૧૦. મહન્તરદુકં

૫૫. સારમ્મણદુકં

૧. પટિચ્ચવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૧. સારમ્મણં ધમ્મં પટિચ્ચ સારમ્મણો ધમ્મો ઉપ્પજ્જતિ હેતુપચ્ચયા – સારમ્મણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

સારમ્મણં ધમ્મં પટિચ્ચ અનારમ્મણો ધમ્મો ઉપ્પજ્જતિ હેતુપચ્ચયા – સારમ્મણે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. (૨)

સારમ્મણં ધમ્મં પટિચ્ચ સારમ્મણો ચ અનારમ્મણો ચ ધમ્મા ઉપ્પજ્જન્તિ હેતુપચ્ચયા – સારમ્મણં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… પટિસન્ધિક્ખણે…પે…. (૩)

૨. અનારમ્મણં ધમ્મં પટિચ્ચ અનારમ્મણો ધમ્મો ઉપ્પજ્જતિ હેતુપચ્ચયા – એકં મહાભૂતં…પે… મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

અનારમ્મણં ધમ્મં પટિચ્ચ સારમ્મણો ધમ્મો ઉપ્પજ્જતિ હેતુપચ્ચયા – પટિસન્ધિક્ખણે વત્થું પટિચ્ચ સારમ્મણા ખન્ધા. (૨)

અનારમ્મણં ધમ્મં પટિચ્ચ સારમ્મણો ચ અનારમ્મણો ચ ધમ્મો ઉપ્પજ્જન્તિ હેતુપચ્ચયા – પટિસન્ધિક્ખણે વત્થું પટિચ્ચ સારમ્મણા ખન્ધા, મહાભૂતે પટિચ્ચ કટત્તારૂપં. (૩)

૩. સારમ્મણઞ્ચ અનારમ્મણઞ્ચ ધમ્મં પટિચ્ચ સારમ્મણો ધમ્મો ઉપ્પજ્જતિ હેતુપચ્ચયા – પટિસન્ધિક્ખણે સારમ્મણં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે ચ…પે…. (૧)

સારમ્મણઞ્ચ અનારમ્મણઞ્ચ ધમ્મં પટિચ્ચ અનારમ્મણો ધમ્મો ઉપ્પજ્જતિ હેતુપચ્ચયા – સારમ્મણે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. (૨)

સારમ્મણઞ્ચ અનારમ્મણઞ્ચ ધમ્મં પટિચ્ચ સારમ્મણો ચ અનારમ્મણો ચ ધમ્મા ઉપ્પજ્જન્તિ હેતુપચ્ચયા – પટિસન્ધિક્ખણે સારમ્મણં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે ચ…પે… સારમ્મણે ખન્ધે ચ મહાભૂતે ચ પટિચ્ચ કટત્તારૂપં. (૩)

આરમ્મણપચ્ચયો

૪. સારમ્મણં ધમ્મં પટિચ્ચ સારમ્મણો ધમ્મો ઉપ્પજ્જતિ આરમ્મણપચ્ચયા – સારમ્મણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે….

અનારમ્મણં ધમ્મં પટિચ્ચ સારમ્મણો ધમ્મો ઉપ્પજ્જતિ આરમ્મણપચ્ચયા – પટિસન્ધિક્ખણે વત્થું પટિચ્ચ સારમ્મણા ખન્ધા.

સારમ્મણઞ્ચ અનારમ્મણઞ્ચ ધમ્મં પટિચ્ચ સારમ્મણો ધમ્મો ઉપ્પજ્જતિ આરમ્મણપચ્ચયા – પટિસન્ધિક્ખણે સારમ્મણં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે ચ…પે… (સંખિત્તં).

૧. પચ્ચયાનુલોમં

૨. સઙ્ખ્યાવારો

સુદ્ધં

૫. હેતુયા નવ, આરમ્મણે તીણિ, અધિપતિયા પઞ્ચ, અનન્તરે તીણિ, સમનન્તરે તીણિ, સહજાતે નવ, અઞ્ઞમઞ્ઞે છ, નિસ્સયે નવ, ઉપનિસ્સયે તીણિ, પુરેજાતે એકં, આસેવને એકં, કમ્મે નવ, વિપાકે નવ, આહારે નવ, ઇન્દ્રિયે નવ, ઝાને નવ, મગ્ગે નવ, સમ્પયુત્તે તીણિ, વિપ્પયુત્તે નવ, અત્થિયા નવ, નત્થિયા તીણિ, વિગતે તીણિ, અવિગતે નવ.

