૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૯. સંકિલેસિકં કુસલં ધમ્મં પટિચ્ચ સંકિલેસિકો કુસલો ધમ્મો ઉપ્પજ્જતિ હેતુપચ્ચયા. (૧)

અસંકિલેસિકં કુસલં ધમ્મં પટિચ્ચ અસંકિલેસિકો કુસલો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૧૦. હેતુયા દ્વે, આરમ્મણે દ્વે…પે… અવિગતે દ્વે (સંખિત્તં. લોકિયદુકકુસલસદિસં. સહજાતવારમ્પિ…પે… પઞ્હાવારમ્પિ વિત્થારેતબ્બં).

૧૧. સંકિલેસિકં અકુસલં ધમ્મં પટિચ્ચ સંકિલેસિકો અકુસલો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં.)

૧૨. સંકિલેસિકં અબ્યાકતં ધમ્મં પટિચ્ચ સંકિલેસિકો અબ્યાકતો ધમ્મો ઉપ્પજ્જતિ હેતુપચ્ચયા. (૧)

અસંકિલેસિકં અબ્યાકતં ધમ્મં પટિચ્ચ અસંકિલેસિકો અબ્યાકતો ધમ્મો ઉપ્પજ્જતિ હેતુપચ્ચયા… તીણિ.

સંકિલેસિકં અબ્યાકતઞ્ચ અસંકિલેસિકં અબ્યાકતઞ્ચ ધમ્મં પટિચ્ચ સંકિલેસિકો અબ્યાકતો ધમ્મો ઉપ્પજ્જતિ હેતુપચ્ચયા (સંખિત્તં).

૧૩. હેતુયા પઞ્ચ, આરમ્મણે દ્વે…પે… અવિગતે પઞ્ચ (સંખિત્તં. લોકિયદુકઅબ્યાકતસદિસં. સહજાતવારેપિ…પે… પઞ્હાવારેપિ સબ્બત્થ વિત્થારેતબ્બં).