૧. વિભઙ્ગવારો

હેતુપચ્ચયો

૩૪૦. બાહિરો ધમ્મો બાહિરસ્સ ધમ્મસ્સ હેતુપચ્ચયેન પચ્ચયો – બાહિરા હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો – પટિસન્ધિક્ખણે બાહિરા હેતૂ સમ્પયુત્તકાનં ખન્ધાનં બાહિરાનઞ્ચ કટત્તારૂપાનં હેતુપચ્ચયેન પચ્ચયો. (૧)

બાહિરો ધમ્મો અજ્ઝત્તિકસ્સ ધમ્મસ્સ હેતુપચ્ચયેન પચ્ચયો – બાહિરા હેતૂ ચિત્તસ્સ હેતુપચ્ચયેન પચ્ચયો; પટિસન્ધિક્ખણે બાહિરા હેતૂ ચિત્તસ્સ અજ્ઝત્તિકાનઞ્ચ કટત્તારૂપાનં હેતુપચ્ચયેન પચ્ચયો. (૨)

બાહિરો ધમ્મો અજ્ઝત્તિકસ્સ ચ બાહિરસ્સ ચ ધમ્મસ્સ હેતુપચ્ચયેન પચ્ચયો – બાહિરા હેતૂ સમ્પયુત્તકાનં ખન્ધાનં ચિત્તસ્સ ચ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે બાહિરા હેતૂ સમ્પયુત્તકાનં ખન્ધાનં ચિત્તસ્સ ચ અજ્ઝત્તિકાનઞ્ચ બાહિરાનઞ્ચ કટત્તારૂપાનં હેતુપચ્ચયેન પચ્ચયો. (૩)

આરમ્મણપચ્ચયો

૩૪૧. અજ્ઝત્તિકો ધમ્મો અજ્ઝત્તિકસ્સ ધમ્મસ્સ આરમ્મણપચ્ચયેન પચ્ચયો – ચિત્તં આરબ્ભ ચિત્તં ઉપ્પજ્જતિ. (મૂલં પુચ્છિતબ્બં) ચિત્તં આરબ્ભ બાહિરા ખન્ધા ઉપ્પજ્જન્તિ. (મૂલં પુચ્છિતબ્બં) ચિત્તં આરબ્ભ ચિત્તઞ્ચ સમ્પયુત્તકા ચ ખન્ધા ઉપ્પજ્જન્તિ. (૩)

બાહિરો ધમ્મો બાહિરસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં કત્વા તં પચ્ચવેક્ખતિ અસ્સાદેતિ અભિનન્દતિ, તં આરબ્ભ રાગો…પે… દોમનસ્સં ઉપ્પજ્જતિ; પુબ્બે સુચિણ્ણાનિ પચ્ચવેક્ખતિ, ઝાના વુટ્ઠહિત્વા ઝાનં…પે… અરિયા મગ્ગા વુટ્ઠહિત્વા મગ્ગં…પે… ફલં…પે… નિબ્બાનં પચ્ચવેક્ખન્તિ… નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો. અરિયા બાહિરે પહીને કિલેસે પચ્ચવેક્ખન્તિ, વિક્ખમ્ભિતે કિલેસે…પે… પુબ્બે સમુદાચિણ્ણે કિલેસે જાનન્તિ, રૂપે…પે… વત્થું બાહિરે ખન્ધે અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. ચેતોપરિયઞાણેન બાહિરચિત્તસમઙ્ગિસ્સ ચિત્તં જાનાતિ, આકાસાનઞ્ચાયતનં વિઞ્ઞાણઞ્ચાયતનસ્સ…પે… આકિઞ્ચઞ્ઞાયતનં નેવસઞ્ઞાનાસઞ્ઞાયતનસ્સ…પે… રૂપાયતનં ચક્ખુવિઞ્ઞાણસહગતાનં ખન્ધાનં આરમ્મણપચ્ચયેન પચ્ચયો…પે… ફોટ્ઠબ્બાયતનં…પે… બાહિરા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

બાહિરો ધમ્મો અજ્ઝત્તિકસ્સ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં કત્વા તં પચ્ચવેક્ખતિ અસ્સાદેતિ અભિનન્દતિ, તં આરબ્ભ ચિત્તં ઉપ્પજ્જતિ. પુબ્બે સુચિણ્ણાનિ…પે… ઝાનં…પે… (સંખિત્તં, સબ્બં કાતબ્બં) પુબ્બે સમુદાચિણ્ણે…પે… રૂપે…પે… વત્થું બાહિરે ખન્ધે અનિચ્ચતો…પે… વિપસ્સતિ, અસ્સાદેતિ અભિનન્દતિ, તં આરબ્ભ ચિત્તં ઉપ્પજ્જતિ. દિબ્બેન ચક્ખુના રૂપં પસ્સતિ…પે… રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં…પે… બાહિરા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૩)

