૩. આસવગોચ્છકં

૧૪. આસવદુકં

૧. પટિચ્ચવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૧. આસવં ધમ્મં પટિચ્ચ આસવો ધમ્મો ઉપ્પજ્જતિ હેતુપચ્ચયા – કામાસવં પટિચ્ચ દિટ્ઠાસવો અવિજ્જાસવો, દિટ્ઠાસવં પટિચ્ચ કામાસવો અવિજ્જાસવો, અવિજ્જાસવં પટિચ્ચ કામાસવો દિટ્ઠાસવો, ભવાસવં પટિચ્ચ અવિજ્જાસવો, દિટ્ઠાસવં પટિચ્ચ અવિજ્જાસવો (એકેકમ્પિ ચક્કં કાતબ્બં). (૧)

આસવં ધમ્મં પટિચ્ચ નોઆસવો ધમ્મો ઉપ્પજ્જતિ હેતુપચ્ચયા – આસવં પટિચ્ચ આસવસમ્પયુત્તકા ખન્ધા ચિત્તસમુટ્ઠાનઞ્ચ રૂપં. (૨)

આસવં ધમ્મં પટિચ્ચ આસવો ચ નોઆસવો ચ ધમ્મા ઉપ્પજ્જન્તિ હેતુપચ્ચયા – કામાસવં પટિચ્ચ દિટ્ઠાસવો અવિજ્જાસવો સમ્પયુત્તકા ચ ખન્ધા ચિત્તસમુટ્ઠાનઞ્ચ રૂપં (ચક્કં). (૩)

૨. નોઆસવં ધમ્મં પટિચ્ચ નોઆસવો ધમ્મો ઉપ્પજ્જતિ હેતુપચ્ચયા – નોઆસવં એકં ખન્ધં પટિચ્ચ તયો ખન્ધા ચિત્તસમુટ્ઠાનં રૂપં…પે… દ્વે ખન્ધે…પે… પટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા, એકં મહાભૂતં…પે… મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

નોઆસવં ધમ્મં પટિચ્ચ આસવો ધમ્મો ઉપ્પજ્જતિ હેતુપચ્ચયા – નોઆસવે ખન્ધે પટિચ્ચ આસવા. (૨)

નોઆસવં ધમ્મં પટિચ્ચ આસવો ચ નોઆસવો ચ ધમ્મા ઉપ્પજ્જન્તિ હેતુપચ્ચયા – નોઆસવં એકં ખન્ધં પટિચ્ચ તયો ખન્ધા આસવા ચ ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

૩. આસવઞ્ચ નોઆસવઞ્ચ ધમ્મં પટિચ્ચ આસવો ધમ્મો ઉપ્પજ્જતિ હેતુપચ્ચયા – કામાસવઞ્ચ સમ્પયુત્તકે ચ ખન્ધે પટિચ્ચ દિટ્ઠાસવો અવિજ્જાસવો (ચક્કં બન્ધિતબ્બં). (૧)

આસવઞ્ચ નોઆસવઞ્ચ ધમ્મં પટિચ્ચ નોઆસવો ધમ્મો ઉપ્પજ્જતિ હેતુપચ્ચયા – નોઆસવં એકં ખન્ધઞ્ચ આસવે ચ પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૨)

આસવઞ્ચ નોઆસવઞ્ચ ધમ્મં પટિચ્ચ આસવો ચ નોઆસવો ચ ધમ્મા ઉપ્પજ્જન્તિ હેતુપચ્ચયા – નોઆસવં એકં ખન્ધઞ્ચ કામાસવઞ્ચ પટિચ્ચ તયો ખન્ધા દિટ્ઠાસવો અવિજ્જાસવો ચિત્તસમુટ્ઠાનઞ્ચ રૂપં…પે… દ્વે ખન્ધે ચ…પે… (ચક્કં. સંખિત્તં). (૩)

૧. પચ્ચયાનુલોમં

૨. સઙ્ખ્યાવારો

૪. હેતુયા નવ, આરમ્મણે નવ (સબ્બત્થ નવ), વિપાકે એકં, આહારે નવ…પે… અવિગતે નવ.

અનુલોમં.

