૧. વિભઙ્ગવારો

નહેતુપચ્ચયો

૯૯. ચેતસિકં ધમ્મં પટિચ્ચ ચેતસિકો ધમ્મો ઉપ્પજ્જતિ નહેતુપચ્ચયા – અહેતુકં ચેતસિકં એકં ખન્ધં પટિચ્ચ દ્વે ખન્ધા, દ્વે ખન્ધે…પે… અહેતુકપટિસન્ધિક્ખણે…પે… વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

ચેતસિકં ધમ્મં પટિચ્ચ અચેતસિકો ધમ્મો ઉપ્પજ્જતિ નહેતુપચ્ચયા – અહેતુકે ચેતસિકે ખન્ધે પટિચ્ચ ચિત્તઞ્ચ ચિત્તસમુટ્ઠાનઞ્ચ રૂપં; અહેતુકપટિસન્ધિક્ખણે…પે…. (૨)

ચેતસિકં ધમ્મં પટિચ્ચ ચેતસિકો ચ અચેતસિકો ચ ધમ્મા ઉપ્પજ્જન્તિ નહેતુપચ્ચયા – અહેતુકં ચેતસિકં એકં ખન્ધં પટિચ્ચ દ્વે ખન્ધા ચિત્તઞ્ચ ચિત્તસમુટ્ઠાનઞ્ચ રૂપં, દ્વે ખન્ધે…પે… અહેતુકપટિસન્ધિક્ખણે …પે…. (૩)

૧૦૦. અચેતસિકં ધમ્મં પટિચ્ચ અચેતસિકો ધમ્મો ઉપ્પજ્જતિ નહેતુપચ્ચયા – અહેતુકં ચિત્તં પટિચ્ચ ચિત્તસમુટ્ઠાનં રૂપં; અહેતુકપટિસન્ધિક્ખણે ચિત્તં પટિચ્ચ કટત્તારૂપં, ચિત્તં પટિચ્ચ વત્થુ, વત્થું પટિચ્ચ ચિત્તં, એકં મહાભૂતં…પે… અસઞ્ઞસત્તાનં એકં મહાભૂતં…પે…. (૧)

અચેતસિકં ધમ્મં પટિચ્ચ ચેતસિકો ધમ્મો ઉપ્પજ્જતિ નહેતુપચ્ચયા – અહેતુકં ચિત્તં પટિચ્ચ સમ્પયુત્તકા ખન્ધા; અહેતુકપટિસન્ધિક્ખણે ચિત્તં પટિચ્ચ સમ્પયુત્તકા ખન્ધા, અહેતુકપટિસન્ધિક્ખણે વત્થું પટિચ્ચ ચેતસિકા ખન્ધા, વિચિકિચ્છાસહગતં ઉદ્ધચ્ચસહગતં ચિત્તં પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૨)

અચેતસિકં ધમ્મં પટિચ્ચ ચેતસિકો ચ અચેતસિકો ચ ધમ્મા ઉપ્પજ્જન્તિ નહેતુપચ્ચયા – અહેતુકં ચિત્તં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં; અહેતુકપટિસન્ધિક્ખણે ચિત્તં પટિચ્ચ સમ્પયુત્તકા ખન્ધા કટત્તા ચ રૂપં, અહેતુકપટિસન્ધિક્ખણે વત્થું પટિચ્ચ ચિત્તઞ્ચ સમ્પયુત્તકા ચ ખન્ધા. (૩)

૧૦૧. ચેતસિકઞ્ચ અચેતસિકઞ્ચ ધમ્મં પટિચ્ચ ચેતસિકો ધમ્મો ઉપ્પજ્જતિ નહેતુપચ્ચયા – અહેતુકં ચેતસિકં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા, દ્વે ખન્ધે ચ…પે… અહેતુકપટિસન્ધિક્ખણે ચેતસિકં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા, દ્વે ખન્ધે ચ…પે… અહેતુકપટિસન્ધિક્ખણે ચેતસિકં એકં ખન્ધઞ્ચ વત્થુઞ્ચ પટિચ્ચ દ્વે ખન્ધા, દ્વે ખન્ધે ચ…પે… વિચિકિચ્છાસહગતે ઉદ્ધચ્ચસહગતે ખન્ધે ચ ચિત્તઞ્ચ પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

ચેતસિકઞ્ચ અચેતસિકઞ્ચ ધમ્મં પટિચ્ચ અચેતસિકો ધમ્મો ઉપ્પજ્જતિ નહેતુપચ્ચયા – અહેતુકે ચેતસિકે ખન્ધે ચ ચિત્તઞ્ચ પટિચ્ચ ચિત્તસમુટ્ઠાનં રૂપં, અહેતુકે ચેતસિકે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં; અહેતુકપટિસન્ધિક્ખણે ચેતસિકે ખન્ધે ચ ચિત્તઞ્ચ પટિચ્ચ કટત્તારૂપં, અહેતુકપટિસન્ધિક્ખણે ચેતસિકે ખન્ધે ચ મહાભૂતે ચ પટિચ્ચ કટત્તારૂપં, અહેતુકપટિસન્ધિક્ખણે ચેતસિકે ખન્ધે ચ વત્થુઞ્ચ પટિચ્ચ ચિત્તં. (૨)

ચેતસિકઞ્ચ અચેતસિકઞ્ચ ધમ્મં પટિચ્ચ ચેતસિકો ચ અચેતસિકો ચ ધમ્મા ઉપ્પજ્જન્તિ નહેતુપચ્ચયા – અહેતુકં ચેતસિકં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં; અહેતુકપટિસન્ધિક્ખણે ચેતસિકં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા કટત્તા ચ રૂપં, અહેતુકપટિસન્ધિક્ખણે ચેતસિકં એકં ખન્ધઞ્ચ વત્થુઞ્ચ પટિચ્ચ દ્વે ખન્ધા ચિત્તઞ્ચ, દ્વે ખન્ધે ચ…પે…. (૩)

નઆરમ્મણપચ્ચયો

૧૦૨. ચેતસિકં ધમ્મં પટિચ્ચ અચેતસિકો ધમ્મો ઉપ્પજ્જતિ નઆરમ્મણપચ્ચયા – ચેતસિકે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. (૧)

અચેતસિકં ધમ્મં પટિચ્ચ અચેતસિકો ધમ્મો ઉપ્પજ્જતિ નઆરમ્મણપચ્ચયા – ચિત્તં પટિચ્ચ ચિત્તસમુટ્ઠાનં રૂપં; પટિસન્ધિક્ખણે …પે… (યાવ અસઞ્ઞસત્તા). (૧)

ચેતસિકઞ્ચ અચેતસિકઞ્ચ ધમ્મં પટિચ્ચ અચેતસિકો ધમ્મો ઉપ્પજ્જતિ નઆરમ્મણપચ્ચયા – ચેતસિકે ખન્ધે ચ ચિત્તઞ્ચ પટિચ્ચ ચિત્તસમુટ્ઠાનં રૂપં, ચેતસિકે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં (પટિસન્ધિક્ખણે દ્વેપિ કાતબ્બા, સંખિત્તં).