૧. વિભઙ્ગવારો

હેતુપચ્ચયો

૪૪૫. ઉપાદિન્નો ધમ્મો ઉપાદિન્નસ્સ ધમ્મસ્સ હેતુપચ્ચયેન પચ્ચયો – ઉપાદિન્ના હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો; પટિસન્ધિક્ખણે ઉપાદિન્ના હેતૂ સમ્પયુત્તકાનં ખન્ધાનં કટત્તા ચ રૂપાનં હેતુપચ્ચયેન પચ્ચયો. (૧)

ઉપાદિન્નો ધમ્મો અનુપાદિન્નસ્સ ધમ્મસ્સ હેતુપચ્ચયેન પચ્ચયો – ઉપાદિન્ના હેતૂ ચિત્તસમુટ્ઠાનાનં રૂપાનં હેતુપચ્ચયેન પચ્ચયો. (૨)

ઉપાદિન્નો ધમ્મો ઉપાદિન્નસ્સ ચ અનુપાદિન્નસ્સ ચ ધમ્મસ્સ હેતુપચ્ચયેન પચ્ચયો – ઉપાદિન્ના હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૩)

અનુપાદિન્નો ધમ્મો અનુપાદિન્નસ્સ ધમ્મસ્સ હેતુપચ્ચયેન પચ્ચયો – અનુપાદિન્ના હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો. (૧)

આરમ્મણપચ્ચયો

૪૪૬. ઉપાદિન્નો ધમ્મો ઉપાદિન્નસ્સ ધમ્મસ્સ આરમ્મણપચ્ચયેન પચ્ચયો – ચક્ખું…પે… કાયં ઉપાદિન્ને રૂપે… ગન્ધે… રસે… ફોટ્ઠબ્બે… વત્થું ઉપાદિન્ને ખન્ધે અનિચ્ચતો…પે… દોમનસ્સં ઉપ્પજ્જતિ; કુસલાકુસલે નિરુદ્ધે વિપાકો તદારમ્મણતા ઉપ્પજ્જતિ, ઉપાદિન્નં રૂપાયતનં ચક્ખુવિઞ્ઞાણસ્સ…પે… ઉપાદિન્નં ગન્ધાયતનં ઘાનવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ આરમ્મણપચ્ચયેન પચ્ચયો. (૧)

ઉપાદિન્નો ધમ્મો અનુપાદિન્નસ્સ ધમ્મસ્સ આરમ્મણપચ્ચયેન પચ્ચયો – ચક્ખું…પે… કાયં ઉપાદિન્ને રૂપે… ગન્ધે… રસે… ફોટ્ઠબ્બે… વત્થું ઉપાદિન્ને ખન્ધે અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના ઉપાદિન્નં રૂપં પસ્સતિ. ચેતોપરિયઞાણેન ઉપાદિન્નચિત્તસમઙ્ગિસ્સ ચિત્તં જાનાતિ, ઉપાદિન્ના ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૨)

૪૪૭. અનુપાદિન્નો ધમ્મો અનુપાદિન્નસ્સ ધમ્મસ્સ આરમ્મણપચ્ચયેન પચ્ચયો – દાનં …પે… સીલં…પે… ઉપોસથકમ્મં કત્વા તં પચ્ચવેક્ખતિ અસ્સાદેતિ અભિનન્દતિ, તં આરબ્ભ રાગો…પે… દોમનસ્સં ઉપ્પજ્જતિ; પુબ્બે સુચિણ્ણાનિ…પે… ઝાના…પે… અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં…પે… નિબ્બાનં…પે… નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો. અરિયા પહીને કિલેસે…પે… વિક્ખમ્ભિતે કિલેસે…પે… પુબ્બે…પે… અનુપાદિન્ને રૂપે… સદ્દે… ગન્ધે… રસે… ફોટ્ઠબ્બે અનુપાદિન્ને ખન્ધે અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના અનુપાદિન્નં રૂપં પસ્સતિ, દિબ્બાય સોતધાતુયા સદ્દં સુણાતિ. ચેતોપરિયઞાણેન અનુપાદિન્નચિત્તસમઙ્ગિસ્સ ચિત્તં જાનાતિ, આકાસાનઞ્ચાયતનં…પે… આકિઞ્ચઞ્ઞાયતનં…પે… અનુપાદિન્ના ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

