૧. વિભઙ્ગવારો

હેતુપચ્ચયો

૭૦. નોચિત્તો ધમ્મો નોચિત્તસ્સ ધમ્મસ્સ હેતુપચ્ચયેન પચ્ચયો – નોચિત્તા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

નોચિત્તો ધમ્મો ચિત્તસ્સ ધમ્મસ્સ હેતુપચ્ચયેન પચ્ચયો – નોચિત્તા હેતૂ ચિત્તસ્સ હેતુપચ્ચયેન પચ્ચયો; પટિસન્ધિક્ખણે…પે…. (૨)

નોચિત્તો ધમ્મો ચિત્તસ્સ ચ નોચિત્તસ્સ ચ ધમ્મસ્સ હેતુપચ્ચયેન પચ્ચયો – નોચિત્તા હેતૂ સમ્પયુત્તકાનં ખન્ધાનં ચિત્તસ્સ ચ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૩)

આરમ્મણપચ્ચયો

૭૧. ચિત્તો ધમ્મો ચિત્તસ્સ ધમ્મસ્સ આરમ્મણપચ્ચયેન પચ્ચયો – ચિત્તં આરબ્ભ ચિત્તં ઉપ્પજ્જતિ. (મૂલં કાતબ્બં) ચિત્તં આરબ્ભ નોચિત્તા ખન્ધા ઉપ્પજ્જન્તિ. (મૂલં કાતબ્બં) ચિત્તં આરબ્ભ ચિત્તઞ્ચ સમ્પયુત્તકા ચ ખન્ધા ઉપ્પજ્જન્તિ. (૩)

૭૨. નોચિત્તો ધમ્મો નોચિત્તસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા સીલં…પે… ઉપોસથકમ્મં કત્વા તં પચ્ચવેક્ખતિ અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ, પુબ્બે સુચિણ્ણાનિ…પે… ઝાના વુટ્ઠહિત્વા ઝાનં…પે… અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં પચ્ચવેક્ખન્તિ, નિબ્બાનં પચ્ચવેક્ખન્તિ. નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો; અરિયા નોચિત્તે પહીને કિલેસે પચ્ચવેક્ખન્તિ, વિક્ખમ્ભિતે કિલેસે પચ્ચવેક્ખન્તિ, પુબ્બે સમુદાચિણ્ણે કિલેસે જાનન્તિ, ચક્ખું…પે… વત્થું નોચિત્તે ખન્ધે અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. ચેતોપરિયઞાણેન નોચિત્તસમઙ્ગિસ્સ ચિત્તં જાનાતિ, આકાસાનઞ્ચાયતનં…પે… આકિઞ્ચઞ્ઞાયતનં…પે… રૂપાયતનં ચક્ખુવિઞ્ઞાણસહગતાનં ખન્ધાનં…પે… ફોટ્ઠબ્બાયતનં કાયવિઞ્ઞાણસહગતાનં ખન્ધાનં…પે… નોચિત્તા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

નોચિત્તો ધમ્મો ચિત્તસ્સ ધમ્મસ્સ આરમ્મણપચ્ચયેન પચ્ચયો – દાનં દત્વા…પે… (પઠમગમનસદિસં નિન્નાનાકરણં, ઇમં નાનં) રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે… નોચિત્તા ખન્ધા ઇદ્ધિવિધઞાણસ્સ…પે… આવજ્જનાય આરમ્મણપચ્ચયેન પચ્ચયો. (૨)

નોચિત્તો ધમ્મો ચિત્તસ્સ ચ નોચિત્તસ્સ ચ ધમ્મસ્સ આરમ્મણપચ્ચયેન પચ્ચયો – દાનં દત્વા…પે… (પઠમગમનસદિસં નિન્નાનાકરણં, ઇમં નાનં), રૂપાયતનં ચક્ખુવિઞ્ઞાણસ્સ સમ્પયુત્તકાનઞ્ચ ખન્ધાનં…પે… ફોટ્ઠબ્બાયતનં કાયવિઞ્ઞાણસ્સ સમ્પયુત્તકાનઞ્ચ ખન્ધાનં…પે… નોચિત્તા ખન્ધા ઇદ્ધિવિધઞાણસ્સ…પે… આવજ્જનાય આરમ્મણપચ્ચયેન પચ્ચયો. (૩)

ચિત્તો ચ નોચિત્તો ચ ધમ્મા ચિત્તસ્સ ધમ્મસ્સ આરમ્મણપચ્ચયેન પચ્ચયો – ચિત્તઞ્ચ સમ્પયુત્તકે ચ ખન્ધે આરબ્ભ ચિત્તં ઉપ્પજ્જતિ… તીણિ.