૨. પચ્ચયપચ્ચનીયં

૧. વિભઙ્ગવારો

નહેતુપચ્ચયો

૬. સારમ્મણં ધમ્મં પટિચ્ચ સારમ્મણો ધમ્મો ઉપ્પજ્જતિ નહેતુપચ્ચયા – અહેતુકં સારમ્મણં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… અહેતુકપટિસન્ધિક્ખણે…પે… વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

સારમ્મણં ધમ્મં પટિચ્ચ અનારમ્મણો ધમ્મો ઉપ્પજ્જતિ નહેતુપચ્ચયા – અહેતુકે સારમ્મણે ખન્ધે પટિચ્ચ ચિત્તસમુટ્ઠાનં રૂપં; અહેતુકપટિસન્ધિક્ખણે…પે…. (૨)

સારમ્મણં ધમ્મં પટિચ્ચ સારમ્મણો ચ અનારમ્મણો ચ ધમ્મા ઉપ્પજ્જન્તિ નહેતુપચ્ચયા – અહેતુકં સારમ્મણં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… અહેતુકપટિસન્ધિક્ખણે…પે…. (૩)

૭. અનારમ્મણં ધમ્મં પટિચ્ચ અનારમ્મણો ધમ્મો ઉપ્પજ્જતિ નહેતુપચ્ચયા – એકં મહાભૂતં…પે… અસઞ્ઞસત્તાનં એકં મહાભૂતં…પે…. (૧)

અનારમ્મણં ધમ્મં પટિચ્ચ સારમ્મણો ધમ્મો ઉપ્પજ્જતિ નહેતુપચ્ચયા – અહેતુકપટિસન્ધિક્ખણે વત્થું પટિચ્ચ સારમ્મણા ખન્ધા. (૨)

અનારમ્મણં ધમ્મં પટિચ્ચ સારમ્મણો ચ અનારમ્મણો ચ ધમ્મા ઉપ્પજ્જન્તિ નહેતુપચ્ચયા – અહેતુકપટિસન્ધિક્ખણે વત્થું પટિચ્ચ સારમ્મણા ખન્ધા, મહાભૂતે પટિચ્ચ કટત્તારૂપં. (૩)

૮. સારમ્મણઞ્ચ અનારમ્મણઞ્ચ ધમ્મં પટિચ્ચ સારમ્મણો ધમ્મો ઉપ્પજ્જતિ નહેતુપચ્ચયા – અહેતુકપટિસન્ધિક્ખણે સારમ્મણં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે ચ…પે…. (૧)

સારમ્મણઞ્ચ અનારમ્મણઞ્ચ ધમ્મં પટિચ્ચ અનારમ્મણો ધમ્મો ઉપ્પજ્જતિ નહેતુપચ્ચયા – અહેતુકે સારમ્મણે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં; અહેતુકપટિસન્ધિક્ખણે…પે…. (૨)

સારમ્મણઞ્ચ અનારમ્મણઞ્ચ ધમ્મં પટિચ્ચ સારમ્મણો ચ અનારમ્મણો ચ ધમ્મા ઉપ્પજ્જન્તિ નહેતુપચ્ચયા – અહેતુકપટિસન્ધિક્ખણે સારમ્મણં એકં ખન્ધઞ્ચ વત્થુઞ્ચ પટિચ્ચ તયો ખન્ધા…પે… દ્વે ખન્ધે ચ…પે… સારમ્મણે ખન્ધે ચ મહાભૂતે ચ પટિચ્ચ કટત્તારૂપં. (૩)

નઆરમ્મણપચ્ચયો

૯. સારમ્મણં ધમ્મં પટિચ્ચ અનારમ્મણો ધમ્મો ઉપ્પજ્જતિ નઆરમ્મણપચ્ચયા – સારમ્મણે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. (૧)

અનારમ્મણં ધમ્મં પટિચ્ચ અનારમ્મણો ધમ્મો ઉપ્પજ્જતિ નઆરમ્મણપચ્ચયા (યાવ અસઞ્ઞસત્તા). (૧)

