૧. વિભઙ્ગવારો

હેતુપચ્ચયો

૬૬. સઞ્ઞોજનસમ્પયુત્તો ધમ્મો સઞ્ઞોજનસમ્પયુત્તસ્સ ધમ્મસ્સ હેતુપચ્ચયેન પચ્ચયો – સઞ્ઞોજનસમ્પયુત્તા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો. (૧)

સઞ્ઞોજનસમ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ હેતુપચ્ચયેન પચ્ચયો – સઞ્ઞોજનસમ્પયુત્તા હેતૂ ચિત્તસમુટ્ઠાનાનં રૂપાનં હેતુપચ્ચયેન પચ્ચયો. (૨)

સઞ્ઞોજનસમ્પયુત્તો ધમ્મો સઞ્ઞોજનસમ્પયુત્તસ્સ ચ સઞ્ઞોજનવિપ્પયુત્તસ્સ ચ ધમ્મસ્સ હેતુપચ્ચયેન પચ્ચયો – સઞ્ઞોજનસમ્પયુત્તા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

૬૭. સઞ્ઞોજનવિપ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ હેતુપચ્ચયેન પચ્ચયો – સઞ્ઞોજનવિપ્પયુત્તા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો, ઉદ્ધચ્ચસહગતો મોહો ચિત્તસમુટ્ઠાનાનં રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

સઞ્ઞોજનવિપ્પયુત્તો ધમ્મો સઞ્ઞોજનસમ્પયુત્તસ્સ ધમ્મસ્સ હેતુપચ્ચયેન પચ્ચયો – ઉદ્ધચ્ચસહગતો મોહો સમ્પયુત્તકાનં ખન્ધાનં હેતુપચ્ચયેન પચ્ચયો. (૨)

સઞ્ઞોજનવિપ્પયુત્તો ધમ્મો સઞ્ઞોજનસમ્પયુત્તસ્સ ચ સઞ્ઞોજનવિપ્પયુત્તસ્સ ચ ધમ્મસ્સ હેતુપચ્ચયેન પચ્ચયો – ઉદ્ધચ્ચસહગતો મોહો સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

આરમ્મણપચ્ચયો

૬૮. સઞ્ઞોજનસમ્પયુત્તો ધમ્મો સઞ્ઞોજનસમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – સઞ્ઞોજનસમ્પયુત્તે ખન્ધે આરબ્ભ સઞ્ઞોજનસમ્પયુત્તકા ખન્ધા ઉપ્પજ્જન્તિ. (મૂલં કાતબ્બં) સઞ્ઞોજનસમ્પયુત્તે ખન્ધે આરબ્ભ સઞ્ઞોજનવિપ્પયુત્તા ખન્ધા ચ મોહો ચ ઉપ્પજ્જન્તિ. (મૂલં કાતબ્બં) સઞ્ઞોજનસમ્પયુત્તે ખન્ધે આરબ્ભ ઉદ્ધચ્ચસહગતા ખન્ધા ચ મોહો ચ ઉપ્પજ્જન્તિ. (૩)

૬૯. સઞ્ઞોજનવિપ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં…પે… ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ…પે… ઝાના…પે… અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ, નિબ્બાનં પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો; અરિયા સઞ્ઞોજનવિપ્પયુત્તે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ, ચક્ખું…પે… વત્થું સઞ્ઞોજનવિપ્પયુત્તે ખન્ધે ચ મોહઞ્ચ અનિચ્ચતો…પે… વિપસ્સતિ…પે… દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, ચેતોપરિયઞાણેન સઞ્ઞોજનવિપ્પયુત્તચિત્તસમઙ્ગિસ્સ ચિત્તં જાનાતિ, આકાસાનઞ્ચાયતનં વિઞ્ઞાણઞ્ચાયતનસ્સ…પે… રૂપાયતનં…પે… ફોટ્ઠબ્બાયતનં…પે… સઞ્ઞોજનવિપ્પયુત્તા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય મોહસ્સ ચ આરમ્મણપચ્ચયેન પચ્ચયો. (૧)

