ્સ ધમ્મસ્સ આરમ્મણપચ્ચયેન પચ્ચયો. (૨)

૮૨. સવિતક્કસવિચારો હેતુ ધમ્મો સવિતક્કસવિચારસ્સ હેતુસ્સ ધમ્મસ્સ અધિપતિપચ્ચયેન પચ્ચયો. (૧)

અવિતક્કવિચારમત્તો હેતુ ધમ્મો અવિતક્કવિચારમત્તસ્સ હેતુસ્સ ધમ્મસ્સ અધિપતિપચ્ચયેન પચ્ચયો. અવિતક્કવિચારમત્તો હેતુ ધમ્મો સવિતક્કસવિચારસ્સ હેતુસ્સ ધમ્મસ્સ અધિપતિપચ્ચયેન પચ્ચયો. (૨)

અવિતક્કઅવિચારો હેતુ ધમ્મો અવિતક્કઅવિચારસ્સ હેતુસ્સ ધમ્મસ્સ અધિપતિપચ્ચયેન પચ્ચયો. અવિતક્કઅવિચારો હેતુ ધમ્મો સવિતક્કસવિચારસ્સ હેતુસ્સ ધમ્મસ્સ અધિપતિપચ્ચયેન પચ્ચયો. (૨)

૮૩. સવિતક્કસવિચારો હેતુ ધમ્મો સવિતક્કસવિચારસ્સ હેતુસ્સ ધમ્મસ્સ અનન્તરપચ્ચયેન પચ્ચયો… તીણિ.

અવિતક્કવિચારમત્તો હેતુ ધમ્મો અવિતક્કવિચારમત્તસ્સ હેતુસ્સ ધમ્મસ્સ અનન્તરપચ્ચયેન પચ્ચયો … તીણિ.

અવિતક્કઅવિચારો હેતુ ધમ્મો અવિતક્કઅવિચારસ્સ હેતુસ્સ ધમ્મસ્સ અનન્તરપચ્ચયેન પચ્ચયો… તીણિ…પે….

સવિતક્કસવિચારો હેતુ ધમ્મો સવિતક્કસવિચારસ્સ હેતુસ્સ ધમ્મસ્સ ઉપનિસ્સયપચ્ચયેન પચ્ચયો… નવ (સંખિત્તં).

૮૪. હેતુયા તીણિ, આરમ્મણે છ, અધિપતિયા પઞ્ચ, અનન્તરે નવ, સમનન્તરે નવ, સહજાતે તીણિ, અઞ્ઞમઞ્ઞે તીણિ, નિસ્સયે તીણિ, ઉપનિસ્સયે નવ, આસેવને પઞ્ચ, વિપાકે તીણિ…પે… અવિગતે તીણિ.

નહેતુયા નવ, નઆરમ્મણે નવ (સંખિત્તં).

હેતુપચ્ચયા નઆરમ્મણે તીણિ (સંખિત્તં).

નહેતુપચ્ચયા આરમ્મણે છ (સંખિત્તં).

(યથા કુસલત્તિકે પઞ્હાવારં, એવં વિત્થારેતબ્બં.)

નહેતુપદં.