અનુપાદિન્નો ધમ્મો ઉપાદિન્નસ્સ ધમ્મસ્સ આરમ્મણપચ્ચયેન પચ્ચયો – અનુપાદિન્ને રૂપે… સદ્દે… ગન્ધે… રસે… ફોટ્ઠબ્બે અનુપાદિન્ને ખન્ધે અનિચ્ચતો…પે… દોમનસ્સં ઉપ્પજ્જતિ; કુસલાકુસલે નિરુદ્ધે વિપાકો તદારમ્મણતા ઉપ્પજ્જતિ, આકાસાનઞ્ચાયતનકુસલં વિઞ્ઞાણઞ્ચાયતનવિપાકસ્સ…પે… આકિઞ્ચઞ્ઞાયતનકુસલં…પે… અનુપાદિન્નં રૂપાયતનં ચક્ખુવિઞ્ઞાણસ્સ…પે… સદ્દાયતનં…પે… ફોટ્ઠબ્બાયતનં કાયવિઞ્ઞાણસ્સ આરમ્મણપચ્ચયેન પચ્ચયો. (૨)

અધિપતિપચ્ચયો

૪૪૮. ઉપાદિન્નો ધમ્મો અનુપાદિન્નસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – ચક્ખું…પે… કાયં ઉપાદિન્ને રૂપે… ગન્ધે… રસે… ફોટ્ઠબ્બે… વત્થું ઉપાદિન્ને ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૧)

અનુપાદિન્નો ધમ્મો અનુપાદિન્નસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… સીલં…પે… ઉપોસથકમ્મં કત્વા તં ગરું કત્વા પચ્ચવેક્ખતિ અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ, પુબ્બે…પે… ઝાના…પે… અરિયા મગ્ગા વુટ્ઠહિત્વા મગ્ગં ગરું કત્વા પચ્ચવેક્ખન્તિ, ફલં…પે… નિબ્બાનં ગરું કત્વા પચ્ચવેક્ખન્તિ. નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, અધિપતિપચ્ચયેન પચ્ચયો; અનુપાદિન્ને રૂપે… સદ્દે… ગન્ધે… રસે… ફોટ્ઠબ્બે અનુપાદિન્ને ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – અનુપાદિન્નાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૧)

અનન્તરપચ્ચયો

૪૪૯. ઉપાદિન્નો ધમ્મો ઉપાદિન્નસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા ઉપાદિન્ના ખન્ધા પચ્છિમાનં પચ્છિમાનં ઉપાદિન્નાનં ખન્ધાનં અનન્તરપચ્ચયેન પચ્ચયો. પઞ્ચવિઞ્ઞાણં વિપાકમનોધાતુયા અનન્તરપચ્ચયેન પચ્ચયો. વિપાકમનોધાતુ વિપાકમનોવિઞ્ઞાણધાતુયા અનન્તરપચ્ચયેન પચ્ચયો. (૧)

ઉપાદિન્નો ધમ્મો અનુપાદિન્નસ્સ ધમ્મસ્સ અનન્તરપચ્ચયેન પચ્ચયો – ભવઙ્ગં આવજ્જનાય, વિપાકમનોવિઞ્ઞાણધાતુ કિરિયમનોવિઞ્ઞાણધાતુયા અનન્તરપચ્ચયેન પચ્ચયો. (૨)

૪૫૦. અનુપાદિન્નો ધમ્મો અનુપાદિન્નસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા અનુપાદિન્ના ખન્ધા પચ્છિમાનં પચ્છિમાનં અનુપાદિન્નાનં ખન્ધાનં અનન્તરપચ્ચયેન પચ્ચયો, અનુલોમં ગોત્રભુસ્સ…પે… ફલસમાપત્તિયા અનન્તરપચ્ચયેન પચ્ચયો. (૧)

અનુપાદિન્નો ધમ્મો ઉપાદિન્નસ્સ ધમ્મસ્સ અનન્તરપચ્ચયેન પચ્ચયો – આવજ્જના પઞ્ચન્નં વિઞ્ઞાણાનં…પે… અનુપાદિન્ના ખન્ધા વુટ્ઠાનસ્સ અનન્તરપચ્ચયેન પચ્ચયો… સમનન્તરપચ્ચયેન પચ્ચયો… સહજાતપચ્ચયેન પચ્ચયો… પઞ્ચ (પટિચ્ચસદિસા)… અઞ્ઞમઞ્ઞપચ્ચયેન પચ્ચયો… દ્વે (પટિચ્ચસદિસા)… નિસ્સયપચ્ચયેન પચ્ચયો (પચ્ચયવારે નિસ્સયસદિસા) પઞ્ચ.

