૪. સઞ્ઞોજનગોચ્છકં

૨૦. સઞ્ઞોજનદુકં

૧. પટિચ્ચવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૧. સઞ્ઞોજનં ધમ્મં પટિચ્ચ સઞ્ઞોજનો ધમ્મો ઉપ્પજ્જતિ હેતુપચ્ચયા – કામરાગસઞ્ઞોજનં પટિચ્ચ દિટ્ઠિસઞ્ઞોજનં અવિજ્જાસઞ્ઞોજનં, કામરાગસઞ્ઞોજનં પટિચ્ચ સીલબ્બતપરામાસસઞ્ઞોજનં અવિજ્જાસઞ્ઞોજનં, કામરાગસઞ્ઞોજનં પટિચ્ચ માનસઞ્ઞોજનં અવિજ્જાસઞ્ઞોજનં, કામરાગસઞ્ઞોજનં પટિચ્ચ અવિજ્જાસઞ્ઞોજનં, પટિઘસઞ્ઞોજનં પટિચ્ચ ઇસ્સાસઞ્ઞોજનં અવિજ્જાસઞ્ઞોજનં, પટિઘસઞ્ઞોજનં પટિચ્ચ મચ્છરિયસઞ્ઞોજનં અવિજ્જાસઞ્ઞોજનં, પટિઘસઞ્ઞોજનં પટિચ્ચ અવિજ્જાસઞ્ઞોજનં, માનસઞ્ઞોજનં પટિચ્ચ ભવરાગસઞ્ઞોજનં અવિજ્જાસઞ્ઞોજનં, ભવરાગસઞ્ઞોજનં પટિચ્ચ અવિજ્જાસઞ્ઞોજનં, વિચિકિચ્છાસઞ્ઞોજનં પટિચ્ચ અવિજ્જાસઞ્ઞોજનં. (૧)

સઞ્ઞોજનં ધમ્મં પટિચ્ચ નોસઞ્ઞોજનો ધમ્મો ઉપ્પજ્જતિ હેતુપચ્ચયા – સઞ્ઞોજને પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં. (૨)

સઞ્ઞોજનં ધમ્મં પટિચ્ચ સઞ્ઞોજનો ચ નોસઞ્ઞોજનો ચ ધમ્મા ઉપ્પજ્જન્તિ હેતુપચ્ચયા – કામરાગસઞ્ઞોજનં પટિચ્ચ દિટ્ઠિસઞ્ઞોજનં અવિજ્જાસઞ્ઞોજનં સમ્પયુત્તકા ચ ખન્ધા ચિત્તસમુટ્ઠાનઞ્ચ રૂપં (ચક્કં બન્ધિતબ્બં). (૩)

૨. નોસઞ્ઞોજનં ધમ્મં પટિચ્ચ નોસઞ્ઞોજનો ધમ્મો ઉપ્પજ્જતિ હેતુપચ્ચયા – નોસઞ્ઞોજનં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા, એકં મહાભૂતં…પે… મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

નોસઞ્ઞોજનં ધમ્મં પટિચ્ચ સઞ્ઞોજનો ધમ્મો ઉપ્પજ્જતિ હેતુપચ્ચયા – નોસઞ્ઞોજને ખન્ધે પટિચ્ચ સઞ્ઞોજના. (૨)

નોસઞ્ઞોજનં ધમ્મં પટિચ્ચ સઞ્ઞોજનો ચ નોસઞ્ઞોજનો ચ ધમ્મા ઉપ્પજ્જન્તિ હેતુપચ્ચયા – નોસઞ્ઞોજનં એકં ખન્ધં પટિચ્ચ તયો ખન્ધા સઞ્ઞોજના ચ ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

૩. સઞ્ઞોજનઞ્ચ નોસઞ્ઞોજનઞ્ચ ધમ્મં પટિચ્ચ સઞ્ઞોજનો ધમ્મો ઉપ્પજ્જતિ હેતુપચ્ચયા – કામરાગસઞ્ઞોજનઞ્ચ સમ્પયુત્તકે ચ ખન્ધે પટિચ્ચ દિટ્ઠિસઞ્ઞોજનં અવિજ્જાસઞ્ઞોજનં (ચક્કં બન્ધિતબ્બં). (૧)

