૧. વિભઙ્ગવારો

હેતુપચ્ચયો

૯૨. ચેતસિકં ધમ્મં પટિચ્ચ ચેતસિકો ધમ્મો ઉપ્પજ્જતિ હેતુપચ્ચયા – ચેતસિકં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો; પટિસન્ધિક્ખણે…પે…. (૧)

ચેતસિકં ધમ્મં પટિચ્ચ અચેતસિકો ધમ્મો ઉપ્પજ્જતિ હેતુપચ્ચયા – ચેતસિકે ખન્ધે પટિચ્ચ ચિત્તઞ્ચ ચિત્તસમુટ્ઠાનઞ્ચ રૂપં; પટિસન્ધિક્ખણે ચેતસિકે ખન્ધે પટિચ્ચ ચિત્તઞ્ચ કટત્તા ચ રૂપં. (૨)

ચેતસિકં ધમ્મં પટિચ્ચ ચેતસિકો ચ અચેતસિકો ચ ધમ્મા ઉપ્પજ્જન્તિ હેતુપચ્ચયા – ચેતસિકં એકં ખન્ધં પટિચ્ચ દ્વે ખન્ધા ચિત્તઞ્ચ ચિત્તસમુટ્ઠાનઞ્ચ રૂપં, દ્વે ખન્ધે…પે… પટિસન્ધિક્ખણે…પે…. (૩)

૯૩. અચેતસિકં ધમ્મં પટિચ્ચ અચેતસિકો ધમ્મો ઉપ્પજ્જતિ હેતુપચ્ચયા – ચિત્તં પટિચ્ચ ચિત્તસમુટ્ઠાનં રૂપં; પટિસન્ધિક્ખણે ચિત્તં પટિચ્ચ કટત્તારૂપં, ચિત્તં પટિચ્ચ વત્થુ, વત્થું પટિચ્ચ ચિત્તં, એકં મહાભૂતં…પે… મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

અચેતસિકં ધમ્મં પટિચ્ચ ચેતસિકો ધમ્મો ઉપ્પજ્જતિ હેતુપચ્ચયા – ચિત્તં પટિચ્ચ સમ્પયુત્તકા ખન્ધા; પટિસન્ધિક્ખણે ચિત્તં…પે… પટિસન્ધિક્ખણે વત્થું પટિચ્ચ ચેતસિકા ખન્ધા. (૨)

અચેતસિકં ધમ્મં પટિચ્ચ ચેતસિકો ચ અચેતસિકો ચ ધમ્મા ઉપ્પજ્જન્તિ હેતુપચ્ચયા – ચિત્તં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં; પટિસન્ધિક્ખણે ચિત્તં…પે… પટિસન્ધિક્ખણે વત્થું પટિચ્ચ ચિત્તઞ્ચ સમ્પયુત્તકા ચ ખન્ધા. (૩)

૯૪. ચેતસિકઞ્ચ અચેતસિકઞ્ચ ધમ્મં પટિચ્ચ ચેતસિકો ધમ્મો ઉપ્પજ્જતિ હેતુપચ્ચયા – ચેતસિકં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા, દ્વે ખન્ધે ચ…પે… પટિસન્ધિક્ખણે ચેતસિકં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા, દ્વે ખન્ધે ચ…પે… પટિસન્ધિક્ખણે ચેતસિકં એકં ખન્ધઞ્ચ વત્થુઞ્ચ પટિચ્ચ દ્વે ખન્ધા, દ્વે ખન્ધે ચ…પે…. (૧)

ચેતસિકઞ્ચ અચેતસિકઞ્ચ ધમ્મં પટિચ્ચ અચેતસિકો ધમ્મો ઉપ્પજ્જતિ હેતુપચ્ચયા – ચેતસિકે ખન્ધે ચ ચિત્તઞ્ચ પટિચ્ચ ચિત્તસમુટ્ઠાનં રૂપં, ચેતસિકે ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં; પટિસન્ધિક્ખણે ચેતસિકે ખન્ધે ચ ચિત્તઞ્ચ પટિચ્ચ કટત્તારૂપં, પટિસન્ધિક્ખણે ચેતસિકે ખન્ધે ચ મહાભૂતે ચ પટિચ્ચ કટત્તારૂપં, પટિસન્ધિક્ખણે ચેતસિકે ખન્ધે ચ વત્થુઞ્ચ પટિચ્ચ ચિત્તં. (૨)

