૧. વિભઙ્ગવારો

હેતુપચ્ચયો

૪૮. આસવસમ્પયુત્તં ધમ્મં પટિચ્ચ આસવસમ્પયુત્તો ધમ્મો ઉપ્પજ્જતિ હેતુપચ્ચયા – આસવસમ્પયુત્તં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

આસવસમ્પયુત્તં ધમ્મં પટિચ્ચ આસવવિપ્પયુત્તો ધમ્મો ઉપ્પજ્જતિ હેતુપચ્ચયા – આસવસમ્પયુત્તે ખન્ધે પટિચ્ચ ચિત્તસમુટ્ઠાનં રૂપં, દોમનસ્સસહગતે ખન્ધે પટિચ્ચ મોહો ચિત્તસમુટ્ઠાનઞ્ચ રૂપં. (૨)

આસવસમ્પયુત્તં ધમ્મં પટિચ્ચ આસવસમ્પયુત્તો ચ આસવવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – આસવસમ્પયુત્તં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… દોમનસ્સસહગતં એકં ખન્ધં પટિચ્ચ તયો ખન્ધા મોહો ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

૪૯. આસવવિપ્પયુત્તં ધમ્મં પટિચ્ચ આસવવિપ્પયુત્તો ધમ્મો ઉપ્પજ્જતિ હેતુપચ્ચયા – આસવવિપ્પયુત્તં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… દોમનસ્સસહગતં વિચિકિચ્છાસહગતં ઉદ્ધચ્ચસહગતં મોહં પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા, એકં મહાભૂતં પટિચ્ચ તયો મહાભૂતા, તયો મહાભૂતે પટિચ્ચ એકં મહાભૂતં, દ્વે મહાભૂતે પટિચ્ચ દ્વે મહાભૂતા, મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

આસવવિપ્પયુત્તં ધમ્મં પટિચ્ચ આસવસમ્પયુત્તો ધમ્મો ઉપ્પજ્જતિ હેતુપચ્ચયા – દોમનસ્સસહગતં વિચિકિચ્છાસહગતં ઉદ્ધચ્ચસહગતં મોહં પટિચ્ચ સમ્પયુત્તકા ખન્ધા. (૨)

આસવવિપ્પયુત્તં ધમ્મં પટિચ્ચ આસવસમ્પયુત્તો ચ આસવવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – દોમનસ્સસહગતં વિચિકિચ્છાસહગતં ઉદ્ધચ્ચસહગતં મોહં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં. (૩)

૫૦. આસવસમ્પયુત્તઞ્ચ આસવવિપ્પયુત્તઞ્ચ ધમ્મં પટિચ્ચ આસવસમ્પયુત્તો ધમ્મો ઉપ્પજ્જતિ હેતુપચ્ચયા – દોમનસ્સસહગતં વિચિકિચ્છાસહગતં ઉદ્ધચ્ચસહગતં એકં ખન્ધઞ્ચ મોહઞ્ચ પટિચ્ચ તયો ખન્ધા…પે… દ્વે ખન્ધે…પે…. (૧)

આસવસમ્પયુત્તઞ્ચ આસવવિપ્પયુત્તઞ્ચ ધમ્મં પટિચ્ચ આસવવિપ્પયુત્તો ધમ્મો ઉપ્પજ્જતિ હેતુપચ્ચયા – આસવસમ્પયુત્તે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં, દોમનસ્સસહગતે વિચિકિચ્છાસહગતે ઉદ્ધચ્ચસહગતે ખન્ધે ચ મોહઞ્ચ પટિચ્ચ ચિત્તસમુટ્ઠાનં રૂપં. (૨)

આસવસમ્પયુત્તઞ્ચ આસવવિપ્પયુત્તઞ્ચ ધમ્મં પટિચ્ચ આસવસમ્પયુત્તો ચ આસવવિપ્પયુત્તો ચ ધમ્મા ઉપ્પજ્જન્તિ હેતુપચ્ચયા – દોમનસ્સસહગતં વિચિકિચ્છાસહગતં ઉદ્ધચ્ચસહગતં એકં ખન્ધઞ્ચ મોહઞ્ચ પટિચ્ચ તયો ખન્ધા ચિત્તસમુટ્ઠાનઞ્ચ રૂપં, દ્વે ખન્ધે…પે…. (૩)

આરમ્મણપચ્ચયો

૫૧. આસવસમ્પયુત્તં ધમ્મં પટિચ્ચ આસવસમ્પયુત્તો ધમ્મો ઉપ્પજ્જતિ આરમ્મણપચ્ચયા – આસવસમ્પયુત્તં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

આસવસમ્પયુત્તં ધમ્મં પટિચ્ચ આસવવિપ્પયુત્તો ધમ્મો ઉપ્પજ્જતિ આરમ્મણપચ્ચયા – દોમનસ્સસહગતે વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ મોહો. (૨)