સારમ્મણઞ્ચ અનારમ્મણઞ્ચ ધમ્મં પટિચ્ચ અનારમ્મણો ધમ્મો ઉપ્પજ્જતિ નઆરમ્મણપચ્ચયા – સારમ્મણે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે… (સંખિત્તં). (૧)

૨. પચ્ચયપચ્ચનીયં

૨. સઙ્ખ્યાવારો

સુદ્ધં

૧૦. નહેતુયા નવ, નઆરમ્મણે તીણિ, નઅધિપતિયા નવ, નઅનન્તરે તીણિ, નસમનન્તરે તીણિ, નઅઞ્ઞમઞ્ઞે તીણિ, નઉપનિસ્સયે તીણિ, નપુરેજાતે નવ, નપચ્છાજાતે નવ, નઆસેવને નવ, નકમ્મે દ્વે, નવિપાકે પઞ્ચ, નઆહારે એકં, નઇન્દ્રિયે એકં, નઝાને દ્વે, નમગ્ગે નવ, નસમ્પયુત્તે તીણિ, નવિપ્પયુત્તે દ્વે, નોનત્થિયા તીણિ, નોવિગતે તીણિ.

૩. પચ્ચયાનુલોમપચ્ચનીયં

૧૧. હેતુપચ્ચયા નઆરમ્મણે તીણિ, નઅધિપતિયા નવ…પે… નકમ્મે એકં…પે… નવિપ્પયુત્તે એકં (સંખિત્તં).

૪. પચ્ચયપચ્ચનીયાનુલોમં

૧૨. નહેતુપચ્ચયા આરમ્મણે તીણિ…પે… સહજાતે નવ…પે… મગ્ગે એકં…પે… અવિગતે નવ.

૨. સહજાતવારો

(સહજાતવારોપિ પટિચ્ચવારસદિસો.)

૩. પચ્ચયવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૧૩. સારમ્મણં ધમ્મં પચ્ચયા સારમ્મણો ધમ્મો ઉપ્પજ્જતિ હેતુપચ્ચયા… તીણિ (પટિચ્ચસદિસા).

૧૪. અનારમ્મણં ધમ્મં પચ્ચયા અનારમ્મણો ધમ્મો ઉપ્પજ્જતિ હેતુપચ્ચયા – એકં મહાભૂતં…પે… મહાભૂતે પચ્ચયા ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

અનારમ્મણં ધમ્મં પચ્ચયા સારમ્મણો ધમ્મો ઉપ્પજ્જતિ હેતુપચ્ચયા – વત્થું પચ્ચયા સારમ્મણા ખન્ધા; પટિસન્ધિક્ખણે વત્થું પચ્ચયા સારમ્મણા ખન્ધા. (૨)

અનારમ્મણં ધમ્મં પચ્ચયા સારમ્મણો ચ અનારમ્મણો ચ ધમ્મા ઉપ્પજ્જન્તિ હેતુપચ્ચયા – વત્થું પચ્ચયા સારમ્મણા ખન્ધા, મહાભૂતે પચ્ચયા ચિત્તસમુટ્ઠાનં રૂપં; પટિસન્ધિક્ખણે …પે…. (૩)

૧૫. સારમ્મણઞ્ચ અનારમ્મણઞ્ચ ધમ્મં પચ્ચયા સારમ્મણો ધમ્મો ઉપ્પજ્જતિ હેતુપચ્ચયા – સારમ્મણં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… પટિસન્ધિક્ખણે…પે…. (૧)

સારમ્મણઞ્ચ અનારમ્મણઞ્ચ ધમ્મં પચ્ચયા અનારમ્મણો ધમ્મો ઉપ્પજ્જતિ હેતુપચ્ચયા – સારમ્મણે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૨)

સારમ્મણઞ્ચ અનારમ્મણઞ્ચ ધમ્મં પચ્ચયા સારમ્મણો ચ અનારમ્મણો ચ ધમ્મા ઉપ્પજ્જન્તિ હેતુપચ્ચયા – સારમ્મણં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… સારમ્મણે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૩)

આરમ્મણપચ્ચયો

૧૬. સારમ્મણં ધમ્મં પચ્ચયા સારમ્મણો ધમ્મો ઉપ્પજ્જતિ આરમ્મણપચ્ચયા – સારમ્મણં એકં ખન્ધં પચ્ચયા તયો ખન્ધા…પે… દ્વે ખન્ધે…પે… પટિસન્ધિક્ખણે…પે…. (૧)