અધિપતિપચ્ચયો

૭૩. ચિત્તો ધમ્મો ચિત્તસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – ચિત્તં ગરું કત્વા ચિત્તં ઉપ્પજ્જતિ. (૧)

ચિત્તો ધમ્મો નોચિત્તસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – ચિત્તં ગરું કત્વા નોચિત્તા ખન્ધા ઉપ્પજ્જન્તિ. સહજાતાધિપતિ – ચિત્તાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૨)

ચિત્તો ધમ્મો ચિત્તસ્સ ચ નોચિત્તસ્સ ચ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – ચિત્તં ગરું કત્વા ચિત્તઞ્ચ સમ્પયુત્તકા ચ ખન્ધા ઉપ્પજ્જન્તિ. (૩)

૭૪. નોચિત્તો ધમ્મો નોચિત્તસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… સીલં…પે… ઉપોસથકમ્મં કત્વા તં ગરું કત્વા પચ્ચવેક્ખતિ અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ, પુબ્બે…પે… ઝાના…પે… અરિયા મગ્ગા વુટ્ઠહિત્વા મગ્ગં ગરું કત્વા પચ્ચવેક્ખન્તિ. ફલં ગરું કત્વા પચ્ચવેક્ખન્તિ, નિબ્બાનં ગરું કત્વા પચ્ચવેક્ખન્તિ, નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, અધિપતિપચ્ચયેન પચ્ચયો; ચક્ખું…પે… વત્થું નોચિત્તે ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – નોચિત્તાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

નોચિત્તો ધમ્મો ચિત્તસ્સ ધમ્મસ્સ અધિપતિપચ્ચયેન પચ્ચયો (દ્વેપિ ગમના પઠમગમનસદિસં નિન્નાનાકરણં. આરમ્મણાધિપતિ સહજાતાધિપતિ કાતબ્બા). (૨)

ચિત્તો ચ નોચિત્તો ચ ધમ્મા ચિત્તસ્સ ધમ્મસ્સ અધિપતિપચ્ચયેન પચ્ચયો… આરમ્મણાધિપતિ (તીણિપિ ગરુકારમ્મણા કાતબ્બા, આરમ્મણાધિપતિયેવ).

અનન્તરપચ્ચયાદિ

૭૫. ચિત્તો ધમ્મો ચિત્તસ્સ ધમ્મસ્સ અનન્તરપચ્ચયેન પચ્ચયો – પુરિમં પુરિમં ચિત્તં પચ્છિમસ્સ પચ્છિમસ્સ ચિત્તસ્સ અનન્તરપચ્ચયેન પચ્ચયો. (૧)

ચિત્તો ધમ્મો નોચિત્તસ્સ ધમ્મસ્સ અનન્તરપચ્ચયેન પચ્ચયો – પુરિમં પુરિમં ચિત્તં પચ્છિમાનં પચ્છિમાનં નોચિત્તાનં ખન્ધાનં અનન્તરપચ્ચયેન પચ્ચયો; ચિત્તં વુટ્ઠાનસ્સ અનન્તરપચ્ચયેન પચ્ચયો. (૨)

ચિત્તો ધમ્મો ચિત્તસ્સ ચ નોચિત્તસ્સ ચ ધમ્મસ્સ અનન્તરપચ્ચયેન પચ્ચયો – પુરિમં પુરિમં ચિત્તં પચ્છિમસ્સ પચ્છિમસ્સ ચિત્તસ્સ સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો. (૩)

૭૬. નોચિત્તો ધમ્મો નોચિત્તસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા નોચિત્તા ખન્ધા…પે… ફલસમાપત્તિયા અનન્તરપચ્ચયેન પચ્ચયો (ઇમે દ્વે પૂરેતુકામેન કાતબ્બા, પુરિમગમનસદિસં).

