૧. વિભઙ્ગવારો

હેતુપચ્ચયો

૧૧૫. આસવઞ્ચેવ આસવસમ્પયુત્તઞ્ચ ધમ્મં પટિચ્ચ આસવો ચેવ આસવસમ્પયુત્તો ચ ધમ્મો ઉપ્પજ્જતિ હેતુપચ્ચયા – કામાસવં પટિચ્ચ દિટ્ઠાસવો અવિજ્જાસવો (ચક્કં બન્ધિતબ્બં). ભવાસવં પટિચ્ચ અવિજ્જાસવો (ચક્કં બન્ધિતબ્બં). દિટ્ઠાસવં પટિચ્ચ અવિજ્જાસવો. (૧)

આસવઞ્ચેવ આસવસમ્પયુત્તઞ્ચ ધમ્મં પટિચ્ચ આસવસમ્પયુત્તો ચેવ નો ચ આસવો ધમ્મો ઉપ્પજ્જતિ હેતુપચ્ચયા – આસવે પટિચ્ચ સમ્પયુત્તકા ખન્ધા. (૨)

આસવઞ્ચેવ આસવસમ્પયુત્તઞ્ચ ધમ્મં પટિચ્ચ આસવો ચેવ આસવસમ્પયુત્તો ચ આસવસમ્પયુત્તો ચેવ નો ચ આસવો ચ ધમ્મા ઉપ્પજ્જન્તિ હેતુપચ્ચયા – આસવસમ્પયુત્તં કામાસવં પટિચ્ચ દિટ્ઠાસવો અવિજ્જાસવો સમ્પયુત્તકા ચ ખન્ધા (સબ્બં ચક્કં). (૩)

૧૧૬. આસવસમ્પયુત્તઞ્ચેવ નો ચ આસવં ધમ્મં પટિચ્ચ આસવસમ્પયુત્તો ચેવ નો ચ આસવો ધમ્મો ઉપ્પજ્જતિ હેતુપચ્ચયા – આસવસમ્પયુત્તઞ્ચેવ નો ચ આસવં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

આસવસમ્પયુત્તઞ્ચેવ નો ચ આસવં ધમ્મં પટિચ્ચ આસવો ચેવ આસવસમ્પયુત્તો ચ ધમ્મો ઉપ્પજ્જતિ હેતુપચ્ચયા – આસવસમ્પયુત્તઞ્ચેવ નો ચ આસવે ખન્ધે પટિચ્ચ આસવા. (૨)

આસવસમ્પયુત્તઞ્ચેવ નો ચ આસવં ધમ્મં પટિચ્ચ આસવો ચેવ આસવસમ્પયુત્તો ચ આસવસમ્પયુત્તો ચેવ નો ચ આસવો ચ ધમ્મા ઉપ્પજ્જન્તિ હેતુપચ્ચયા – આસવસમ્પયુત્તઞ્ચેવ નો ચ આસવં એકં ખન્ધં પટિચ્ચ તયો ખન્ધા આસવા ચ…પે… દ્વે ખન્ધે…પે…. (૩)

૧૧૭. આસવઞ્ચેવ આસવસમ્પયુત્તઞ્ચ આસવસમ્પયુત્તઞ્ચેવ નો ચ આસવઞ્ચ ધમ્મં પટિચ્ચ આસવો ચેવ આસવસમ્પયુત્તો ચ ધમ્મો ઉપ્પજ્જતિ હેતુપચ્ચયા – કામાસવઞ્ચ સમ્પયુત્તકે ચ ખન્ધે પટિચ્ચ દિટ્ઠાસવો અવિજ્જાસવો (સબ્બં ચક્કં). (૧)

આસવઞ્ચેવ આસવસમ્પયુત્તઞ્ચ આસવસમ્પયુત્તઞ્ચેવ નો ચ આસવઞ્ચ ધમ્મં પટિચ્ચ આસવસમ્પયુત્તો ચેવ નો ચ આસવો ધમ્મો ઉપ્પજ્જતિ હેતુપચ્ચયા – આસવસમ્પયુત્તઞ્ચેવ નો ચ આસવં એકં ખન્ધઞ્ચ આસવે ચ પટિચ્ચ તયો ખન્ધા…પે… દ્વે ખન્ધે…પે…. (૨)

આસવઞ્ચેવ આસવસમ્પયુત્તઞ્ચ આસવસમ્પયુત્તઞ્ચેવ નો ચ આસવઞ્ચ ધમ્મં પટિચ્ચ આસવો ચેવ આસવસમ્પયુત્તો ચ આસવસમ્પયુત્તો ચેવ નો ચ આસવો ચ ધમ્મા ઉપ્પજ્જન્તિ હેતુપચ્ચયા – આસવસમ્પયુત્તઞ્ચેવ નો ચ આસવં એકં ખન્ધઞ્ચ કામાસવઞ્ચ પટિચ્ચ તયો ખન્ધા દિટ્ઠાસવો અવિજ્જાસવો…પે… દ્વે ખન્ધે…પે…. (૩)

(ચક્કં. એવં સબ્બે પચ્ચયા કાતબ્બા.)