૧. વિભઙ્ગવારો

હેતુપચ્ચયો

૩૯૪. નોઉપાદા ધમ્મો નોઉપાદા ધમ્મસ્સ હેતુપચ્ચયેન પચ્ચયો – નોઉપાદા હેતૂ સમ્પયુત્તકાનં ખન્ધાનં નોઉપાદા ચ ચિત્તસમુટ્ઠાનાનં રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

નોઉપાદા ધમ્મો ઉપાદા ધમ્મસ્સ હેતુપચ્ચયેન પચ્ચયો – નોઉપાદા હેતૂ ઉપાદા ચિત્તસમુટ્ઠાનાનં રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૨)

નોઉપાદા ધમ્મો ઉપાદા ચ નોઉપાદા ચ ધમ્મસ્સ હેતુપચ્ચયેન પચ્ચયો – નોઉપાદા હેતૂ સમ્પયુત્તકાનં ખન્ધાનં ઉપાદા ચ નોઉપાદા ચ ચિત્તસમુટ્ઠાનાનં રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૩)

આરમ્મણપચ્ચયો

૩૯૫. ઉપાદા ધમ્મો નોઉપાદા ધમ્મસ્સ આરમ્મણપચ્ચયેન પચ્ચયો – ચક્ખું…પે… કાયં… રૂપે…પે… રસે વત્થું અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ…પે… રસાયતનં જિવ્હાવિઞ્ઞાણસ્સ આરમ્મણપચ્ચયેન પચ્ચયો, ઉપાદા ખન્ધા ઇદ્ધિવિધઞાણસ્સ, પુબ્બેનિવાસાનુસ્સતિઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

નોઉપાદા ધમ્મો નોઉપાદા ધમ્મસ્સ આરમ્મણપચ્ચયેન પચ્ચયો – દાનં…પે… સીલં …પે… ઉપોસથકમ્મં કત્વા તં પચ્ચવેક્ખતિ, અસ્સાદેતિ અભિનન્દતિ, તં આરબ્ભ રાગો ઉપ્પજ્જતિ…પે… દોમનસ્સં ઉપ્પજ્જતિ; પુબ્બે…પે… ઝાના…પે… અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં…પે… નિબ્બાનં…પે… નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો. અરિયા પહીને કિલેસે પચ્ચવેક્ખન્તિ, વિક્ખમ્ભિતે કિલેસે…પે… પુબ્બે…પે… ફોટ્ઠબ્બે નોઉપાદા ખન્ધે અનિચ્ચતો…પે… દોમનસ્સં ઉપ્પજ્જતિ; ચેતોપરિયઞાણેન નોઉપાદાચિત્તસમઙ્ગિસ્સ ચિત્તં જાનાતિ, આકાસાનઞ્ચાયતનં વિઞ્ઞાણઞ્ચાયતનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ…પે… ફોટ્ઠબ્બાયતનં કાયવિઞ્ઞાણસ્સ આરમ્મણપચ્ચયેન પચ્ચયો; નોઉપાદા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

અધિપતિપચ્ચયો

૩૯૬. ઉપાદા ધમ્મો નોઉપાદા ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – ચક્ખું…પે… કાયં… રૂપે…પે… રસે વત્થું ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. (૧)

નોઉપાદા ધમ્મો નોઉપાદા ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં…પે… સીલં…પે… ઉપોસથકમ્મં કત્વા તં ગરું કત્વા પચ્ચવેક્ખતિ અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. પુબ્બે સુચિણ્ણાનિ…પે… ઝાના વુટ્ઠહિત્વા ઝાનં…પે… અરિયા મગ્ગા વુટ્ઠહિત્વા મગ્ગં ગરું કત્વા…પે… ફલં…પે… નિબ્બાનં ગરું કત્વા પચ્ચવેક્ખન્તિ. નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ અધિપતિપચ્ચયેન પચ્ચયો; ફોટ્ઠબ્બે નોઉપાદા ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – નોઉપાદાધિપતિ સમ્પયુત્તકાનં ખન્ધાનં નોઉપાદા ચ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૧)