ચિત્તો ચ નોચિત્તો ચ ધમ્મા ચિત્તસ્સ ધમ્મસ્સ અનન્તરપચ્ચયેન પચ્ચયો – પુરિમં પુરિમં ચિત્તઞ્ચ સમ્પયુત્તકા ચ ખન્ધા પચ્છિમસ્સ પચ્છિમસ્સ ચિત્તસ્સ અનન્તરપચ્ચયેન પચ્ચયો. (મૂલં પુચ્છિતબ્બં) પુરિમં પુરિમં ચિત્તઞ્ચ સમ્પયુત્તકા ચ ખન્ધા પચ્છિમાનં પચ્છિમાનં નોચિત્તાનં ખન્ધાનં અનન્તરપચ્ચયેન પચ્ચયો – ચિત્તઞ્ચ સમ્પયુત્તકા ચ ખન્ધા વુટ્ઠાનસ્સ અનન્તરપચ્ચયેન પચ્ચયો. (મૂલં પુચ્છિતબ્બં) પુરિમં પુરિમં ચિત્તઞ્ચ સમ્પયુત્તકા ચ ખન્ધા પચ્છિમસ્સ પચ્છિમસ્સ ચિત્તસ્સ સમ્પયુત્તકાનઞ્ચ ખન્ધાનં અનન્તરપચ્ચયેન પચ્ચયો. (૩)

સમનન્તરપચ્ચયેન પચ્ચયો… સહજાતપચ્ચયેન પચ્ચયો… અઞ્ઞમઞ્ઞપચ્ચયેન પચ્ચયો (પટિચ્ચવારસદિસા)… નિસ્સયપચ્ચયેન પચ્ચયો… પઞ્ચ (પચ્ચયવારસદિસા).

ઉપનિસ્સયપચ્ચયો

૭૭. ચિત્તો ધમ્મો ચિત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ચિત્તં ચિત્તસ્સ ઉપનિસ્સયપચ્ચયેન પચ્ચયો… તીણિ.

નોચિત્તો ધમ્મો નોચિત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… માનં જપ્પેતિ, દિટ્ઠિં ગણ્હાતિ; સીલં…પે… સેનાસનં ઉપનિસ્સાય દાનં દેતિ …પે… સઙ્ઘં ભિન્દતિ; સદ્ધા…પે… સેનાસનં સદ્ધાય…પે… મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૧)

નોચિત્તો ધમ્મો ચિત્તસ્સ ધમ્મસ્સ ઉપનિસ્સયપચ્ચયેન પચ્ચયો (ઇમે દ્વેપિ પૂરેતુકામેન સબ્બત્થ કાતબ્બા, પઠમગમનસદિસં નિન્નાનાકરણં).

ચિત્તો ચ નોચિત્તો ચ ધમ્મા ચિત્તસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ચિત્તઞ્ચ સમ્પયુત્તકા ચ ખન્ધા ચિત્તસ્સ ઉપનિસ્સયપચ્ચયેન પચ્ચયો… તીણિ.

પુરેજાતપચ્ચયો

૭૮. નોચિત્તો ધમ્મો નોચિત્તસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસહગતાનં ખન્ધાનં…પે… ફોટ્ઠબ્બાયતનં કાયવિઞ્ઞાણસહગતાનં ખન્ધાનં પુરેજાતપચ્ચયેન પચ્ચયો. વત્થુપુરેજાતં – ચક્ખાયતનં ચક્ખુવિઞ્ઞાણસહગતાનં ખન્ધાનં…પે… કાયાયતનં…પે… વત્થુ નોચિત્તાનં ખન્ધાનં પુરેજાતપચ્ચયેન પચ્ચયો. (૧)

નોચિત્તો ધમ્મો ચિત્તસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે…. વત્થુપુરેજાતં – ચક્ખાયતનં ચક્ખુવિઞ્ઞાણસ્સ …પે… કાયાયતનં કાયવિઞ્ઞાણસ્સ…પે… વત્થુ ચિત્તસ્સ પુરેજાતપચ્ચયેન પચ્ચયો. (૨)

