૧. પચ્ચયાનુલોમં

૧. વિભઙ્ગવારો

(પઞ્હાવારે હેતુપચ્ચયેપિ આરમ્મણપચ્ચયેપિ લોકુત્તરં ન કાતબ્બં, સેખા ગોત્રભું પચ્ચવેક્ખન્તિ, વોદાનં પચ્ચવેક્ખન્તીતિ કાતબ્બા. અધિપતિપચ્ચયમ્પિ સબ્બં જાનિત્વા કાતબ્બં.)

અનન્તરપચ્ચયો

૧૧૨. આસવો ચેવ સાસવો ચ ધમ્મો આસવસ્સ ચેવ સાસવસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા આસવા પચ્છિમાનં પચ્છિમાનં આસવાનં અનન્તરપચ્ચયેન પચ્ચયો. (૧)

આસવો ચેવ સાસવો ચ ધમ્મો સાસવસ્સ ચેવ નો ચ આસવસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા આસવા પચ્છિમાનં પચ્છિમાનં સાસવઞ્ચેવ નો ચ આસવાનં ખન્ધાનં અનન્તરપચ્ચયેન પચ્ચયો; આસવા વુટ્ઠાનસ્સ અનન્તરપચ્ચયેન પચ્ચયો. (૨)

આસવો ચેવ સાસવો ચ ધમ્મો આસવસ્સ ચેવ સાસવસ્સ ચ સાસવસ્સ ચેવ નો ચ આસવસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા આસવા પચ્છિમાનં પચ્છિમાનં આસવાનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો. (૩)

૧૧૩. સાસવો ચેવ નો ચ આસવો ધમ્મો સાસવસ્સ ચેવ નો ચ આસવસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સાસવા ચેવ નો ચ આસવા ખન્ધા પચ્છિમાનં પચ્છિમાનં સાસવાનઞ્ચેવ નો ચ આસવાનં ખન્ધાનં અનન્તરપચ્ચયેન પચ્ચયો; અનુલોમં ગોત્રભુસ્સ, અનુલોમં વોદાનસ્સ, આવજ્જના સાસવાનઞ્ચેવ નો ચ આસવાનં ખન્ધાનં અનન્તરપચ્ચયેન પચ્ચયો. (૧)

સાસવો ચેવ નો ચ આસવો ધમ્મો આસવસ્સ ચેવ સાસવસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા સાસવા ચેવ નો ચ આસવા ખન્ધા પચ્છિમાનં પચ્છિમાનં આસવાનં અનન્તરપચ્ચયેન પચ્ચયો; આવજ્જના આસવાનં અનન્તરપચ્ચયેન પચ્ચયો. (૨)

સાસવો ચેવ નો ચ આસવો ધમ્મો આસવસ્સ ચેવ સાસવસ્સ ચ સાસવસ્સ ચેવ નો ચ આસવસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા સાસવા ચેવ નો ચ આસવા ખન્ધા પચ્છિમાનં પચ્છિમાનં આસવાનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો; આવજ્જના આસવાનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો. (૩)

૧૧૪. આસવો ચેવ સાસવો ચ સાસવો ચેવ નો ચ આસવો ચ ધમ્મા આસવસ્સ ચેવ સાસવસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા આસવા ચ સમ્પયુત્તકા ચ ખન્ધા પચ્છિમાનં પચ્છિમાનં આસવાનં અનન્તરપચ્ચયેન પચ્ચયો. (૧)

આસવો ચેવ સાસવો ચ સાસવો ચેવ નો ચ આસવો ચ ધમ્મા સાસવસ્સ ચેવ નો ચ આસવસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા આસવા ચ સમ્પયુત્તકા ચ ખન્ધા પચ્છિમાનં પચ્છિમાનં સાસવાનઞ્ચેવ નો ચ આસવાનં ખન્ધાનં અનન્તરપચ્ચયેન પચ્ચયો; આસવા ચ સમ્પયુત્તકા ચ ખન્ધા વુટ્ઠાનસ્સ અનન્તરપચ્ચયેન પચ્ચયો. (૨)

આસવો ચેવ સાસવો ચ સાસવો ચેવ નો ચ આસવો ચ ધમ્મા આસવસ્સ ચેવ સાસવસ્સ ચ સાસવસ્સ ચેવ નો ચ આસવસ્સ ચ ધમ્મસ્સ અનન્તરપચ્ચયેન પચ્ચયો – પુરિમા પુરિમા આસવા ચ સમ્પયુત્તકા ચ ખન્ધા પચ્છિમાનં પચ્છિમાનં આસવાનં સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો (એવં સબ્બં વિત્થારેતબ્બં). (૩)

(આસવદુકેપિ અનન્તરં ઇમિના સદિસં કાતબ્બં. આવજ્જનાપિ વુટ્ઠાનમ્પિ એવં સમુદ્દિટ્ઠં સંખિત્તં. સબ્બં પરિપુણ્ણં. આસવદુકસદિસં કાતબ્બં, નિન્નાનં.)

આસવસાસવદુકં નિટ્ઠિતં.