નોઉપાદા ધમ્મો ઉપાદા ધમ્મસ્સ અધિપતિપચ્ચયેન પચ્ચયો. સહજાતાધિપતિ – નોઉપાદાધિપતિ ઉપાદા ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૨)

નોઉપાદા ધમ્મો ઉપાદા ચ નોઉપાદા ચ ધમ્મસ્સ અધિપતિપચ્ચયેન પચ્ચયો. સહજાતાધિપતિ – નોઉપાદાધિપતિ સમ્પયુત્તકાનં ખન્ધાનં ઉપાદા ચ નોઉપાદા ચ ચિત્તસમુટ્ઠાનાનં રૂપાનં અધિપતિપચ્ચયેન પચ્ચયો. (૩)

અનન્તરપચ્ચયાદિ

૩૯૭. નોઉપાદા ધમ્મો નોઉપાદા ધમ્મસ્સ અનન્તરપચ્ચયેન પચ્ચયો – પુરિમા પુરિમા નોઉપાદા ખન્ધા પચ્છિમાનં પચ્છિમાનં નોઉપાદા ખન્ધાનં અનન્તરપચ્ચયેન પચ્ચયો; અનુલોમં ગોત્રભુસ્સ…પે… ફલસમાપત્તિયા અનન્તરપચ્ચયેન પચ્ચયો. (૧)

સમનન્તરપચ્ચયેન પચ્ચયો… સહજાતપચ્ચયેન પચ્ચયો (પટિચ્ચસદિસં)… અઞ્ઞમઞ્ઞપચ્ચયેન પચ્ચયો (પટિચ્ચસદિસં)… નિસ્સયપચ્ચયેન પચ્ચયો (પચ્ચયવારે નિસ્સયસદિસં).

ઉપનિસ્સયપચ્ચયો

૩૯૮. ઉપાદા ધમ્મો નોઉપાદા ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, પકતૂપનિસ્સયો…પે…. પકતૂપનિસ્સયો – ચક્ખુસમ્પદં…પે… કાયસમ્પદં… વણ્ણસમ્પદં… સદ્દસમ્પદં… ગન્ધસમ્પદં… રસસમ્પદં… ભોજનં ઉપનિસ્સાય દાનં દેતિ…પે… સઙ્ઘં ભિન્દતિ, ચક્ખુસમ્પદા…પે… કાયસમ્પદા… વણ્ણસમ્પદા… સદ્દસમ્પદા… ગન્ધસમ્પદા… રસસમ્પદા… ભોજનં સદ્ધાય…પે… ફલસમાપત્તિયા ઉપનિસ્સયપચ્ચયેન પચ્ચયો. (૧)

નોઉપાદા ધમ્મો નોઉપાદા ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… સમાપત્તિં ઉપ્પાદેતિ, માનં જપ્પેતિ, દિટ્ઠિં ગણ્હાતિ; સીલં…પે… પઞ્ઞં… રાગં …પે… પત્થનં… કાયિકં સુખં… કાયિકં દુક્ખં… ઉતું… સેનાસનં ઉપનિસ્સાય દાનં દેતિ…પે… સઙ્ઘં ભિન્દતિ; સદ્ધા…પે… સેનાસનં સદ્ધાય…પે… ફલસમાપત્તિયા ઉપનિસ્સયપચ્ચયેન પચ્ચયો. (૧)

પુરેજાતપચ્ચયો

૩૯૯. ઉપાદા ધમ્મો નોઉપાદા ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ…પે… રસાયતનં જિવ્હાવિઞ્ઞાણસ્સ…પે…. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં…પે… વત્થુ નોઉપાદા ખન્ધાનં પુરેજાતપચ્ચયેન પચ્ચયો. (૧)

નોઉપાદા ધમ્મો નોઉપાદા ધમ્મસ્સ પુરેજાતપચ્ચયેન પચ્ચયો. આરમ્મણપુરેજાતં – ફોટ્ઠબ્બે અનિચ્ચતો…પે… દોમનસ્સં ઉપ્પજ્જતિ; ફોટ્ઠબ્બાયતનં કાયવિઞ્ઞાણસ્સ પુરેજાતપચ્ચયેન પચ્ચયો. (૧)