સઞ્ઞોજનવિપ્પયુત્તો ધમ્મો સઞ્ઞોજનસમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં…પે… ઉપોસથકમ્મં…પે… પુબ્બે સુચિણ્ણાનિ…પે… ઝાના વુટ્ઠહિત્વા ઝાનં…પે… ચક્ખું…પે… વત્થું સઞ્ઞોજનવિપ્પયુત્તે ખન્ધે ચ મોહઞ્ચ અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ. (૨)

સઞ્ઞોજનવિપ્પયુત્તો ધમ્મો સઞ્ઞોજનસમ્પયુત્તસ્સ ચ સઞ્ઞોજનવિપ્પયુત્તસ્સ ચ ધમ્મસ્સ આરમ્મણપચ્ચયેન પચ્ચયો – ચક્ખું…પે… વત્થું સઞ્ઞોજનવિપ્પયુત્તે ખન્ધે ચ મોહઞ્ચ આરબ્ભ ઉદ્ધચ્ચસહગતા ખન્ધા ચ મોહો ચ ઉપ્પજ્જન્તિ. (૩)

૭૦. સઞ્ઞોજનસમ્પયુત્તો ચ સઞ્ઞોજનવિપ્પયુત્તો ચ ધમ્મા સઞ્ઞોજનસમ્પયુત્તસ્સ ધમ્મસ્સ આરમ્મણપચ્ચયેન પચ્ચયો – ઉદ્ધચ્ચસહગતે ખન્ધે ચ મોહઞ્ચ આરબ્ભ સઞ્ઞોજનસમ્પયુત્તકા ખન્ધા ઉપ્પજ્જન્તિ. (મૂલં કાતબ્બં) ઉદ્ધચ્ચસહગતે ખન્ધે ચ મોહઞ્ચ આરબ્ભ સઞ્ઞોજનવિપ્પયુત્તા ખન્ધા ચ મોહો ચ ઉપ્પજ્જન્તિ. (મૂલં કાતબ્બં) ઉદ્ધચ્ચસહગતે ખન્ધે ચ મોહઞ્ચ આરબ્ભ ઉદ્ધચ્ચસહગતા ખન્ધા ચ મોહો ચ ઉપ્પજ્જન્તિ. (૩)

અધિપતિપચ્ચયો

૭૧. સઞ્ઞોજનસમ્પયુત્તો ધમ્મો સઞ્ઞોજનસમ્પયુત્તસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – રાગં…પે… દિટ્ઠિં ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – સઞ્ઞોજનસમ્પયુત્તાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

સઞ્ઞોજનસમ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – સઞ્ઞોજનસમ્પયુત્તાધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૨)

સઞ્ઞોજનસમ્પયુત્તો ધમ્મો સઞ્ઞોજનસમ્પયુત્તસ્સ ચ સઞ્ઞોજનવિપ્પયુત્તસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – સઞ્ઞોજનસમ્પયુત્તાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

૭૨. સઞ્ઞોજનવિપ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા સીલં…પે… ઉપોસથકમ્મં કત્વા તં ગરું કત્વા પચ્ચવેક્ખતિ, પુબ્બે સુચિણ્ણાનિ…પે… ઝાના…પે… અરિયા મગ્ગા…પે… ફલં…પે… નિબ્બાનં…પે… નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ અધિપતિપચ્ચયેન પચ્ચયો. સહજાતાધિપતિ – સઞ્ઞોજનવિપ્પયુત્તાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

સઞ્ઞોજનવિપ્પયુત્તો ધમ્મો સઞ્ઞોજનસમ્પયુત્તસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – દાનં દત્વા સીલં…પે… ઉપોસથકમ્મં કત્વા તં ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ, પુબ્બે સુચિણ્ણાનિ…પે… ઝાના…પે… ચક્ખું…પે… વત્થું સઞ્ઞોજનવિપ્પયુત્તે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૨)

અનન્તરપચ્ચયો

૭૩. સઞ્ઞોજનસમ્પયુત્તો ધમ્મો સઞ્ઞોજનસમ્પયુત્તસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સઞ્ઞોજનસમ્પયુત્તા ખન્ધા પચ્છિમાનં પચ્છિમાનં સઞ્ઞોજનસમ્પયુત્તકાનં ખન્ધાનં અનન્તરપચ્ચયેન પચ્ચયો. (૧)

