૧-૭. પટિચ્ચવારાદિ

પચ્ચયચતુક્કં

૮. નભાવનાય પહાતબ્બં કુસલં ધમ્મં પટિચ્ચ નભાવનાય પહાતબ્બો કુસલો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં.)

૯. ભાવનાય પહાતબ્બં અકુસલં ધમ્મં પટિચ્ચ ભાવનાય પહાતબ્બો અકુસલો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા દ્વે, આરમ્મણે દ્વે…પે… અવિગતે દ્વે (સંખિત્તં. દસ્સનેન પહાતબ્બદુકઅકુસલસદિસં. સહજાતવારેપિ …પે… પઞ્હાવારેપિ સબ્બત્થ વિત્થારેતબ્બં).

૧૦. નભાવનાય પહાતબ્બં અબ્યાકતં ધમ્મં પટિચ્ચ નભાવનાય પહાતબ્બો અબ્યાકતો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં.)