ઉપનિસ્સયપચ્ચયો

૪૫૧. ઉપાદિન્નો ધમ્મો ઉપાદિન્નસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – કાયિકં સુખં કાયિકસ્સ સુખસ્સ… કાયિકસ્સ દુક્ખસ્સ ઉપનિસ્સયપચ્ચયેન પચ્ચયો; કાયિકં દુક્ખં… ઉપાદિન્નં ઉતુ… ભોજનં કાયિકસ્સ સુખસ્સ… કાયિકસ્સ દુક્ખસ્સ ઉપનિસ્સયપચ્ચયેન પચ્ચયો; કાયિકં સુખં… કાયિકં દુક્ખં… ઉતુ… ભોજનં… કાયિકસ્સ સુખસ્સ… કાયિકસ્સ દુક્ખસ્સ ઉપનિસ્સયપચ્ચયેન પચ્ચયો. (૧)

ઉપાદિન્નો ધમ્મો અનુપાદિન્નસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – કાયિકં સુખં ઉપનિસ્સાય દાનં દેતિ…પે… સઙ્ઘં ભિન્દતિ; કાયિકં દુક્ખં… ઉપાદિન્નં ઉતું… ભોજનં ઉપનિસ્સાય દાનં દેતિ…પે… સમાપત્તિં ઉપ્પાદેતિ; પાણં હનતિ…પે… સઙ્ઘં ભિન્દતિ; કાયિકં સુખં… કાયિકં દુક્ખં… ઉતુ… ભોજનં સદ્ધાય…પે… પત્થનાય મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૨)

૪૫૨. અનુપાદિન્નો ધમ્મો અનુપાદિન્નસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ, માનં જપ્પેતિ, દિટ્ઠિં ગણ્હાતિ; સીલં…પે… પત્થનં… ઉતું… ભોજનં… સેનાસનં ઉપનિસ્સાય દાનં દેતિ…પે… સઙ્ઘં ભિન્દતિ; સદ્ધા…પે… પત્થના… ઉતુ… ભોજનં… સેનાસનં સદ્ધાય…પે… પત્થનાય મગ્ગસ્સ, ફલસમાપત્તિયા ઉપનિસ્સયપચ્ચયેન પચ્ચયો. (૧)

અનુપાદિન્નો ધમ્મો ઉપાદિન્નસ્સ ધમ્મસ્સ ઉપનિસ્સયપચ્ચયેન પચ્ચયો – અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય અત્તાનં આતાપેતિ પરિતાપેતિ, પરિયિટ્ઠિમૂલકં દુક્ખં પચ્ચનુભોતિ; સીલં…પે… પત્થનં… ઉતું… ભોજનં… સેનાસનં ઉપનિસ્સાય અત્તાનં આતાપેતિ પરિતાપેતિ, પરિયિટ્ઠિમૂલકં દુક્ખં પચ્ચનુભોતિ; સદ્ધા…પે… સેનાસનં કાયિકસ્સ સુખસ્સ… કાયિકસ્સ દુક્ખસ્સ ઉપનિસ્સયપચ્ચયેન પચ્ચયો. કુસલાકુસલં કમ્મં વિપાકસ્સ ઉપનિસ્સયપચ્ચયેન પચ્ચયો. (૨)

પુરેજાતપચ્ચયો

૪૫૩. ઉપાદિન્નો ધમ્મો ઉપાદિન્નસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… કાયં ઉપાદિન્ને રૂપે… ગન્ધે… રસે… ફોટ્ઠબ્બે… વત્થું અનિચ્ચતો…પે… દોમનસ્સં ઉપ્પજ્જતિ; કુસલાકુસલે નિરુદ્ધે વિપાકો તદારમ્મણતા ઉપ્પજ્જતિ, ઉપાદિન્નં રૂપાયતનં ચક્ખુવિઞ્ઞાણસ્સ…પે… ગન્ધાયતનં…પે… ફોટ્ઠબ્બાયતનં કાયવિઞ્ઞાણસ્સ…પે…. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ ઉપાદિન્નાનં ખન્ધાનં પુરેજાતપચ્ચયેન પચ્ચયો. (૧)

ઉપાદિન્નો ધમ્મો અનુપાદિન્નસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… કાયં, ઉપાદિન્ને રૂપે… ગન્ધે… રસે… ફોટ્ઠબ્બે વત્થું અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના ઉપાદિન્નં રૂપં પસ્સતિ. વત્થુપુરેજાતં – વત્થુ અનુપાદિન્નાનં ખન્ધાનં પુરેજાતપચ્ચયેન પચ્ચયો. (૨)

