૧. વિભઙ્ગવારો

હેતુપચ્ચયો

૪૦. સઞ્ઞોજનસમ્પયુત્તં ધમ્મં પટિચ્ચ સઞ્ઞોજનસમ્પયુત્તો ધમ્મો ઉપ્પજ્જતિ હેતુપચ્ચયા – સઞ્ઞોજનસમ્પયુત્તં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

સઞ્ઞોજનસમ્પયુત્તં ધમ્મં પટિચ્ચ સઞ્ઞોજનવિપ્પયુત્તો ધમ્મો ઉપ્પજ્જતિ હેતુપચ્ચયા – સઞ્ઞોજનસમ્પયુત્તે ખન્ધે પટિચ્ચ ચિત્તસમુટ્ઠાનં રૂપં. (૨)

સઞ્ઞોજનસમ્પયુત્તં ધમ્મં પટિચ્ચ સઞ્ઞોજનસમ્પયુત્તો ચ સઞ્ઞોજનવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – સઞ્ઞોજનસમ્પયુત્તં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

૪૧. સઞ્ઞોજનવિપ્પયુત્તં ધમ્મં પટિચ્ચ સઞ્ઞોજનવિપ્પયુત્તો ધમ્મો ઉપ્પજ્જતિ હેતુપચ્ચયા – સઞ્ઞોજનવિપ્પયુત્તં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં …પે… દ્વે ખન્ધે…પે… ઉદ્ધચ્ચસહગતં મોહં પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે… એકં મહાભૂતં…પે…. (૧)

સઞ્ઞોજનવિપ્પયુત્તં ધમ્મં પટિચ્ચ સઞ્ઞોજનસમ્પયુત્તો ધમ્મો ઉપ્પજ્જતિ હેતુપચ્ચયા – ઉદ્ધચ્ચસહગતં મોહં પટિચ્ચ સમ્પયુત્તકા ખન્ધા. (૨)

સઞ્ઞોજનવિપ્પયુત્તં ધમ્મં પટિચ્ચ સઞ્ઞોજનસમ્પયુત્તો ચ સઞ્ઞોજનવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – ઉદ્ધચ્ચસહગતં મોહં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં. (૩)

૪૨. સઞ્ઞોજનસમ્પયુત્તઞ્ચ સઞ્ઞોજનવિપ્પયુત્તઞ્ચ ધમ્મં પટિચ્ચ સઞ્ઞોજનસમ્પયુત્તો ધમ્મો ઉપ્પજ્જતિ હેતુપચ્ચયા – ઉદ્ધચ્ચસહગતં એકં ખન્ધઞ્ચ મોહઞ્ચ પટિચ્ચ તયો ખન્ધા…પે… દ્વે ખન્ધે…પે…. (૧)

સઞ્ઞોજનસમ્પયુત્તઞ્ચ સઞ્ઞોજનવિપ્પયુત્તઞ્ચ ધમ્મં પટિચ્ચ સઞ્ઞોજનવિપ્પયુત્તો ધમ્મો ઉપ્પજ્જતિ હેતુપચ્ચયા – સઞ્ઞોજનસમ્પયુત્તે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં, ઉદ્ધચ્ચસહગતે ખન્ધે ચ મોહઞ્ચ પટિચ્ચ ચિત્તસમુટ્ઠાનં રૂપં. (૨)

સઞ્ઞોજનસમ્પયુત્તઞ્ચ સઞ્ઞોજનવિપ્પયુત્તઞ્ચ ધમ્મં પટિચ્ચ સઞ્ઞોજનસમ્પયુત્તો ચ સઞ્ઞોજનવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – ઉદ્ધચ્ચસહગતં એકં ખન્ધઞ્ચ મોહઞ્ચ પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

આરમ્મણપચ્ચયો

૪૩. સઞ્ઞોજનસમ્પયુત્તં ધમ્મં પટિચ્ચ સઞ્ઞોજનસમ્પયુત્તો ધમ્મો ઉપ્પજ્જતિ આરમ્મણપચ્ચયા – સઞ્ઞોજનસમ્પયુત્તં એકં ખન્ધં…પે… દ્વે ખન્ધે…પે…. (૧)

સઞ્ઞોજનસમ્પયુત્તં ધમ્મં પટિચ્ચ સઞ્ઞોજનવિપ્પયુત્તો ધમ્મો ઉપ્પજ્જતિ આરમ્મણપચ્ચયા – ઉદ્ધચ્ચસહગતે ખન્ધે પટિચ્ચ ઉદ્ધચ્ચસહગતો મોહો. (૨)

સઞ્ઞોજનસમ્પયુત્તં ધમ્મં પટિચ્ચ સઞ્ઞોજનસમ્પયુત્તો ચ સઞ્ઞોજનવિપ્પયુત્તો ચ ધમ્મા ઉપ્પજ્જન્તિ આરમ્મણપચ્ચયા – ઉદ્ધચ્ચસહગતં એકં ખન્ધં પટિચ્ચ તયો ખન્ધા મોહો ચ…પે… દ્વે ખન્ધે…પે…. (૩)

૪૪. સઞ્ઞોજનવિપ્પયુત્તં ધમ્મં પટિચ્ચ સઞ્ઞોજનવિપ્પયુત્તો ધમ્મો ઉપ્પજ્જતિ આરમ્મણપચ્ચયા – સઞ્ઞોજનવિપ્પયુત્તં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે… વત્થું પટિચ્ચ ખન્ધા. (૧)

સઞ્ઞોજનવિપ્પયુત્તં ધમ્મં પટિચ્ચ સઞ્ઞોજનસમ્પયુત્તો ધમ્મો ઉપ્પજ્જતિ આરમ્મણપચ્ચયા – ઉદ્ધચ્ચસહગતં મોહં પટિચ્ચ સમ્પયુત્તકા ખન્ધા. (૨)

સઞ્ઞોજનસમ્પયુત્તઞ્ચ સઞ્ઞોજનવિપ્પયુત્તઞ્ચ ધમ્મં પટિચ્ચ સઞ્ઞોજનસમ્પયુત્તો ધમ્મો ઉપ્પજ્જતિ આરમ્મણપચ્ચયા – ઉદ્ધચ્ચસહગતં એકં ખન્ધઞ્ચ મોહઞ્ચ પટિચ્ચ તયો ખન્ધા…પે… દ્વે ખન્ધે…પે…. (૧)

અધિપતિપચ્ચયો

૪૫. સઞ્ઞોજનસમ્પયુત્તં ધમ્મં પટિચ્ચ સઞ્ઞોજનસમ્પયુત્તો ધમ્મો ઉપ્પજ્જતિ અધિપતિપચ્ચયા… તીણિ.

સઞ્ઞોજનવિપ્પયુત્તં ધમ્મં પટિચ્ચ સઞ્ઞોજનવિપ્પયુત્તો ધમ્મો ઉપ્પજ્જતિ અધિપતિપચ્ચયા… એકં.

સઞ્ઞોજનસમ્પયુત્તઞ્ચ સઞ્ઞોજનવિપ્પયુત્તઞ્ચ ધમ્મં પટિચ્ચ સઞ્ઞોજનવિપ્પયુત્તો ધમ્મો ઉપ્પજ્જતિ અધિપતિપચ્ચયા – સઞ્ઞોજનસમ્પયુત્તકે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧) (સંખિત્તં.)