અનારમ્મણં ધમ્મં પચ્ચયા સારમ્મણો ધમ્મો ઉપ્પજ્જતિ આરમ્મણપચ્ચયા – ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા સારમ્મણા ખન્ધા; પટિસન્ધિક્ખણે…પે…. (૧)

સારમ્મણઞ્ચ અનારમ્મણઞ્ચ ધમ્મં પચ્ચયા સારમ્મણો ધમ્મો ઉપ્પજ્જતિ આરમ્મણપચ્ચયા – ચક્ખુવિઞ્ઞાણસહગતં એકં ખન્ધઞ્ચ ચક્ખાયતનઞ્ચ પચ્ચયા તયો ખન્ધા…પે… દ્વે ખન્ધે ચ…પે… કાયવિઞ્ઞાણસહગતં…પે… સારમ્મણં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… પટિસન્ધિક્ખણે…પે… (સંખિત્તં). (૧)

૧. પચ્ચયાનુલોમં

૨. સઙ્ખ્યાવારો

સુદ્ધં

૧૭. હેતુયા નવ, આરમ્મણે તીણિ, અધિપતિયા નવ, અનન્તરે તીણિ, સમનન્તરે તીણિ, સહજાતે નવ, અઞ્ઞમઞ્ઞે છ, નિસ્સયે નવ, ઉપનિસ્સયે તીણિ, પુરેજાતે તીણિ, આસેવને તીણિ, કમ્મે નવ, વિપાકે નવ, આહારે નવ, ઇન્દ્રિયે નવ, ઝાને નવ, મગ્ગે નવ, સમ્પયુત્તે તીણિ, વિપ્પયુત્તે નવ, અત્થિયા નવ, નત્થિયા તીણિ, વિગતે તીણિ, અવિગતે નવ.

૨. પચ્ચયપચ્ચનીયં

૧. વિભઙ્ગવારો

નહેતુપચ્ચયો

૧૮. સારમ્મણં ધમ્મં પચ્ચયા સારમ્મણો ધમ્મો ઉપ્પજ્જતિ નહેતુપચ્ચયા… તીણિ (પટિચ્ચવારસદિસં).

અનારમ્મણં ધમ્મં પચ્ચયા અનારમ્મણો ધમ્મો ઉપ્પજ્જતિ નહેતુપચ્ચયા – એકં મહાભૂતં…પે… અસઞ્ઞસત્તાનં એકં મહાભૂતં…પે…. (૧)

અનારમ્મણં ધમ્મં પચ્ચયા સારમ્મણો ધમ્મો ઉપ્પજ્જતિ નહેતુપચ્ચયા – ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા અહેતુકા સારમ્મણા ખન્ધા; પટિસન્ધિક્ખણે…પે… વત્થું પચ્ચયા વિચિકિચ્છાસહગતો ઉદ્ધચ્ચસહગતો મોહો. (૨)

અનારમ્મણં ધમ્મં પચ્ચયા સારમ્મણો ચ અનારમ્મણો ચ ધમ્મા ઉપ્પજ્જન્તિ નહેતુપચ્ચયા – વત્થું પચ્ચયા અહેતુકા સારમ્મણા ખન્ધા, મહાભૂતે પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૩)

૧૯. સારમ્મણઞ્ચ અનારમ્મણઞ્ચ ધમ્મં પચ્ચયા સારમ્મણો ધમ્મો ઉપ્પજ્જતિ નહેતુપચ્ચયા – ચક્ખુવિઞ્ઞાણસહગતં એકં ખન્ધઞ્ચ ચક્ખાયતનઞ્ચ પચ્ચયા તયો ખન્ધા…પે… દ્વે ખન્ધે ચ…પે… કાયવિઞ્ઞાણસહગતં…પે… અહેતુકં સારમ્મણં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… અહેતુકપટિસન્ધિક્ખણે…પે… વિચિકિચ્છાસહગતે ઉદ્ધચ્ચસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો ઉદ્ધચ્ચસહગતો મોહો. (૧)

સારમ્મણઞ્ચ અનારમ્મણઞ્ચ ધમ્મં પચ્ચયા અનારમ્મણો ધમ્મો ઉપ્પજ્જતિ નહેતુપચ્ચયા – અહેતુકે સારમ્મણે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; પટિસન્ધિક્ખણે…પે…. (૨)

