૧-૭. પટિચ્ચવારાદિ

પચ્ચયચતુક્કં

૨૮. કિલેસવિપ્પયુત્તં સંકિલેસિકં કુસલં ધમ્મં પટિચ્ચ કિલેસવિપ્પયુત્તો સંકિલેસિકો કુસલો ધમ્મો ઉપ્પજ્જતિ હેતુપચ્ચયા. (૧)

કિલેસવિપ્પયુત્તં અસંકિલેસિકં કુસલં ધમ્મં પટિચ્ચ કિલેસવિપ્પયુત્તો અસંકિલેસિકો કુસલો ધમ્મો ઉપ્પજ્જતિ હેતુપચ્ચયા (સંખિત્તં).

૨૯. હેતુયા દ્વે, આરમ્મણે દ્વે…પે… અવિગતે દ્વે (સંખિત્તં. લોકિયદુકકુસલસદિસં. સહજાતવારેપિ…પે… પઞ્હાવારેપિ વિત્થારેતબ્બં).

૩૦. કિલેસવિપ્પયુત્તં સંકિલેસિકં અબ્યાકતં ધમ્મં પટિચ્ચ કિલેસવિપ્પયુત્તો સંકિલેસિકો અબ્યાકતો ધમ્મો ઉપ્પજ્જતિ હેતુપચ્ચયા. (૧)

કિલેસવિપ્પયુત્તં અસંકિલેસિકં અબ્યાકતં ધમ્મં પટિચ્ચ કિલેસવિપ્પયુત્તો અસંકિલેસિકો અબ્યાકતો ધમ્મો ઉપ્પજ્જતિ હેતુપચ્ચયા… તીણિ.

કિલેસવિપ્પયુત્તં સંકિલેસિકં અબ્યાકતઞ્ચ કિલેસવિપ્પયુત્તં અસંકિલેસિકં અબ્યાકતઞ્ચ ધમ્મં પટિચ્ચ કિલેસવિપ્પયુત્તો સંકિલેસિકો અબ્યાકતો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૩૧. હેતુયા પઞ્ચ, આરમ્મણે દ્વે…પે… આસેવને એકં…પે… અવિગતે પઞ્ચ (સંખિત્તં. લોકિયદુકઅબ્યાકતસદિસં. સહજાતવારેપિ…પે… પઞ્હાવારેપિ સબ્બત્થ વિત્થારેતબ્બં).

કિલેસગોચ્છકકુસલત્તિકં નિટ્ઠિતં.