સઞ્ઞોજનઞ્ચ નોસઞ્ઞોજનઞ્ચ ધમ્મં પટિચ્ચ નોસઞ્ઞોજનો ધમ્મો ઉપ્પજ્જતિ હેતુપચ્ચયા – નોસઞ્ઞોજનં એકં ખન્ધઞ્ચ સઞ્ઞોજને ચ પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે ચ…પે…. (૨)

સઞ્ઞોજનઞ્ચ નોસઞ્ઞોજનઞ્ચ ધમ્મં પટિચ્ચ સઞ્ઞોજનો ચ નોસઞ્ઞોજનો ચ ધમ્મા ઉપ્પજ્જન્તિ હેતુપચ્ચયા – નોસઞ્ઞોજનં એકં ખન્ધઞ્ચ કામરાગસઞ્ઞોજનઞ્ચ પટિચ્ચ તયો ખન્ધા દિટ્ઠિસઞ્ઞોજનં અવિજ્જાસઞ્ઞોજનં ચિત્તસમુટ્ઠાનઞ્ચ રૂપં…પે… (ચક્કં બન્ધિતબ્બં). (૩)

(આરમ્મણપચ્ચયે રૂપં નત્થિ. અધિપતિપચ્ચયો હેતુસદિસો, વિચિકિચ્છાસઞ્ઞોજનં નત્થિ.) અનન્તરપચ્ચયા…પે… અવિગતપચ્ચયા.

૧. પચ્ચયાનુલોમં

૨. સઙ્ખ્યાવારો

સુદ્ધં

૪. હેતુયા નવ, આરમ્મણે નવ, અધિપતિયા નવ, અનન્તરે નવ (સબ્બત્થ નવ), વિપાકે એકં, આહારે નવ…પે… અવિગતે નવ.

અનુલોમં.

૨. પચ્ચયપચ્ચનીયં

૧. વિભઙ્ગવારો

નહેતુપચ્ચયો

૫. સઞ્ઞોજનં ધમ્મં પટિચ્ચ સઞ્ઞોજનો ધમ્મો ઉપ્પજ્જતિ નહેતુપચ્ચયા – વિચિકિચ્છાસઞ્ઞોજનં પટિચ્ચ અવિજ્જાસઞ્ઞોજનં. (૧)

નોસઞ્ઞોજનં ધમ્મં પટિચ્ચ નોસઞ્ઞોજનો ધમ્મો ઉપ્પજ્જતિ નહેતુપચ્ચયા – અહેતુકં નોસઞ્ઞોજનં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… (યાવ અસઞ્ઞસત્તા). (૧)

નોસઞ્ઞોજનં ધમ્મં પટિચ્ચ સઞ્ઞોજનો ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ અવિજ્જાસઞ્ઞોજનં. (૨)

સઞ્ઞોજનઞ્ચ નોસઞ્ઞોજનઞ્ચ ધમ્મં પટિચ્ચ સઞ્ઞોજનો ધમ્મો ઉપ્પજ્જતિ નહેતુપચ્ચયા – વિચિકિચ્છાસઞ્ઞોજનઞ્ચ સમ્પયુત્તકે ચ ખન્ધે પટિચ્ચ અવિજ્જાસઞ્ઞોજનં. (૩)

(સંખિત્તં. આસવગોચ્છકસદિસં. નઆરમ્મણાપિ સબ્બે ઉદ્ધરિતબ્બા.)

૨. પચ્ચયપચ્ચનીયં

૨. સઙ્ખ્યાવારો

સુદ્ધં

૬. નહેતુયા ચત્તારિ, નઆરમ્મણે તીણિ, નઅધિપતિયા નવ, નઅનન્તરે તીણિ, નસમનન્તરે તીણિ, નઅઞ્ઞમઞ્ઞે તીણિ, નઉપનિસ્સયે તીણિ, નપુરેજાતે નવ, નપચ્છાજાતે નવ, નઆસેવને નવ, નકમ્મે તીણિ, નવિપાકે નવ, નઆહારે એકં, નઇન્દ્રિયે એકં, નઝાને એકં, નમગ્ગે એકં, નસમ્પયુત્તે તીણિ, નવિપ્પયુત્તે નવ, નોનત્થિયા તીણિ, નોવિગતે તીણિ.

પચ્ચનીયં.