સઞ્ઞોજનસમ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા ઉદ્ધચ્ચસહગતા ખન્ધા પચ્છિમસ્સ પચ્છિમસ્સ ઉદ્ધચ્ચસહગતસ્સ મોહસ્સ અનન્તરપચ્ચયેન પચ્ચયો; સઞ્ઞોજનસમ્પયુત્તા ખન્ધા વુટ્ઠાનસ્સ અનન્તરપચ્ચયેન પચ્ચયો. (૨)

સઞ્ઞોજનસમ્પયુત્તો ધમ્મો સઞ્ઞોજનસમ્પયુત્તસ્સ ચ સઞ્ઞોજનવિપ્પયુત્તસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા ઉદ્ધચ્ચસહગતા ખન્ધા પચ્છિમાનં પચ્છિમાનં ઉદ્ધચ્ચસહગતાનં ખન્ધાનં મોહસ્સ ચ અનન્તરપચ્ચયેન પચ્ચયો. (૩)

૭૪. સઞ્ઞોજનવિપ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ અનન્તરપચ્ચયેન પચ્ચયો – પુરિમો પુરિમો ઉદ્ધચ્ચસહગતો મોહો પચ્છિમસ્સ પચ્છિમસ્સ ઉદ્ધચ્ચસહગતસ્સ મોહસ્સ અનન્તરપચ્ચયેન પચ્ચયો; પુરિમા પુરિમા સઞ્ઞોજનવિપ્પયુત્તા ખન્ધા પચ્છિમાનં…પે… ફલસમાપત્તિયા અનન્તરપચ્ચયેન પચ્ચયો. (૧)

સઞ્ઞોજનવિપ્પયુત્તો ધમ્મો સઞ્ઞોજનસમ્પયુત્તસ્સ ધમ્મસ્સ અનન્તરપચ્ચયેન પચ્ચયો – પુરિમો પુરિમો ઉદ્ધચ્ચસહગતો મોહો પચ્છિમાનં પચ્છિમાનં ઉદ્ધચ્ચસહગતાનં ખન્ધાનં અનન્તરપચ્ચયેન પચ્ચયો; આવજ્જના સઞ્ઞોજનસમ્પયુત્તકાનં ખન્ધાનં અનન્તરપચ્ચયેન પચ્ચયો. (૨)

સઞ્ઞોજનવિપ્પયુત્તો ધમ્મો સઞ્ઞોજનસમ્પયુત્તસ્સ ચ સઞ્ઞોજનવિપ્પયુત્તસ્સ ચ ધમ્મસ્સ અનન્તરપચ્ચયેન પચ્ચયો – પુરિમો પુરિમો ઉદ્ધચ્ચસહગતો મોહો પચ્છિમાનં પચ્છિમાનં ઉદ્ધચ્ચસહગતાનં ખન્ધાનં મોહસ્સ ચ અનન્તરપચ્ચયેન પચ્ચયો; આવજ્જના ઉદ્ધચ્ચસહગતાનં ખન્ધાનં મોહસ્સ ચ અનન્તરપચ્ચયેન પચ્ચયો. (૩)

૭૫. સઞ્ઞોજનસમ્પયુત્તો ચ સઞ્ઞોજનવિપ્પયુત્તો ચ ધમ્મા સઞ્ઞોજનસમ્પયુત્તસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા ઉદ્ધચ્ચસહગતા ખન્ધા ચ મોહો ચ પચ્છિમાનં પચ્છિમાનં ઉદ્ધચ્ચસહગતાનં ખન્ધાનં અનન્તરપચ્ચયેન પચ્ચયો. (૧)

સઞ્ઞોજનસમ્પયુત્તો ચ સઞ્ઞોજનવિપ્પયુત્તો ચ ધમ્મા સઞ્ઞોજનવિપ્પયુત્તસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા ઉદ્ધચ્ચસહગતા ખન્ધા ચ મોહો ચ પચ્છિમસ્સ પચ્છિમસ્સ ઉદ્ધચ્ચસહગતસ્સ મોહસ્સ અનન્તરપચ્ચયેન પચ્ચયો; ઉદ્ધચ્ચસહગતા ખન્ધા ચ મોહો ચ વુટ્ઠાનસ્સ અનન્તરપચ્ચયેન પચ્ચયો. (૨)