બાહિરો ધમ્મો અજ્ઝત્તિકસ્સ ચ બાહિરસ્સ ચ ધમ્મસ્સ આરમ્મણપચ્ચયેન પચ્ચયો – દાનં…પે… સીલં…પે… ઉપોસથકમ્મં કત્વા તં પચ્ચવેક્ખતિ અસ્સાદેતિ અભિનન્દતિ, તં આરબ્ભ ચિત્તઞ્ચ સમ્પયુત્તકા ચ ખન્ધા ઉપ્પજ્જન્તિ (સંખિત્તં, સબ્બં કાતબ્બં). બાહિરે ખન્ધે અનિચ્ચતો…પે… વિપસ્સતિ, અસ્સાદેતિ અભિનન્દતિ, તં આરબ્ભ ચિત્તઞ્ચ સમ્પયુત્તકા ચ ખન્ધા ઉપ્પજ્જન્તિ. દિબ્બેન ચક્ખુના રૂપં પસ્સતિ…પે… રૂપાયતનં ચક્ખુવિઞ્ઞાણસ્સ ચ સમ્પયુત્તકાનઞ્ચ ખન્ધાનં…પે… ફોટ્ઠબ્બાયતનં…પે… બાહિરા ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, યથાકમ્મૂપગઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૩)

અજ્ઝત્તિકો ચ બાહિરો ચ ધમ્મા અજ્ઝત્તિકસ્સ ધમ્મસ્સ આરમ્મણપચ્ચયેન પચ્ચયો… તીણિ.

અધિપતિપચ્ચયો

૩૪૨. અજ્ઝત્તિકો ધમ્મો અજ્ઝત્તિકસ્સ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – ચિત્તં ગરું કત્વા ચિત્તં ઉપ્પજ્જતિ. (૧)

અજ્ઝત્તિકો ધમ્મો બાહિરસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – ચિત્તં ગરું કત્વા બાહિરા ખન્ધા ઉપ્પજ્જન્તિ. સહજાતાધિપતિ – ચિત્તાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (મૂલં) આરમ્મણાધિપતિ – અજ્ઝત્તિકં ચિત્તં ગરું કત્વા ચિત્તઞ્ચ સમ્પયુત્તકા ચ ખન્ધા ઉપ્પજ્જન્તિ. (૩)

બાહિરો ધમ્મો બાહિરસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – દાનં દત્વા…પે… તીણિ (દ્વે અધિપતી તિણ્ણમ્પિ કાતબ્બા). (૩)

અજ્ઝત્તિકો ચ બાહિરો ચ ધમ્મા અજ્ઝત્તિકસ્સ ધમ્મસ્સ અધિપતિપચ્ચયેન પચ્ચયો… તીણિ (તિણ્ણમ્પિ એકાયેવ અધિપતિ).

અનન્તરપચ્ચયાદિ

૩૪૩. અજ્ઝત્તિકો ધમ્મો અજ્ઝત્તિકસ્સ ધમ્મસ્સ અનન્તરપચ્ચયેન પચ્ચયો – પુરિમં પુરિમં ચિત્તં પચ્છિમસ્સ પચ્છિમસ્સ ચિત્તસ્સ અનન્તરપચ્ચયેન પચ્ચયો… તીણિ.

બાહિરો ધમ્મો બાહિરસ્સ ધમ્મસ્સ અનન્તરપચ્ચયેન પચ્ચયો – પુરિમા પુરિમા બાહિરા ખન્ધા પચ્છિમાનં પચ્છિમાનં ખન્ધાનં અનન્તરપચ્ચયેન પચ્ચયો; અનુલોમં ગોત્રભુસ્સ…પે… તીણિ (તિણ્ણમ્પિ એકસદિસા).

અજ્ઝત્તિકો ચ બાહિરો ચ ધમ્મા અજ્ઝત્તિકસ્સ ધમ્મસ્સ અનન્તરપચ્ચયેન પચ્ચયો… તીણિ, સમનન્તરપચ્ચયેન પચ્ચયો… નવ, સહજાતપચ્ચયેન પચ્ચયો… નવ (પટિચ્ચસદિસા), અઞ્ઞમઞ્ઞપચ્ચયેન પચ્ચયો… પઞ્ચ (પટિચ્ચસદિસા), નિસ્સયપચ્ચયેન પચ્ચયો… નવ, (પચ્ચયવારસદિસા).

ઉપનિસ્સયપચ્ચયો

૩૪૪. અજ્ઝત્તિકો ધમ્મો અજ્ઝત્તિકસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ચિત્તં ચિત્તસ્સ ઉપનિસ્સયપચ્ચયેન પચ્ચયો… તીણિ.

બાહિરો ધમ્મો બાહિરસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – સદ્ધં ઉપનિસ્સાય દાનં દેતિ…પે… માનં જપ્પેતિ, દિટ્ઠિં ગણ્હાતિ; સીલં…પે… સેનાસનં ઉપનિસ્સાય દાનં દેતિ…પે… સઙ્ઘં ભિન્દતિ; સદ્ધા…પે… સેનાસનં સદ્ધાય…પે… ફલસમાપત્તિયા ઉપનિસ્સયપચ્ચયેન પચ્ચયો, (તીણિપિ પૂરેત્વા કાતબ્બા, ચિત્તસ્સાતિ કાતબ્બા, સમ્પયુત્તકાનઞ્ચાતિ કાતબ્બા).

અજ્ઝત્તિકો ચ બાહિરો ચ ધમ્મા અજ્ઝત્તિકસ્સ ધમ્મસ્સ ઉપનિસ્સયપચ્ચયેન પચ્ચયો… તીણિ.