૪૫૪. અનુપાદિન્નો ધમ્મો અનુપાદિન્નસ્સ ધમ્મસ્સ પુરેજાતપચ્ચયેન પચ્ચયો. આરમ્મણપુરેજાતં – અનુપાદિન્ને રૂપે… સદ્દે… ગન્ધે… રસે… ફોટ્ઠબ્બે અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના અનુપાદિન્નં રૂપં પસ્સતિ, દિબ્બાય સોતધાતુયા સદ્દં સુણાતિ. (૧)

અનુપાદિન્નો ધમ્મો ઉપાદિન્નસ્સ ધમ્મસ્સ પુરેજાતપચ્ચયેન પચ્ચયો. આરમ્મણપુરેજાતં – અનુપાદિન્ને રૂપે… સદ્દે… ગન્ધે… રસે… ફોટ્ઠબ્બે અનિચ્ચતો…પે… દોમનસ્સં ઉપ્પજ્જતિ; કુસલાકુસલે નિરુદ્ધે વિપાકો તદારમ્મણતા ઉપ્પજ્જતિ, અનુપાદિન્નં રૂપાયતનં ચક્ખુવિઞ્ઞાણસ્સ…પે… સદ્દાયતનં…પે… ફોટ્ઠબ્બાયતનં કાયવિઞ્ઞાણસ્સ પુરેજાતપચ્ચયેન પચ્ચયો. (૨)

ઉપાદિન્નો ચ અનુપાદિન્નો ચ ધમ્મા ઉપાદિન્નસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. અનુપાદિન્નં રૂપાયતનઞ્ચ ચક્ખાયતનઞ્ચ ચક્ખુવિઞ્ઞાણસ્સ…પે… સદ્દાયતનઞ્ચ સોતાયતનઞ્ચ…પે… ફોટ્ઠબ્બાયતનઞ્ચ કાયાયતનઞ્ચ કાયવિઞ્ઞાણસ્સ પુરેજાતપચ્ચયેન પચ્ચયો; અનુપાદિન્નં રૂપાયતનઞ્ચ વત્થુ ચ…પે… ફોટ્ઠબ્બાયતનઞ્ચ વત્થુ ચ ઉપાદિન્નાનં ખન્ધાનં પુરેજાતપચ્ચયેન પચ્ચયો. (૧)

ઉપાદિન્નો ચ અનુપાદિન્નો ચ ધમ્મા અનુપાદિન્નસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. અનુપાદિન્નં રૂપાયતનઞ્ચ વત્થુ ચ…પે… ફોટ્ઠબ્બાયતનઞ્ચ વત્થુ ચ અનુપાદિન્નાનં ખન્ધાનં પુરેજાતપચ્ચયેન પચ્ચયો. (૨)

પચ્છાજાતાસેવનપચ્ચયા

૪૫૫. ઉપાદિન્નો ધમ્મો ઉપાદિન્નસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા ઉપાદિન્ના ખન્ધા પુરેજાતસ્સ ઇમસ્સ ઉપાદિન્નસ્સ કાયસ્સ પચ્છાજાતપચ્ચયેન પચ્ચયો. (૧)

ઉપાદિન્નો ધમ્મો અનુપાદિન્નસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા ઉપાદિન્ના ખન્ધા પુરેજાતસ્સ ઇમસ્સ અનુપાદિન્નસ્સ કાયસ્સ પચ્છાજાતપચ્ચયેન પચ્ચયો. (૨)

ઉપાદિન્નો ધમ્મો ઉપાદિન્નસ્સ ચ અનુપાદિન્નસ્સ ચ ધમ્મસ્સ પચ્છાજાતપચ્ચયેન પચ્ચયો (સંખિત્તં). (૩)

અનુપાદિન્નો ધમ્મો અનુપાદિન્નસ્સ ધમ્મસ્સ પચ્છાજાતપચ્ચયેન પચ્ચયો (સંખિત્તં). (૧)

અનુપાદિન્નો ધમ્મો ઉપાદિન્નસ્સ ધમ્મસ્સ પચ્છાજાતપચ્ચયેન પચ્ચયો (સંખિત્તં). (૨)

અનુપાદિન્નો ધમ્મો ઉપાદિન્નસ્સ ચ અનુપાદિન્નસ્સ ચ ધમ્મસ્સ પચ્છાજાતપચ્ચયેન પચ્ચયો (સંખિત્તં). (૩)

૪૫૬. અનુપાદિન્નો ધમ્મો અનુપાદિન્નસ્સ ધમ્મસ્સ આસેવનપચ્ચયેન પચ્ચયો… એકં (સંખિત્તં).

