૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૨૮. ઉપાદાનવિપ્પયુત્તં ઉપાદાનિયં કુસલં ધમ્મં પટિચ્ચ ઉપાદાનવિપ્પયુત્તો ઉપાદાનિયો કુસલો ધમ્મો ઉપ્પજ્જતિ હેતુપચ્ચયા. (૧)

ઉપાદાનવિપ્પયુત્તં અનુપાદાનિયં કુસલં ધમ્મં પટિચ્ચ ઉપાદાનવિપ્પયુત્તો અનુપાદાનિયો કુસલો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૨૯. હેતુયા દ્વે, આરમ્મણે દ્વે…પે… અવિગતે દ્વે (સંખિત્તં. લોકિયદુકકુસલસદિસં. સહજાતવારમ્પિ…પે… પઞ્હાવારમ્પિ વિત્થારેતબ્બં).

૩૦. ઉપાદાનવિપ્પયુત્તં ઉપાદાનિયં અકુસલં ધમ્મં પટિચ્ચ ઉપાદાનવિપ્પયુત્તો ઉપાદાનિયો અકુસલો ધમ્મો ઉપ્પજ્જતિ હેતુપચ્ચયા (સબ્બત્થ એકં).

ઉપાદાનવિપ્પયુત્તં ઉપાદાનિયં અબ્યાકતં ધમ્મં પટિચ્ચ ઉપાદાનવિપ્પયુત્તો ઉપાદાનિયો અબ્યાકતો ધમ્મો ઉપ્પજ્જતિ હેતુપચ્ચયા. (૧)

ઉપાદાનવિપ્પયુત્તં અનુપાદાનિયં અબ્યાકતં ધમ્મં પટિચ્ચ ઉપાદાનવિપ્પયુત્તો અનુપાદાનિયો અબ્યાકતો ધમ્મો ઉપ્પજ્જતિ હેતુપચ્ચયા… તીણિ.

ઉપાદાનવિપ્પયુત્તં ઉપાદાનિયં અબ્યાકતઞ્ચ ઉપાદાનવિપ્પયુત્તં અનુપાદાનિયં અબ્યાકતઞ્ચ ધમ્મં પટિચ્ચ ઉપાદાનવિપ્પયુત્તો ઉપાદાનિયો અબ્યાકતો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૩૧. હેતુયા પઞ્ચ, આરમ્મણે દ્વે…પે… અવિગતે પઞ્ચ (સંખિત્તં. લોકિયદુકઅબ્યાકતસદિસં. સહજાતવારમ્પિ…પે… પઞ્હાવારમ્પિ સબ્બત્થ વિત્થારેતબ્બં).

ઉપાદાનગોચ્છકકુસલત્તિકં નિટ્ઠિતં.