૨. પચ્ચયપચ્ચનીયં

૧. વિભઙ્ગવારો

નહેતુપચ્ચયો

૫. નોઆસવં ધમ્મં પટિચ્ચ નોઆસવો ધમ્મો ઉપ્પજ્જતિ નહેતુપચ્ચયા – અહેતુકં નોઆસવં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા, એકં મહાભૂતં…પે… (યાવ અસઞ્ઞસત્તા). (૧)

નોઆસવં ધમ્મં પટિચ્ચ આસવો ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૨)

નઆરમ્મણપચ્ચયો

૬. આસવં ધમ્મં પટિચ્ચ નોઆસવો ધમ્મો ઉપ્પજ્જતિ નઆરમ્મણપચ્ચયા – આસવે પટિચ્ચ ચિત્તસમુટ્ઠાનં રૂપં. (૧)

નોઆસવં ધમ્મં પટિચ્ચ નોઆસવો ધમ્મો ઉપ્પજ્જતિ નઆરમ્મણપચ્ચયા – નોઆસવે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે… ખન્ધે પટિચ્ચ વત્થુ, એકં મહાભૂતં…પે… (યાવ અસઞ્ઞસત્તા). (૧)

આસવઞ્ચ નોઆસવઞ્ચ ધમ્મં પટિચ્ચ નોઆસવો ધમ્મો ઉપ્પજ્જતિ નઆરમ્મણપચ્ચયા – આસવે ચ સમ્પયુત્તકે ચ ખન્ધે પટિચ્ચ ચિત્તસમુટ્ઠાનં રૂપં (સંખિત્તં). (૧)

૨. પચ્ચયપચ્ચનીયં

૨. સઙ્ખ્યાવારો

સુદ્ધં

૭. નહેતુયા દ્વે, નઆરમ્મણે તીણિ, નઅધિપતિયા નવ, નઅનન્તરે તીણિ, નસમનન્તરે તીણિ, નઅઞ્ઞમઞ્ઞે તીણિ, નઉપનિસ્સયે તીણિ, નપુરેજાતે નવ, નપચ્છાજાતે નવ, નઆસેવને નવ, નકમ્મે તીણિ, નવિપાકે નવ, નઆહારે એકં, નઇન્દ્રિયે એકં, નઝાને એકં, નમગ્ગે એકં, નસમ્પયુત્તે તીણિ, નવિપ્પયુત્તે નવ, નોનત્થિયા તીણિ, નોવિગતે તીણિ.

પચ્ચનીયં.

૩. પચ્ચયાનુલોમપચ્ચનીયં

હેતુદુકં

૮. હેતુપચ્ચયા નઆરમ્મણે તીણિ, નઅધિપતિયા નવ, નઅનન્તરે તીણિ, નસમનન્તરે તીણિ, નઅઞ્ઞમઞ્ઞે તીણિ, નઉપનિસ્સયે તીણિ, નપુરેજાતે નવ, નપચ્છાજાતે નવ, નઆસેવને નવ, નકમ્મે તીણિ, નવિપાકે નવ, નસમ્પયુત્તે તીણિ, નવિપ્પયુત્તે નવ, નોનત્થિયા તીણિ, નોવિગતે તીણિ.

અનુલોમપચ્ચનીયં.

૪. પચ્ચયપચ્ચનીયાનુલોમં

નહેતુદુકં

૯. નહેતુપચ્ચયા આરમ્મણે દ્વે, અનન્તરે દ્વે…પે… વિપાકે એકં…પે… મગ્ગે એકં…પે… અવિગતે દ્વે.

પચ્ચનીયાનુલોમં.

૨. સહજાતવારો

(સહજાતવારો પટિચ્ચવારસદિસો.)

૩. પચ્ચયવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૧૦. આસવં ધમ્મં પચ્ચયા આસવો ધમ્મો ઉપ્પજ્જતિ હેતુપચ્ચયા (આસવમૂલકં તીણિ, પટિચ્ચસદિસા).