૩. પચ્ચયાનુલોમપચ્ચનીયં

હેતુદુકં

૭. હેતુપચ્ચયા નઆરમ્મણે તીણિ, નઅધિપતિયા નવ (એવં સબ્બં ગણેતબ્બં).

૪. પચ્ચયપચ્ચનીયાનુલોમં

નહેતુદુકં

૮. નહેતુપચ્ચયા આરમ્મણે ચત્તારિ (સબ્બત્થ ચત્તારિ) વિપાકે એકં, આહારે ચત્તારિ…પે… મગ્ગે તીણિ, સમ્પયુત્તે ચત્તારિ…પે… અવિગતે ચત્તારિ.

પચ્ચનીયાનુલોમં.

૨. સહજાતવારો

૯. સઞ્ઞોજનં ધમ્મં સહજાતો સઞ્ઞોજનો ધમ્મો ઉપ્પજ્જતિ હેતુપચ્ચયા (પટિચ્ચવારસદિસં).

૩. પચ્ચયવારો

૧-૪. પચ્ચયાનુલોમાદિ

હેતુપચ્ચયો

૧૦. સઞ્ઞોજનં ધમ્મં પચ્ચયા સઞ્ઞોજનો ધમ્મો ઉપ્પજ્જતિ હેતુપચ્ચયા… તીણિ (પટિચ્ચસદિસં).

નોસઞ્ઞોજનં ધમ્મં પચ્ચયા નોસઞ્ઞોજનો ધમ્મો ઉપ્પજ્જતિ હેતુપચ્ચયા – નોસઞ્ઞોજનં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… ખન્ધે પચ્ચયા વત્થુ, વત્થું પચ્ચયા ખન્ધા, એકં મહાભૂતં…પે… મહાભૂતે પચ્ચયા ચિત્તસમુટ્ઠાનં રૂપં, કટત્તારૂપં, ઉપાદારૂપં, વત્થું પચ્ચયા નોસઞ્ઞોજના ખન્ધા. (૧)

નોસઞ્ઞોજનં ધમ્મં પચ્ચયા સઞ્ઞોજનો ધમ્મો ઉપ્પજ્જતિ હેતુપચ્ચયા – નોસઞ્ઞોજને ખન્ધે પચ્ચયા સઞ્ઞોજના, વત્થું પચ્ચયા સઞ્ઞોજના. (૨)

નોસઞ્ઞોજનં ધમ્મં પચ્ચયા સઞ્ઞોજનો ચ નોસઞ્ઞોજનો ચ ધમ્મા ઉપ્પજ્જન્તિ હેતુપચ્ચયા – નોસઞ્ઞોજનં એકં ખન્ધં પચ્ચયા તયો ખન્ધા સઞ્ઞોજનઞ્ચ ચિત્તસમુટ્ઠાનઞ્ચ રૂપં…પે… દ્વે ખન્ધે…પે… વત્થું પચ્ચયા સઞ્ઞોજના, મહાભૂતે પચ્ચયા ચિત્તસમુટ્ઠાનં રૂપં, વત્થું પચ્ચયા સઞ્ઞોજના સમ્પયુત્તકા ચ ખન્ધા. (૩)

૧૧. સઞ્ઞોજનઞ્ચ નોસઞ્ઞોજનઞ્ચ ધમ્મં પચ્ચયા સઞ્ઞોજનો ધમ્મો ઉપ્પજ્જતિ હેતુપચ્ચયા – કામરાગસઞ્ઞોજનઞ્ચ સમ્પયુત્તકે ચ ખન્ધે પચ્ચયા દિટ્ઠિસઞ્ઞોજનં અવિજ્જાસઞ્ઞોજનં, કામરાગસઞ્ઞોજનઞ્ચ વત્થુઞ્ચ પચ્ચયા દિટ્ઠિસઞ્ઞોજનં અવિજ્જાસઞ્ઞોજનં (ચક્કં) (૧)

સઞ્ઞોજનઞ્ચ નોસઞ્ઞોજનઞ્ચ ધમ્મં પચ્ચયા નોસઞ્ઞોજનો ધમ્મો ઉપ્પજ્જતિ હેતુપચ્ચયા – નોસઞ્ઞોજનં એકં ખન્ધઞ્ચ સઞ્ઞોજને ચ પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… (ચક્કં). સઞ્ઞોજને ચ વત્થુઞ્ચ પચ્ચયા નોસઞ્ઞોજના ખન્ધા. (૨)