સારમ્મણઞ્ચ અનારમ્મણઞ્ચ ધમ્મં પચ્ચયા સારમ્મણો ચ અનારમ્મણો ચ ધમ્મા ઉપ્પજ્જન્તિ નહેતુપચ્ચયા – અહેતુકં સારમ્મણં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… અહેતુકે સારમ્મણે ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં; અહેતુકપટિસન્ધિક્ખણે અહેતુકં સારમ્મણં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… અહેતુકે સારમ્મણે ખન્ધે ચ મહાભૂતે ચ પચ્ચયા કટત્તારૂપં…પે… (સંખિત્તં). (૩)

૨. પચ્ચયપચ્ચનીયં

૨. સઙ્ખ્યાવારો

સુદ્ધં

૨૦. નહેતુયા નવ, નઆરમ્મણે તીણિ, નઅધિપતિયા નવ, નઅનન્તરે તીણિ, નસમનન્તરે તીણિ, નઅઞ્ઞમઞ્ઞે તીણિ, નઉપનિસ્સયે તીણિ, નપુરેજાતે નવ, નપચ્છાજાતે નવ, નઆસેવને નવ, નકમ્મે ચત્તારિ, નવિપાકે નવ, નઆહારે એકં, નઇન્દ્રિયે એકં, નઝાને ચત્તારિ, નમગ્ગે નવ, નસમ્પયુત્તે તીણિ, નવિપ્પયુત્તે દ્વે, નોનત્થિયા તીણિ, નોવિગતે તીણિ.

૩. પચ્ચયાનુલોમપચ્ચનીયં

૨૧. હેતુપચ્ચયા નઆરમ્મણે તીણિ, નઅધિપતિયા નવ…પે… નકમ્મે એકં…પે… નવિપ્પયુત્તે એકં (સંખિત્તં).

૪. પચ્ચયપચ્ચનીયાનુલોમં

૨૨. નહેતુપચ્ચયા આરમ્મણે તીણિ, અનન્તરે તીણિ, સમનન્તરે તીણિ, સહજાતે નવ…પે… મગ્ગે તીણિ…પે… અવિગતે નવ.

૪. નિસ્સયવારો

(નિસ્સયવારો પચ્ચયવારસદિસો.)

૫. સંસટ્ઠવારો

૧-૪. પચ્ચયાનુલોમાદિ

૨૩. સારમ્મણં ધમ્મં સંસટ્ઠો સારમ્મણો ધમ્મો ઉપ્પજ્જતિ હેતુપચ્ચયા – સારમ્મણં એકં ખન્ધં સંસટ્ઠા તયો ખન્ધા…પે… દ્વે ખન્ધે સંસટ્ઠા દ્વે ખન્ધા; પટિસન્ધિક્ખણે…પે….

૨૪. હેતુયા એકં, આરમ્મણે એકં, અધિપતિયા એકં (સબ્બત્થ એકં), અવિગતે એકં.

અનુલોમં.

૨૫. સારમ્મણં ધમ્મં સંસટ્ઠો સારમ્મણો ધમ્મો ઉપ્પજ્જતિ નહેતુપચ્ચયા – અહેતુકં સારમ્મણં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… વિચિકિચ્છાસહગતે ઉદ્ધચ્ચસહગતે ખન્ધે સંસટ્ઠો વિચિકિચ્છાસહગતો ઉદ્ધચ્ચસહગતો મોહો (સંખિત્તં).

૨૬. નહેતુયા એકં, નઅધિપતિયા એકં, નપુરેજાતે એકં, નપચ્છાજાતે એકં, નઆસેવને એકં, નકમ્મે એકં, નવિપાકે એકં, નઝાને એકં, નમગ્ગે એકં, નવિપ્પયુત્તે એકં.

પચ્ચનીયં.

૬. સમ્પયુત્તવારો

(એવં ઇતરે દ્વે ગણનાપિ સમ્પયુત્તવારાપિ કાતબ્બા.)