સઞ્ઞોજનસમ્પયુત્તો ચ સઞ્ઞોજનવિપ્પયુત્તો ચ ધમ્મા સઞ્ઞોજનસમ્પયુત્તસ્સ ચ સઞ્ઞોજનવિપ્પયુત્તસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા ઉદ્ધચ્ચસહગતા ખન્ધા ચ મોહો ચ પચ્છિમાનં પચ્છિમાનં ઉદ્ધચ્ચસહગતાનં ખન્ધાનં મોહસ્સ ચ અનન્તરપચ્ચયેન પચ્ચયો. (૩)

સમનન્તરપચ્ચયાદિ

૭૬. સઞ્ઞોજનસમ્પયુત્તો ધમ્મો સઞ્ઞોજનસમ્પયુત્તસ્સ ધમ્મસ્સ સમનન્તરપચ્ચયેન પચ્ચયો … નવ… સહજાતપચ્ચયેન પચ્ચયો… નવ… અઞ્ઞમઞ્ઞપચ્ચયેન પચ્ચયો… છ… નિસ્સયપચ્ચયેન પચ્ચયો… નવ.

ઉપનિસ્સયપચ્ચયો

૭૭. સઞ્ઞોજનસમ્પયુત્તો ધમ્મો સઞ્ઞોજનસમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સઞ્ઞોજનસમ્પયુત્તા ખન્ધા સઞ્ઞોજનસમ્પયુત્તકાનં ખન્ધાનં ઉપનિસ્સયપચ્ચયેન પચ્ચયો. (૧)

સઞ્ઞોજનસમ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સઞ્ઞોજનસમ્પયુત્તા ખન્ધા સઞ્ઞોજનવિપ્પયુત્તાનં ખન્ધાનં મોહસ્સ ચ ઉપનિસ્સયપચ્ચયેન પચ્ચયો. (૨)

સઞ્ઞોજનસમ્પયુત્તો ધમ્મો સઞ્ઞોજનસમ્પયુત્તસ્સ ચ સઞ્ઞોજનવિપ્પયુત્તસ્સ ચ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સઞ્ઞોજનસમ્પયુત્તા ખન્ધા ઉદ્ધચ્ચસહગતાનં ખન્ધાનં મોહસ્સ ચ ઉપનિસ્સયપચ્ચયેન પચ્ચયો. (૩)

૭૮. સઞ્ઞોજનવિપ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… સમાપત્તિં ઉપ્પાદેતિ; સીલં…પે… પઞ્ઞં… કાયિકં સુખં… કાયિકં દુક્ખં… ઉતું… ભોજનં… સેનાસનં મોહં ઉપનિસ્સાય દાનં દેતિ…પે… સમાપત્તિં ઉપ્પાદેતિ; સદ્ધા…પે… સેનાસનં મોહો ચ સદ્ધાય…પે… ફલસમાપત્તિયા મોહસ્સ ચ ઉપનિસ્સયપચ્ચયેન પચ્ચયો. (૧)

સઞ્ઞોજનવિપ્પયુત્તો ધમ્મો સઞ્ઞોજનસમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય માનં જપ્પેતિ, દિટ્ઠિં ગણ્હાતિ; સીલં…પે… પઞ્ઞં… કાયિકં સુખં… કાયિકં દુક્ખં… ઉતું… ભોજનં… સેનાસનં મોહં ઉપનિસ્સાય પાણં હનતિ…પે… સઙ્ઘં ભિન્દતિ; સદ્ધા…પે… સેનાસનં મોહો રાગસ્સ…પે… પત્થનાય ઉપનિસ્સયપચ્ચયેન પચ્ચયો. (૨)

સઞ્ઞોજનવિપ્પયુત્તો ધમ્મો સઞ્ઞોજનસમ્પયુત્તસ્સ ચ સઞ્ઞોજનવિપ્પયુત્તસ્સ ચ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધા…પે… પઞ્ઞા… કાયિકં સુખં…પે… સેનાસનં મોહો ચ ઉદ્ધચ્ચસહગતાનં ખન્ધાનં મોહસ્સ ચ ઉપનિસ્સયપચ્ચયેન પચ્ચયો. (૩)

