૧-૭. પટિચ્ચવારાદિ

પચ્ચયચતુક્કં

૩૭. સવિચારં કુસલં ધમ્મં પટિચ્ચ સવિચારો કુસલો ધમ્મો ઉપ્પજ્જતિ હેતુપચ્ચયા… તીણિ.

અવિચારં કુસલં ધમ્મં પટિચ્ચ અવિચારો કુસલો ધમ્મો ઉપ્પજ્જતિ હેતુપચ્ચયા… દ્વે.

સવિચારં કુસલઞ્ચ અવિચારં કુસલઞ્ચ ધમ્મં પટિચ્ચ સવિચારો કુસલો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૩૮. હેતુયા છ, આરમ્મણે છ…પે… અવિગતે છ (સંખિત્તં. સવિતક્કદુકકુસલસદિસં. સહજાતવારમ્પિ…પે… પઞ્હાવારમ્પિ વિત્થારેતબ્બં).

૩૯. સવિચારં અકુસલં ધમ્મં પટિચ્ચ સવિચારો અકુસલો ધમ્મો ઉપ્પજ્જતિ હેતુપચ્ચયા… તીણિ.

અવિચારં અકુસલં ધમ્મં પટિચ્ચ સવિચારો અકુસલો ધમ્મો ઉપ્પજ્જતિ હેતુપચ્ચયા. (૧)

સવિચારં અકુસલઞ્ચ અવિચારં અકુસલઞ્ચ ધમ્મં પટિચ્ચ સવિચારો અકુસલો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૪૦. હેતુયા પઞ્ચ, આરમ્મણે પઞ્ચ…પે… અવિગતે પઞ્ચ (સંખિત્તં. સવિતક્કદુકઅકુસલસદિસં. સહજાતવારમ્પિ…પે… પઞ્હાવારમ્પિ વિત્થારેતબ્બં).

૪૧. સવિચારં અબ્યાકતં ધમ્મં પટિચ્ચ સવિચારો અબ્યાકતો ધમ્મો ઉપ્પજ્જતિ હેતુપચ્ચયા… તીણિ.

અવિચારં અબ્યાકતં ધમ્મં પટિચ્ચ અવિચારો અબ્યાકતો ધમ્મો ઉપ્પજ્જતિ હેતુપચ્ચયા… તીણિ.

સવિચારં અબ્યાકતઞ્ચ અવિચારં અબ્યાકતઞ્ચ ધમ્મં પટિચ્ચ સવિચારો અબ્યાકતો ધમ્મો ઉપ્પજ્જતિ હેતુપચ્ચયા… તીણિ (સંખિત્તં).

૪૨. હેતુયા નવ, આરમ્મણે નવ…પે… વિપાકે નવ…પે… અવિગતે નવ (સંખિત્તં. સવિતક્કદુકઅબ્યાકતસદિસં. સહજાતવારોપિ…પે… સમ્પયુત્તવારોપિ વિત્થારેતબ્બા).

૪૩. સવિચારો અબ્યાકતો ધમ્મો સવિચારસ્સ અબ્યાકતસ્સ ધમ્મસ્સ હેતુપચ્ચયેન પચ્ચયો (સંખિત્તં).

૪૪. હેતુયા ચત્તારિ, આરમ્મણે નવ…પે… મગ્ગે ચત્તારિ …પે… અવિગતે નવ (સંખિત્તં).

નહેતુયા નવ, નઆરમ્મણે નવ (સંખિત્તં).

હેતુપચ્ચયા નઆરમ્મણે ચત્તારિ (સંખિત્તં).

નહેતુપચ્ચયા આરમ્મણે નવ (સંખિત્તં).

(યથા કુસલત્તિકે પઞ્હાવારં, એવં વિત્થારેતબ્બં.)