નોઆસવં ધમ્મં પચ્ચયા નોઆસવો ધમ્મો ઉપ્પજ્જતિ હેતુપચ્ચયા – નોઆસવં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… ખન્ધે પચ્ચયા વત્થુ, વત્થું પચ્ચયા ખન્ધા, મહાભૂતે પચ્ચયા ચિત્તસમુટ્ઠાનં રૂપં કટત્તારૂપં ઉપાદારૂપં, વત્થું પચ્ચયા નોઆસવા ખન્ધા. (૧)

નોઆસવં ધમ્મં પચ્ચયા આસવો ધમ્મો ઉપ્પજ્જતિ હેતુપચ્ચયા – નોઆસવે ખન્ધે પચ્ચયા આસવા, વત્થું પચ્ચયા આસવા. (૨)

નોઆસવં ધમ્મં પચ્ચયા આસવો ચ નોઆસવો ચ ધમ્મા ઉપ્પજ્જન્તિ હેતુપચ્ચયા – નોઆસવં એકં ખન્ધં પચ્ચયા તયો ખન્ધા આસવા ચ ચિત્તસમુટ્ઠાનઞ્ચ રૂપં…પે… દ્વે ખન્ધે…પે… વત્થું પચ્ચયા આસવા સમ્પયુત્તકા ચ ખન્ધા. (૩)

૧૧. આસવઞ્ચ નોઆસવઞ્ચ ધમ્મં પચ્ચયા આસવો ધમ્મો ઉપ્પજ્જતિ હેતુપચ્ચયા – કામાસવઞ્ચ સમ્પયુત્તકે ચ ખન્ધે પચ્ચયા દિટ્ઠાસવો અવિજ્જાસવો (ચક્કં). કામાસવઞ્ચ વત્થુઞ્ચ પચ્ચયા દિટ્ઠાસવો અવિજ્જાસવો (ચક્કં). (૧)

આસવઞ્ચ નોઆસવઞ્ચ ધમ્મં પચ્ચયા નોઆસવો ધમ્મો ઉપ્પજ્જતિ હેતુપચ્ચયા – નોઆસવં એકં ખન્ધઞ્ચ આસવે ચ પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… આસવઞ્ચ વત્થુઞ્ચ પચ્ચયા નોઆસવા ખન્ધા. (૨)

આસવઞ્ચ નોઆસવઞ્ચ ધમ્મં પચ્ચયા આસવો ચ નોઆસવો ચ ધમ્મા ઉપ્પજ્જન્તિ હેતુપચ્ચયા – નોઆસવં એકં ખન્ધઞ્ચ કામાસવઞ્ચ પચ્ચયા તયો ખન્ધા દિટ્ઠાસવો અવિજ્જાસવો ચિત્તસમુટ્ઠાનઞ્ચ રૂપં…પે… દ્વે ખન્ધે…પે… (ચક્કં). કામાસવઞ્ચ વત્થુઞ્ચ પચ્ચયા દિટ્ઠાસવો અવિજ્જાસવો સમ્પયુત્તકા ચ ખન્ધા (ચક્કં. સંખિત્તં). (૩)

૧. પચ્ચયાનુલોમં

૨. સઙ્ખ્યાવારો

૧૨. હેતુયા નવ, આરમ્મણે નવ, અધિપતિયા નવ…પે… વિપાકે એકં…પે… અવિગતે નવ.

અનુલોમં.

૨. પચ્ચયપચ્ચનીયં

૧. વિભઙ્ગવારો

નહેતુપચ્ચયો

૧૩. નોઆસવં ધમ્મં પચ્ચયા નોઆસવો ધમ્મો ઉપ્પજ્જતિ નહેતુપચ્ચયા – અહેતુકં નોઆસવં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે…પે… (યાવ અસઞ્ઞસત્તા) ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં… વત્થું પચ્ચયા અહેતુકા નોઆસવા ખન્ધા. (૧)

નોઆસવં ધમ્મં પચ્ચયા આસવો ધમ્મો ઉપ્પજ્જતિ નહેતુપચ્ચયા – વિચિકિચ્છાસહગતે ઉદ્ધચ્ચસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો ઉદ્ધચ્ચસહગતો મોહો. (૨)

૨. પચ્ચયપચ્ચનીયં

૨. સઙ્ખ્યાવારો

૧૪. નહેતુયા દ્વે, નઆરમ્મણે તીણિ, નઅધિપતિયા નવ…પે… નકમ્મે તીણિ…પે… નવિપ્પયુત્તે નવ, નોનત્થિયા તીણિ, નોવિગતે તીણિ (એવં સબ્બે ગણના ગણેતબ્બા).