૭૯. સઞ્ઞોજનસમ્પયુત્તો ચ સઞ્ઞોજનવિપ્પયુત્તો ચ ધમ્મા સઞ્ઞોજનસમ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ઉદ્ધચ્ચસહગતા ખન્ધા ચ મોહો ચ સઞ્ઞોજનસમ્પયુત્તકાનં ખન્ધાનં ઉપનિસ્સયપચ્ચયેન પચ્ચયો. (૧)

સઞ્ઞોજનસમ્પયુત્તો ચ સઞ્ઞોજનવિપ્પયુત્તો ચ ધમ્મા સઞ્ઞોજનવિપ્પયુત્તસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ઉદ્ધચ્ચસહગતા ખન્ધા ચ મોહો ચ સઞ્ઞોજનવિપ્પયુત્તાનં ખન્ધાનં મોહસ્સ ચ ઉપનિસ્સયપચ્ચયેન પચ્ચયો. (૨)

સઞ્ઞોજનસમ્પયુત્તો ચ સઞ્ઞોજનવિપ્પયુત્તો ચ ધમ્મા સઞ્ઞોજનસમ્પયુત્તસ્સ ચ સઞ્ઞોજનવિપ્પયુત્તસ્સ ચ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ઉદ્ધચ્ચસહગતા ખન્ધા ચ મોહો ચ ઉદ્ધચ્ચસહગતાનં ખન્ધાનં મોહસ્સ ચ ઉપનિસ્સયપચ્ચયેન પચ્ચયો. (૩)

પુરેજાતપચ્ચયો

૮૦. સઞ્ઞોજનવિપ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો …પે… વિપસ્સતિ, દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે…. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ સઞ્ઞોજનવિપ્પયુત્તાનં ખન્ધાનં મોહસ્સ ચ પુરેજાતપચ્ચયેન પચ્ચયો. (૧)

સઞ્ઞોજનવિપ્પયુત્તો ધમ્મો સઞ્ઞોજનસમ્પયુત્તસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ. વત્થુપુરેજાતં – વત્થુ સઞ્ઞોજનસમ્પયુત્તકાનં ખન્ધાનં પુરેજાતપચ્ચયેન પચ્ચયો. (૨)

સઞ્ઞોજનવિપ્પયુત્તો ધમ્મો સઞ્ઞોજનસમ્પયુત્તસ્સ ચ સઞ્ઞોજનવિપ્પયુત્તસ્સ ચ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું આરબ્ભ ઉદ્ધચ્ચસહગતા ખન્ધા ચ મોહો ચ ઉપ્પજ્જન્તિ. વત્થુપુરેજાતં – વત્થુ ઉદ્ધચ્ચસહગતાનં ખન્ધાનં મોહસ્સ ચ પુરેજાતપચ્ચયેન પચ્ચયો. (૩)

પચ્છાજાતપચ્ચયો

૮૧. સઞ્ઞોજનસમ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા સઞ્ઞોજનસમ્પયુત્તા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

સઞ્ઞોજનવિપ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા સઞ્ઞોજનવિપ્પયુત્તા ખન્ધા ચ મોહો ચ પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

સઞ્ઞોજનસમ્પયુત્તો ચ સઞ્ઞોજનવિપ્પયુત્તો ચ ધમ્મા સઞ્ઞોજનવિપ્પયુત્તસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા ઉદ્ધચ્ચસહગતા ખન્ધા ચ મોહો ચ પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

આસેવનપચ્ચયો

૮૨. સઞ્ઞોજનસમ્પયુત્તો ધમ્મો સઞ્ઞોજનસમ્પયુત્તસ્સ ધમ્મસ્સ આસેવનપચ્ચયેન પચ્ચયો… નવ (આવજ્જનાપિ વુટ્ઠાનમ્પિ નત્થિ ).

