૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૧૫. ઉપાદાનવિપ્પયુત્તં કુસલં ધમ્મં પટિચ્ચ ઉપાદાનવિપ્પયુત્તો કુસલો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં.)

૧૬. ઉપાદાનસમ્પયુત્તં અકુસલં ધમ્મં પટિચ્ચ ઉપાદાનસમ્પયુત્તો અકુસલો ધમ્મો ઉપ્પજ્જતિ હેતુપચ્ચયા… તીણિ.

ઉપાદાનવિપ્પયુત્તં અકુસલં ધમ્મં પટિચ્ચ ઉપાદાનવિપ્પયુત્તો અકુસલો ધમ્મો ઉપ્પજ્જતિ હેતુપચ્ચયા… દ્વે.

ઉપાદાનસમ્પયુત્તં અકુસલઞ્ચ ઉપાદાનવિપ્પયુત્તં અકુસલઞ્ચ ધમ્મં પટિચ્ચ ઉપાદાનસમ્પયુત્તો અકુસલો ધમ્મો ઉપ્પજ્જતિ હેતુપચ્ચયા (સંખિત્તં).

૧૭. હેતુયા છ, આરમ્મણે છ (સબ્બત્થ છ), અવિગતે છ (સંખિત્તં).

નહેતુયા એકં, નઅધિપતિયા છ…પે… નકમ્મે ચત્તારિ, નવિપાકે છ, નવિપ્પયુત્તે છ (સંખિત્તં. સહજાતવારાદિ વિત્થારેતબ્બો).

૧૮. ઉપાદાનસમ્પયુત્તો અકુસલો ધમ્મો ઉપાદાનસમ્પયુત્તસ્સ અકુસલસ્સ ધમ્મસ્સ હેતુપચ્ચયેન પચ્ચયો… તીણિ.

ઉપાદાનવિપ્પયુત્તો અકુસલો ધમ્મો ઉપાદાનવિપ્પયુત્તસ્સ અકુસલસ્સ ધમ્મસ્સ હેતુપચ્ચયેન પચ્ચયો… દ્વે.

ઉપાદાનસમ્પયુત્તો અકુસલો ચ ઉપાદાનવિપ્પયુત્તો અકુસલો ચ ધમ્મા ઉપાદાનસમ્પયુત્તસ્સ અકુસલસ્સ ધમ્મસ્સ હેતુપચ્ચયેન પચ્ચયો (સંખિત્તં).

૧૯. હેતુયા છ, આરમ્મણે નવ, અધિપતિયા નવ (ઉપાદાનસમ્પયુત્તમૂલકે તીણિ, સહજાતાધિપતિ, ઉપાદાનવિપ્પયુત્તે એકં), અનન્તરે નવ, સમનન્તરે નવ, સહજાતે છ, અઞ્ઞમઞ્ઞે છ, નિસ્સયે છ, ઉપનિસ્સયે નવ, આસેવને નવ, કમ્મે ચત્તારિ, આહારે ચત્તારિ, ઇન્દ્રિયે ચત્તારિ, ઝાને ચત્તારિ, મગ્ગે ચત્તારિ, સમ્પયુત્તે છ, અત્થિયા છ, નત્થિયા નવ, વિગતે નવ, અવિગતે છ (સંખિત્તં).

૨૦. ઉપાદાનવિપ્પયુત્તં અબ્યાકતં ધમ્મં પટિચ્ચ ઉપાદાનવિપ્પયુત્તો અબ્યાકતો ધમ્મો ઉપ્પજ્જતિ હેતુપચ્ચયા (સંખિત્તં).

હેતુયા એકં, આરમ્મણે એકં…પે… અવિગતે એકં (સંખિત્તં).

(સહજાતવારેપિ…પે… પઞ્હાવારેપિ સબ્બત્થ એકં).