૧. વિભઙ્ગવારો

હેતુપચ્ચયો

૪૩૪. ઉપાદિન્નં ધમ્મં પચ્ચયા ઉપાદિન્નો ધમ્મો ઉપ્પજ્જતિ હેતુપચ્ચયા – ઉપાદિન્નં એકં ખન્ધં પચ્ચયા તયો ખન્ધા…પે… દ્વે ખન્ધે…પે… પટિસન્ધિક્ખણે ઉપાદિન્નં એકં ખન્ધં પચ્ચયા તયો ખન્ધા કટત્તા ચ રૂપં…પે… દ્વે ખન્ધે…પે… ખન્ધે પચ્ચયા વત્થુ, વત્થું પચ્ચયા ખન્ધા, એકં મહાભૂતં…પે… મહાભૂતે પચ્ચયા કટત્તારૂપં ઉપાદારૂપં, વત્થું પચ્ચયા ઉપાદિન્ના ખન્ધા. (૧)

ઉપાદિન્નં ધમ્મં પચ્ચયા અનુપાદિન્નો ધમ્મો ઉપ્પજ્જતિ હેતુપચ્ચયા – ઉપાદિન્ને ખન્ધે પચ્ચયા ચિત્તસમુટ્ઠાનં રૂપં, વત્થું પચ્ચયા અનુપાદિન્ના ખન્ધા. (૨)

ઉપાદિન્નં ધમ્મં પચ્ચયા ઉપાદિન્નો ચ અનુપાદિન્નો ચ ધમ્મા ઉપ્પજ્જન્તિ હેતુપચ્ચયા – ઉપાદિન્નં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

અનુપાદિન્નં ધમ્મં પચ્ચયા અનુપાદિન્નો ધમ્મો ઉપ્પજ્જતિ હેતુપચ્ચયા – અનુપાદિન્નં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… એકં મહાભૂતં…પે… મહાભૂતે પચ્ચયા ચિત્તસમુટ્ઠાનં રૂપં ઉપાદારૂપં. (૧)

ઉપાદિન્નઞ્ચ અનુપાદિન્નઞ્ચ ધમ્મં પચ્ચયા અનુપાદિન્નો ધમ્મો ઉપ્પજ્જતિ હેતુપચ્ચયા – ઉપાદિન્ને ખન્ધે ચ મહાભૂતે ચ પચ્ચયા ચિત્તસમુટ્ઠાનં રૂપં, અનુપાદિન્નં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે…. (૧)

આરમ્મણપચ્ચયો

૪૩૫. ઉપાદિન્નં ધમ્મં પચ્ચયા ઉપાદિન્નો ધમ્મો ઉપ્પજ્જતિ આરમ્મણપચ્ચયા – ઉપાદિન્નં એકં ખન્ધં પચ્ચયા તયો ખન્ધા…પે… દ્વે ખન્ધે…પે… પટિસન્ધિક્ખણે…પે… વત્થું પચ્ચયા ખન્ધા, ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં…પે… વત્થું પચ્ચયા ઉપાદિન્ના ખન્ધા. (૧)

ઉપાદિન્નં ધમ્મં પચ્ચયા અનુપાદિન્નો ધમ્મો ઉપ્પજ્જતિ આરમ્મણપચ્ચયા – વત્થું પચ્ચયા અનુપાદિન્ના ખન્ધા. (૨)

અનુપાદિન્નં ધમ્મં પચ્ચયા અનુપાદિન્નો ધમ્મો ઉપ્પજ્જતિ આરમ્મણપચ્ચયા – અનુપાદિન્નં એકં ખન્ધં પચ્ચયા તયો ખન્ધા…પે… દ્વે ખન્ધે…પે…. (૧)

ઉપાદિન્નઞ્ચ અનુપાદિન્નઞ્ચ ધમ્મં પચ્ચયા અનુપાદિન્નો ધમ્મો ઉપ્પજ્જતિ આરમ્મણપચ્ચયા – અનુપાદિન્નં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે…. (૧)

અધિપતિપચ્ચયો

૪૩૬. ઉપાદિન્નં ધમ્મં પચ્ચયા અનુપાદિન્નો ધમ્મો ઉપ્પજ્જતિ અધિપતિપચ્ચયા – વત્થું પચ્ચયા અનુપાદિન્ના ખન્ધા. (૧)

અનુપાદિન્નં ધમ્મં પચ્ચયા અનુપાદિન્નો ધમ્મો ઉપ્પજ્જતિ અધિપતિપચ્ચયા – અનુપાદિન્નં એકં ખન્ધં પચ્ચયા તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… એકં મહાભૂતં…પે… મહાભૂતે પચ્ચયા ચિત્તસમુટ્ઠાનં રૂપં ઉપાદારૂપં. (૧)

ઉપાદિન્નઞ્ચ અનુપાદિન્નઞ્ચ ધમ્મં પચ્ચયા અનુપાદિન્નો ધમ્મો ઉપ્પજ્જતિ અધિપતિપચ્ચયા – અનુપાદિન્નં એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે…. (૧) (સંખિત્તં.)