૭. પઞ્હાવારો

૧. પચ્ચયાનુલોમં

૧. વિભઙ્ગવારો

હેતુપચ્ચયો

૨૭. સારમ્મણો ધમ્મો સારમ્મણસ્સ ધમ્મસ્સ હેતુપચ્ચયેન પચ્ચયો – સારમ્મણા હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

સારમ્મણો ધમ્મો અનારમ્મણસ્સ ધમ્મસ્સ હેતુપચ્ચયેન પચ્ચયો – સારમ્મણા હેતૂ ચિત્તસમુટ્ઠાનાનં રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૨)

સારમ્મણો ધમ્મો સારમ્મણસ્સ ચ અનારમ્મણસ્સ ચ ધમ્મસ્સ હેતુપચ્ચયેન પચ્ચયો – સારમ્મણા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૩)

આરમ્મણપચ્ચયો

૨૮. સારમ્મણો ધમ્મો સારમ્મણસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં કત્વા તં પચ્ચવેક્ખતિ અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ; પુબ્બે સુચિણ્ણાનિ…પે… ઝાના…પે… અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ, પહીને કિલેસે…પે… વિક્ખમ્ભિતે કિલેસે…પે… પુબ્બે સમુદાચિણ્ણે કિલેસે જાનન્તિ, સારમ્મણે ખન્ધે અનિચ્ચતો…પે… દોમનસ્સં ઉપ્પજ્જતિ; ચેતોપરિયઞાણેન સારમ્મણચિત્તસમઙ્ગિસ્સ ચિત્તં જાનાતિ, આકાસાનઞ્ચાયતનં વિઞ્ઞાણઞ્ચાયતનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ…પે… સારમ્મણા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

૨૯. અનારમ્મણો ધમ્મો સારમ્મણસ્સ ધમ્મસ્સ આરમ્મણપચ્ચયેન પચ્ચયો – અરિયા નિબ્બાનં પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો; ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે… અનારમ્મણા ખન્ધા ઇદ્ધિવિધઞાણસ્સ, પુબ્બેનિવાસાનુસ્સતિઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

અધિપતિપચ્ચયો

૩૦. સારમ્મણો ધમ્મો સારમ્મણસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… સીલં…પે… ઉપોસથકમ્મં કત્વા તં ગરું કત્વા પચ્ચવેક્ખતિ અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ, પુબ્બે સુચિણ્ણાનિ…પે… ઝાના વુટ્ઠહિત્વા ઝાનં…પે… અરિયા મગ્ગા વુટ્ઠહિત્વા મગ્ગં ગરું…પે… ફલં ગરું…પે… સારમ્મણે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – સારમ્મણાધિપતિ સમ્પયુત્તકાનં ખન્ધાનં અધિપતિપચ્ચયેન પચ્ચયો. (૧)

સારમ્મણો ધમ્મો અનારમ્મણસ્સ ધમ્મસ્સ અધિપતિપચ્ચયેન પચ્ચયો. સહજાતાધિપતિ – સારમ્મણાધિપતિ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૨)

સારમ્મણો ધમ્મો સારમ્મણસ્સ ચ અનારમ્મણસ્સ ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – સારમ્મણાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૩)

૩૧. અનારમ્મણો ધમ્મો સારમ્મણસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અરિયા નિબ્બાનં ગરું કત્વા પચ્ચવેક્ખન્તિ; નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, અધિપતિપચ્ચયેન પચ્ચયો; ચક્ખું…પે… વત્થું ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૧)

અનન્તરપચ્ચયાદિ

૩૨. સારમ્મણો ધમ્મો સારમ્મણસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા સારમ્મણા…પે… ફલસમાપત્તિયા અનન્તરપચ્ચયેન પચ્ચયો… સમનન્તરપચ્ચયેન પચ્ચયો… એકં… સહજાતપચ્ચયેન પચ્ચયો… સત્ત (પટિચ્ચવારે સહજાતસદિસા)… અઞ્ઞમઞ્ઞપચ્ચયેન પચ્ચયો… છ (પટિચ્ચવારે અઞ્ઞમઞ્ઞસદિસં)… નિસ્સયપચ્ચયેન પચ્ચયો… સત્ત (પચ્ચયવારે નિસ્સયસદિસો).

