૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૬૫. ચિત્તસંસટ્ઠસમુટ્ઠાનં કુસલં ધમ્મં પટિચ્ચ ચિત્તસંસટ્ઠસમુટ્ઠાનો કુસલો ધમ્મો ઉપ્પજ્જતિ હેતુપચ્ચયા. ચિત્તસંસટ્ઠસમુટ્ઠાનં કુસલં ધમ્મં પટિચ્ચ નોચિત્તસંસટ્ઠસમુટ્ઠાનો કુસલો ધમ્મો ઉપ્પજ્જતિ હેતુપચ્ચયા. ચિત્તસંસટ્ઠસમુટ્ઠાનં કુસલં ધમ્મં પટિચ્ચ ચિત્તસંસટ્ઠસમુટ્ઠાનો કુસલો ચ નોચિત્તસંસટ્ઠસમુટ્ઠાનો કુસલો ચ ધમ્મા ઉપ્પજ્જન્તિ હેતુપચ્ચયા. (૩)

નોચિત્તસંસટ્ઠસમુટ્ઠાનં કુસલં ધમ્મં પટિચ્ચ ચિત્તસંસટ્ઠસમુટ્ઠાનો કુસલો ધમ્મો ઉપ્પજ્જતિ હેતુપચ્ચયા. (૧)

ચિત્તસંસટ્ઠસમુટ્ઠાનં કુસલઞ્ચ નોચિત્તસંસટ્ઠસમુટ્ઠાનં કુસલઞ્ચ ધમ્મં પટિચ્ચ ચિત્તસંસટ્ઠસમુટ્ઠાનો કુસલો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૬૬. હેતુયા પઞ્ચ, આરમ્મણે પઞ્ચ…પે… અવિગતે પઞ્ચ. (સંખિત્તં. યથા મહન્તરદુકે ચેતસિકદુકકુસલસદિસં, તત્તકા એવ પઞ્હા. સહજાતવારમ્પિ…પે… પઞ્હાવારમ્પિ વિત્થારેતબ્બં.)

૬૭. ચિત્તસંસટ્ઠસમુટ્ઠાનં અકુસલં ધમ્મં પટિચ્ચ ચિત્તસંસટ્ઠસમુટ્ઠાનો અકુસલો ધમ્મો ઉપ્પજ્જતિ હેતુપચ્ચયા… તીણિ.

નોચિત્તસંસટ્ઠસમુટ્ઠાનં અકુસલં ધમ્મં પટિચ્ચ ચિત્તસંસટ્ઠસમુટ્ઠાનો અકુસલો ધમ્મો ઉપ્પજ્જતિ હેતુપચ્ચયા. (૧)

ચિત્તસંસટ્ઠસમુટ્ઠાનં અકુસલઞ્ચ નોચિત્તસંસટ્ઠસમુટ્ઠાનં અકુસલઞ્ચ ધમ્મં પટિચ્ચ ચિત્તસંસટ્ઠસમુટ્ઠાનો અકુસલો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૬૮. હેતુયા પઞ્ચ, આરમ્મણે પઞ્ચ…પે… અવિગતે પઞ્ચ (સંખિત્તં. ચેતસિકદુકઅકુસલસદિસં. સહજાતવારમ્પિ…પે… પઞ્હાવારમ્પિ વિત્થારેતબ્બં.)

૬૯. ચિત્તસંસટ્ઠસમુટ્ઠાનં અબ્યાકતં ધમ્મં પટિચ્ચ ચિત્તસંસટ્ઠસમુટ્ઠાનો અબ્યાકતો ધમ્મો ઉપ્પજ્જતિ હેતુપચ્ચયા… તીણિ.

નોચિત્તસંસટ્ઠસમુટ્ઠાનં અબ્યાકતં ધમ્મં પટિચ્ચ નોચિત્તસંસટ્ઠસમુટ્ઠાનો અબ્યાકતો ધમ્મો ઉપ્પજ્જતિ હેતુપચ્ચયા… તીણિ.

ચિત્તસંસટ્ઠસમુટ્ઠાનં અબ્યાકતઞ્ચ નોચિત્તસંસટ્ઠસમુટ્ઠાનં અબ્યાકતઞ્ચ ધમ્મં પટિચ્ચ ચિત્તસંસટ્ઠસમુટ્ઠાનો અબ્યાકતો ધમ્મો ઉપ્પજ્જતિ હેતુપચ્ચયા… તીણિ (સંખિત્તં).

૭૦. હેતુયા નવ, આરમ્મણે નવ, અધિપતિયા નવ…પે… પુરેજાતે પઞ્ચ, આસેવને પઞ્ચ, કમ્મે નવ…પે… અવિગતે નવ (સંખિત્તં).

નહેતુયા નવ, નઆરમ્મણે તીણિ…પે… નકમ્મે ચત્તારિ, નવિપાકે નવ, નઆહારે એકં, નઇન્દ્રિયે એકં, નઝાને છ, નમગ્ગે નવ, નસમ્પયુત્તે તીણિ, નવિપ્પયુત્તે છ, નોનત્થિયા તીણિ, નોવિગતે તીણિ (સંખિત્તં. સહજાતવારમ્પિ…પે… સમ્પયુત્તવારમ્પિ વિત્થારેતબ્બં).

૭૧. ચિત્તસંસટ્ઠસમુટ્ઠાનો અબ્યાકતો ધમ્મો ચિત્તસંસટ્ઠસમુટ્ઠાનસ્સ અબ્યાકતસ્સ ધમ્મસ્સ હેતુપચ્ચયેન પચ્ચયો (સંખિત્તં).

૭૨. હેતુયા તીણિ, આરમ્મણે નવ, અધિપતિયા નવ (એત્થ છસુ સહજાતાધિપતિ), અનન્તરે નવ (સબ્બત્થ નવ), પુરેજાતે તીણિ, પચ્છાજાતે તીણિ, આસેવને નવ, કમ્મે તીણિ, વિપાકે નવ, આહારે નવ, ઇન્દ્રિયે નવ, ઝાને તીણિ, મગ્ગે તીણિ, સમ્પયુત્તે પઞ્ચ, વિપ્પયુત્તે પઞ્ચ, અત્થિયા નવ…પે… અવિગતે નવ (સંખિત્તં).

નહેતુયા નવ, નઆરમ્મણે નવ (સંખિત્તં).

હેતુપચ્ચયા નઆરમ્મણે તીણિ (સંખિત્તં).

નહેતુપચ્ચયા આરમ્મણે નવ (સંખિત્તં).

(યથા કુસલત્તિકે પઞ્હાવારસ્સ અનુલોમમ્પિ પચ્ચનીયમ્પિ અનુલોમપચ્ચનીયમ્પિ પચ્ચનીયાનુલોમમ્પિ ગણિતં, એવં ગણેતબ્બં.)