૧. વિભઙ્ગવારો

નહેતુપચ્ચયો

૪૩૮. ઉપાદિન્નં ધમ્મં પચ્ચયા ઉપાદિન્નો ધમ્મો ઉપ્પજ્જતિ નહેતુપચ્ચયા – અહેતુકં ઉપાદિન્નં એકં ખન્ધં પચ્ચયા તયો ખન્ધા…પે… દ્વે ખન્ધે…પે… અહેતુકપટિસન્ધિક્ખણે…પે… ખન્ધે પચ્ચયા વત્થુ, વત્થું પચ્ચયા ખન્ધા, એકં મહાભૂતં…પે… મહાભૂતે પચ્ચયા કટત્તારૂપં ઉપાદારૂપં, અસઞ્ઞસત્તાનં એકં મહાભૂતં…પે… ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં…પે… વત્થું પચ્ચયા અહેતુકા ઉપાદિન્ના ખન્ધા. (૧)

ઉપાદિન્નં ધમ્મં પચ્ચયા અનુપાદિન્નો ધમ્મો ઉપ્પજ્જતિ નહેતુપચ્ચયા – અહેતુકે ઉપાદિન્ને ખન્ધે પચ્ચયા ચિત્તસમુટ્ઠાનં રૂપં, વત્થું પચ્ચયા અહેતુકા અનુપાદિન્ના ખન્ધા, વત્થું પચ્ચયા વિચિકિચ્છાસહગતો ઉદ્ધચ્ચસહગતો મોહો. (૨)

ઉપાદિન્નં ધમ્મં પચ્ચયા ઉપાદિન્નો ચ અનુપાદિન્નો ચ ધમ્મા ઉપ્પજ્જન્તિ નહેતુપચ્ચયા – અહેતુકં ઉપાદિન્નં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

૪૩૯. અનુપાદિન્નં ધમ્મં પચ્ચયા અનુપાદિન્નો ધમ્મો ઉપ્પજ્જતિ નહેતુપચ્ચયા – અહેતુકં અનુપાદિન્નં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… એકં મહાભૂતં…પે… બાહિરં… આહારસમુટ્ઠાનં… ઉતુસમુટ્ઠાનં…પે… વિચિકિચ્છાસહગતે ઉદ્ધચ્ચસહગતે ખન્ધે પચ્ચયા વિચિકિચ્છાસહગતો ઉદ્ધચ્ચસહગતો મોહો. (૧)

ઉપાદિન્નઞ્ચ અનુપાદિન્નઞ્ચ ધમ્મં પચ્ચયા અનુપાદિન્નો ધમ્મો ઉપ્પજ્જતિ નહેતુપચ્ચયા – અહેતુકે ઉપાદિન્ને ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં, અહેતુકં અનુપાદિન્નં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… વિચિકિચ્છાસહગતે ઉદ્ધચ્ચસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો ઉદ્ધચ્ચસહગતો મોહો. (૧) (સંખિત્તં.)