પુરેજાતપચ્ચયો

૩૪૫. અજ્ઝત્તિકો ધમ્મો અજ્ઝત્તિકસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું …પે… કાયં અનિચ્ચતો…પે… વિપસ્સતિ, અસ્સાદેતિ અભિનન્દતિ, તં આરબ્ભ ચિત્તં ઉપ્પજ્જતિ. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ પુરેજાતપચ્ચયેન પચ્ચયો. (૧)

અજ્ઝત્તિકો ધમ્મો બાહિરસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… કાયં અનિચ્ચતો…પે… વિપસ્સતિ, અસ્સાદેતિ…પે… દોમનસ્સં ઉપ્પજ્જતિ. વત્થુપુરેજાતં – ચક્ખાયતનં ચક્ખુવિઞ્ઞાણસહગતાનં ખન્ધાનં…પે… કાયાયતનં કાયવિઞ્ઞાણસહગતાનં ખન્ધાનં પુરેજાતપચ્ચયેન પચ્ચયો. (૨)

અજ્ઝત્તિકો ધમ્મો અજ્ઝત્તિકસ્સ ચ બાહિરસ્સ ચ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… કાયં અનિચ્ચતો…પે… વિપસ્સતિ, તં આરબ્ભ ચિત્તઞ્ચ સમ્પયુત્તકા ખન્ધા ચ ઉપ્પજ્જન્તિ. વત્થુપુરેજાતં – ચક્ખાયતનં ચક્ખુવિઞ્ઞાણસ્સ સમ્પયુત્તકાનઞ્ચ ખન્ધાનં…પે… કાયાયતનં કાયવિઞ્ઞાણસ્સ સમ્પયુત્તકાનઞ્ચ ખન્ધાનં પુરેજાતપચ્ચયેન પચ્ચયો. (૩)

૩૪૬. બાહિરો ધમ્મો બાહિરસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – રૂપે…પે… ફોટ્ઠબ્બે… વત્થું અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. વત્થુપુરેજાતં – વત્થુ બાહિરાનં ખન્ધાનં પુરેજાતપચ્ચયેન પચ્ચયો. (૧)

બાહિરો ધમ્મો અજ્ઝત્તિકસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – રૂપે…પે… ફોટ્ઠબ્બે… વત્થું અનિચ્ચતો…પે… તં આરબ્ભ ચિત્તં ઉપ્પજ્જતિ. દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. વત્થુપુરેજાતં – વત્થુ ચિત્તસ્સ પુરેજાતપચ્ચયેન પચ્ચયો. (૨)

બાહિરો ધમ્મો અજ્ઝત્તિકસ્સ ચ બાહિરસ્સ ચ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – રૂપે…પે… ફોટ્ઠબ્બે… વત્થું અનિચ્ચતો…પે… તં આરબ્ભ ચિત્તઞ્ચ સમ્પયુત્તકા ખન્ધા ચ ઉપ્પજ્જન્તિ. દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. વત્થુપુરેજાતં – વત્થુ ચિત્તસ્સ સમ્પયુત્તકાનઞ્ચ ખન્ધાનં પુરેજાતપચ્ચયેન પચ્ચયો. (૩)

૩૪૭. અજ્ઝત્તિકો ચ બાહિરો ચ ધમ્મા અજ્ઝત્તિકસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. ચક્ખાયતનઞ્ચ વત્થુ ચ ચિત્તસ્સ…પે… કાયાયતનઞ્ચ વત્થુ ચ ચિત્તસ્સ પુરેજાતપચ્ચયેન પચ્ચયો; રૂપાયતનઞ્ચ ચક્ખાયતનઞ્ચ ચક્ખુવિઞ્ઞાણસ્સ…પે… ફોટ્ઠબ્બાયતનઞ્ચ કાયાયતનઞ્ચ કાયવિઞ્ઞાણસ્સ પુરેજાતપચ્ચયેન પચ્ચયો. (૧)

અજ્ઝત્તિકો ચ બાહિરો ચ ધમ્મા બાહિરસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. ચક્ખાયતનઞ્ચ વત્થુ ચ બાહિરાનં ખન્ધાનં પુરેજાતપચ્ચયેન પચ્ચયો…પે… કાયાયતનઞ્ચ વત્થુ ચ બાહિરાનં ખન્ધાનં પુરેજાતપચ્ચયેન પચ્ચયો; રૂપાયતનઞ્ચ ચક્ખાયતનઞ્ચ ચક્ખુવિઞ્ઞાણસહગતાનં ખન્ધાનં પુરેજાતપચ્ચયેન પચ્ચયો…પે… ફોટ્ઠબ્બાયતનઞ્ચ કાયાયતનઞ્ચ કાયવિઞ્ઞાણસહગતાનં ખન્ધાનં પુરેજાતપચ્ચયેન પચ્ચયો. (૨)

અજ્ઝત્તિકો ચ બાહિરો ચ ધમ્મા અજ્ઝત્તિકસ્સ ચ બાહિરસ્સ ચ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. ચક્ખાયતનઞ્ચ વત્થુ ચ ચિત્તસ્સ સમ્પયુત્તકાનઞ્ચ ખન્ધાનં પુરેજાતપચ્ચયેન પચ્ચયો…પે… કાયાયતનઞ્ચ વત્થુ ચ…પે… રૂપાયતનઞ્ચ ચક્ખાયતનઞ્ચ ચક્ખુવિઞ્ઞાણસ્સ સમ્પયુત્તકાનઞ્ચ ખન્ધાનં પુરેજાતપચ્ચયેન પચ્ચયો…પે… ફોટ્ઠબ્બાયતનઞ્ચ…પે…. (૩)

