૫. સંસટ્ઠવારો

૧-૪. પચ્ચયાનુલોમાદિ

૪૪૩. ઉપાદિન્નં ધમ્મં સંસટ્ઠો ઉપાદિન્નો ધમ્મો ઉપ્પજ્જતિ હેતુપચ્ચયા – ઉપાદિન્નં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… પટિસન્ધિક્ખણે…પે….

અનુપાદિન્નં ધમ્મં સંસટ્ઠો અનુપાદિન્નો ધમ્મો ઉપ્પજ્જતિ હેતુપચ્ચયા – અનુપાદિન્નં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે…. (૧)

હેતુયા દ્વે, આરમ્મણે દ્વે, અધિપતિયા એકં, અનન્તરે દ્વે, સમનન્તરે દ્વે, સહજાતે દ્વે, અઞ્ઞમઞ્ઞે દ્વે, નિસ્સયે દ્વે, ઉપનિસ્સયે દ્વે, પુરેજાતે દ્વે, આસેવને એકં, કમ્મે દ્વે, વિપાકે દ્વે…પે… અવિગતે દ્વે.

અનુલોમં.

૪૪૪. ઉપાદિન્નં ધમ્મં સંસટ્ઠો ઉપાદિન્નો ધમ્મો ઉપ્પજ્જતિ નહેતુપચ્ચયા – અહેતુકં ઉપાદિન્નં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… અહેતુકપટિસન્ધિક્ખણે…પે…. (૧)

અનુપાદિન્નં ધમ્મં સંસટ્ઠો અનુપાદિન્નો ધમ્મો ઉપ્પજ્જતિ નહેતુપચ્ચયા – અહેતુકં અનુપાદિન્નં એકં ખન્ધં સંસટ્ઠા તયો ખન્ધા…પે… દ્વે ખન્ધે…પે… વિચિકિચ્છાસહગતે ઉદ્ધચ્ચસહગતે ખન્ધે સંસટ્ઠો વિચિકિચ્છાસહગતો ઉદ્ધચ્ચસહગતો મોહો. (૧)

નહેતુયા દ્વે, નઅધિપતિયા દ્વે, નપુરેજાતે દ્વે, નપચ્છાજાતે દ્વે, નઆસેવને દ્વે, નકમ્મે એકં, નવિપાકે એકં, નઝાને એકં, નમગ્ગે દ્વે, નવિપ્પયુત્તે દ્વે.

પચ્ચનીયં.