કમ્મપચ્ચયો

૪૫૭. ઉપાદિન્નો ધમ્મો ઉપાદિન્નસ્સ ધમ્મસ્સ કમ્મપચ્ચયેન પચ્ચયો – ઉપાદિન્ના ચેતના સમ્પયુત્તકાનં ખન્ધાનં કમ્મપચ્ચયેન પચ્ચયો; પટિસન્ધિક્ખણે ઉપાદિન્ના ચેતના સમ્પયુત્તકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

ઉપાદિન્નો ધમ્મો અનુપાદિન્નસ્સ ધમ્મસ્સ કમ્મપચ્ચયેન પચ્ચયો – ઉપાદિન્ના ચેતના ચિત્તસમુટ્ઠાનાનં રૂપાનં કમ્મપચ્ચયેન પચ્ચયો. (૨)

ઉપાદિન્નો ધમ્મો ઉપાદિન્નસ્સ ચ અનુપાદિન્નસ્સ ચ ધમ્મસ્સ કમ્મપચ્ચયેન પચ્ચયો – ઉપાદિન્ના ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૩)

અનુપાદિન્નો ધમ્મો અનુપાદિન્નસ્સ ધમ્મસ્સ કમ્મપચ્ચયેન પચ્ચયો – અનુપાદિન્ના ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો. (૧)

અનુપાદિન્નો ધમ્મો ઉપાદિન્નસ્સ ધમ્મસ્સ કમ્મપચ્ચયેન પચ્ચયો. નાનાક્ખણિકા – અનુપાદિન્ના ચેતના વિપાકાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૨)

વિપાકપચ્ચયો

૪૫૮. ઉપાદિન્નો ધમ્મો ઉપાદિન્નસ્સ ધમ્મસ્સ વિપાકપચ્ચયેન પચ્ચયો – ઉપાદિન્નો એકો ખન્ધો (સંખિત્તં. ઉપાદિન્નમૂલકે તીણિ. ).

અનુપાદિન્નો ધમ્મો અનુપાદિન્નસ્સ ધમ્મસ્સ વિપાકપચ્ચયેન પચ્ચયો – વિપાકો અનુપાદિન્નો એકો ખન્ધો તિણ્ણન્નં ખન્ધાનં ચિત્તસમુટ્ઠાનાનઞ્ચ રૂપાનં વિપાકપચ્ચયેન પચ્ચયો…પે… દ્વે ખન્ધા…પે…. (૧)

આહારપચ્ચયો

૪૫૯. ઉપાદિન્નો ધમ્મો ઉપાદિન્નસ્સ ધમ્મસ્સ આહારપચ્ચયેન પચ્ચયો – ઉપાદિન્ના આહારા સમ્પયુત્તકાનં ખન્ધાનં આહારપચ્ચયેન પચ્ચયો; પટિસન્ધિક્ખણે…પે… ઉપાદિન્નો કબળીકારો આહારો ઇમસ્સ ઉપાદિન્નસ્સ કાયસ્સ આહારપચ્ચયેન પચ્ચયો. (૧)

ઉપાદિન્નો ધમ્મો અનુપાદિન્નસ્સ ધમ્મસ્સ આહારપચ્ચયેન પચ્ચયો – ઉપાદિન્ના આહારા ચિત્તસમુટ્ઠાનાનં રૂપાનં આહારપચ્ચયેન પચ્ચયો; ઉપાદિન્નો કબળીકારો આહારો ઇમસ્સ અનુપાદિન્નસ્સ કાયસ્સ આહારપચ્ચયેન પચ્ચયો. (૨)

ઉપાદિન્નો ધમ્મો ઉપાદિન્નસ્સ ચ અનુપાદિન્નસ્સ ચ ધમ્મસ્સ આહારપચ્ચયેન પચ્ચયો – ઉપાદિન્ના આહારા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો; ઉપાદિન્નો કબળીકારો આહારો ઇમસ્સ ઉપાદિન્નસ્સ ચ અનુપાદિન્નસ્સ ચ કાયસ્સ આહારપચ્ચયેન પચ્ચયો. (૩)

૪૬૦. અનુપાદિન્નો ધમ્મો અનુપાદિન્નસ્સ ધમ્મસ્સ આહારપચ્ચયેન પચ્ચયો – અનુપાદિન્ના આહારા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો; અનુપાદિન્નો કબળીકારો આહારો ઇમસ્સ અનુપાદિન્નસ્સ કાયસ્સ આહારપચ્ચયેન પચ્ચયો. (૧)