પચ્છાજાતાસેવનપચ્ચયા

૩૪૮. અજ્ઝત્તિકો ધમ્મો અજ્ઝત્તિકસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા અજ્ઝત્તિકા ખન્ધા પુરેજાતસ્સ ઇમસ્સ અજ્ઝત્તિકસ્સ કાયસ્સ પચ્છાજાતપચ્ચયેન પચ્ચયો. (મૂલં કાતબ્બં) પચ્છાજાતા અજ્ઝત્તિકા ખન્ધા પુરેજાતસ્સ ઇમસ્સ બાહિરસ્સ કાયસ્સ પચ્છાજાતપચ્ચયેન પચ્ચયો. (મૂલં કાતબ્બં) પચ્છાજાતા અજ્ઝત્તિકા ખન્ધા પુરેજાતસ્સ ઇમસ્સ અજ્ઝત્તિકસ્સ ચ બાહિરસ્સ ચ કાયસ્સ પચ્છાજાતપચ્ચયેન પચ્ચયો (એવં નવપિ પઞ્હા કાતબ્બા), આસેવનપચ્ચયેન પચ્ચયો (નવ પઞ્હા કાતબ્બા).

કમ્મ-વિપાકપચ્ચયા

૩૪૯. બાહિરો ધમ્મો બાહિરસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – બાહિરા ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – બાહિરા ચેતના વિપાકાનં બાહિરાનં ખન્ધાનં કટત્તા ચ રૂપાનં કમ્મપચ્ચયેન પચ્ચયો. (૧)

બાહિરો ધમ્મો અજ્ઝત્તિકસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – બાહિરા ચેતના ચિત્તસ્સ કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – બાહિરા ચેતના વિપાકસ્સ ચિત્તસ્સ અજ્ઝત્તિકાનઞ્ચ કટત્તારૂપાનં કમ્મપચ્ચયેન પચ્ચયો. (૨)

બાહિરો ધમ્મો અજ્ઝત્તિકસ્સ ચ બાહિરસ્સ ચ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – બાહિરા ચેતના સમ્પયુત્તકાનં ખન્ધાનં ચિત્તસ્સ ચ ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – બાહિરા ચેતના વિપાકાનં ખન્ધાનં ચિત્તસ્સ ચ અજ્ઝત્તિકાનઞ્ચ બાહિરાનઞ્ચ કટત્તારૂપાનં કમ્મપચ્ચયેન પચ્ચયો. (૩) વિપાકપચ્ચયેન પચ્ચયો… નવ.

આહારપચ્ચયો

૩૫૦. અજ્ઝત્તિકો ધમ્મો અજ્ઝત્તિકસ્સ ધમ્મસ્સ આહારપચ્ચયેન પચ્ચયો – પટિસન્ધિક્ખણે અજ્ઝત્તિકા આહારા અજ્ઝત્તિકાનં કટત્તારૂપાનં આહારપચ્ચયેન પચ્ચયો. (૧)

અજ્ઝત્તિકો ધમ્મો બાહિરસ્સ ધમ્મસ્સ આહારપચ્ચયેન પચ્ચયો – અજ્ઝત્તિકા આહારા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો; પટિસન્ધિક્ખણે અજ્ઝત્તિકા આહારા સમ્પયુત્તકાનં ખન્ધાનં બાહિરાનઞ્ચ કટત્તારૂપાનં આહારપચ્ચયેન પચ્ચયો. (મૂલં કાતબ્બં) પટિસન્ધિક્ખણે અજ્ઝત્તિકા આહારા સમ્પયુત્તકાનં ખન્ધાનં અજ્ઝત્તિકાનઞ્ચ બાહિરાનઞ્ચ કટત્તારૂપાનં આહારપચ્ચયેન પચ્ચયો. (૩)

૩૫૧. બાહિરો ધમ્મો બાહિરસ્સ ધમ્મસ્સ આહારપચ્ચયેન પચ્ચયો – બાહિરા આહારા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો; પટિસન્ધિક્ખણે…પે… બાહિરો કબળીકારો આહારો બાહિરસ્સ કાયસ્સ આહારપચ્ચયેન પચ્ચયો. (૧)

બાહિરો ધમ્મો અજ્ઝત્તિકસ્સ ધમ્મસ્સ આહારપચ્ચયેન પચ્ચયો – બાહિરા આહારા ચિત્તસ્સ આહારપચ્ચયેન પચ્ચયો; પટિસન્ધિક્ખણે બાહિરા આહારા ચિત્તસ્સ અજ્ઝત્તિકાનઞ્ચ કટત્તારૂપાનં આહારપચ્ચયેન પચ્ચયો; બાહિરો કબળીકારો આહારો અજ્ઝત્તિકસ્સ કાયસ્સ આહારપચ્ચયેન પચ્ચયો. (૨)

બાહિરો ધમ્મો અજ્ઝત્તિકસ્સ ચ બાહિરસ્સ ચ ધમ્મસ્સ આહારપચ્ચયેન પચ્ચયો – બાહિરા આહારા સમ્પયુત્તકાનં ખન્ધાનં ચિત્તસ્સ ચ ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો; પટિસન્ધિક્ખણે બાહિરા આહારા સમ્પયુત્તકાનં ખન્ધાનં ચિત્તસ્સ ચ અજ્ઝત્તિકાનઞ્ચ બાહિરાનઞ્ચ કટત્તારૂપાનં આહારપચ્ચયેન પચ્ચયો; બાહિરો કબળીકારો આહારો અજ્ઝત્તિકસ્સ ચ બાહિરસ્સ ચ કાયસ્સ આહારપચ્ચયેન પચ્ચયો. (૩)