૪. નિસ્સયવારો

(નિસ્સયવારો પચ્ચયવારસદિસો.)

૫. સંસટ્ઠવારો

૧-૪. પચ્ચયાનુલોમાદિ

૧૫. આસવં ધમ્મં સંસટ્ઠો આસવો ધમ્મો ઉપ્પજ્જતિ હેતુપચ્ચયા – કામાસવં સંસટ્ઠો દિટ્ઠાસવો અવિજ્જાસવો (ચક્કં. સંખિત્તં).

હેતુયા નવ, આરમ્મણે નવ (સબ્બત્થ નવ), વિપાકે એકં…પે… અવિગતે નવ.

નહેતુયા દ્વે, નઅધિપતિયા નવ, નપુરેજાતે નવ, નપચ્છાજાતે નવ, નઆસેવને નવ, નકમ્મે તીણિ, નવિપાકે નવ, નઝાને એકં, નમગ્ગે એકં, નવિપ્પયુત્તે નવ.

૬. સમ્પયુત્તવારો

(ગણનાપિ સમ્પયુત્તવારોપિ સંસટ્ઠવારસદિસો.)

૭. પઞ્હાવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૧૬. આસવો ધમ્મો આસવસ્સ ધમ્મસ્સ હેતુપચ્ચયેન પચ્ચયો – કામાસવો દિટ્ઠાસવસ્સ અવિજ્જાસવસ્સ હેતુપચ્ચયેન પચ્ચયો; ભવાસવો અવિજ્જાસવસ્સ હેતુપચ્ચયેન પચ્ચયો (ચક્કં). (૧)

આસવો ધમ્મો નોઆસવસ્સ ધમ્મસ્સ હેતુપચ્ચયેન પચ્ચયો – આસવા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૨)

આસવો ધમ્મો આસવસ્સ ચ નોઆસવસ્સ ચ ધમ્મસ્સ હેતુપચ્ચયેન પચ્ચયો – કામાસવો દિટ્ઠાસવસ્સ અવિજ્જાસવસ્સ સમ્પયુત્તકાનઞ્ચ ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

૧૭. નોઆસવો ધમ્મો નોઆસવસ્સ ધમ્મસ્સ હેતુપચ્ચયેન પચ્ચયો – નોઆસવા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

નોઆસવો ધમ્મો આસવસ્સ ધમ્મસ્સ હેતુપચ્ચયેન પચ્ચયો – નોઆસવા હેતૂ સમ્પયુત્તકાનં આસવાનં હેતુપચ્ચયેન પચ્ચયો. (૨)

નોઆસવો ધમ્મો આસવસ્સ ચ નોઆસવસ્સ ચ ધમ્મસ્સ હેતુપચ્ચયેન પચ્ચયો – નોઆસવા હેતૂ સમ્પયુત્તકાનં ખન્ધાનં આસવાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

આસવો ચ નોઆસવો ચ ધમ્મા નોઆસવસ્સ ધમ્મસ્સ હેતુપચ્ચયેન પચ્ચયો – આસવા ચ નોઆસવા ચ હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૧)

આરમ્મણપચ્ચયો

૧૮. આસવો ધમ્મો આસવસ્સ ધમ્મસ્સ આરમ્મણપચ્ચયેન પચ્ચયો – આસવે આરબ્ભ આસવા ઉપ્પજ્જન્તિ. (૧)

આસવો ધમ્મો નોઆસવસ્સ ધમ્મસ્સ આરમ્મણપચ્ચયેન પચ્ચયો – આસવે આરબ્ભ નોઆસવા ખન્ધા ઉપ્પજ્જન્તિ. (૨)

આસવો ધમ્મો આસવસ્સ ચ નોઆસવસ્સ ચ ધમ્મસ્સ આરમ્મણપચ્ચયેન પચ્ચયો – આસવે આરબ્ભ આસવા ચ સમ્પયુત્તકા ચ ખન્ધા ઉપ્પજ્જન્તિ. (૩)

