૧-૭. પટિચ્ચવારાદિ

પચ્ચયચતુક્કં

૧. સરણં સુખાય વેદનાય સમ્પયુત્તં ધમ્મં પટિચ્ચ સરણો સુખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા. (૧)

અરણં સુખાય વેદનાય સમ્પયુત્તં ધમ્મં પટિચ્ચ અરણો સુખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૨. હેતુયા દ્વે, આરમ્મણે દ્વે…પે… કમ્મે દ્વે, વિપાકે એકં…પે… અવિગતે દ્વે (સંખિત્તં. સહજાતવારોપિ…પે… પઞ્હાવારોપિ સબ્બત્થ વિત્થારેતબ્બા).

૩. સરણં દુક્ખાય વેદનાય સમ્પયુત્તં ધમ્મં પટિચ્ચ સરણો દુક્ખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા. (૧)

સરણં દુક્ખાય વેદનાય સમ્પયુત્તં ધમ્મં પટિચ્ચ સરણો દુક્ખાય વેદનાય સમ્પયુત્તો ધમ્મો ઉપ્પજ્જતિ આરમ્મણપચ્ચયા. (૧) (સંખિત્તં.)

૪. હેતુયા એકં, આરમ્મણે દ્વે…પે… અવિગતે દ્વે (સંખિત્તં. સહજાતવારમ્પિ…પે… પઞ્હાવારમ્પિ વિત્થારેતબ્બં).

૫. સરણં અદુક્ખમસુખાય વેદનાય સમ્પયુત્તં ધમ્મં પટિચ્ચ સરણો અદુક્ખમસુખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા. (૧)

અરણં અદુક્ખમસુખાય વેદનાય સમ્પયુત્તં ધમ્મં પટિચ્ચ અરણો અદુક્ખમસુખાય વેદનાય સમ્પયુત્તો ધમ્મો ઉપ્પજ્જતિ હેતુપચ્ચયા (સંખિત્તં).

૬. હેતુયા દ્વે, આરમ્મણે દ્વે…પે… અવિગતે દ્વે (સંખિત્તં. સહજાતવારમ્પિ…પે… પઞ્હાવારમ્પિ સબ્બત્થ વિત્થારેતબ્બં).

સરણદુકવેદનાત્તિકં નિટ્ઠિતં.