ઉપાદા ચ નોઉપાદા ચ ધમ્મા નોઉપાદા ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. ફોટ્ઠબ્બાયતનઞ્ચ કાયાયતનઞ્ચ કાયવિઞ્ઞાણસ્સ પુરેજાતપચ્ચયેન પચ્ચયો; ફોટ્ઠબ્બાયતનઞ્ચ વત્થુ ચ નોઉપાદા ખન્ધાનં પુરેજાતપચ્ચયેન પચ્ચયો. (૧)

પચ્છાજાતાસેવનપચ્ચયા

૪૦૦. નોઉપાદા ધમ્મો નોઉપાદા ધમ્મસ્સ પચ્છાજાતપચ્ચયેન પચ્ચયો – પચ્છાજાતા નોઉપાદા ખન્ધા પુરેજાતસ્સ ઇમસ્સ નોઉપાદા કાયસ્સ પચ્છાજાતપચ્ચયેન પચ્ચયો. (મૂલં પુચ્છિતબ્બં) પચ્છાજાતા નોઉપાદા ખન્ધા પુરેજાતસ્સ ઇમસ્સ ઉપાદા કાયસ્સ પચ્છાજાતપચ્ચયેન પચ્ચયો. (મૂલં પુચ્છિતબ્બં) પચ્છાજાતા નોઉપાદા ખન્ધા પુરેજાતસ્સ ઇમસ્સ ઉપાદા કાયસ્સ ચ નોઉપાદા કાયસ્સ ચ પચ્છાજાતપચ્ચયેન પચ્ચયો. (૩)

આસેવનપચ્ચયેન પચ્ચયો… એકં.

કમ્મપચ્ચયો

૪૦૧. નોઉપાદા ધમ્મો નોઉપાદા ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નોઉપાદા ચેતના સમ્પયુત્તકાનં ખન્ધાનં નોઉપાદા ચ ચિત્તસમુટ્ઠાનાનં રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નોઉપાદા ચેતના વિપાકાનં ખન્ધાનં નોઉપાદા ચ કટત્તારૂપાનં કમ્મપચ્ચયેન પચ્ચયો. (૧)

નોઉપાદા ધમ્મો ઉપાદા ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નોઉપાદા ચેતના ઉપાદા ચિત્તસમુટ્ઠાનાનં રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નોઉપાદા ચેતના ઉપાદા કટત્તારૂપાનં કમ્મપચ્ચયેન પચ્ચયો. (૨)

નોઉપાદા ધમ્મો ઉપાદા ચ નોઉપાદા ચ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – નોઉપાદા ચેતના સમ્પયુત્તકાનં ખન્ધાનં ઉપાદા ચ નોઉપાદા ચ ચિત્તસમુટ્ઠાનાનં રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – નોઉપાદા ચેતના વિપાકાનં ખન્ધાનં ઉપાદા ચ નોઉપાદા ચ કટત્તારૂપાનં કમ્મપચ્ચયેન પચ્ચયો. (૩)

વિપાકપચ્ચયો

૪૦૨. નોઉપાદા ધમ્મો નોઉપાદા ધમ્મસ્સ વિપાકપચ્ચયેન પચ્ચયો – વિપાકો નોઉપાદા એકો ખન્ધો તિણ્ણન્નં ખન્ધાનં…પે… દ્વે ખન્ધા…પે… પટિસન્ધિક્ખણે…પે… તીણિ.