સઞ્ઞોજનઞ્ચ નોસઞ્ઞોજનઞ્ચ ધમ્મં પચ્ચયા સઞ્ઞોજનો ચ નોસઞ્ઞોજનો ચ ધમ્મા ઉપ્પજ્જન્તિ હેતુપચ્ચયા – નોસઞ્ઞોજનં એકં ખન્ધઞ્ચ કામરાગસઞ્ઞોજનઞ્ચ પચ્ચયા તયો ખન્ધા દિટ્ઠિસઞ્ઞોજનં અવિજ્જાસઞ્ઞોજનં ચિત્તસમુટ્ઠાનઞ્ચ રૂપં, દ્વે ખન્ધે…પે… (ચક્કં). કામરાગસઞ્ઞોજનઞ્ચ વત્થુઞ્ચ પચ્ચયા દિટ્ઠિસઞ્ઞોજનં અવિજ્જાસઞ્ઞોજનં સમ્પયુત્તકા ચ ખન્ધા (ચક્કં. સંખિત્તં). (૩)

૧૨. હેતુયા નવ, આરમ્મણે નવ (સબ્બત્થ નવ), વિપાકે એકં…પે… અવિગતે નવ.

૧૩. નહેતુયા ચત્તારિ (યત્થ યત્થ વત્થુ લબ્ભતિ, તત્થ તત્થ નિન્નેતબ્બં), નઆરમ્મણે તીણિ…પે… નોવિગતે તીણિ.

૪. નિસ્સયવારો

(એવં ઇતરેપિ દ્વે ગણના ચ નિસ્સયવારો ચ કાતબ્બો.)

૫. સંસટ્ઠવારો

૧. પચ્ચયાનુલોમં

હેતુપચ્ચયો

૧૪. સઞ્ઞોજનં ધમ્મં સંસટ્ઠો સઞ્ઞોજનો ધમ્મો ઉપ્પજ્જતિ હેતુપચ્ચયા – કામરાગસઞ્ઞોજનં સંસટ્ઠં દિટ્ઠિસઞ્ઞોજનં અવિજ્જાસઞ્ઞોજનં (એવં નવ પઞ્હા. અરૂપાયેવ કાતબ્બા).

૬. સમ્પયુત્તવારો

(સંસટ્ઠવારોપિ સમ્પયુત્તવારોપિ એવં કાતબ્બા.)

૭. પઞ્હાવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૧૫. સઞ્ઞોજનો ધમ્મો સઞ્ઞોજનસ્સ ધમ્મસ્સ હેતુપચ્ચયેન પચ્ચયો – સઞ્ઞોજના હેતૂ સમ્પયુત્તકાનં સઞ્ઞોજનાનં હેતુપચ્ચયેન પચ્ચયો. (૧)

સઞ્ઞોજનો ધમ્મો નોસઞ્ઞોજનસ્સ ધમ્મસ્સ હેતુપચ્ચયેન પચ્ચયો – સઞ્ઞોજના હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૨)

સઞ્ઞોજનો ધમ્મો સઞ્ઞોજનસ્સ ચ નોસઞ્ઞોજનસ્સ ચ ધમ્મસ્સ હેતુપચ્ચયેન પચ્ચયો – સઞ્ઞોજના હેતૂ સમ્પયુત્તકાનં ખન્ધાનં સઞ્ઞોજનાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

૧૬. નોસઞ્ઞોજનો ધમ્મો નોસઞ્ઞોજનસ્સ ધમ્મસ્સ હેતુપચ્ચયેન પચ્ચયો – નોસઞ્ઞોજના હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

આરમ્મણપચ્ચયો

૧૭. સઞ્ઞોજનો ધમ્મો સઞ્ઞોજનસ્સ ધમ્મસ્સ આરમ્મણપચ્ચયેન પચ્ચયો – સઞ્ઞોજને આરબ્ભ સઞ્ઞોજના ઉપ્પજ્જન્તિ. (મૂલં કાતબ્બં) સઞ્ઞોજને આરબ્ભ નોસઞ્ઞોજના ખન્ધા ઉપ્પજ્જન્તિ. (મૂલં કાતબ્બં) સઞ્ઞોજને આરબ્ભ સઞ્ઞોજના ચ સમ્પયુત્તકા ચ ખન્ધા ઉપ્પજ્જન્તિ. (૩)