૧૯. નોઆસવો ધમ્મો નોઆસવસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં…પે… પુબ્બે…પે… ઝાના…પે… અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ, નિબ્બાનં પચ્ચવેક્ખન્તિ; નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો; અરિયા નોઆસવે પહીને કિલેસે…પે… વિક્ખમ્ભિતે કિલેસે…પે… પુબ્બે સમુદાચિણ્ણે કિલેસે જાનન્તિ, ચક્ખું…પે… વત્થું નોઆસવે ખન્ધે અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ, ચેતોપરિયઞાણેન નોઆસવચિત્તસમઙ્ગિસ્સ ચિત્તં જાનાતિ, આકાસાનઞ્ચાયતનં વિઞ્ઞાણઞ્ચાયતનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ…પે… રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે… નોઆસવા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

નોઆસવો ધમ્મો આસવસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા…પે… તં અસ્સાદેતિ અભિનન્દતિ, તં આરબ્ભ આસવા ઉપ્પજ્જન્તિ, સીલં…પે… ઉપોસથકમ્મં…પે… પુબ્બે…પે… ઝાના…પે… ચક્ખું…પે… વત્થું નોઆસવે ખન્ધે અસ્સાદેતિ અભિનન્દતિ, તં આરબ્ભ આસવા ઉપ્પજ્જન્તિ. (૨)

નોઆસવો ધમ્મો આસવસ્સ ચ નોઆસવસ્સ ચ ધમ્મસ્સ આરમ્મણપચ્ચયેન પચ્ચયો – દાનં દત્વા…પે… (દુતિયગમનં) નોઆસવે ખન્ધે અસ્સાદેતિ અભિનન્દતિ, તં આરબ્ભ આસવા ચ સમ્પયુત્તકા ચ ખન્ધા ઉપ્પજ્જન્તિ. (૩)

૨૦. આસવો ચ નોઆસવો ચ ધમ્મા આસવસ્સ ધમ્મસ્સ આરમ્મણપચ્ચયેન પચ્ચયો – આસવે ચ સમ્પયુત્તકે ચ ખન્ધે આરબ્ભ આસવા ઉપ્પજ્જન્તિ. (૧)

આસવો ચ નોઆસવો ચ ધમ્મા નોઆસવસ્સ ધમ્મસ્સ આરમ્મણપચ્ચયેન પચ્ચયો – આસવે ચ સમ્પયુત્તકે ચ ખન્ધે આરબ્ભ નોઆસવા ખન્ધા ઉપ્પજ્જન્તિ. (૨)

આસવો ચ નોઆસવો ચ ધમ્મા આસવસ્સ ચ નોઆસવસ્સ ચ ધમ્મસ્સ આરમ્મણપચ્ચયેન પચ્ચયો – આસવે ચ સમ્પયુત્તકે ચ ખન્ધે આરબ્ભ આસવા ચ સમ્પયુત્તકા ચ ખન્ધા ઉપ્પજ્જન્તિ. (૩)

અધિપતિપચ્ચયો

૨૧. આસવો ધમ્મો આસવસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – આસવે ગરું કત્વા આસવા ઉપ્પજ્જન્તિ (તીણિ આરમ્મણસદિસા, ગરુકારમ્મણા કાતબ્બા).

નોઆસવો ધમ્મો નોઆસવસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… સીલં…પે… ઉપોસથકમ્મં…પે… પુબ્બે…પે… ઝાના…પે… અરિયા મગ્ગા…પે… ફલં…પે… નિબ્બાનં ગરું…પે… નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ અધિપતિપચ્ચયેન પચ્ચયો; ચક્ખું…પે… વત્થું નોઆસવે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – નોઆસવા અધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

નોઆસવો ધમ્મો આસવસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… નોઆસવે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા આસવા ઉપ્પજ્જન્તિ. સહજાતાધિપતિ – નોઆસવા અધિપતિ સમ્પયુત્તકાનં આસવાનં અધિપતિપચ્ચયેન પચ્ચયો. (૨)

નોઆસવો ધમ્મો આસવસ્સ ચ નોઆસવસ્સ ચ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… નોઆસવે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – નોઆસવા અધિપતિ સમ્પયુત્તકાનં ખન્ધાનં આસવાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

આસવો ચ નોઆસવો ચ ધમ્મા આસવસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – આસવે ચ સમ્પયુત્તકે ચ ખન્ધે ગરું કત્વા અસ્સાદેતિ…પે… આસવા ઉપ્પજ્જન્તિ (તીણિ, ગરુકારમ્મણા).