આહારપચ્ચયો

૪૦૩. ઉપાદા ધમ્મો ઉપાદા ધમ્મસ્સ આહારપચ્ચયેન પચ્ચયો – કબળીકારો આહારો ઇમસ્સ ઉપાદા કાયસ્સ આહારપચ્ચયેન પચ્ચયો. (મૂલં પુચ્છિતબ્બં) કબળીકારો આહારો ઇમસ્સ નોઉપાદા કાયસ્સ આહારપચ્ચયેન પચ્ચયો. (મૂલં પુચ્છિતબ્બં) કબળીકારો આહારો ઇમસ્સ ઉપાદા કાયસ્સ ચ નોઉપાદા કાયસ્સ ચ આહારપચ્ચયેન પચ્ચયો. (૩)

નોઉપાદા ધમ્મો નોઉપાદા ધમ્મસ્સ આહારપચ્ચયેન પચ્ચયો – નોઉપાદા આહારા સમ્પયુત્તકાનં ખન્ધાનં નોઉપાદા ચ ચિત્તસમુટ્ઠાનાનં રૂપાનં આહારપચ્ચયેન પચ્ચયો; પટિસન્ધિક્ખણે…પે… (નોઉપાદામૂલકે તીણિ, પટિસન્ધિક્ખણે તીણિપિ કાતબ્બા). (૩)

ઇન્દ્રિયપચ્ચયો

૪૦૪. ઉપાદા ધમ્મો ઉપાદા ધમ્મસ્સ ઇન્દ્રિયપચ્ચયેન પચ્ચયો – રૂપજીવિતિન્દ્રિયં ઉપાદા કટત્તારૂપાનં ઇન્દ્રિયપચ્ચયેન પચ્ચયો. (મૂલં કાતબ્બં) ચક્ખુન્દ્રિયં ચક્ખુવિઞ્ઞાણસ્સ…પે… કાયિન્દ્રિયં કાયવિઞ્ઞાણસ્સ રૂપજીવિતિન્દ્રિયં નોઉપાદા કટત્તારૂપાનં ઇન્દ્રિયપચ્ચયેન પચ્ચયો. (મૂલં કાતબ્બં) રૂપજીવિતિન્દ્રિયં ઉપાદા ચ નોઉપાદા ચ કટત્તારૂપાનં ઇન્દ્રિયપચ્ચયેન પચ્ચયો. (૩)

નોઉપાદા ધમ્મો નોઉપાદા ધમ્મસ્સ ઇન્દ્રિયપચ્ચયેન પચ્ચયો… તીણિ; પટિસન્ધિક્ખણે…પે….

ઉપાદા ચ નોઉપાદા ચ ધમ્મા નોઉપાદા ધમ્મસ્સ ઇન્દ્રિયપચ્ચયેન પચ્ચયો – ચક્ખુન્દ્રિયઞ્ચ ચક્ખુવિઞ્ઞાણઞ્ચ ચક્ખુવિઞ્ઞાણસહગતાનં ખન્ધાનં ઇન્દ્રિયપચ્ચયેન પચ્ચયો…પે… કાયિન્દ્રિયઞ્ચ…પે….

ઝાનપચ્ચયાદિ

૪૦૫. નો ઉપાદા ધમ્મો નોઉપાદા ધમ્મસ્સ ઝાનપચ્ચયેન પચ્ચયો… તીણિ, મગ્ગપચ્ચયેન પચ્ચયો… તીણિ; પટિસન્ધિક્ખણે…પે… સમ્પયુત્તપચ્ચયેન પચ્ચયો… એકં.

વિપ્પયુત્તપચ્ચયો

૪૦૬. ઉપાદા ધમ્મો નોઉપાદા ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં. સહજાતં – પટિસન્ધિક્ખણે વત્થુ નોઉપાદા ખન્ધાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં…પે… વત્થુ નોઉપાદા ખન્ધાનં વિપ્પયુત્તપચ્ચયેન પચ્ચયો. (૧)

નોઉપાદા ધમ્મો નોઉપાદા ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – નોઉપાદા ખન્ધા નોઉપાદા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે નોઉપાદા ખન્ધા નોઉપાદા કટત્તારૂપાનં વિપ્પયુત્તપચ્ચયેન પચ્ચયો. પચ્છાજાતા – નોઉપાદા ખન્ધા પુરેજાતસ્સ ઇમસ્સ નોઉપાદા કાયસ્સ વિપ્પયુત્તપચ્ચયેન પચ્ચયો. (૧)