૩૫૨. અજ્ઝત્તિકો ચ બાહિરો ચ ધમ્મા અજ્ઝત્તિકસ્સ ધમ્મસ્સ આહારપચ્ચયેન પચ્ચયો – પટિસન્ધિક્ખણે અજ્ઝત્તિકા ચ બાહિરા ચ આહારા અજ્ઝત્તિકાનં કટત્તારૂપાનં આહારપચ્ચયેન પચ્ચયો. (૧)

અજ્ઝત્તિકો ચ બાહિરો ચ ધમ્મા બાહિરસ્સ ધમ્મસ્સ આહારપચ્ચયેન પચ્ચયો – અજ્ઝત્તિકા ચ બાહિરા ચ આહારા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો; પટિસન્ધિક્ખણે અજ્ઝત્તિકા ચ બાહિરા ચ આહારા સમ્પયુત્તકાનં ખન્ધાનં બાહિરાનઞ્ચ કટત્તારૂપાનં આહારપચ્ચયેન પચ્ચયો. (૨)

અજ્ઝત્તિકો ચ બાહિરો ચ ધમ્મા અજ્ઝત્તિકસ્સ ચ બાહિરસ્સ ચ ધમ્મસ્સ આહારપચ્ચયેન પચ્ચયો – પટિસન્ધિક્ખણે અજ્ઝત્તિકા ચ બાહિરા ચ આહારા સમ્પયુત્તકાનં ખન્ધાનં અજ્ઝત્તિકાનઞ્ચ બાહિરાનઞ્ચ કટત્તારૂપાનં આહારપચ્ચયેન પચ્ચયો. (૩)

ઇન્દ્રિયપચ્ચયો

૩૫૩. અજ્ઝત્તિકો ધમ્મો અજ્ઝત્તિકસ્સ ધમ્મસ્સ ઇન્દ્રિયપચ્ચયેન પચ્ચયો – પટિસન્ધિક્ખણે અજ્ઝત્તિકા ઇન્દ્રિયા અજ્ઝત્તિકાનં કટત્તારૂપાનં ઇન્દ્રિયપચ્ચયેન પચ્ચયો, ચક્ખુન્દ્રિયં ચક્ખુવિઞ્ઞાણસ્સ…પે… કાયિન્દ્રિયં કાયવિઞ્ઞાણસ્સ ઇન્દ્રિયપચ્ચયેન પચ્ચયો. (૧)

અજ્ઝત્તિકો ધમ્મો બાહિરસ્સ ધમ્મસ્સ ઇન્દ્રિયપચ્ચયેન પચ્ચયો – અજ્ઝત્તિકા ઇન્દ્રિયા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં ઇન્દ્રિયપચ્ચયેન પચ્ચયો; પટિસન્ધિક્ખણે અજ્ઝત્તિકા ઇન્દ્રિયા સમ્પયુત્તકાનં ખન્ધાનં બાહિરાનઞ્ચ કટત્તારૂપાનં ઇન્દ્રિયપચ્ચયેન પચ્ચયો, ચક્ખુન્દ્રિયં ચક્ખુવિઞ્ઞાણસહગતાનં ખન્ધાનં…પે… કાયિન્દ્રિયં કાયવિઞ્ઞાણસહગતાનં ખન્ધાનં ઇન્દ્રિયપચ્ચયેન પચ્ચયો. (૨)

અજ્ઝત્તિકો ધમ્મો અજ્ઝત્તિકસ્સ ચ બાહિરસ્સ ચ ધમ્મસ્સ ઇન્દ્રિયપચ્ચયેન પચ્ચયો – પટિસન્ધિક્ખણે અજ્ઝત્તિકા ઇન્દ્રિયા સમ્પયુત્તકાનં ખન્ધાનં અજ્ઝત્તિકાનઞ્ચ બાહિરાનઞ્ચ કટત્તારૂપાનં ઇન્દ્રિયપચ્ચયેન પચ્ચયો, ચક્ખુન્દ્રિયં ચક્ખુવિઞ્ઞાણસ્સ સમ્પયુત્તકાનઞ્ચ ખન્ધાનં…પે… કાયિન્દ્રિયં કાયવિઞ્ઞાણસ્સ સમ્પયુત્તકાનઞ્ચ ખન્ધાનં ઇન્દ્રિયપચ્ચયેન પચ્ચયો. (૩)

૩૫૪. બાહિરો ધમ્મો બાહિરસ્સ ધમ્મસ્સ ઇન્દ્રિયપચ્ચયેન પચ્ચયો – બાહિરા ઇન્દ્રિયા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં ઇન્દ્રિયપચ્ચયેન પચ્ચયો; પટિસન્ધિક્ખણે બાહિરા ઇન્દ્રિયા સમ્પયુત્તકાનં ખન્ધાનં બાહિરાનઞ્ચ કટત્તારૂપાનં ઇન્દ્રિયપચ્ચયેન પચ્ચયો, રૂપજીવિતિન્દ્રિયં બાહિરાનં કટત્તારૂપાનં ઇન્દ્રિયપચ્ચયેન પચ્ચયો. (૧)