અનન્તરપચ્ચયો

૨૨. આસવો ધમ્મો આસવસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા આસવા પચ્છિમાનં પચ્છિમાનં આસવાનં અનન્તરપચ્ચયેન પચ્ચયો. (૧)

આસવો ધમ્મો નોઆસવસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા આસવા પચ્છિમાનં પચ્છિમાનં નોઆસવાનં ખન્ધાનં અનન્તરપચ્ચયેન પચ્ચયો; આસવા વુટ્ઠાનસ્સ અનન્તરપચ્ચયેન પચ્ચયો. (૨)

આસવો ધમ્મો આસવસ્સ ચ નોઆસવસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા આસવા પચ્છિમાનં પચ્છિમાનં આસવાનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો. (૩)

૨૩. નોઆસવો ધમ્મો નોઆસવસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા નોઆસવા ખન્ધા પચ્છિમાનં પચ્છિમાનં નોઆસવાનં ખન્ધાનં અનન્તરપચ્ચયેન પચ્ચયો; અનુલોમં ગોત્રભુસ્સ…પે… ફલસમાપત્તિયા અનન્તરપચ્ચયેન પચ્ચયો. (૧)

નોઆસવો ધમ્મો આસવસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા નોઆસવા ખન્ધા પચ્છિમાનં પચ્છિમાનં આસવાનં અનન્તરપચ્ચયેન પચ્ચયો; આવજ્જના આસવાનં અનન્તરપચ્ચયેન પચ્ચયો. (૨)

નોઆસવો ધમ્મો આસવસ્સ ચ નોઆસવસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા નોઆસવા ખન્ધા પચ્છિમાનં પચ્છિમાનં આસવાનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો. (૩)

૨૪. આસવો ચ નોઆસવો ચ ધમ્મા આસવસ્સ ધમ્મસ્સ અનન્તરપચ્ચયેન પચ્ચયો… તીણિ.

સમનન્તરપચ્ચયાદિ

૨૫. આસવો ધમ્મો આસવસ્સ ધમ્મસ્સ સમનન્તરપચ્ચયેન પચ્ચયો… સહજાતપચ્ચયેન પચ્ચયો… નવ… અઞ્ઞમઞ્ઞપચ્ચયેન પચ્ચયો… નવ… નિસ્સયપચ્ચયેન પચ્ચયો… નવ (વત્થુ ચ દસ્સેતબ્બં).

ઉપનિસ્સયપચ્ચયો

૨૬. આસવો ધમ્મો આસવસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – આસવા આસવાનં ઉપનિસ્સયપચ્ચયેન પચ્ચયો (તીણિ).

૨૭. નોઆસવો ધમ્મો નોઆસવસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ; સીલં…પે… સેનાસનં ઉપનિસ્સાય દાનં દેતિ…પે… સઙ્ઘં ભિન્દતિ; સદ્ધા…પે… સેનાસનં સદ્ધાય…પે… ફલસમાપત્તિયા ઉપનિસ્સયપચ્ચયેન પચ્ચયો. (૧)

નોઆસવો ધમ્મો આસવસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય માનં જપ્પેતિ, દિટ્ઠિં ગણ્હાતિ; સીલં…પે… સઙ્ઘં ભિન્દતિ, સદ્ધા…પે… સેનાસનં રાગસ્સ…પે… પત્થનાય ઉપનિસ્સયપચ્ચયેન પચ્ચયો. (૨)

નોઆસવો ધમ્મો આસવસ્સ ચ નોઆસવસ્સ ચ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય માનં જપ્પેતિ, દિટ્ઠિં ગણ્હાતિ; સીલં…પે… સેનાસનં ઉપનિસ્સાય…પે… પાણં હનતિ…પે… સઙ્ઘં ભિન્દતિ, સદ્ધા…પે… સેનાસનં રાગસ્સ…પે… પત્થનાય ઉપનિસ્સયપચ્ચયેન પચ્ચયો. (૩)

આસવો ચ નોઆસવો ચ ધમ્મા આસવસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો… તીણિ.

