૧-૭. પટિચ્ચવારાદિ

પચ્ચયચતુક્કં

હેતુપચ્ચયો

૪૩. ચિત્તસમુટ્ઠાનં કુસલં ધમ્મં પટિચ્ચ ચિત્તસમુટ્ઠાનો કુસલો ધમ્મો ઉપ્પજ્જતિ હેતુપચ્ચયા. ચિત્તસમુટ્ઠાનં કુસલં ધમ્મં પટિચ્ચ નોચિત્તસમુટ્ઠાનો કુસલો ધમ્મો ઉપ્પજ્જતિ હેતુપચ્ચયા. ચિત્તસમુટ્ઠાનં કુસલં ધમ્મં પટિચ્ચ ચિત્તસમુટ્ઠાનો કુસલો ચ નોચિત્તસમુટ્ઠાનો કુસલો ચ ધમ્મા ઉપ્પજ્જન્તિ હેતુપચ્ચયા. (૩)

નોચિત્તસમુટ્ઠાનં કુસલં ધમ્મં પટિચ્ચ ચિત્તસમુટ્ઠાનો કુસલો ધમ્મો ઉપ્પજ્જતિ હેતુપચ્ચયા. (૧)

ચિત્તસમુટ્ઠાનં કુસલઞ્ચ નોચિત્તસમુટ્ઠાનં કુસલઞ્ચ ધમ્મં પટિચ્ચ ચિત્તસમુટ્ઠાનો કુસલો ધમ્મો ઉપ્પજ્જતિ હેતુપચ્ચયા. (૧) (સંખિત્તં.)

૪૪. હેતુયા પઞ્ચ, આરમ્મણે પઞ્ચ (સબ્બત્થ પઞ્ચ), અવિગતે પઞ્ચ (સંખિત્તં).

નઅધિપતિયા પઞ્ચ, નપુરેજાતે પઞ્ચ…પે… નકમ્મે તીણિ, નવિપાકે પઞ્ચ…પે… નવિપ્પયુત્તે પઞ્ચ (સંખિત્તં, સહજાતવારાદિ વિત્થારેતબ્બો).

૪૫. ચિત્તસમુટ્ઠાનો કુસલો ધમ્મો ચિત્તસમુટ્ઠાનસ્સ કુસલસ્સ ધમ્મસ્સ હેતુપચ્ચયેન પચ્ચયો (સંખિત્તં).

૪૬. હેતુયા તીણિ, આરમ્મણે નવ, અધિપતિયા નવ, અનન્તરે નવ, સમનન્તરે નવ, સહજાતે પઞ્ચ…પે… ઉપનિસ્સયે નવ, આસેવને નવ, કમ્મે તીણિ, આહારે પઞ્ચ, ઇન્દ્રિયે પઞ્ચ, ઝાને તીણિ, મગ્ગે તીણિ, સમ્પયુત્તે પઞ્ચ, અત્થિયા પઞ્ચ…પે… અવિગતે પઞ્ચ (સંખિત્તં).

૪૭. ચિત્તસમુટ્ઠાનં અકુસલં ધમ્મં પટિચ્ચ ચિત્તસમુટ્ઠાનો અકુસલો ધમ્મો ઉપ્પજ્જતિ હેતુપચ્ચયા… તીણિ.

નોચિત્તસમુટ્ઠાનં અકુસલં ધમ્મં પટિચ્ચ ચિત્તસમુટ્ઠાનો અકુસલો ધમ્મો ઉપ્પજ્જતિ હેતુપચ્ચયા. (૧)

ચિત્તસમુટ્ઠાનં અકુસલઞ્ચ નોચિત્તસમુટ્ઠાનં અકુસલઞ્ચ ધમ્મં પટિચ્ચ ચિત્તસમુટ્ઠાનો અકુસલો ધમ્મો ઉપ્પજ્જતિ હેતુપચ્ચયા. (૧) (સંખિત્તં).

૪૮. હેતુયા પઞ્ચ, આરમ્મણે પઞ્ચ…પે… અવિગતે પઞ્ચ (સંખિત્તં).