બાહિરો ધમ્મો અજ્ઝત્તિકસ્સ ધમ્મસ્સ ઇન્દ્રિયપચ્ચયેન પચ્ચયો – બાહિરા ઇન્દ્રિયા ચિત્તસ્સ ઇન્દ્રિયપચ્ચયેન પચ્ચયો; પટિસન્ધિક્ખણે બાહિરા ઇન્દ્રિયા ચિત્તસ્સ અજ્ઝત્તિકાનઞ્ચ કટત્તારૂપાનં ઇન્દ્રિયપચ્ચયેન પચ્ચયો, રૂપજીવિતિન્દ્રિયં અજ્ઝત્તિકાનં કટત્તારૂપાનં ઇન્દ્રિયપચ્ચયેન પચ્ચયો. (૨)

બાહિરો ધમ્મો અજ્ઝત્તિકસ્સ ચ બાહિરસ્સ ચ ધમ્મસ્સ ઇન્દ્રિયપચ્ચયેન પચ્ચયો – બાહિરા ઇન્દ્રિયા સમ્પયુત્તકાનં ખન્ધાનં ચિત્તસ્સ ચ ચિત્તસમુટ્ઠાનાનઞ્ચ રૂપાનં ઇન્દ્રિયપચ્ચયેન પચ્ચયો; પટિસન્ધિક્ખણે બાહિરા ઇન્દ્રિયા સમ્પયુત્તકાનં ખન્ધાનં ચિત્તસ્સ ચ અજ્ઝત્તિકાનઞ્ચ બાહિરાનઞ્ચ કટત્તારૂપાનં ઇન્દ્રિયપચ્ચયેન પચ્ચયો, રૂપજીવિતિન્દ્રિયં અજ્ઝત્તિકાનઞ્ચ બાહિરાનઞ્ચ કટત્તારૂપાનં ઇન્દ્રિયપચ્ચયેન પચ્ચયો. (૩)

૩૫૫. અજ્ઝત્તિકો ચ બાહિરો ચ ધમ્મા અજ્ઝત્તિકસ્સ ધમ્મસ્સ ઇન્દ્રિયપચ્ચયેન પચ્ચયો – પટિસન્ધિક્ખણે અજ્ઝત્તિકા ચ બાહિરા ચ ઇન્દ્રિયા અજ્ઝત્તિકાનં કટત્તારૂપાનં ઇન્દ્રિયપચ્ચયેન પચ્ચયો, ચક્ખુન્દ્રિયઞ્ચ ઉપેક્ખિન્દ્રિયઞ્ચ ચક્ખુવિઞ્ઞાણસ્સ ઇન્દ્રિયપચ્ચયેન પચ્ચયો…પે… કાયિન્દ્રિયઞ્ચ સુખિન્દ્રિયં ચ…પે… કાયિન્દ્રિયઞ્ચ દુક્ખિન્દ્રિયઞ્ચ કાયવિઞ્ઞાણસ્સ ઇન્દ્રિયપચ્ચયેન પચ્ચયો. (૧)

અજ્ઝત્તિકો ચ બાહિરો ચ ધમ્મા બાહિરસ્સ ધમ્મસ્સ ઇન્દ્રિયપચ્ચયેન પચ્ચયો – અજ્ઝત્તિકા ચ બાહિરા ચ ઇન્દ્રિયા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં ઇન્દ્રિયપચ્ચયેન પચ્ચયો; પટિસન્ધિક્ખણે અજ્ઝત્તિકા ચ બાહિરા ચ ઇન્દ્રિયા સમ્પયુત્તકાનં ખન્ધાનં બાહિરાનઞ્ચ કટત્તારૂપાનં ઇન્દ્રિયપચ્ચયેન પચ્ચયો, ચક્ખુન્દ્રિયઞ્ચ ઉપેક્ખિન્દ્રિયઞ્ચ ચક્ખુવિઞ્ઞાણસહગતાનં ખન્ધાનં ઇન્દ્રિયપચ્ચયેન પચ્ચયો…પે… કાયિન્દ્રિયઞ્ચ સુખિન્દ્રિયઞ્ચ…પે… કાયિન્દ્રિયઞ્ચ દુક્ખિન્દ્રિયઞ્ચ કાયવિઞ્ઞાણસહગતાનં ખન્ધાનં ઇન્દ્રિયપચ્ચયેન પચ્ચયો. (૨)

અજ્ઝત્તિકો ચ બાહિરો ચ ધમ્મા અજ્ઝત્તિકસ્સ ચ બાહિરસ્સ ચ ધમ્મસ્સ ઇન્દ્રિયપચ્ચયેન પચ્ચયો – પટિસન્ધિક્ખણે અજ્ઝત્તિકા ચ બાહિરા ચ ઇન્દ્રિયા સમ્પયુત્તકાનં ખન્ધાનં અજ્ઝત્તિકાનઞ્ચ બાહિરાનઞ્ચ કટત્તારૂપાનં ઇન્દ્રિયપચ્ચયેન પચ્ચયો, ચક્ખુન્દ્રિયઞ્ચ ઉપેક્ખિન્દ્રિયઞ્ચ ચક્ખુવિઞ્ઞાણસ્સ સમ્પયુત્તકાનઞ્ચ ખન્ધાનં ઇન્દ્રિયપચ્ચયેન પચ્ચયો… કાયિન્દ્રિયઞ્ચ…પે…. (૩)

ઝાનપચ્ચયાદિ

૩૫૬. બાહિરો ધમ્મો બાહિરસ્સ ધમ્મસ્સ ઝાનપચ્ચયેન પચ્ચયો… તીણિ… મગ્ગપચ્ચયેન પચ્ચયો… તીણિ… સમ્પયુત્તપચ્ચયેન પચ્ચયો… પઞ્ચ.