કમ્મપચ્ચયો

૮૩. સઞ્ઞોજનસમ્પયુત્તો ધમ્મો સઞ્ઞોજનસમ્પયુત્તસ્સ ધમ્મસ્સ કમ્મપચ્ચયેન પચ્ચયો – સઞ્ઞોજનસમ્પયુત્તા ચેતના સઞ્ઞોજનસમ્પયુત્તકાનં ખન્ધાનં કમ્મપચ્ચયેન પચ્ચયો. (૧)

સઞ્ઞોજનસમ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – સઞ્ઞોજનસમ્પયુત્તા ચેતના ચિત્તસમુટ્ઠાનાનં રૂપાનં કમ્મપચ્ચયેન પચ્ચયો; ઉદ્ધચ્ચસહગતા ચેતના મોહસ્સ ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. નાનાક્ખણિકા – સઞ્ઞોજનસમ્પયુત્તકા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૨)

સઞ્ઞોજનસમ્પયુત્તો ધમ્મો સઞ્ઞોજનસમ્પયુત્તસ્સ ચ સઞ્ઞોજનવિપ્પયુત્તસ્સ ચ ધમ્મસ્સ કમ્મપચ્ચયેન પચ્ચયો – સઞ્ઞોજનસમ્પયુત્તા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; ઉદ્ધચ્ચસહગતા ચેતના સમ્પયુત્તકાનં ખન્ધાનં મોહસ્સ ચ ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)

સઞ્ઞોજનવિપ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – સઞ્ઞોજનવિપ્પયુત્તા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – સઞ્ઞોજનવિપ્પયુત્તા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો.

વિપાકપચ્ચયો

૮૪. સઞ્ઞોજનવિપ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ વિપાકપચ્ચયેન પચ્ચયો… એકં.

આહારપચ્ચયાદિ

૮૫. સઞ્ઞોજનસમ્પયુત્તો ધમ્મો સઞ્ઞોજનસમ્પયુત્તસ્સ ધમ્મસ્સ આહારપચ્ચયેન પચ્ચયો… ચત્તારિ… ઇન્દ્રિયપચ્ચયેન પચ્ચયો… ચત્તારિ… ઝાનપચ્ચયેન પચ્ચયો… ચત્તારિ… મગ્ગપચ્ચયેન પચ્ચયો… ચત્તારિ… સમ્પયુત્તપચ્ચયેન પચ્ચયો… છ.

વિપ્પયુત્તપચ્ચયો

૮૬. સઞ્ઞોજનસમ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં). (૧)

સઞ્ઞોજનવિપ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં (સંખિત્તં). (૧)

સઞ્ઞોજનવિપ્પયુત્તો ધમ્મો સઞ્ઞોજનસમ્પયુત્તસ્સ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ સઞ્ઞોજનસમ્પયુત્તકાનં ખન્ધાનં વિપ્પયુત્તપચ્ચયેન પચ્ચયો. (૨)

સઞ્ઞોજનવિપ્પયુત્તો ધમ્મો સઞ્ઞોજનસમ્પયુત્તસ્સ ચ સઞ્ઞોજનવિપ્પયુત્તસ્સ ચ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ ઉદ્ધચ્ચસહગતાનં ખન્ધાનં મોહસ્સ ચ વિપ્પયુત્તપચ્ચયેન પચ્ચયો. (૩)

સઞ્ઞોજનસમ્પયુત્તો ચ સઞ્ઞોજનવિપ્પયુત્તો ચ ધમ્મા સઞ્ઞોજનવિપ્પયુત્તસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં). (૧)

અત્થિપચ્ચયાદિ

૮૭. સઞ્ઞોજનસમ્પયુત્તો ધમ્મો સઞ્ઞોજનસમ્પયુત્તસ્સ ધમ્મસ્સ અત્થિપચ્ચયેન પચ્ચયો… એકં (પટિચ્ચવારસદિસં). (૧)

સઞ્ઞોજનસમ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં. સહજાતા – સઞ્ઞોજનસમ્પયુત્તા ખન્ધા ચિત્તસમુટ્ઠાનાનં રૂપાનં અત્થિપચ્ચયેન પચ્ચયો; ઉદ્ધચ્ચસહગતા ખન્ધા મોહસ્સ ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો. પચ્છાજાતા – સઞ્ઞોજનસમ્પયુત્તા ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. (૨)