આસવસમ્પયુત્તં ધમ્મં પટિચ્ચ આસવસમ્પયુત્તો ચ આસવવિપ્પયુત્તો ચ ધમ્મા ઉપ્પજ્જન્તિ આરમ્મણપચ્ચયા – દોમનસ્સસહગતં વિચિકિચ્છાસહગતં ઉદ્ધચ્ચસહગતં એકં ખન્ધં પટિચ્ચ તયો ખન્ધા મોહો ચ…પે… દ્વે ખન્ધે…પે…. (૩)

૫૨. આસવવિપ્પયુત્તં ધમ્મં પટિચ્ચ આસવવિપ્પયુત્તો ધમ્મો ઉપ્પજ્જતિ આરમ્મણપચ્ચયા – આસવવિપ્પયુત્તં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે… વત્થું પટિચ્ચ ખન્ધા. (૧) આસવવિપ્પયુત્તં ધમ્મં પટિચ્ચ આસવસમ્પયુત્તો ધમ્મો ઉપ્પજ્જતિ આરમ્મણપચ્ચયા – દોમનસ્સસહગતં વિચિકિચ્છાસહગતં ઉદ્ધચ્ચસહગતં મોહં પટિચ્ચ સમ્પયુત્તકા ખન્ધા. (૨)

આસવસમ્પયુત્તઞ્ચ આસવવિપ્પયુત્તઞ્ચ ધમ્મં પટિચ્ચ આસવસમ્પયુત્તો ધમ્મો ઉપ્પજ્જતિ આરમ્મણપચ્ચયા – દોમનસ્સસહગતં વિચિકિચ્છાસહગતં ઉદ્ધચ્ચસહગતં એકં ખન્ધઞ્ચ મોહઞ્ચ પટિચ્ચ તયો ખન્ધા…પે… દ્વે ખન્ધે…પે…. (૧)

અધિપતિપચ્ચયો

૫૩. આસવસમ્પયુત્તં ધમ્મં પટિચ્ચ આસવસમ્પયુત્તો ધમ્મો ઉપ્પજ્જતિ અધિપતિપચ્ચયા… તીણિ.

આસવવિપ્પયુત્તં ધમ્મં પટિચ્ચ આસવવિપ્પયુત્તો ધમ્મો ઉપ્પજ્જતિ અધિપતિપચ્ચયા – આસવવિપ્પયુત્તં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… દોમનસ્સસહગતં મોહં પટિચ્ચ ચિત્તસમુટ્ઠાનં રૂપં, એકં મહાભૂતં…પે… મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં. (૧)

આસવવિપ્પયુત્તં ધમ્મં પટિચ્ચ આસવસમ્પયુત્તો ધમ્મો ઉપ્પજ્જતિ અધિપતિપચ્ચયા – દોમનસ્સસહગતં મોહં પટિચ્ચ સમ્પયુત્તકા ખન્ધા. (૨)

આસવવિપ્પયુત્તં ધમ્મં પટિચ્ચ આસવસમ્પયુત્તો ચ આસવવિપ્પયુત્તો ચ ધમ્મા ઉપ્પજ્જન્તિ અધિપતિપચ્ચયા – દોમનસ્સસહગતં મોહં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં. (૩)

૫૪. આસવસમ્પયુત્તઞ્ચ આસવવિપ્પયુત્તઞ્ચ ધમ્મં પટિચ્ચ આસવસમ્પયુત્તો ધમ્મો ઉપ્પજ્જતિ અધિપતિપચ્ચયા – દોમનસ્સસહગતં એકં ખન્ધઞ્ચ મોહઞ્ચ પટિચ્ચ તયો ખન્ધા…પે… દ્વે ખન્ધે…પે…. (૧)

આસવસમ્પયુત્તઞ્ચ આસવવિપ્પયુત્તઞ્ચ ધમ્મં પટિચ્ચ આસવવિપ્પયુત્તો ધમ્મો ઉપ્પજ્જતિ અધિપતિપચ્ચયા – આસવસમ્પયુત્તે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં, દોમનસ્સસહગતે ખન્ધે ચ મોહઞ્ચ પટિચ્ચ ચિત્તસમુટ્ઠાનં રૂપં. (૨)

આસવસમ્પયુત્તઞ્ચ આસવવિપ્પયુત્તઞ્ચ ધમ્મં પટિચ્ચ આસવસમ્પયુત્તો ચ આસવવિપ્પયુત્તો ચ ધમ્મા ઉપ્પજ્જન્તિ અધિપતિપચ્ચયા – દોમનસ્સસહગતં એકં ખન્ધઞ્ચ મોહઞ્ચ પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

(એવં સબ્બે પચ્ચયા વિત્થારેતબ્બા. સંખિત્તં.)