૧૮. નોસઞ્ઞોજનો ધમ્મો નોસઞ્ઞોજનસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં…પે… ઉપોસથકમ્મં કત્વા તં પચ્ચવેક્ખતિ, પુબ્બે સુચિણ્ણાનિ…પે… ઝાના…પે… અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં…પે… નિબ્બાનં પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો; અરિયા નોસઞ્ઞોજને પહીને કિલેસે…પે… વિક્ખમ્ભિતે કિલેસે…પે… પુબ્બે…પે… ચક્ખું …પે… વત્થું નોસઞ્ઞોજને ખન્ધે અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, ચેતોપરિયઞાણેન નોસઞ્ઞોજનચિત્તસમઙ્ગિસ્સ ચિત્તં જાનાતિ, આકાસાનઞ્ચાયતનં વિઞ્ઞાણઞ્ચાયતનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ…પે… રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે… નોસઞ્ઞોજના ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

નોસઞ્ઞોજનો ધમ્મો સઞ્ઞોજનસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં…પે… પુબ્બે…પે… ઝાના…પે… ચક્ખું…પે… વત્થું નોસઞ્ઞોજને ખન્ધે અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ. (૨)

નોસઞ્ઞોજનો ધમ્મો સઞ્ઞોજનસ્સ ચ નોસઞ્ઞોજનસ્સ ચ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં…પે… ઉપોસથકમ્મં…પે… પુબ્બે…પે… ઝાના…પે… ચક્ખું…પે… વત્થું નોસઞ્ઞોજને ખન્ધે અસ્સાદેતિ અભિનન્દતિ, તં આરબ્ભ સઞ્ઞોજના ચ સઞ્ઞોજનસમ્પયુત્તકા ચ ખન્ધા ઉપ્પજ્જન્તિ. (૩)

સઞ્ઞોજનો ચ નોસઞ્ઞોજનો ચ ધમ્મા સઞ્ઞોજનસ્સ ધમ્મસ્સ આરમ્મણપચ્ચયેન પચ્ચયો… તીણિ (આરબ્ભયેવ કાતબ્બા).

અધિપતિપચ્ચયો

૧૯. સઞ્ઞોજનો ધમ્મો સઞ્ઞોજનસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – સઞ્ઞોજનં ગરું કત્વા…પે… તીણિ (ગરુકારમ્મણા).

નોસઞ્ઞોજનો ધમ્મો નોસઞ્ઞોજનસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા સીલં…પે… તીણિ (તિણ્ણમ્પિ આરમ્મણાધિપતિ, સહજાતાધિપતિપિ કાતબ્બા, વિભજિતબ્બા તીણિપિ).

સઞ્ઞોજનો ચ નોસઞ્ઞોજનો ચ ધમ્મા સઞ્ઞોજનસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – સઞ્ઞોજને ચ સમ્પયુત્તકે ચ ખન્ધે ગરું કત્વા…પે… તીણિ.

અનન્તરપચ્ચયો

૨૦. સઞ્ઞોજનો ધમ્મો સઞ્ઞોજનસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સઞ્ઞોજના પચ્છિમાનં પચ્છિમાનં સઞ્ઞોજનાનં અનન્તરપચ્ચયેન પચ્ચયો… તીણિ.

નોસઞ્ઞોજનો ધમ્મો નોસઞ્ઞોજનસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા નોસઞ્ઞોજના ખન્ધા પચ્છિમાનં…પે… ફલસમાપત્તિયા અનન્તરપચ્ચયેન પચ્ચયો. (૧)

નોસઞ્ઞોજનો ધમ્મો સઞ્ઞોજનસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા નોસઞ્ઞોજના ખન્ધા પચ્છિમાનં પચ્છિમાનં સઞ્ઞોજનાનં અનન્તરપચ્ચયેન પચ્ચયો; આવજ્જના સઞ્ઞોજનાનં અનન્તરપચ્ચયેન પચ્ચયો (એવં દ્વેપિ કાતબ્બા). (૩)

સઞ્ઞોજનો ચ નોસઞ્ઞોજનો ચ ધમ્મા સઞ્ઞોજનસ્સ ધમ્મસ્સ અનન્તરપચ્ચયેન પચ્ચયો… તીણિ.