નોચિત્તો ધમ્મો ચિત્તસ્સ ચ નોચિત્તસ્સ ચ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ ચ સમ્પયુત્તકાનઞ્ચ ખન્ધાનં…પે… ફોટ્ઠબ્બાયતનં…પે…. વત્થુપુરેજાતં – ચક્ખાયતનં ચક્ખુવિઞ્ઞાણસ્સ સમ્પયુત્તકાનઞ્ચ ખન્ધાનં પુરેજાતપચ્ચયેન પચ્ચયો…પે… કાયાયતનં કાયવિઞ્ઞાણસ્સ સમ્પયુત્તકાનઞ્ચ ખન્ધાનં…પે… વત્થુ ચિત્તસ્સ ચ સમ્પયુત્તકાનઞ્ચ ખન્ધાનં પુરેજાતપચ્ચયેન પચ્ચયો. (૩)

પચ્છાજાતાસેવનપચ્ચયા

૭૯. ચિત્તો ધમ્મો નોચિત્તસ્સ ધમ્મસ્સ પચ્છાજાતપચ્ચયેન પચ્ચયો (સંખિત્તં). (૧)

નોચિત્તો ધમ્મો નોચિત્તસ્સ ધમ્મસ્સ પચ્છાજાતપચ્ચયેન પચ્ચયો (સંખિત્તં). (૧)

ચિત્તો ચ નોચિત્તો ચ ધમ્મા નોચિત્તસ્સ ધમ્મસ્સ પચ્છાજાતપચ્ચયેન પચ્ચયો (સંખિત્તં). (૧)

ચિત્તો ધમ્મો ચિત્તસ્સ ધમ્મસ્સ આસેવનપચ્ચયેન પચ્ચયો… નવ.

કમ્મપચ્ચયો

૮૦. નોચિત્તો ધમ્મો નોચિત્તસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નોચિત્તા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નોચિત્તા ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

નોચિત્તો ધમ્મો ચિત્તસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નોચિત્તા ચેતના ચિત્તસ્સ કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નોચિત્તા ચેતના વિપાકસ્સ ચિત્તસ્સ કમ્મપચ્ચયેન પચ્ચયો. (૨)

નોચિત્તો ધમ્મો ચિત્તસ્સ ચ નોચિત્તસ્સ ચ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નોચિત્તા ચેતના સમ્પયુત્તકાનં ખન્ધાનં ચિત્તસ્સ ચ ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નોચિત્તા ચેતના વિપાકાનં ખન્ધાનં ચિત્તસ્સ ચ કટત્તા ચ રૂપાનં કમ્મપચ્ચયેન પચ્ચયો. (૩)

વિપાકપચ્ચયાદિ

૮૧. ચિત્તો ધમ્મો નોચિત્તસ્સ ધમ્મસ્સ વિપાકપચ્ચયેન પચ્ચયો… પઞ્ચ… આહારપચ્ચયેન પચ્ચયો… પઞ્ચ… ઇન્દ્રિયપચ્ચયેન પચ્ચયો… પઞ્ચ. નોચિત્તો ધમ્મો નોચિત્તસ્સ ધમ્મસ્સ ઝાનપચ્ચયેન પચ્ચયો… તીણિ… મગ્ગપચ્ચયેન પચ્ચયો… તીણિ… સમ્પયુત્તપચ્ચયેન પચ્ચયો… પઞ્ચ.

વિપ્પયુત્તપચ્ચયો

૮૨. ચિત્તો ધમ્મો નોચિત્તસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં). (૧)

નોચિત્તો ધમ્મો નોચિત્તસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતા – નોચિત્તા ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે નોચિત્તા ખન્ધા કટત્તારૂપાનં…પે… નોચિત્તા ખન્ધા વત્થુસ્સ વિપ્પયુત્તપચ્ચયેન પચ્ચયો; વત્થુ ખન્ધાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસહગતાનં ખન્ધાનં…પે… કાયાયતનં કાયવિઞ્ઞાણસહગતાનં ખન્ધાનં…પે… વત્થુ નોચિત્તાનં ખન્ધાનં વિપ્પયુત્તપચ્ચયેન પચ્ચયો. પચ્છાજાતા – નોચિત્તા ખન્ધા પુરેજાતસ્સ ઇમસ્સ કાયસ્સ વિપ્પયુત્તપચ્ચયેન પચ્ચયો. (૧)