(કુસલત્તિકસદિસં સહજાતવારમ્પિ …પે… પઞ્હાવારમ્પિ વિત્થારેતબ્બં.)

૪૯. ચિત્તસમુટ્ઠાનં અબ્યાકતં ધમ્મં પટિચ્ચ ચિત્તસમુટ્ઠાનો અબ્યાકતો ધમ્મો ઉપ્પજ્જતિ હેતુપચ્ચયા… તીણિ.

નોચિત્તસમુટ્ઠાનં અબ્યાકતં ધમ્મં પટિચ્ચ નોચિત્તસમુટ્ઠાનો અબ્યાકતો ધમ્મો ઉપ્પજ્જતિ હેતુપચ્ચયા… તીણિ.

ચિત્તસમુટ્ઠાનં અબ્યાકતઞ્ચ નોચિત્તસમુટ્ઠાનં અબ્યાકતઞ્ચ ધમ્મં પટિચ્ચ ચિત્તસમુટ્ઠાનો અબ્યાકતો ધમ્મો ઉપ્પજ્જતિ હેતુપચ્ચયા… તીણિ (સંખિત્તં).

૫૦. હેતુયા નવ, આરમ્મણે નવ, અધિપતિયા પઞ્ચ (સબ્બત્થ નવ), પુરેજાતે પઞ્ચ, આસેવને પઞ્ચ…પે… અવિગતે નવ (સંખિત્તં).

નહેતુયા નવ, નઆરમ્મણે છ, નઅધિપતિયા નવ…પે… નકમ્મે તીણિ, નવિપાકે છ, નઆહારે એકં, નઇન્દ્રિયે એકં, નઝાને છ, નમગ્ગે નવ, નસમ્પયુત્તે છ, નવિપ્પયુત્તે છ, નોનત્થિયા છ, નોવિગતે છ (સંખિત્તં).

(સહજાતવારમ્પિ…પે… સમ્પયુત્તવારમ્પિ વિત્થારેતબ્બં.)

૫૧. ચિત્તસમુટ્ઠાનો અબ્યાકતો ધમ્મો ચિત્તસમુટ્ઠાનસ્સ અબ્યાકતસ્સ ધમ્મસ્સ હેતુપચ્ચયેન પચ્ચયો… તીણિ.

ચિત્તસમુટ્ઠાનો અબ્યાકતો ધમ્મો ચિત્તસમુટ્ઠાનસ્સ અબ્યાકતસ્સ ધમ્મસ્સ આરમ્મણપચ્ચયેન પચ્ચયો (સંખિત્તં).

૫૨. હેતુયા તીણિ, આરમ્મણે નવ, અધિપતિયા નવ, અનન્તરે નવ (સબ્બત્થ નવ), પુરેજાતે નવ, પચ્છાજાતે નવ, આસેવને નવ, કમ્મે તીણિ, વિપાકે નવ, આહારે નવ (ચિત્તસમુટ્ઠાનમૂલં નોચિત્તસમુટ્ઠાનસ્સ કબળીકારો આહારો કાતબ્બો. નોચિત્તસમુટ્ઠાનો ચિત્તસમુટ્ઠાનસ્સ કબળીકારો આહારો ઘટને મજ્ઝે કબળીકારો આહારો), ઇન્દ્રિયે નવ (રૂપજીવિતિન્દ્રિયં એકં), ઝાને તીણિ, મગ્ગે તીણિ, સમ્પયુત્તે પઞ્ચ, વિપ્પયુત્તે નવ, અત્થિયા નવ, નત્થિયા નવ, વિગતે નવ, અવિગતે નવ (સંખિત્તં).

(યથા કુસલત્તિકે પઞ્હાવારસ્સ અનુલોમમ્પિ પચ્ચનીયમ્પિ અનુલોમપચ્ચનીયમ્પિ પચ્ચનીયાનુલોમમ્પિ ગણિતં, એવં ગણેતબ્બં.)