નોઉપાદા ધમ્મો ઉપાદા ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – નોઉપાદા ખન્ધા ઉપાદા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે…પે…. પચ્છાજાતા – નોઉપાદા ખન્ધા પુરેજાતસ્સ ઇમસ્સ ઉપાદા કાયસ્સ વિપ્પયુત્તપચ્ચયેન પચ્ચયો. (૨)

નોઉપાદા ધમ્મો ઉપાદા ધમ્મસ્સ ચ નોઉપાદા ધમ્મસ્સ ચ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – નોઉપાદા ખન્ધા ઉપાદા ચ નોઉપાદા ચ ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે…પે…. પચ્છાજાતા – નોઉપાદા ખન્ધા પુરેજાતસ્સ ઇમસ્સ ઉપાદા કાયસ્સ ચ નોઉપાદા કાયસ્સ ચ વિપ્પયુત્તપચ્ચયેન પચ્ચયો. (૩)

અત્થિપચ્ચયો

૪૦૭. ઉપાદા ધમ્મો ઉપાદા ધમ્મસ્સ અત્થિપચ્ચયેન પચ્ચયો – આહારં, ઇન્દ્રિયં. કબળીકારો આહારો ઇમસ્સ ઉપાદા કાયસ્સ અત્થિપચ્ચયેન પચ્ચયો; રૂપજીવિતિન્દ્રિયં ઉપાદા કટત્તારૂપાનં અત્થિપચ્ચયેન પચ્ચયો. (૧)

ઉપાદા ધમ્મો નોઉપાદા ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, આહારં, ઇન્દ્રિયં. સહજાતં – પટિસન્ધિક્ખણે વત્થુ નોઉપાદા ખન્ધાનં અત્થિપચ્ચયેન પચ્ચયો. પુરેજાતં – ચક્ખું અનિચ્ચતો…પે… (સંખિત્તં. પુરેજાતસદિસં નિન્નાનાકરણં). કબળીકારો આહારો ઇમસ્સ નોઉપાદા કાયસ્સ અત્થિપચ્ચયેન પચ્ચયો; રૂપજીવિતિન્દ્રિયં નોઉપાદા કટત્તારૂપાનં અત્થિપચ્ચયેન પચ્ચયો. (૨)

ઉપાદા ધમ્મો ઉપાદા ધમ્મસ્સ ચ નોઉપાદા ધમ્મસ્સ ચ અત્થિપચ્ચયેન પચ્ચયો – આહારં, ઇન્દ્રિયં. કબળીકારો આહારો ઇમસ્સ ઉપાદા કાયસ્સ ચ નોઉપાદા કાયસ્સ ચ અત્થિપચ્ચયેન પચ્ચયો; રૂપજીવિતિન્દ્રિયં ઉપાદા ચ નોઉપાદા ચ કટત્તારૂપાનં અત્થિપચ્ચયેન પચ્ચયો. (૩)

૪૦૮. નોઉપાદા ધમ્મો નોઉપાદા ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતો – નોઉપાદા એકો ખન્ધો તિણ્ણન્નં ખન્ધાનં નોઉપાદા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો…પે… દ્વે ખન્ધા…પે… પટિસન્ધિક્ખણે…પે… એકં મહાભૂતં તિણ્ણન્નં મહાભૂતાનં અત્થિપચ્ચયેન પચ્ચયો …પે… દ્વે મહાભૂતા દ્વિન્નં મહાભૂતાનં અત્થિપચ્ચયેન પચ્ચયો (યાવ અસઞ્ઞસત્તા). પુરેજાતં – ફોટ્ઠબ્બે અનિચ્ચતો…પે… દોમનસ્સં ઉપ્પજ્જતિ. ફોટ્ઠબ્બાયતનં કાયવિઞ્ઞાણસ્સ અત્થિપચ્ચયેન પચ્ચયો. પચ્છાજાતા – નોઉપાદા ખન્ધા પુરેજાતસ્સ ઇમસ્સ નોઉપાદા કાયસ્સ અત્થિપચ્ચયેન પચ્ચયો. (૧)