સમનન્તરપચ્ચયાદિ

૨૧. સઞ્ઞોજનો ધમ્મો સઞ્ઞોજનસ્સ ધમ્મસ્સ સમનન્તરપચ્ચયેન પચ્ચયો… નવ… સહજાતપચ્ચયેન પચ્ચયો… નવ… અઞ્ઞમઞ્ઞપચ્ચયેન પચ્ચયો… નવ… નિસ્સયપચ્ચયેન પચ્ચયો… નવ.

ઉપનિસ્સયપચ્ચયો

૨૨. સઞ્ઞોજનો ધમ્મો સઞ્ઞોજનસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સઞ્ઞોજના સઞ્ઞોજનાનં ઉપનિસ્સયપચ્ચયેન પચ્ચયો (એવં તીણિપિ).

૨૩. નોસઞ્ઞોજનો ધમ્મો નોસઞ્ઞોજનસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ; સીલં…પે… પઞ્ઞં, રાગં…પે… પત્થનં…પે… સેનાસનં ઉપનિસ્સાય દાનં દેતિ…પે… સઙ્ઘં ભિન્દતિ; સદ્ધા…પે… સેનાસનં સદ્ધાય…પે… ફલસમાપત્તિયા ઉપનિસ્સયપચ્ચયેન પચ્ચયો. (૧)

નોસઞ્ઞોજનો ધમ્મો સઞ્ઞોજનસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય માનં જપ્પેતિ, દિટ્ઠિં ગણ્હાતિ; સીલં…પે… સેનાસનં ઉપનિસ્સાય પાણં હનતિ…પે… સઙ્ઘં ભિન્દતિ; સદ્ધા…પે… સેનાસનં રાગસ્સ…પે… પત્થનાય ઉપનિસ્સયપચ્ચયેન પચ્ચયો. (૨)

નોસઞ્ઞોજનો ધમ્મો સઞ્ઞોજનસ્સ ચ નોસઞ્ઞોજનસ્સ ચ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય માનં જપ્પેતિ, દિટ્ઠિં ગણ્હાતિ; સીલં…પે… સેનાસનં ઉપનિસ્સાય પાણં હનતિ…પે… સઙ્ઘં ભિન્દતિ; સદ્ધા…પે… સેનાસનં સઞ્ઞોજનાનં સમ્પયુત્તકાનઞ્ચ ખન્ધાનં ઉપનિસ્સયપચ્ચયેન પચ્ચયો. (૩)

સઞ્ઞોજનો ચ નોસઞ્ઞોજનો ચ ધમ્મા સઞ્ઞોજનસ્સ ધમ્મસ્સ ઉપનિસ્સયપચ્ચયેન પચ્ચયો… તીણિ.

પુરેજાતપચ્ચયો

૨૪. નોસઞ્ઞોજનો ધમ્મો નોસઞ્ઞોજનસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે…. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ નોસઞ્ઞોજનાનં ખન્ધાનં પુરેજાતપચ્ચયેન પચ્ચયો. (૧)

નોસઞ્ઞોજનો ધમ્મો સઞ્ઞોજનસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ. વત્થુપુરેજાતં – વત્થુ સઞ્ઞોજનાનં પુરેજાતપચ્ચયેન પચ્ચયો. (૨)

નોસઞ્ઞોજનો ધમ્મો સઞ્ઞોજનસ્સ ચ નોસઞ્ઞોજનસ્સ ચ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અસ્સાદેતિ, અભિનન્દતિ, તં આરબ્ભ સઞ્ઞોજના ચ સમ્પયુત્તકા ચ ખન્ધા ઉપ્પજ્જન્તિ. વત્થુપુરેજાતં – વત્થુ સઞ્ઞોજનાનં સમ્પયુત્તકાનઞ્ચ ખન્ધાનં પુરેજાતપચ્ચયેન પચ્ચયો. (૩)

પચ્છાજાતપચ્ચયો

૨૫. સઞ્ઞોજનો ધમ્મો નોસઞ્ઞોજનસ્સ ધમ્મસ્સ પચ્છાજાતપચ્ચયેન પચ્ચયો… એકં.

