૧. વિભઙ્ગવારો

હેતુપચ્ચયો

૪૧૬. ઉપાદિન્નં ધમ્મં પટિચ્ચ ઉપાદિન્નો ધમ્મો ઉપ્પજ્જતિ હેતુપચ્ચયા – ઉપાદિન્નં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે ઉપાદિન્નં એકં ખન્ધં પટિચ્ચ તયો ખન્ધા કટત્તા ચ રૂપં…પે… દ્વે ખન્ધે…પે… ખન્ધે પટિચ્ચ વત્થુ, વત્થું પટિચ્ચ ખન્ધા, એકં મહાભૂતં…પે… મહાભૂતે પટિચ્ચ કટત્તારૂપં ઉપાદારૂપં. (૧)

ઉપાદિન્નં ધમ્મં પટિચ્ચ અનુપાદિન્નો ધમ્મો ઉપ્પજ્જતિ હેતુપચ્ચયા – ઉપાદિન્ને ખન્ધે પટિચ્ચ ચિત્તસમુટ્ઠાનં રૂપં. (૨)

ઉપાદિન્નં ધમ્મં પટિચ્ચ ઉપાદિન્નો ચ અનુપાદિન્નો ચ ધમ્મા ઉપ્પજ્જન્તિ હેતુપચ્ચયા – ઉપાદિન્નં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે…. (૩)

અનુપાદિન્નં ધમ્મં પટિચ્ચ અનુપાદિન્નો ધમ્મો ઉપ્પજ્જતિ હેતુપચ્ચયા – અનુપાદિન્નં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… એકં મહાભૂતં પટિચ્ચ…પે… મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં. (૧)

ઉપાદિન્નઞ્ચ અનુપાદિન્નઞ્ચ ધમ્મં પટિચ્ચ અનુપાદિન્નો ધમ્મો ઉપ્પજ્જતિ હેતુપચ્ચયા – ઉપાદિન્ને ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

આરમ્મણપચ્ચયો

૪૧૭. ઉપાદિન્નં ધમ્મં પટિચ્ચ ઉપાદિન્નો ધમ્મો ઉપ્પજ્જતિ આરમ્મણપચ્ચયા – ઉપાદિન્નં એકં ખન્ધં પટિચ્ચ તયો ખન્ધા…પે… દ્વે ખન્ધે…પે… પટિસન્ધિક્ખણે…પે… વત્થું પટિચ્ચ ખન્ધા. (૧)

અનુપાદિન્નં ધમ્મં પટિચ્ચ અનુપાદિન્નો ધમ્મો ઉપ્પજ્જતિ આરમ્મણપચ્ચયા – અનુપાદિન્નં એકં ખન્ધં પટિચ્ચ તયો ખન્ધા…પે… દ્વે ખન્ધે…પે…. (૧)

અધિપતિપચ્ચયો

૪૧૮. અનુપાદિન્નં ધમ્મં પટિચ્ચ અનુપાદિન્નો ધમ્મો ઉપ્પજ્જતિ અધિપતિપચ્ચયા – અનુપાદિન્નં એકં ખન્ધં પટિચ્ચ તયો ખન્ધા ચિત્તસમુટ્ઠાનઞ્ચ રૂપં…પે… દ્વે ખન્ધે…પે… એકં મહાભૂતં પટિચ્ચ…પે… મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં (સંખિત્તં).