૧. વિભઙ્ગવારો

નહેતુપચ્ચયાદિ

૩૮૯. ઉપાદા ધમ્મં પચ્ચયા નોઉપાદા ધમ્મો ઉપ્પજ્જતિ નહેતુપચ્ચયા – ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં, વત્થું પચ્ચયા અહેતુકા નોઉપાદા ખન્ધા; અહેતુકપટિસન્ધિક્ખણે…પે… વત્થું પચ્ચયા વિચિકિચ્છાસહગતો ઉદ્ધચ્ચસહગતો મોહો. (૧)

નોઉપાદા ધમ્મં પચ્ચયા નોઉપાદા ધમ્મો ઉપ્પજ્જતિ નહેતુપચ્ચયા – અહેતુકં નોઉપાદા એકં ખન્ધં પચ્ચયા તયો ખન્ધા નોઉપાદા ચ ચિત્તસમુટ્ઠાનં રૂપં…પે… દ્વે ખન્ધે…પે… અહેતુકપટિસન્ધિક્ખણે…પે… એકં મહાભૂતં…પે… (યાવ અસઞ્ઞસત્તા) વિચિકિચ્છાસહગતે ઉદ્ધચ્ચસહગતે ખન્ધે પચ્ચયા વિચિકિચ્છાસહગતો ઉદ્ધચ્ચસહગતો મોહો (તીણિપિ પટિચ્ચસદિસા, નિન્નાનાકરણા). (૩)

ઉપાદા ચ નોઉપાદા ચ ધમ્મં પચ્ચયા નોઉપાદા ધમ્મો ઉપ્પજ્જતિ નહેતુપચ્ચયા – ચક્ખુવિઞ્ઞાણસહગતં એકં ખન્ધઞ્ચ ચક્ખાયતનઞ્ચ પચ્ચયા તયો ખન્ધા…પે… દ્વે ખન્ધે ચ…પે… કાયવિઞ્ઞાણસહગતં…પે… અહેતુકં નોઉપાદા એકં ખન્ધઞ્ચ વત્થુઞ્ચ પચ્ચયા તયો ખન્ધા…પે… દ્વે ખન્ધે ચ…પે… પટિસન્ધિક્ખણે…પે… વિચિકિચ્છાસહગતે ઉદ્ધચ્ચસહગતે ખન્ધે ચ વત્થુઞ્ચ પચ્ચયા વિચિકિચ્છાસહગતો ઉદ્ધચ્ચસહગતો મોહો. (૧)

નઆરમ્મણપચ્ચયા તીણિ, નઆસેવનપચ્ચયા પઞ્ચ.

નકમ્મપચ્ચયાદિ

૩૯૦. ઉપાદા ધમ્મં પચ્ચયા નોઉપાદા ધમ્મો ઉપ્પજ્જતિ નકમ્મપચ્ચયા – વત્થું પચ્ચયા નોઉપાદા ચેતના. (૧)

નોઉપાદા ધમ્મં પચ્ચયા નોઉપાદા ધમ્મો ઉપ્પજ્જતિ નકમ્મપચ્ચયા – નોઉપાદા ખન્ધે પચ્ચયા સમ્પયુત્તકા ચેતના; બાહિરં આહારસમુટ્ઠાનં ઉતુસમુટ્ઠાનં…પે… દ્વે મહાભૂતે પચ્ચયા દ્વે મહાભૂતા. (૧)

નોઉપાદા ધમ્મં પચ્ચયા ઉપાદા ધમ્મો ઉપ્પજ્જતિ નકમ્મપચ્ચયા – બાહિરે આહારસમુટ્ઠાને ઉતુસમુટ્ઠાને મહાભૂતે પચ્ચયા ઉપાદારૂપં. (૨)

નોઉપાદા ધમ્મં પચ્ચયા ઉપાદા ચ નોઉપાદા ચ ધમ્મા ઉપ્પજ્જન્તિ નકમ્મપચ્ચયા – બાહિરં આહારસમુટ્ઠાનં ઉતુસમુટ્ઠાનં એકં મહાભૂતં પચ્ચયા તયો મહાભૂતા ઉપાદા ચ રૂપં…પે… દ્વે મહાભૂતે…પે…. (૩)

ઉપાદા ચ નોઉપાદા ચ ધમ્મં પચ્ચયા નોઉપાદા ધમ્મો ઉપ્પજ્જતિ નકમ્મપચ્ચયા – નોઉપાદા ખન્ધે ચ વત્થુઞ્ચ પચ્ચયા નોઉપાદા ચેતના. (૧)

નવિપાકપચ્ચયા પઞ્ચ, નઆહારપચ્ચયા તીણિ, નઇન્દ્રિયપચ્ચયા તીણિ.

નઝાનપચ્ચયાદિ

૩૯૧. ઉપાદા ધમ્મં પચ્ચયા નોઉપાદા ધમ્મો ઉપ્પજ્જતિ નઝાનપચ્ચયા – ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં પચ્ચયા કાયવિઞ્ઞાણં. (૧)

નોઉપાદા ધમ્મં પચ્ચયા નોઉપાદા ધમ્મો ઉપ્પજ્જતિ નઝાનપચ્ચયા – પઞ્ચવિઞ્ઞાણસહગતં એકં ખન્ધં પચ્ચયા તયો ખન્ધા…પે… દ્વે ખન્ધે…પે… બાહિરં આહારસમુટ્ઠાનં ઉતુસમુટ્ઠાનં અસઞ્ઞસત્તાનં…પે… દ્વે મહાભૂતે પચ્ચયા દ્વે મહાભૂતા. (૧)

નોઉપાદા ધમ્મં પચ્ચયા ઉપાદા ધમ્મો ઉપ્પજ્જતિ નઝાનપચ્ચયા – બાહિરે આહારસમુટ્ઠાને ઉતુસમુટ્ઠાને અસઞ્ઞસત્તાનં મહાભૂતે પચ્ચયા ઉપાદા કટત્તારૂપં. (૨)

નોઉપાદા ધમ્મં પચ્ચયા ઉપાદા ચ નોઉપાદા ચ ધમ્મા ઉપ્પજ્જન્તિ નઝાનપચ્ચયા – બાહિરં આહારસમુટ્ઠાનં ઉતુસમુટ્ઠાનં અસઞ્ઞસત્તાનં એકં મહાભૂતં પચ્ચયા તયો મહાભૂતા ઉપાદા ચ કટત્તારૂપં…પે… દ્વે…પે…. (૩)

ઉપાદા ચ નોઉપાદા ચ ધમ્મં પચ્ચયા નોઉપાદા ધમ્મો ઉપ્પજ્જતિ નઝાનપચ્ચયા – ચક્ખુવિઞ્ઞાણસહગતં એકં ખન્ધઞ્ચ ચક્ખાયતનઞ્ચ પચ્ચયા તયો ખન્ધા…પે… દ્વે ખન્ધે ચ…પે…. (૧)

નમગ્ગપચ્ચયા પઞ્ચ, નસમ્પયુત્તપચ્ચયા તીણિ, નવિપ્પયુત્તપચ્ચયા તીણિ, નોનત્થિપચ્ચયા તીણિ, નોવિગતપચ્ચયા તીણિ.