૧-૭. પટિચ્ચવારાદિ

પચ્ચયચતુક્કં

૬૨. કામાવચરં કુસલં ધમ્મં પટિચ્ચ કામાવચરો કુસલો ધમ્મો ઉપ્પજ્જતિ હેતુપચ્ચયા. (૧)

નકામાવચરં કુસલં ધમ્મં પટિચ્ચ નકામાવચરો કુસલો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૬૩. હેતુયા દ્વે, આરમ્મણે દ્વે (સબ્બત્થ દ્વે), અવિગતે દ્વે (સંખિત્તં).

નઅધિપતિયા દ્વે…પે… નવિપ્પયુત્તે દ્વે. (સંખિત્તં.)

(સહજાતવારાદિ વિત્થારેતબ્બો.)

૬૪. કામાવચરો કુસલો ધમ્મો કામાવચરસ્સ કુસલસ્સ ધમ્મસ્સ હેતુપચ્ચયેન પચ્ચયો. (૧)

નકામાવચરો કુસલો ધમ્મો નકામાવચરસ્સ કુસલસ્સ ધમ્મસ્સ હેતુપચ્ચયેન પચ્ચયો. (૧) (સંખિત્તં.)

૬૫. હેતુયા દ્વે, આરમ્મણે ચત્તારિ, અધિપતિયા તીણિ (કામાવચરે એકં, નકામાવચરે દ્વે), અનન્તરે તીણિ (કામાવચરે દ્વે, નકામાવચરે એકં)…પે… સહજાતે દ્વે …પે… ઉપનિસ્સયે ચત્તારિ, આસેવને તીણિ, કમ્મે દ્વે, આહારે દ્વે…પે… નત્થિયા તીણિ…પે… અવિગતે દ્વે (સંખિત્તં).

૬૬. કામાવચરં અકુસલં ધમ્મં પટિચ્ચ કામાવચરો અકુસલો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં.)

૬૭. કામાવચરં અબ્યાકતં ધમ્મં પટિચ્ચ કામાવચરો અબ્યાકતો ધમ્મો ઉપ્પજ્જતિ હેતુપચ્ચયા… તીણિ.

નકામાવચરં અબ્યાકતં ધમ્મં પટિચ્ચ નકામાવચરો અબ્યાકતો ધમ્મો ઉપ્પજ્જતિ હેતુપચ્ચયા… તીણિ.

કામાવચરં અબ્યાકતઞ્ચ નકામાવચરં અબ્યાકતઞ્ચ ધમ્મં પટિચ્ચ કામાવચરો અબ્યાકતો ધમ્મો ઉપ્પજ્જતિ હેતુપચ્ચયા… તીણિ (સંખિત્તં).

૬૮. હેતુયા નવ, આરમ્મણે ચત્તારિ, અધિપતિયા પઞ્ચ…પે… અઞ્ઞમઞ્ઞે છ…પે… પુરેજાતે દ્વે, આસેવને દ્વે…પે… અવિગતે નવ (સંખિત્તં).

નહેતુયા એકં, નઆરમ્મણે તીણિ, નઅધિપતિયા નવ…પે… નકમ્મે દ્વે, નવિપાકે પઞ્ચ, નઆહારે એકં, નઇન્દ્રિયે એકં, નઝાને એકં, નમગ્ગે એકં, નસમ્પયુત્તે તીણિ, નવિપ્પયુત્તે દ્વે, નોનત્થિયા તીણિ, નોવિગતે તીણિ (સંખિત્તં. સહજાતવારાદિ વિત્થારેતબ્બો).

૬૯. કામાવચરો અબ્યાકતો ધમ્મો કામાવચરસ્સ અબ્યાકતસ્સ ધમ્મસ્સ હેતુપચ્ચયેન પચ્ચયો. (૧)

નકામાવચરો અબ્યાકતો ધમ્મો નકામાવચરસ્સ અબ્યાકતસ્સ ધમ્મસ્સ હેતુપચ્ચયેન પચ્ચયો… તીણિ (સંખિત્તં).

૭૦. હેતુયા ચત્તારિ, આરમ્મણે ચત્તારિ, અધિપતિયા ચત્તારિ (કામાવચરે એકં, નકામાવચરે તીણિ, કામાવચરે સહજાતાધિપતિયેવ), અનન્તરે ચત્તારિ, સમનન્તરે ચત્તારિ, સહજાતે સત્ત, અઞ્ઞમઞ્ઞે છ, નિસ્સયે સત્ત, ઉપનિસ્સયે ચત્તારિ, પુરેજાતે દ્વે, પચ્છાજાતે દ્વે, આસેવને તીણિ, કમ્મે ચત્તારિ, વિપાકે ચત્તારિ, આહારે ચત્તારિ…પે… સમ્પયુત્તે દ્વે, વિપ્પયુત્તે તીણિ, અત્થિયા સત્ત, નત્થિયા ચત્તારિ…પે… અવિગતે સત્ત (સંખિત્તં).