અનુપાદિન્નો ધમ્મો ઉપાદિન્નસ્સ ધમ્મસ્સ આહારપચ્ચયેન પચ્ચયો – અનુપાદિન્નો કબળીકારો આહારો ઇમસ્સ ઉપાદિન્નસ્સ કાયસ્સ આહારપચ્ચયેન પચ્ચયો. (૨)

અનુપાદિન્નો ધમ્મો ઉપાદિન્નસ્સ ચ અનુપાદિન્નસ્સ ચ ધમ્મસ્સ આહારપચ્ચયેન પચ્ચયો – અનુપાદિન્નો કબળીકારો આહારો ઇમસ્સ ઉપાદિન્નસ્સ ચ અનુપાદિન્નસ્સ ચ કાયસ્સ આહારપચ્ચયેન પચ્ચયો. (૩)

ઉપાદિન્નો ચ અનુપાદિન્નો ચ ધમ્મા ઉપાદિન્નસ્સ ધમ્મસ્સ આહારપચ્ચયેન પચ્ચયો – ઉપાદિન્નો ચ અનુપાદિન્નો ચ કબળીકારો આહારો ઇમસ્સ ઉપાદિન્નસ્સ કાયસ્સ આહારપચ્ચયેન પચ્ચયો. (૧)

ઉપાદિન્નો ચ અનુપાદિન્નો ચ ધમ્મા અનુપાદિન્નસ્સ ધમ્મસ્સ આહારપચ્ચયેન પચ્ચયો – ઉપાદિન્નો ચ અનુપાદિન્નો ચ કબળીકારો આહારો ઇમસ્સ અનુપાદિન્નસ્સ કાયસ્સ આહારપચ્ચયેન પચ્ચયો. (૨)

ઉપાદિન્નો ચ અનુપાદિન્નો ચ ધમ્મા ઉપાદિન્નસ્સ ચ અનુપાદિન્નસ્સ ચ ધમ્મસ્સ આહારપચ્ચયેન પચ્ચયો – ઉપાદિન્નો ચ અનુપાદિન્નો ચ કબળીકારો આહારો ઇમસ્સ ઉપાદિન્નસ્સ ચ અનુપાદિન્નસ્સ ચ કાયસ્સ આહારપચ્ચયેન પચ્ચયો. (૩)

ઇન્દ્રિયપચ્ચયાદિ

૪૬૧. ઉપાદિન્નો ધમ્મો ઉપાદિન્નસ્સ ધમ્મસ્સ ઇન્દ્રિયપચ્ચયેન પચ્ચયો – ઉપાદિન્ના ઇન્દ્રિયા સમ્પયુત્તકાનં ખન્ધાનં ઇન્દ્રિયપચ્ચયેન પચ્ચયો. (૧)

પટિસન્ધિક્ખણે ઉપાદિન્ના ઇન્દ્રિયા સમ્પયુત્તકાનં ખન્ધાનં કટત્તા ચ રૂપાનં ઇન્દ્રિયપચ્ચયેન પચ્ચયો; ચક્ખુન્દ્રિયં ચક્ખુવિઞ્ઞાણસ્સ…પે… કાયિન્દ્રિયં કાયવિઞ્ઞાણસ્સ…પે… રૂપજીવિતિન્દ્રિયં કટત્તારૂપાનં ઇન્દ્રિયપચ્ચયેન પચ્ચયો. (૨)

ઉપાદિન્નો ધમ્મો અનુપાદિન્નસ્સ ધમ્મસ્સ…પે… (ઉપાદિન્નમૂલકે તીણિ, પઠમસ્સેવ રૂપજીવિતિન્દ્રિયં, ઇતરેસુ નત્થિ). (૩)

અનુપાદિન્નો ધમ્મો અનુપાદિન્નસ્સ ધમ્મસ્સ ઇન્દ્રિયપચ્ચયેન પચ્ચયો – અનુપાદિન્ના ઇન્દ્રિયા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં ઇન્દ્રિયપચ્ચયેન પચ્ચયો. (૧)

ઉપાદિન્નો ધમ્મો ઉપાદિન્નસ્સ ધમ્મસ્સ ઝાનપચ્ચયેન પચ્ચયો… ચત્તારિ, મગ્ગપચ્ચયેન પચ્ચયો… ચત્તારિ, સમ્પયુત્તપચ્ચયેન પચ્ચયો… દ્વે.