પુરેજાતપચ્ચયો

૨૮. નોઆસવો ધમ્મો નોઆસવસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું …પે… વત્થું (એવં વિત્થારેતબ્બં), ફોટ્ઠબ્બાયતનં કાયવિઞ્ઞાણસ્સ પુરેજાતપચ્ચયેન પચ્ચયો. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ, વત્થુ નોઆસવાનં ખન્ધાનં પુરેજાતપચ્ચયેન પચ્ચયો. (૧)

નોઆસવો ધમ્મો આસવસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ આસવા ઉપ્પજ્જન્તિ. વત્થુપુરેજાતં – વત્થુ આસવાનં પુરેજાતપચ્ચયેન પચ્ચયો. (૨)

નોઆસવો ધમ્મો આસવસ્સ ચ નોઆસવસ્સ ચ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ આસવા ચ સમ્પયુત્તકા ચ ખન્ધા ઉપ્પજ્જન્તિ. વત્થુપુરેજાતં – વત્થુ આસવાનઞ્ચ આસવસમ્પયુત્તકાનઞ્ચ ખન્ધાનં પુરેજાતપચ્ચયેન પચ્ચયો. (૩)

પચ્છાજાતપચ્ચયો

૨૯. આસવો ધમ્મો નોઆસવસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા આસવા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

નોઆસવો ધમ્મો નોઆસવસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા નોઆસવા ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

આસવો ચ નોઆસવો ચ ધમ્મા નોઆસવસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા આસવા ચ સમ્પયુત્તકા ચ ખન્ધા પુરેજાતસ્સ ઇમસ્સ કાયસ્સ પચ્છાજાતપચ્ચયેન પચ્ચયો. (૧)

આસેવનપચ્ચયો

૩૦. આસવો ધમ્મો આસવસ્સ ધમ્મસ્સ આસેવનપચ્ચયેન પચ્ચયો… નવ.

કમ્મપચ્ચયો

૩૧. નોઆસવો ધમ્મો નોઆસવસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નોઆસવા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નોઆસવા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

નોઆસવો ધમ્મો આસવસ્સ ધમ્મસ્સ કમ્મપચ્ચયેન પચ્ચયો – નોઆસવા ચેતના સમ્પયુત્તકાનં આસવાનં કમ્મપચ્ચયેન પચ્ચયો. (૨)

નોઆસવો ધમ્મો આસવસ્સ ચ નોઆસવસ્સ ચ ધમ્મસ્સ કમ્મપચ્ચયેન પચ્ચયો – નોઆસવા ચેતના સમ્પયુત્તકાનં ખન્ધાનં આસવાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)

વિપાકાહારપચ્ચયા

૩૨. નોઆસવો ધમ્મો નોઆસવસ્સ ધમ્મસ્સ વિપાકપચ્ચયેન પચ્ચયો… એકં, આહારપચ્ચયેન પચ્ચયો – નોઆસવા આહારા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો; પટિસન્ધિક્ખણે…પે… કબળીકારો આહારો ઇમસ્સ કાયસ્સ આહારપચ્ચયેન પચ્ચયો. (૧)

નોઆસવો ધમ્મો આસવસ્સ ધમ્મસ્સ આહારપચ્ચયેન પચ્ચયો – નોઆસવા આહારા સમ્પયુત્તકાનં આસવાનં આહારપચ્ચયેન પચ્ચયો. (૨)

નોઆસવો ધમ્મો આસવસ્સ ચ નોઆસવસ્સ ચ ધમ્મસ્સ આહારપચ્ચયેન પચ્ચયો – નોઆસવા આહારા સમ્પયુત્તકાનં ખન્ધાનં આસવાનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો. (૩)