ઉપનિસ્સયપચ્ચયો

૩૩. સારમ્મણો ધમ્મો સારમ્મણસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… માનં જપ્પેતિ, દિટ્ઠિં ગણ્હાતિ. સીલં…પે… પઞ્ઞં, રાગં…પે… પત્થનં, કાયિકં સુખં… કાયિકં દુક્ખં ઉપનિસ્સાય દાનં દેતિ…પે… સમાપત્તિં ઉપ્પાદેતિ, પાણં હનતિ…પે… સઙ્ઘં ભિન્દતિ. સદ્ધા…પે… પઞ્ઞા, રાગો…પે… પત્થના, કાયિકં સુખં… કાયિકં દુક્ખં સદ્ધાય…પે… પઞ્ઞાય, રાગસ્સ…પે… પત્થનાય, કાયિકસ્સ સુખસ્સ, કાયિકસ્સ દુક્ખસ્સ, મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૧)

અનારમ્મણો ધમ્મો સારમ્મણસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, પકતૂપનિસ્સયો…પે…. પકતૂપનિસ્સયો – ઉતું, ભોજનં, સેનાસનં ઉપનિસ્સાય દાનં દેતિ…પે… સમાપત્તિં ઉપ્પાદેતિ, પાણં હનતિ…પે… સઙ્ઘં ભિન્દતિ. ઉતુ… ભોજનં… સેનાસનં સદ્ધાય…પે… પત્થનાય, કાયિકસ્સ સુખસ્સ, કાયિકસ્સ દુક્ખસ્સ, મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૧)

પુરેજાતપચ્ચયો

૩૪. અનારમ્મણો ધમ્મો સારમ્મણસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે…. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ સારમ્મણાનં ખન્ધાનં પુરેજાતપચ્ચયેન પચ્ચયો. (૧)

પચ્છાજાતાસેવનપચ્ચયા

૩૫. સારમ્મણો ધમ્મો અનારમ્મણસ્સ ધમ્મસ્સ પચ્છાજાતપચ્ચયેન પચ્ચયો… એકં.

સારમ્મણો ધમ્મો સારમ્મણસ્સ ધમ્મસ્સ આસેવનપચ્ચયેન પચ્ચયો… એકં.

કમ્મપચ્ચયો

૩૬. સારમ્મણો ધમ્મો સારમ્મણસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – સારમ્મણા ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – સારમ્મણા ચેતના વિપાકાનં ખન્ધાનં કમ્મપચ્ચયેન પચ્ચયો. (૧)

સારમ્મણો ધમ્મો અનારમ્મણસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – સારમ્મણા ચેતના ચિત્તસમુટ્ઠાનાનં રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – સારમ્મણા ચેતના કટત્તારૂપાનં કમ્મપચ્ચયેન પચ્ચયો. (૨)

સારમ્મણો ધમ્મો સારમ્મણસ્સ ચ અનારમ્મણસ્સ ચ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – સારમ્મણા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – સારમ્મણા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૩)

વિપાક-આહારપચ્ચયા

૩૭. સારમ્મણો ધમ્મો સારમ્મણસ્સ ધમ્મસ્સ વિપાકપચ્ચયેન પચ્ચયો… તીણિ.

સારમ્મણો ધમ્મો સારમ્મણસ્સ ધમ્મસ્સ આહારપચ્ચયેન પચ્ચયો… તીણિ.

અનારમ્મણો ધમ્મો અનારમ્મણસ્સ ધમ્મસ્સ આહારપચ્ચયેન પચ્ચયો – કબળીકારો આહારો ઇમસ્સ કાયસ્સ આહારપચ્ચયેન પચ્ચયો. (૧)

ઇન્દ્રિયપચ્ચયો

૩૮. સારમ્મણો ધમ્મો સારમ્મણસ્સ ધમ્મસ્સ ઇન્દ્રિયપચ્ચયેન પચ્ચયો… તીણિ.

અનારમ્મણો ધમ્મો અનારમ્મણસ્સ ધમ્મસ્સ ઇન્દ્રિયપચ્ચયેન પચ્ચયો – રૂપજીવિતિન્દ્રિયં કટત્તારૂપાનં ઇન્દ્રિયપચ્ચયેન પચ્ચયો. (૧)

અનારમ્મણો ધમ્મો સારમ્મણસ્સ ધમ્મસ્સ ઇન્દ્રિયપચ્ચયેન પચ્ચયો – ચક્ખુન્દ્રિયં ચક્ખુવિઞ્ઞાણસ્સ…પે… કાયિન્દ્રિયં કાયવિઞ્ઞાણસ્સ ઇન્દ્રિયપચ્ચયેન પચ્ચયો. (૧)