ચેતસિકઞ્ચ અચેતસિકઞ્ચ ધમ્મં પટિચ્ચ ચેતસિકો ચ અચેતસિકો ચ ધમ્મા ઉપ્પજ્જન્તિ હેતુપચ્ચયા – ચેતસિકં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં, દ્વે ખન્ધે ચ…પે… પટિસન્ધિક્ખણે ચેતસિકં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા કટત્તા ચ રૂપં, દ્વે ખન્ધે ચ…પે… પટિસન્ધિક્ખણે ચેતસિકં એકં ખન્ધઞ્ચ વત્થુઞ્ચ પટિચ્ચ દ્વે ખન્ધા ચિત્તઞ્ચ, દ્વે ખન્ધે ચ વત્થુઞ્ચ પટિચ્ચ એકો ખન્ધો ચિત્તઞ્ચ. (૩)

આરમ્મણપચ્ચયો

૯૫. ચેતસિકં ધમ્મં પટિચ્ચ ચેતસિકો ધમ્મો ઉપ્પજ્જતિ આરમ્મણપચ્ચયા – ચેતસિકં એકં ખન્ધં પટિચ્ચ દ્વે ખન્ધા, દ્વે ખન્ધે…પે… પટિસન્ધિક્ખણે…પે…. (૧)

ચેતસિકં ધમ્મં પટિચ્ચ અચેતસિકો ધમ્મો ઉપ્પજ્જતિ આરમ્મણપચ્ચયા – ચેતસિકે ખન્ધે પટિચ્ચ ચિત્તં; પટિસન્ધિક્ખણે…પે…. (૨)

ચેતસિકં ધમ્મં પટિચ્ચ ચેતસિકો ચ અચેતસિકો ચ ધમ્મા ઉપ્પજ્જન્તિ આરમ્મણપચ્ચયા – ચેતસિકં એકં ખન્ધં પટિચ્ચ દ્વે ખન્ધા ચિત્તઞ્ચ, દ્વે ખન્ધે…પે… પટિસન્ધિક્ખણે…પે…. (૩)

૯૬. અચેતસિકં ધમ્મં પટિચ્ચ અચેતસિકો ધમ્મો ઉપ્પજ્જતિ આરમ્મણપચ્ચયા – પટિસન્ધિક્ખણે વત્થું પટિચ્ચ ચિત્તં. (૧)

અચેતસિકં ધમ્મં પટિચ્ચ ચેતસિકો ધમ્મો ઉપ્પજ્જતિ આરમ્મણપચ્ચયા – ચિત્તં પટિચ્ચ સમ્પયુત્તકા ખન્ધા; પટિસન્ધિક્ખણે ચિત્તં પટિચ્ચ સમ્પયુત્તકા ખન્ધા, પટિસન્ધિક્ખણે વત્થું પટિચ્ચ ચેતસિકા ખન્ધા. (૨)

અચેતસિકં ધમ્મં પટિચ્ચ ચેતસિકો ચ અચેતસિકો ચ ધમ્મા ઉપ્પજ્જન્તિ આરમ્મણપચ્ચયા – પટિસન્ધિક્ખણે વત્થું પટિચ્ચ ચિત્તઞ્ચ સમ્પયુત્તકા ચ ખન્ધા. (૩)

ચેતસિકઞ્ચ અચેતસિકઞ્ચ ધમ્મં પટિચ્ચ ચેતસિકો ધમ્મો ઉપ્પજ્જતિ આરમ્મણપચ્ચયા – ચેતસિકં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા, દ્વે ખન્ધે ચ…પે… પટિસન્ધિક્ખણે ચેતસિકં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા, દ્વે ખન્ધે ચ…પે… પટિસન્ધિક્ખણે ચેતસિકં એકં ખન્ધઞ્ચ વત્થુઞ્ચ પટિચ્ચ દ્વે ખન્ધા, દ્વે ખન્ધે ચ…પે…. (૧)

ચેતસિકઞ્ચ અચેતસિકઞ્ચ ધમ્મં પટિચ્ચ અચેતસિકો ધમ્મો ઉપ્પજ્જતિ આરમ્મણપચ્ચયા – પટિસન્ધિક્ખણે ચેતસિકે ખન્ધે ચ વત્થુઞ્ચ પટિચ્ચ ચિત્તં. (૨)

ચેતસિકઞ્ચ અચેતસિકઞ્ચ ધમ્મં પટિચ્ચ ચેતસિકો ચ અચેતસિકો ચ ધમ્મા ઉપ્પજ્જન્તિ આરમ્મણપચ્ચયા – પટિસન્ધિક્ખણે ચેતસિકં એકં ખન્ધઞ્ચ વત્થુઞ્ચ પટિચ્ચ દ્વે ખન્ધા ચિત્તઞ્ચ, દ્વે ખન્ધે ચ…પે…. (૩)

અધિપતિપચ્ચયો

૯૭. ચેતસિકં ધમ્મં પટિચ્ચ ચેતસિકો ધમ્મો ઉપ્પજ્જતિ અધિપતિપચ્ચયા (સંખિત્તં).