નોઉપાદા ધમ્મો ઉપાદા ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં. સહજાતા – નોઉપાદા ખન્ધા ઉપાદા ચિત્તસમુટ્ઠાનાનં રૂપાનં અત્થિપચ્ચયેન પચ્ચયો; પટિસન્ધિક્ખણે…પે…. પચ્છાજાતા – નોઉપાદા ખન્ધા પુરેજાતસ્સ ઇમસ્સ ઉપાદા કાયસ્સ અત્થિપચ્ચયેન પચ્ચયો. (૨)

નોઉપાદા ધમ્મો ઉપાદા ચ નોઉપાદા ચ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં. સહજાતો – નોઉપાદા એકો ખન્ધો તિણ્ણન્નં ખન્ધાનં ઉપાદા ચ નોઉપાદા ચ ચિત્તસમુટ્ઠાનાનં રૂપાનં અત્થિપચ્ચયેન પચ્ચયો; દ્વે ખન્ધા…પે… પટિસન્ધિક્ખણે…પે…. પચ્છાજાતા – નોઉપાદા ખન્ધા પુરેજાતસ્સ ઇમસ્સ ઉપાદા કાયસ્સ ચ નોઉપાદા કાયસ્સ ચ અત્થિપચ્ચયેન પચ્ચયો. (૩)

૪૦૯. ઉપાદા ચ નોઉપાદા ચ ધમ્મા ઉપાદા ધમ્મસ્સ અત્થિપચ્ચયેન પચ્ચયો – પચ્છાજાતં, આહારં, ઇન્દ્રિયં. પચ્છાજાતા – નોઉપાદા ખન્ધા ચ કબળીકારો આહારો ચ ઇમસ્સ ઉપાદા કાયસ્સ અત્થિપચ્ચયેન પચ્ચયો. પચ્છાજાતા – નોઉપાદા ખન્ધા ચ રૂપજીવિતિન્દ્રિયઞ્ચ ઉપાદા કટત્તારૂપાનં અત્થિપચ્ચયેન પચ્ચયો. (૧)

ઉપાદા ચ નોઉપાદા ચ ધમ્મા નોઉપાદા ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતો – ચક્ખુવિઞ્ઞાણસહગતો એકો ખન્ધો ચ ચક્ખાયતનઞ્ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ…પે… નોઉપાદા એકો ખન્ધો ચ વત્થુ ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ…પે… પટિસન્ધિક્ખણે નોઉપાદા એકો ખન્ધો ચ વત્થુ ચ તિણ્ણન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ…પે…. પુરેજાતં – ફોટ્ઠબ્બાયતનઞ્ચ કાયાયતનઞ્ચ કાયવિઞ્ઞાણસ્સ અત્થિપચ્ચયેન પચ્ચયો. ફોટ્ઠબ્બાયતનઞ્ચ વત્થુ ચ નોઉપાદા ખન્ધાનં અત્થિપચ્ચયેન પચ્ચયો. પચ્છાજાતા – નોઉપાદા ખન્ધા ચ કબળીકારો આહારો ચ ઇમસ્સ નોઉપાદા કાયસ્સ અત્થિપચ્ચયેન પચ્ચયો. પચ્છાજાતા – નોઉપાદા ખન્ધા ચ રૂપજીવિતિન્દ્રિયઞ્ચ નોઉપાદા કટત્તારૂપાનં અત્થિપચ્ચયેન પચ્ચયો. (૨)

ઉપાદા ચ નોઉપાદા ચ ધમ્મા ઉપાદા ધમ્મસ્સ ચ નોઉપાદા ધમ્મસ્સ ચ અત્થિપચ્ચયેન પચ્ચયો – પચ્છાજાતં, આહારં, ઇન્દ્રિયં. પચ્છાજાતા – નોઉપાદા ખન્ધા ચ કબળીકારો આહારો ચ ઇમસ્સ ઉપાદા કાયસ્સ ચ નોઉપાદા કાયસ્સ ચ અત્થિપચ્ચયેન પચ્ચયો. પચ્છાજાતા – નોઉપાદા ખન્ધા ચ રૂપજીવિતિન્દ્રિયઞ્ચ ઉપાદા ચ નોઉપાદા ચ કટત્તારૂપાનં અત્થિપચ્ચયેન પચ્ચયો. (૩)