વિપ્પયુત્તપચ્ચયો

૪૬૨. ઉપાદિન્નો ધમ્મો ઉપાદિન્નસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતં – પટિસન્ધિક્ખણે ઉપાદિન્ના ખન્ધા કટત્તારૂપાનં વિપ્પયુત્તપચ્ચયેન પચ્ચયો, ખન્ધા વત્થુસ્સ વિપ્પયુત્તપચ્ચયેન પચ્ચયો, વત્થુ ખન્ધાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ ઉપાદિન્નાનં ખન્ધાનં વિપ્પયુત્તપચ્ચયેન પચ્ચયો. પચ્છાજાતા – ઉપાદિન્ના ખન્ધા પુરેજાતસ્સ ઇમસ્સ ઉપાદિન્નસ્સ કાયસ્સ વિપ્પયુત્તપચ્ચયેન પચ્ચયો. (૧)

ઉપાદિન્નો ધમ્મો અનુપાદિન્નસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતા – ઉપાદિન્ના ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. પુરેજાતં – વત્થુ અનુપાદિન્નાનં ખન્ધાનં વિપ્પયુત્તપચ્ચયેન પચ્ચયો. પચ્છાજાતા – ઉપાદિન્ના ખન્ધા પુરેજાતસ્સ ઇમસ્સ અનુપાદિન્નસ્સ કાયસ્સ વિપ્પયુત્તપચ્ચયેન પચ્ચયો. (૨)

ઉપાદિન્નો ધમ્મો ઉપાદિન્નસ્સ ચ અનુપાદિન્નસ્સ ચ ધમ્મસ્સ વિપ્પયુત્તપચ્ચયેન પચ્ચયો. પચ્છાજાતા – ઉપાદિન્ના ખન્ધા પુરેજાતસ્સ ઇમસ્સ ઉપાદિન્નસ્સ ચ અનુપાદિન્નસ્સ ચ કાયસ્સ વિપ્પયુત્તપચ્ચયેન પચ્ચયો. (૩)

૪૬૩. અનુપાદિન્નો ધમ્મો અનુપાદિન્નસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – અનુપાદિન્ના ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. પચ્છાજાતા – અનુપાદિન્ના ખન્ધા પુરેજાતસ્સ ઇમસ્સ અનુપાદિન્નસ્સ કાયસ્સ વિપ્પયુત્તપચ્ચયેન પચ્ચયો. (૧)

અનુપાદિન્નો ધમ્મો ઉપાદિન્નસ્સ ધમ્મસ્સ વિપ્પયુત્તપચ્ચયેન પચ્ચયો. પચ્છાજાતા – અનુપાદિન્ના ખન્ધા પુરેજાતસ્સ ઇમસ્સ ઉપાદિન્નસ્સ કાયસ્સ વિપ્પયુત્તપચ્ચયેન પચ્ચયો. (૨)

અનુપાદિન્નો ધમ્મો ઉપાદિન્નસ્સ ચ અનુપાદિન્નસ્સ ચ ધમ્મસ્સ વિપ્પયુત્તપચ્ચયેન પચ્ચયો. પચ્છાજાતા – અનુપાદિન્ના ખન્ધા પુરેજાતસ્સ ઇમસ્સ ઉપાદિન્નસ્સ ચ અનુપાદિન્નસ્સ ચ કાયસ્સ વિપ્પયુત્તપચ્ચયેન પચ્ચયો. (૩)

અત્થિપચ્ચયાદિ

૪૬૪. ઉપાદિન્નો ધમ્મો ઉપાદિન્નસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (સંખિત્તં. યથા નિક્ખિત્તપદાનિ વિભજિતબ્બાનિ પરિપુણ્ણાનિ). (૧)

ઉપાદિન્નો ધમ્મો અનુપાદિન્નસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં (સંખિત્તં, યથા નિક્ખિત્તપદાનિ વિત્થારેતબ્બાનિ. (૨)

ઉપાદિન્નો ધમ્મો ઉપાદિન્નસ્સ ચ અનુપાદિન્નસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં, આહારં (સંખિત્તં, યથા નિક્ખિત્તપદાનિ વિત્થારેતબ્બાનિ). (૩)

અનુપાદિન્નો ધમ્મો અનુપાદિન્નસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં (સંખિત્તં, યથા નિક્ખિત્તપદાનિ વિભજિતબ્બાનિ). (૧)