ઇન્દ્રિયપચ્ચયાદિ

૩૩. નોઆસવો ધમ્મો નોઆસવસ્સ ધમ્મસ્સ ઇન્દ્રિયપચ્ચયેન પચ્ચયો – નોઆસવા ઇન્દ્રિયા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં ઇન્દ્રિયપચ્ચયેન પચ્ચયો; પટિસન્ધિક્ખણે…પે… ચક્ખુન્દ્રિયં ચક્ખુવિઞ્ઞાણસ્સ…પે… કાયિન્દ્રિયં કાયવિઞ્ઞાણસ્સ…પે… રૂપજીવિતિન્દ્રિયં કટત્તારૂપાનં ઇન્દ્રિયપચ્ચયેન પચ્ચયો… તીણિ… ઝાનપચ્ચયેન પચ્ચયો… તીણિ… મગ્ગપચ્ચયેન પચ્ચયો… નવ… સમ્પયુત્તપચ્ચયેન પચ્ચયો… નવ.

વિપ્પયુત્તપચ્ચયો

૩૪. આસવો ધમ્મો નોઆસવસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – આસવા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. પચ્છાજાતા – આસવા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

૩૫. નોઆસવો ધમ્મો નોઆસવસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતા – નોઆસવા ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે…પે… ખન્ધા વત્થુસ્સ વિપ્પયુત્તપચ્ચયેન પચ્ચયો, વત્થુ ખન્ધાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ નોઆસવાનં ખન્ધાનં વિપ્પયુત્તપચ્ચયેન પચ્ચયો. પચ્છાજાતા – નોઆસવા ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

નોઆસવો ધમ્મો આસવસ્સ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ આસવાનં વિપ્પયુત્તપચ્ચયેન પચ્ચયો. (૨)

નોઆસવો ધમ્મો આસવસ્સ ચ નોઆસવસ્સ ચ ધમ્મસ્સ વિપ્પયુત્તપચ્ચયેન પચ્ચયો. પુરેજાતં – વત્થુ આસવાનં સમ્પયુત્તકાનઞ્ચ ખન્ધાનં વિપ્પયુત્તપચ્ચયેન પચ્ચયો. (૩)

૩૬. આસવો ચ નોઆસવો ચ ધમ્મા નોઆસવસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – આસવા ચ સમ્પયુત્તકા ચ ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. પચ્છાજાતા – આસવા ચ સમ્પયુત્તકા ચ ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

અત્થિપચ્ચયો

૩૭. આસવો ધમ્મો આસવસ્સ ધમ્મસ્સ અત્થિપચ્ચયેન પચ્ચયો – કામાસવો દિટ્ઠાસવસ્સ અવિજ્જાસવસ્સ અત્થિપચ્ચયેન પચ્ચયો (ચક્કં). (૧)

આસવો ધમ્મો નોઆસવસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં. સહજાતા – આસવા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો. પચ્છાજાતા – આસવા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. (૨)

આસવો ધમ્મો આસવસ્સ ચ નોઆસવસ્સ ચ ધમ્મસ્સ અત્થિપચ્ચયેન પચ્ચયો – કામાસવો દિટ્ઠાસવસ્સ અવિજ્જાસવસ્સ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો (ચક્કં). (૩)

૩૮. નોઆસવો ધમ્મો નોઆસવસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતો – નોઆસવો એકો ખન્ધો તિણ્ણન્નં ખન્ધાનં…પે… (યાવ અસઞ્ઞસત્તા). પુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે… ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ નોઆસવાનં ખન્ધાનં અત્થિપચ્ચયેન પચ્ચયો. પચ્છાજાતા – નોઆસવા ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો; કબળીકારો આહારો ઇમસ્સ કાયસ્સ અત્થિપચ્ચયેન પચ્ચયો; રૂપજીવિતિન્દ્રિયં કટત્તારૂપાનં અત્થિપચ્ચયેન પચ્ચયો. (૧)

નોઆસવો ધમ્મો આસવસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતા – નોઆસવા ખન્ધા આસવાનં અત્થિપચ્ચયેન પચ્ચયો. પુરેજાતં – ચક્ખું…પે… વત્થું અસ્સાદેતિ અભિનન્દતિ, તં આરબ્ભ આસવા ઉપ્પજ્જન્તિ, વત્થુ આસવાનં અત્થિપચ્ચયેન પચ્ચયો. (૨)