નોસઞ્ઞોજનો ધમ્મો નોસઞ્ઞોજનસ્સ ધમ્મસ્સ પચ્છાજાતપચ્ચયેન પચ્ચયો…પે…. (૧)

સઞ્ઞોજનો ચ નોસઞ્ઞોજનો ચ ધમ્મા નોસઞ્ઞોજનસ્સ ધમ્મસ્સ પચ્છાજાતપચ્ચયેન પચ્ચયો…પે…. (૧)

આસેવનપચ્ચયો

૨૬. સઞ્ઞોજનો ધમ્મો સઞ્ઞોજનસ્સ ધમ્મસ્સ આસેવનપચ્ચયેન પચ્ચયો… નવ.

કમ્મપચ્ચયાદિ

૨૭. નોસઞ્ઞોજનો ધમ્મો નોસઞ્ઞોજનસ્સ ધમ્મસ્સ કમ્મપચ્ચયેન પચ્ચયો… તીણિ… વિપાકપચ્ચયેન પચ્ચયો… એકં… આહારપચ્ચયેન પચ્ચયો… તીણિ… ઇન્દ્રિયપચ્ચયેન પચ્ચયો… તીણિ… ઝાનપચ્ચયેન પચ્ચયો… તીણિ… મગ્ગપચ્ચયેન પચ્ચયો… નવ… સમ્પયુત્તપચ્ચયેન પચ્ચયો… નવ.

વિપ્પયુત્તપચ્ચયો

૨૮. સઞ્ઞોજનો ધમ્મો નોસઞ્ઞોજનસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (વિભજિતબ્બં). (૧)

નોસઞ્ઞોજનો ધમ્મો નોસઞ્ઞોજનસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં (વિભજિતબ્બં). (૧)

નોસઞ્ઞોજનો ધમ્મો સઞ્ઞોજનસ્સ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ સઞ્ઞોજનાનં વિપ્પયુત્તપચ્ચયેન પચ્ચયો. (૨)

નોસઞ્ઞોજનો ધમ્મો સઞ્ઞોજનસ્સ ચ નોસઞ્ઞોજનસ્સ ચ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ સઞ્ઞોજનાનં સમ્પયુત્તકાનઞ્ચ ખન્ધાનં વિપ્પયુત્તપચ્ચયેન પચ્ચયો. (૩)

સઞ્ઞોજનો ચ નોસઞ્ઞોજનો ચ ધમ્મા નોસઞ્ઞોજનસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (વિભજિતબ્બં). (૧)

અત્થિપચ્ચયો

૨૯. સઞ્ઞોજનો ધમ્મો સઞ્ઞોજનસ્સ ધમ્મસ્સ અત્થિપચ્ચયેન પચ્ચયો… એકં (પટિચ્ચસદિસં). (૧)

સઞ્ઞોજનો ધમ્મો નોસઞ્ઞોજનસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં (સંખિત્તં). (૨)

સઞ્ઞોજનો ધમ્મો સઞ્ઞોજનસ્સ ચ નોસઞ્ઞોજનસ્સ ચ ધમ્મસ્સ અત્થિપચ્ચયેન પચ્ચયો (પટિચ્ચસદિસં). (૩)

૩૦. નોસઞ્ઞોજનો ધમ્મો નોસઞ્ઞોજનસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (સંખિત્તં). (૧)

નોસઞ્ઞોજનો ધમ્મો સઞ્ઞોજનસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતા – નોસઞ્ઞોજના ખન્ધા સમ્પયુત્તકાનં સઞ્ઞોજનાનં અત્થિપચ્ચયેન પચ્ચયો. પુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ, વત્થુ સઞ્ઞોજનાનં અત્થિપચ્ચયેન પચ્ચયો. (૨)

નોસઞ્ઞોજનો ધમ્મો સઞ્ઞોજનસ્સ ચ નોસઞ્ઞોજનસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – નોસઞ્ઞોજનો…પે… (સંખિત્તં, આસવસદિસં). (૩)

૩૧. સઞ્ઞોજનો ચ નોસઞ્ઞોજનો ચ ધમ્મા સઞ્ઞોજનસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં (આસવસદિસં). (૧)

સઞ્ઞોજનો ચ નોસઞ્ઞોજનો ચ ધમ્મા નોસઞ્ઞોજનસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (વિભજિતબ્બં આસવસદિસં). (૨)

સઞ્ઞોજનો ચ નોસઞ્ઞોજનો ચ ધમ્મા સઞ્ઞોજનસ્સ ચ નોસઞ્ઞોજનસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં (વિભજિતબ્બં આસવસદિસં). (૩)