નોચિત્તો ધમ્મો ચિત્તસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં. સહજાતં – પટિસન્ધિક્ખણે વત્થુ ચિત્તસ્સ વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ ચિત્તસ્સ વિપ્પયુત્તપચ્ચયેન પચ્ચયો. (૨)

નોચિત્તો ધમ્મો ચિત્તસ્સ ચ નોચિત્તસ્સ ચ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં. સહજાતં – પટિસન્ધિક્ખણે વત્થુ ચિત્તસ્સ સમ્પયુત્તકાનઞ્ચ ખન્ધાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ સમ્પયુત્તકાનઞ્ચ ખન્ધાનં વિપ્પયુત્તપચ્ચયેન પચ્ચયો…પે… કાયાયતનં કાયવિઞ્ઞાણસ્સ સમ્પયુત્તકાનઞ્ચ ખન્ધાનં…પે… વત્થુ ચિત્તસ્સ ચ સમ્પયુત્તકાનઞ્ચ ખન્ધાનં વિપ્પયુત્તપચ્ચયેન પચ્ચયો. (૩)

ચિત્તો ચ નોચિત્તો ચ ધમ્મા નોચિત્તસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં). (૧)

અત્થિપચ્ચયો

૮૩. ચિત્તો ધમ્મો નોચિત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં (સંખિત્તં). (૧)

નોચિત્તો ધમ્મો નોચિત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (સંખિત્તં). (૧)

નોચિત્તો ધમ્મો ચિત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતા – નોચિત્તા ખન્ધા ચિત્તસ્સ અત્થિપચ્ચયેન પચ્ચયો; પટિસન્ધિક્ખણે…પે… પટિસન્ધિક્ખણે વત્થુ ચિત્તસ્સ અત્થિપચ્ચયેન પચ્ચયો. પુરેજાતં – ચક્ખું…પે… વત્થું અનિચ્ચતો…પે… (પુરેજાતસદિસં, સંખિત્તં). (૨)

નોચિત્તો ધમ્મો ચિત્તસ્સ ચ નોચિત્તસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – નોચિત્તો એકો ખન્ધો દ્વિન્નં ખન્ધાનં ચિત્તસ્સ ચ ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો; પટિસન્ધિક્ખણે નોચિત્તો એકો ખન્ધો…પે… પટિસન્ધિક્ખણે વત્થુ ચિત્તસ્સ સમ્પયુત્તકાનઞ્ચ ખન્ધાનં અત્થિપચ્ચયેન પચ્ચયો. પુરેજાતં – ચક્ખું…પે… વત્થું…પે… (પુરેજાતસદિસં, સંખિત્તં). (૩)

૮૪. ચિત્તો ચ નોચિત્તો ચ ધમ્મા નોચિત્તસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતો – નોચિત્તો એકો ખન્ધો ચ ચિત્તઞ્ચ દ્વિન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો; દ્વે ખન્ધા ચ…પે…. સહજાતં – ચિત્તઞ્ચ વત્થુઞ્ચ નોચિત્તાનં ખન્ધાનં અત્થિપચ્ચયેન પચ્ચયો (પટિસન્ધિક્ખણેપિ દ્વે). સહજાતં – ચિત્તઞ્ચ સમ્પયુત્તકા ચ ખન્ધા ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. સહજાતં – ચિત્તઞ્ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો (પટિસન્ધિક્ખણેપિ દ્વે). પચ્છાજાતં – ચિત્તઞ્ચ સમ્પયુત્તકા ચ ખન્ધા પુરેજાતસ્સ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતં – ચિત્તઞ્ચ સમ્પયુત્તકા ચ ખન્ધા કબળીકારો આહારો ચ ઇમસ્સ કાયસ્સ અત્થિપચ્ચયેન પચ્ચયો. પચ્છાજાતં – ચિત્તઞ્ચ સમ્પયુત્તકા ચ ખન્ધા રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૧)