સારમ્મણો ચ અનારમ્મણો ચ ધમ્મા સારમ્મણસ્સ ધમ્મસ્સ ઇન્દ્રિયપચ્ચયેન પચ્ચયો – ચક્ખુન્દ્રિયઞ્ચ ચક્ખુવિઞ્ઞાણઞ્ચ ચક્ખુવિઞ્ઞાણસહગતાનં ખન્ધાનં ઇન્દ્રિયપચ્ચયેન પચ્ચયો…પે… કાયિન્દ્રિયઞ્ચ કાયવિઞ્ઞાણઞ્ચ કાયવિઞ્ઞાણસહગતાનં ખન્ધાનં ઇન્દ્રિયપચ્ચયેન પચ્ચયો. (૧)

ઝાનપચ્ચયાદિ

૩૯. સારમ્મણો ધમ્મો સારમ્મણસ્સ ધમ્મસ્સ ઝાનપચ્ચયેન પચ્ચયો… તીણિ, મગ્ગપચ્ચયેન પચ્ચયો… તીણિ, સમ્પયુત્તપચ્ચયેન પચ્ચયો… એકં.

વિપ્પયુત્તપચ્ચયો

૪૦. સારમ્મણો ધમ્મો અનારમ્મણસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં). (૧)

અનારમ્મણો ધમ્મો સારમ્મણસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં. સહજાતં – પટિસન્ધિક્ખણે વત્થુ સારમ્મણાનં ખન્ધાનં વિપ્પયુત્તપચ્ચયેન પચ્ચયો. પુરેજાતં ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ વિપ્પયુત્તપચ્ચયેન પચ્ચયો; વત્થુ સારમ્મણાનં ખન્ધાનં વિપ્પયુત્તપચ્ચયેન પચ્ચયો. (૧)

અત્થિપચ્ચયો

૪૧. સારમ્મણો ધમ્મો સારમ્મણસ્સ ધમ્મસ્સ અત્થિપચ્ચયેન પચ્ચયો – સારમ્મણો એકો ખન્ધો તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા…પે… પટિસન્ધિક્ખણે…પે…. (૧)

સારમ્મણો ધમ્મો અનારમ્મણસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં (સંખિત્તં). (૨)

સારમ્મણો ધમ્મો સારમ્મણસ્સ ચ અનારમ્મણસ્સ ચ ધમ્મસ્સ અત્થિપચ્ચયેન પચ્ચયો (પટિચ્ચસદિસં). (૩)

૪૨. અનારમ્મણો ધમ્મો અનારમ્મણસ્સ ધમ્મસ્સ અત્થિપચ્ચયેન પચ્ચયો – સહજાતં, આહારં, ઇન્દ્રિયં. સહજાતં – એકં મહાભૂતં…પે… (યાવ અસઞ્ઞસત્તા). (૧)

અનારમ્મણો ધમ્મો સારમ્મણસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતં – પટિસન્ધિક્ખણે વત્થુ સારમ્મણાનં ખન્ધાનં અત્થિપચ્ચયેન પચ્ચયો. પુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે… ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ સારમ્મણાનં ખન્ધાનં અત્થિપચ્ચયેન પચ્ચયો. (૨)

૪૩. સારમ્મણો ચ અનારમ્મણો ચ ધમ્મા સારમ્મણસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – ચક્ખુવિઞ્ઞાણસહગતો એકો ખન્ધો ચ ચક્ખાયતનઞ્ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ…પે… કાયવિઞ્ઞાણસહગતો એકો ખન્ધો ચ કાયાયતનઞ્ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ…પે… સારમ્મણો એકો ખન્ધો ચ વત્થુ ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ…પે… પટિસન્ધિક્ખણે…પે…. (૧)

સારમ્મણો ચ અનારમ્મણો ચ ધમ્મા અનારમ્મણસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં, આહારં, ઇન્દ્રિયં. સહજાતા – સારમ્મણા ખન્ધા ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો; પટિસન્ધિક્ખણે…પે…. પચ્છાજાતા – સારમ્મણા ખન્ધા ચ કબળીકારો આહારો ચ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતા – સારમ્મણા ખન્ધા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૨)

૧. પચ્ચયાનુલોમં