વિપ્પયુત્તપચ્ચયો

૩૫૭. અજ્ઝત્તિકો ધમ્મો અજ્ઝત્તિકસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતં – પટિસન્ધિક્ખણે ચિત્તં અજ્ઝત્તિકાનં કટત્તારૂપાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ વિપ્પયુત્તપચ્ચયેન પચ્ચયો. પચ્છાજાતા – અજ્ઝત્તિકા ખન્ધા પુરેજાતસ્સ ઇમસ્સ અજ્ઝત્તિકસ્સ કાયસ્સ વિપ્પયુત્તપચ્ચયેન પચ્ચયો. (૧)

અજ્ઝત્તિકો ધમ્મો બાહિરસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતા – અજ્ઝત્તિકા ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે…પે…. પુરેજાતં – ચક્ખાયતનં ચક્ખુવિઞ્ઞાણસહગતાનં ખન્ધાનં…પે… કાયાયતનં કાયવિઞ્ઞાણસહગતાનં ખન્ધાનં વિપ્પયુત્તપચ્ચયેન પચ્ચયો. પચ્છાજાતા – અજ્ઝત્તિકા ખન્ધા પુરેજાતસ્સ ઇમસ્સ બાહિરસ્સ કાયસ્સ વિપ્પયુત્તપચ્ચયેન પચ્ચયો. (૨)

અજ્ઝત્તિકો ધમ્મો અજ્ઝત્તિકસ્સ ચ બાહિરસ્સ ચ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતા – પટિસન્ધિક્ખણે અજ્ઝત્તિકા ખન્ધા અજ્ઝત્તિકાનઞ્ચ બાહિરાનઞ્ચ કટત્તારૂપાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ સમ્પયુત્તકાનઞ્ચ ખન્ધાનં…પે… કાયાયતનં કાયવિઞ્ઞાણસ્સ સમ્પયુત્તકાનં ખન્ધાનં વિપ્પયુત્તપચ્ચયેન પચ્ચયો. પચ્છાજાતા – અજ્ઝત્તિકા ખન્ધા પુરેજાતસ્સ ઇમસ્સ અજ્ઝત્તિકસ્સ ચ બાહિરસ્સ ચ કાયસ્સ વિપ્પયુત્તપચ્ચયેન પચ્ચયો. (૩)

૩૫૮. બાહિરો ધમ્મો બાહિરસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતા – બાહિરા ખન્ધા ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે…પે… ખન્ધા વત્થુસ્સ વિપ્પયુત્તપચ્ચયેન પચ્ચયો; વત્થુ ખન્ધાનં વિપ્પયુત્તપચ્ચયેન પચ્ચયો. પુરેજાતં – વત્થુ બાહિરાનં ખન્ધાનં વિપ્પયુત્તપચ્ચયેન પચ્ચયો. પચ્છાજાતા – બાહિરા ખન્ધા પુરેજાતસ્સ ઇમસ્સ બાહિરસ્સ કાયસ્સ વિપ્પયુત્તપચ્ચયેન પચ્ચયો. (૧)

બાહિરો ધમ્મો અજ્ઝત્તિકસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતા – પટિસન્ધિક્ખણે બાહિરા ખન્ધા અજ્ઝત્તિકાનં કટત્તારૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે વત્થુ ચિત્તસ્સ વિપ્પયુત્તપચ્ચયેન પચ્ચયો. પુરેજાતં – વત્થુ ચિત્તસ્સ વિપ્પયુત્તપચ્ચયેન પચ્ચયો. પચ્છાજાતા – બાહિરા ખન્ધા પુરેજાતસ્સ ઇમસ્સ અજ્ઝત્તિકસ્સ કાયસ્સ વિપ્પયુત્તપચ્ચયેન પચ્ચયો. (૨)

બાહિરો ધમ્મો અજ્ઝત્તિકસ્સ ચ બાહિરસ્સ ચ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં (સંખિત્તં). (૩)

૩૫૯. અજ્ઝત્તિકો ચ બાહિરો ચ ધમ્મા અજ્ઝત્તિકસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – પટિસન્ધિક્ખણે અજ્ઝત્તિકા ચ બાહિરા ચ ખન્ધા અજ્ઝત્તિકાનં કટત્તારૂપાનં વિપ્પયુત્તપચ્ચયેન પચ્ચયો. પચ્છાજાતં – પચ્છાજાતા…પે… (સંખિત્તં). (૧)

અજ્ઝત્તિકો ચ બાહિરો ચ ધમ્મા બાહિરસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં). (૨)

અજ્ઝત્તિકો ચ બાહિરો ચ ધમ્મા અજ્ઝત્તિકસ્સ ચ બાહિરસ્સ ચ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – પટિસન્ધિક્ખણે અજ્ઝત્તિકા ચ બાહિરા ચ ખન્ધા…પે… (સંખિત્તં). (૩)

