૧. વિભઙ્ગવારો

હેતુપચ્ચયો

૫૦. ચિત્તં ધમ્મં પટિચ્ચ નોચિત્તો ધમ્મો ઉપ્પજ્જતિ હેતુપચ્ચયા – ચિત્તં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં; પટિસન્ધિક્ખણે ચિત્તં પટિચ્ચ સમ્પયુત્તકા ખન્ધા કટત્તા ચ રૂપં. (૧)

નોચિત્તં ધમ્મં પટિચ્ચ નોચિત્તો ધમ્મો ઉપ્પજ્જતિ હેતુપચ્ચયા – નોચિત્તં એકં ખન્ધં પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં, દ્વે ખન્ધે પટિચ્ચ એકો ખન્ધો ચિત્તસમુટ્ઠાનઞ્ચ રૂપં; પટિસન્ધિક્ખણે…પે… ખન્ધે પટિચ્ચ વત્થુ, વત્થું પટિચ્ચ ખન્ધા, એકં મહાભૂતં પટિચ્ચ…પે…. (૧)

નોચિત્તં ધમ્મં પટિચ્ચ ચિત્તો ધમ્મો ઉપ્પજ્જતિ હેતુપચ્ચયા – નોચિત્તે ખન્ધે પટિચ્ચ ચિત્તં; પટિસન્ધિક્ખણે નોચિત્તે ખન્ધે પટિચ્ચ ચિત્તં; પટિસન્ધિક્ખણે વત્થું પટિચ્ચ ચિત્તં. (૨)

નોચિત્તં ધમ્મં પટિચ્ચ ચિત્તો ચ નોચિત્તો ચ ધમ્મા ઉપ્પજ્જન્તિ હેતુપચ્ચયા – નોચિત્તં એકં ખન્ધં પટિચ્ચ દ્વે ખન્ધા ચિત્તઞ્ચ ચિત્તસમુટ્ઠાનઞ્ચ રૂપં, દ્વે ખન્ધે…પે… પટિસન્ધિક્ખણે નોચિત્તં એકં ખન્ધં પટિચ્ચ દ્વે ખન્ધા ચિત્તઞ્ચ કટત્તા ચ રૂપં, દ્વે ખન્ધે પટિચ્ચ એકો ખન્ધો ચિત્તઞ્ચ કટત્તા ચ રૂપં; પટિસન્ધિક્ખણે વત્થું પટિચ્ચ ચિત્તઞ્ચ સમ્પયુત્તકા ચ ખન્ધા. (૩)

ચિત્તઞ્ચ નોચિત્તઞ્ચ ધમ્મં પટિચ્ચ નોચિત્તો ધમ્મો ઉપ્પજ્જતિ હેતુપચ્ચયા – નોચિત્તં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં, દ્વે ખન્ધે ચ…પે… ચિત્તઞ્ચ મહાભૂતે ચ પટિચ્ચ ચિત્તસમુટ્ઠાનં રૂપં; પટિસન્ધિક્ખણે નોચિત્તં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા કટત્તા ચ રૂપં, દ્વે ખન્ધે…પે… પટિસન્ધિક્ખણે ચિત્તઞ્ચ વત્થુઞ્ચ પટિચ્ચ નોચિત્તા ખન્ધા; પટિસન્ધિક્ખણે ચિત્તઞ્ચ મહાભૂતે ચ પટિચ્ચ કટત્તારૂપં. (૧)

આરમ્મણપચ્ચયો

૫૧. ચિત્તં ધમ્મં પટિચ્ચ નોચિત્તો ધમ્મો ઉપ્પજ્જતિ આરમ્મણપચ્ચયા – ચિત્તં પટિચ્ચ સમ્પયુત્તકા ખન્ધા; પટિસન્ધિક્ખણે…પે…. (૧)

નોચિત્તં ધમ્મં પટિચ્ચ નોચિત્તો ધમ્મો ઉપ્પજ્જતિ આરમ્મણપચ્ચયા – નોચિત્તં એકં ખન્ધં પટિચ્ચ દ્વે ખન્ધા, દ્વે ખન્ધે…પે… પટિસન્ધિક્ખણે…પે… પટિસન્ધિક્ખણે વત્થું પટિચ્ચ ખન્ધા. (૧)

નોચિત્તં ધમ્મં પટિચ્ચ ચિત્તો ધમ્મો ઉપ્પજ્જતિ આરમ્મણપચ્ચયા – નોચિત્તે ખન્ધે પટિચ્ચ ચિત્તં; પટિસન્ધિક્ખણે નોચિત્તે ખન્ધે પટિચ્ચ ચિત્તં; પટિસન્ધિક્ખણે વત્થું પટિચ્ચ ચિત્તં. (૨)

નોચિત્તં ધમ્મં પટિચ્ચ ચિત્તો ચ નોચિત્તો ચ ધમ્મા ઉપ્પજ્જન્તિ આરમ્મણપચ્ચયા – નોચિત્તં એકં ખન્ધં પટિચ્ચ દ્વે ખન્ધા ચિત્તઞ્ચ, દ્વે ખન્ધે પટિચ્ચ…પે… પટિસન્ધિક્ખણે નોચિત્તં એકં ખન્ધં પટિચ્ચ દ્વે ખન્ધા ચિત્તઞ્ચ, દ્વે ખન્ધે…પે… પટિસન્ધિક્ખણે વત્થું પટિચ્ચ ચિત્તઞ્ચ સમ્પયુત્તકા ચ ખન્ધા. (૩)

ચિત્તઞ્ચ નોચિત્તઞ્ચ ધમ્મં પટિચ્ચ નોચિત્તો ધમ્મો ઉપ્પજ્જતિ આરમ્મણપચ્ચયા – નોચિત્તં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા, દ્વે ખન્ધે ચ…પે… પટિસન્ધિક્ખણે…પે… પટિસન્ધિક્ખણે ચિત્તઞ્ચ વત્થુઞ્ચ પટિચ્ચ નોચિત્તા ખન્ધા. (૧) (સંખિત્તં).