૧. વિભઙ્ગવારો

હેતુપચ્ચયો

૧૦૯. આસવઞ્ચેવ સાસવઞ્ચ ધમ્મં પટિચ્ચ આસવો ચેવ સાસવો ચ ધમ્મો ઉપ્પજ્જતિ હેતુપચ્ચયા – કામાસવં પટિચ્ચ દિટ્ઠાસવો અવિજ્જાસવો (ચક્કં બન્ધિતબ્બં) ભવાસવં પટિચ્ચ અવિજ્જાસવો (ચક્કં બન્ધિતબ્બં) દિટ્ઠાસવં પટિચ્ચ અવિજ્જાસવો. (૧)

આસવઞ્ચેવ સાસવઞ્ચ ધમ્મં પટિચ્ચ સાસવો ચેવ નો ચ આસવો ધમ્મો ઉપ્પજ્જતિ હેતુપચ્ચયા – આસવે પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં. (૨)

આસવઞ્ચેવ સાસવઞ્ચ ધમ્મં પટિચ્ચ આસવો ચેવ સાસવો ચ સાસવો ચેવ નો ચ આસવો ચ ધમ્મા ઉપ્પજ્જન્તિ હેતુપચ્ચયા – કામાસવં પટિચ્ચ દિટ્ઠાસવો અવિજ્જાસવો સમ્પયુત્તકા ખન્ધા ચિત્તસમુટ્ઠાનઞ્ચ રૂપં, ભવાસવં (ચક્કં બન્ધિતબ્બં). (૩)

૧૧૦. સાસવઞ્ચેવ નો ચ આસવં ધમ્મં પટિચ્ચ સાસવો ચેવ નો ચ આસવો ધમ્મો ઉપ્પજ્જતિ હેતુપચ્ચયા – સાસવઞ્ચેવ નો ચ આસવં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા, એકં મહાભૂતં…પે…. (૧)

સાસવઞ્ચેવ નો ચ આસવં ધમ્મં પટિચ્ચ આસવો ચેવ સાસવો ચ ધમ્મો ઉપ્પજ્જતિ હેતુપચ્ચયા – સાસવે ચેવ નો ચ આસવે ખન્ધે પટિચ્ચ આસવા. (૨)

સાસવઞ્ચેવ નો ચ આસવં ધમ્મં પટિચ્ચ આસવો ચેવ સાસવો ચ સાસવો ચેવ નો ચ આસવો ચ ધમ્મા ઉપ્પજ્જન્તિ હેતુપચ્ચયા – સાસવઞ્ચેવ નો ચ આસવં એકં ખન્ધં પટિચ્ચ તયો ખન્ધા આસવા ચ ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

૧૧૧. આસવઞ્ચેવ સાસવઞ્ચ સાસવઞ્ચેવ નો ચ આસવઞ્ચ ધમ્મં પટિચ્ચ આસવો ચેવ સાસવો ચ ધમ્મો ઉપ્પજ્જતિ હેતુપચ્ચયા – કામાસવઞ્ચ સમ્પયુત્તકે ચ ખન્ધે પટિચ્ચ દિટ્ઠાસવો અવિજ્જાસવો (એવં ચક્કં બન્ધિતબ્બં). (૧)

આસવઞ્ચેવ સાસવઞ્ચ સાસવઞ્ચેવ નો ચ આસવઞ્ચ ધમ્મં પટિચ્ચ સાસવો ચેવ નો ચ આસવો ધમ્મો ઉપ્પજ્જતિ હેતુપચ્ચયા – સાસવઞ્ચેવ નો ચ આસવં એકં ખન્ધઞ્ચ આસવે ચ પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે ચ…પે…. (૨)

આસવઞ્ચેવ સાસવઞ્ચ સાસવઞ્ચેવ નો ચ આસવઞ્ચ ધમ્મં પટિચ્ચ આસવો ચેવ સાસવો ચ સાસવો ચેવ નો ચ આસવો ચ ધમ્મા ઉપ્પજ્જન્તિ હેતુપચ્ચયા – સાસવઞ્ચેવ નો ચ આસવં એકં ખન્ધઞ્ચ કામાસવઞ્ચ પટિચ્ચ તયો ખન્ધા દિટ્ઠાસવો અવિજ્જાસવો ચિત્તસમુટ્ઠાનઞ્ચ રૂપં…પે… દ્વે ખન્ધે ચ…પે… (ચક્કં. સંખિત્તં). (૩)