અત્થિપચ્ચયાદિ

૩૬૦. અજ્ઝત્તિકો ધમ્મો અજ્ઝત્તિકસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતા – પટિસન્ધિક્ખણે ચિત્તં અજ્ઝત્તિકાનં કટત્તારૂપાનં અત્થિપચ્ચયેન પચ્ચયો. પુરેજાતં – ચક્ખું…પે… કાયં અનિચ્ચતો…પે… (પુરેજાતસદિસં, નિન્નાનાકરણં). પચ્છાજાતં (પચ્છાજાતસદિસં કાતબ્બં). (૧)

અજ્ઝત્તિકો ધમ્મો બાહિરસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતં – સહજાતા અજ્ઝત્તિકા ખન્ધા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો (સંખિત્તં). (૨)

(ઇધ અત્થિ સબ્બટ્ઠાને સહજાતં પચ્ચયવારસદિસં. પુરેજાતં પુરેજાતસદિસં. પચ્છાજાતં પચ્છાજાતસદિસં કાતબ્બં, નિન્નાનાકરણં).

અજ્ઝત્તિકો ધમ્મો અજ્ઝત્તિકસ્સ ચ બાહિરસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં (સંખિત્તં). (૩)

૩૬૧. બાહિરો ધમ્મો બાહિરસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (સબ્બં વિત્થારેતબ્બં). (૧)

બાહિરો ધમ્મો અજ્ઝત્તિકસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (સંખિત્તં). (૨)

બાહિરો ધમ્મો અજ્ઝત્તિકસ્સ ચ બાહિરસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (સંખિત્તં). (૩)

૩૬૨. અજ્ઝત્તિકો ચ બાહિરો ચ ધમ્મા અજ્ઝત્તિકસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતા – ચક્ખુવિઞ્ઞાણસહગતા ખન્ધા ચ ચક્ખાયતનઞ્ચ ચક્ખુવિઞ્ઞાણસહગતા ખન્ધા ચ ચક્ખાયતનઞ્ચ ચક્ખુવિઞ્ઞાણસ્સ અત્થિપચ્ચયેન પચ્ચયો…પે… કાયવિઞ્ઞાણસહગતા ખન્ધા ચ…પે… પટિસન્ધિક્ખણે અજ્ઝત્તિકા ચ બાહિરા ચ ખન્ધા અજ્ઝત્તિકાનં કટત્તારૂપાનં અત્થિપચ્ચયેન પચ્ચયો. પુરેજાતં – ચક્ખાયતનઞ્ચ વત્થુ ચ ચિત્તસ્સ અત્થિપચ્ચયેન પચ્ચયો…પે… કાયાયતનઞ્ચ વત્થુ ચ ચિત્તસ્સ અત્થિપચ્ચયેન પચ્ચયો; રૂપાયતનઞ્ચ ચક્ખાયતનઞ્ચ ચક્ખુવિઞ્ઞાણસ્સ…પે… ફોટ્ઠબ્બાયતનઞ્ચ કાયાયતનઞ્ચ કાયવિઞ્ઞાણસ્સ અત્થિપચ્ચયેન પચ્ચયો. પચ્છાજાતા – અજ્ઝત્તિકા ચ બાહિરા ચ ખન્ધા પુરેજાતસ્સ ઇમસ્સ અજ્ઝત્તિકસ્સ કાયસ્સ અત્થિપચ્ચયેન પચ્ચયો. પચ્છાજાતા – અજ્ઝત્તિકા ચ બાહિરા ચ ખન્ધા કબળીકારો આહારો ચ ઇમસ્સ અજ્ઝત્તિકસ્સ કાયસ્સ અત્થિપચ્ચયેન પચ્ચયો. પચ્છાજાતા – અજ્ઝત્તિકા ચ બાહિરા ચ ખન્ધા રૂપજીવિતિન્દ્રિયઞ્ચ અજ્ઝત્તિકાનં કટત્તારૂપાનં અત્થિપચ્ચયેન પચ્ચયો. (૧)

અજ્ઝત્તિકો ચ બાહિરો ચ ધમ્મા બાહિરસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતો – ચક્ખુવિઞ્ઞાણસહગતો એકો ખન્ધો ચ ચક્ખાયતનઞ્ચ ચક્ખુવિઞ્ઞાણઞ્ચ દ્વિન્નં ખન્ધાનં અત્થિપચ્ચયેન પચ્ચયો…પે… (સહજાતપચ્ચયવારસદિસં નિન્નાનાકરણં, પઠમગમનસદિસંયેવ. સબ્બે પદા પઠમઘટનાનયેન વિભજિતબ્બા). (૨)

અજ્ઝત્તિકો ચ બાહિરો ચ ધમ્મા અજ્ઝત્તિકસ્સ ચ બાહિરસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતો – ચક્ખુવિઞ્ઞાણસહગતો એકો ખન્ધો ચ ચક્ખાયતનઞ્ચ દ્વિન્નં ખન્ધાનં ચક્ખુવિઞ્ઞાણસ્સ ચ અત્થિપચ્ચયેન પચ્ચયો (સંખિત્તં. સબ્બે પદા વિભજિતબ્બા પઠમઘટનાનયેન). (૩)

નત્થિપચ્ચયેન પચ્ચયો… વિગતપચ્ચયેન પચ્ચયો… અવિગતપચ્ચયેન પચ્ચયો.