૫. સંસટ્ઠવારો

૧-૪. પચ્ચયાનુલોમાદિ

૩૩૯. અજ્ઝત્તિકં ધમ્મં સંસટ્ઠો બાહિરો ધમ્મો ઉપ્પજ્જતિ હેતુપચ્ચયા – ચિત્તં સંસટ્ઠા સમ્પયુત્તકા ખન્ધા; પટિસન્ધિક્ખણે ચિત્તં સંસટ્ઠા સમ્પયુત્તકા ખન્ધા. (૧)

બાહિરં ધમ્મં સંસટ્ઠો બાહિરો ધમ્મો ઉપ્પજ્જતિ હેતુપચ્ચયા – બાહિરં એકં ખન્ધં સંસટ્ઠા દ્વે ખન્ધા, દ્વે ખન્ધે…પે… પટિસન્ધિક્ખણે…પે…. બાહિરં ધમ્મં સંસટ્ઠો અજ્ઝત્તિકો ધમ્મો ઉપ્પજ્જતિ હેતુપચ્ચયા – બાહિરે ખન્ધે સંસટ્ઠં ચિત્તં; પટિસન્ધિક્ખણે…પે…. બાહિરં ધમ્મં સંસટ્ઠો અજ્ઝત્તિકો ચ બાહિરો ચ ધમ્મા ઉપ્પજ્જન્તિ હેતુપચ્ચયા – બાહિરં એકં ખન્ધં સંસટ્ઠા દ્વે ખન્ધા ચિત્તઞ્ચ, દ્વે ખન્ધે…પે… પટિસન્ધિક્ખણે…પે…. (૩)

અજ્ઝત્તિકઞ્ચ બાહિરઞ્ચ ધમ્મં સંસટ્ઠો બાહિરો ધમ્મો ઉપ્પજ્જતિ હેતુપચ્ચયા – બાહિરં એકં ખન્ધઞ્ચ ચિત્તઞ્ચ સંસટ્ઠા દ્વે ખન્ધા, દ્વે ખન્ધે…પે… પટિસન્ધિક્ખણે…પે… (સંખિત્તં). હેતુયા પઞ્ચ, આરમ્મણે પઞ્ચ, અધિપતિયા પઞ્ચ (સબ્બત્થ પઞ્ચ), અવિગતે પઞ્ચ (અનુલોમં).

અજ્ઝત્તિકં ધમ્મં સંસટ્ઠો બાહિરો ધમ્મો ઉપ્પજ્જતિ નહેતુપચ્ચયા (એવં પઞ્ચ કાતબ્બા, તીણિયેવ મોહો).

નહેતુયા પઞ્ચ, નઅધિપતિયા પઞ્ચ, નપુરેજાતે પઞ્ચ, નપચ્છાજાતે પઞ્ચ, નઆસેવને પઞ્ચ, નકમ્મે તીણિ, નવિપાકે પઞ્ચ, નઝાને પઞ્ચ, નમગ્ગે પઞ્ચ, નવિપ્પયુત્તે પઞ્ચ (પચ્ચનીયં).