અનુપાદિન્નો ધમ્મો ઉપાદિન્નસ્સ ધમ્મસ્સ અત્થિપચ્ચયેન પચ્ચયો – પુરેજાતં, પચ્છાજાતં, આહારં. પુરેજાતં – અનુપાદિન્ને રૂપે… સદ્દે… ગન્ધે… રસે… ફોટ્ઠબ્બે અનિચ્ચતો…પે… દોમનસ્સં ઉપ્પજ્જતિ; કુસલાકુસલે નિરુદ્ધે વિપાકો તદારમ્મણતા ઉપ્પજ્જતિ, અનુપાદિન્નં રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ…પે…. પચ્છાજાતા – અનુપાદિન્ના ખન્ધા પુરેજાતસ્સ ઇમસ્સ ઉપાદિન્નસ્સ કાયસ્સ અત્થિપચ્ચયેન પચ્ચયો; અનુપાદિન્નો કબળીકારો આહારો ઇમસ્સ ઉપાદિન્નસ્સ કાયસ્સ અત્થિપચ્ચયેન પચ્ચયો. (૨)

અનુપાદિન્નો ધમ્મો ઉપાદિન્નસ્સ ચ અનુપાદિન્નસ્સ ચ ધમ્મસ્સ અત્થિપચ્ચયેન પચ્ચયો – પચ્છાજાતં, આહારં. પચ્છાજાતા – અનુપાદિન્ના ખન્ધા પુરેજાતસ્સ ઇમસ્સ ઉપાદિન્નસ્સ ચ અનુપાદિન્નસ્સ ચ કાયસ્સ અત્થિપચ્ચયેન પચ્ચયો; અનુપાદિન્નો કબળીકારો આહારો ઇમસ્સ ઉપાદિન્નસ્સ ચ અનુપાદિન્નસ્સ ચ કાયસ્સ અત્થિપચ્ચયેન પચ્ચયો. (૩)

૪૬૫. ઉપાદિન્નો ચ અનુપાદિન્નો ચ ધમ્મા ઉપાદિન્નસ્સ ધમ્મસ્સ અત્થિપચ્ચયેન પચ્ચયો – પુરેજાતં, પચ્છાજાતં, આહારં, ઇન્દ્રિયં. પુરેજાતં – અનુપાદિન્નં રૂપાયતનઞ્ચ ચક્ખાયતનઞ્ચ ચક્ખુવિઞ્ઞાણસ્સ…પે… અનુપાદિન્નં ફોટ્ઠબ્બાયતનઞ્ચ કાયાયતનઞ્ચ કાયવિઞ્ઞાણસ્સ અત્થિપચ્ચયેન પચ્ચયો; અનુપાદિન્નં રૂપાયતનઞ્ચ વત્થુ ચ…પે… ફોટ્ઠબ્બાયતનઞ્ચ વત્થુ ચ ઉપાદિન્નાનં ખન્ધાનં અત્થિપચ્ચયેન પચ્ચયો. પચ્છાજાતા – ઉપાદિન્ના ખન્ધા ચ અનુપાદિન્નો કબળીકારો આહારો ચ ઇમસ્સ ઉપાદિન્નસ્સ કાયસ્સ અત્થિપચ્ચયેન પચ્ચયો. પચ્છાજાતા – અનુપાદિન્ના ખન્ધા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૧)

ઉપાદિન્નો ચ અનુપાદિન્નો ચ ધમ્મા અનુપાદિન્નસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં. સહજાતા – ઉપાદિન્ના ખન્ધા ચ મહાભૂતા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. સહજાતો – અનુપાદિન્નો એકો ખન્ધો ચ વત્થુ ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ…પે…. પુરેજાતં – અનુપાદિન્નં રૂપાયતનઞ્ચ વત્થુ ચ અનુપાદિન્નાનં ખન્ધાનં અત્થિપચ્ચયેન પચ્ચયો…પે… ફોટ્ઠબ્બાયતનઞ્ચ વત્થુ ચ અનુપાદિન્નાનં ખન્ધાનં અત્થિપચ્ચયેન પચ્ચયો. પચ્છાજાતા – ઉપાદિન્ના ખન્ધા ચ અનુપાદિન્નો કબળીકારો આહારો ચ ઇમસ્સ અનુપાદિન્નસ્સ કાયસ્સ અત્થિપચ્ચયેન પચ્ચયો. (૨)

ઉપાદિન્નો ચ અનુપાદિન્નો ચ ધમ્મા ઉપાદિન્નસ્સ ચ અનુપાદિન્નસ્સ ચ ધમ્મસ્સ અત્થિપચ્ચયેન પચ્ચયો. આહારં – ઉપાદિન્નો ચ અનુપાદિન્નો ચ કબળીકારો આહારો ઇમસ્સ ઉપાદિન્નસ્સ ચ અનુપાદિન્નસ્સ ચ કાયસ્સ અત્થિપચ્ચયેન પચ્ચયો. (૩)

નત્થિપચ્ચયેન પચ્ચયો… વિગતપચ્ચયેન પચ્ચયો… અવિગતપચ્ચયેન પચ્ચયો.