૧. પચ્ચયાનુલોમં

૨. સઙ્ખ્યાવારો

સુદ્ધં

૩૨. હેતુયા ચત્તારિ, આરમ્મણે નવ, અધિપતિયા નવ, અનન્તરે નવ, સમનન્તરે નવ, સહજાતે નવ, અઞ્ઞમઞ્ઞે નવ, નિસ્સયે નવ, ઉપનિસ્સયે નવ, પુરેજાતે તીણિ, પચ્છાજાતે તીણિ, આસેવને નવ, કમ્મે તીણિ, વિપાકે એકં, આહારે તીણિ, ઇન્દ્રિયે તીણિ, ઝાને તીણિ, મગ્ગે નવ, સમ્પયુત્તે નવ, વિપ્પયુત્તે પઞ્ચ, અત્થિયા નવ, નત્થિયા નવ, વિગતે નવ, અવિગતે નવ.

અનુલોમં.

પચ્ચનીયુદ્ધારો

૩૩. સઞ્ઞોજનો ધમ્મો સઞ્ઞોજનસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૧)

સઞ્ઞોજનો ધમ્મો નોસઞ્ઞોજનસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પચ્છાજાતપચ્ચયેન પચ્ચયો. (૨)

સઞ્ઞોજનો ધમ્મો સઞ્ઞોજનસ્સ ચ નોસઞ્ઞોજનસ્સ ચ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૩)

૩૪. નોસઞ્ઞોજનો ધમ્મો નોસઞ્ઞોજનસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો… પચ્છાજાતપચ્ચયેન પચ્ચયો… કમ્મપચ્ચયેન પચ્ચયો… આહારપચ્ચયેન પચ્ચયો… ઇન્દ્રિયપચ્ચયેન પચ્ચયો. (૧)

નોસઞ્ઞોજનો ધમ્મો સઞ્ઞોજનસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો. (૨)

નોસઞ્ઞોજનો ધમ્મો સઞ્ઞોજનસ્સ ચ નોસઞ્ઞોજનસ્સ ચ ધમ્મસ્સ આરમ્મણપચ્ચયેન પચ્ચયો … સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો. (૩)

૩૫. સઞ્ઞોજનો ચ નોસઞ્ઞોજનો ચ ધમ્મા સઞ્ઞોજનસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૧)

સઞ્ઞોજનો ચ નોસઞ્ઞોજનો ચ ધમ્મા નોસઞ્ઞોજનસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પચ્છાજાતપચ્ચયેન પચ્ચયો. (૨)

સઞ્ઞોજનો ચ નોસઞ્ઞોજનો ચ ધમ્મા સઞ્ઞોજનસ્સ ચ નોસઞ્ઞોજનસ્સ ચ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૩)

૨. પચ્ચયપચ્ચનીયં

૨. સઙ્ખ્યાવારો

૩૬. નહેતુયા નવ, નઆરમ્મણે નવ (સબ્બત્થ નવ), નોઅવિગતે નવ.

૩. પચ્ચયાનુલોમપચ્ચનીયં

હેતુદુકં

૩૭. હેતુપચ્ચયા નઆરમ્મણે ચત્તારિ…પે… નસમનન્તરે ચત્તારિ, નઅઞ્ઞમઞ્ઞે દ્વે, નઉપનિસ્સયે ચત્તારિ…પે… નમગ્ગે ચત્તારિ, નસમ્પયુત્તે દ્વે, નવિપ્પયુત્તે ચત્તારિ, નોનત્થિયા ચત્તારિ, નોવિગતે ચત્તારિ.

૪. પચ્ચયપચ્ચનીયાનુલોમં

નહેતુદુકં

૩૮. નહેતુપચ્ચયા આરમ્મણે નવ, અધિપતિયા નવ (અનુલોમમાતિકા), અવિગતે નવ.

સઞ્ઞોજનદુકં નિટ્ઠિતં.

૨૧. સઞ્ઞોજનિયદુકં

૧-૭. પટિચ્ચવારાદિ

૩૯. સઞ્ઞોજનિયં ધમ્મં પટિચ્ચ સઞ્ઞોજનિયો ધમ્મો ઉપ્પજ્જતિ હેતુપચ્ચયા – સઞ્ઞોજનિયં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા, એકં મહાભૂતં…પે….