સઞ્ઞોજનસમ્પયુત્તો ધમ્મો સઞ્ઞોજનસમ્પયુત્તસ્સ ચ સઞ્ઞોજનવિપ્પયુત્તસ્સ ચ ધમ્મસ્સ અત્થિપચ્ચયેન પચ્ચયો – સઞ્ઞોજનસમ્પયુત્તો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… દ્વે ખન્ધા…પે… ઉદ્ધચ્ચસહગતો એકો ખન્ધો તિણ્ણન્નં ખન્ધાનં મોહસ્સ ચ ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે…. (૩)

૮૮. સઞ્ઞોજનવિપ્પયુત્તો ધમ્મો સઞ્ઞોજનવિપ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (સંખિત્તં. વિત્થારેતબ્બં). (૧)

સઞ્ઞોજનવિપ્પયુત્તો ધમ્મો સઞ્ઞોજનસમ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – ઉદ્ધચ્ચસહગતો મોહો સમ્પયુત્તકાનં ખન્ધાનં અત્થિપચ્ચયેન પચ્ચયો. પુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ, વત્થુ સઞ્ઞોજનસમ્પયુત્તકાનં ખન્ધાનં અત્થિપચ્ચયેન પચ્ચયો. (૨)

સઞ્ઞોજનવિપ્પયુત્તો ધમ્મો સઞ્ઞોજનસમ્પયુત્તસ્સ ચ સઞ્ઞોજનવિપ્પયુત્તસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – ઉદ્ધચ્ચસહગતો મોહો સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો. પુરેજાતં – ચક્ખું …પે… વત્થું આરબ્ભ ઉદ્ધચ્ચસહગતા ખન્ધા ચ મોહો ચ ઉપ્પજ્જન્તિ, વત્થુ ઉદ્ધચ્ચસહગતાનં ખન્ધાનં મોહસ્સ ચ અત્થિપચ્ચયેન પચ્ચયો. (૩)

૮૯. સઞ્ઞોજનસમ્પયુત્તો ચ સઞ્ઞોજનવિપ્પયુત્તો ચ ધમ્મા સઞ્ઞોજનસમ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – સઞ્ઞોજનસમ્પયુત્તો એકો ખન્ધો ચ વત્થુ ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ…પે… ઉદ્ધચ્ચસહગતો એકો ખન્ધો ચ મોહો ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ…પે…. (૧)

સઞ્ઞોજનસમ્પયુત્તો ચ સઞ્ઞોજનવિપ્પયુત્તો ચ ધમ્મા સઞ્ઞોજનવિપ્પયુત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતા – સઞ્ઞોજનસમ્પયુત્તા ખન્ધા ચ મોહો ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો; ઉદ્ધચ્ચસહગતા ખન્ધા ચ મોહો ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો; ઉદ્ધચ્ચસહગતા ખન્ધા ચ વત્થુ ચ મોહસ્સ અત્થિપચ્ચયેન પચ્ચયો. પચ્છાજાતા – ઉદ્ધચ્ચસહગતા ખન્ધા ચ મોહો ચ પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – સઞ્ઞોજનસમ્પયુત્તા ખન્ધા ચ કબળીકારો આહારો ચ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – સઞ્ઞોજનસમ્પયુત્તા ખન્ધા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૨)

સઞ્ઞોજનસમ્પયુત્તો ચ સઞ્ઞોજનવિપ્પયુત્તો ચ ધમ્મા સઞ્ઞોજનસમ્પયુત્તસ્સ ચ સઞ્ઞોજનવિપ્પયુત્તસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – ઉદ્ધચ્ચસહગતો એકો ખન્ધો ચ મોહો ચ તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો…પે… દ્વે ખન્ધા ચ…પે…. સહજાતો – ઉદ્ધચ્ચસહગતો એકો ખન્ધો ચ વત્થુ ચ તિણ્ણન્નં ખન્ધાનં મોહસ્સ ચ અત્થિપચ્ચયેન પચ્ચયો…પે… દ્વે ખન્ધા…પે…. (૩)

નત્થિપચ્ચયેન પચ્ચયો… વિગતપચ્ચયેન પચ્ચયો… અવિગતપચ્ચયેન પચ્ચયો.