૧. વિભઙ્ગવારો

હેતુપચ્ચયો

૩૩૨. અજ્ઝત્તિકં ધમ્મં પચ્ચયા અજ્ઝત્તિકો ધમ્મો ઉપ્પજ્જતિ હેતુપચ્ચયા… તીણિ (પટિચ્ચસદિસા).

બાહિરં ધમ્મં પચ્ચયા બાહિરો ધમ્મો ઉપ્પજ્જતિ હેતુપચ્ચયા – બાહિરં એકં ખન્ધં પચ્ચયા દ્વે ખન્ધા ચિત્તસમુટ્ઠાનઞ્ચ રૂપં, દ્વે ખન્ધે…પે… (પટિસન્ધિક્ખણે દ્વેપિ કાતબ્બા, યાવ અજ્ઝત્તિકા મહાભૂતા) વત્થું પચ્ચયા બાહિરા ખન્ધા. બાહિરં ધમ્મં પચ્ચયા અજ્ઝત્તિકો ધમ્મો ઉપ્પજ્જતિ હેતુપચ્ચયા – બાહિરે ખન્ધે પચ્ચયા ચિત્તં, વત્થું પચ્ચયા ચિત્તં (પટિસન્ધિક્ખણે દ્વેપિ કાતબ્બા). બાહિરં ધમ્મં પચ્ચયા અજ્ઝત્તિકો ચ બાહિરો ચ ધમ્મા ઉપ્પજ્જન્તિ હેતુપચ્ચયા – બાહિરં એકં ખન્ધં પચ્ચયા દ્વે ખન્ધા ચિત્તઞ્ચ ચિત્તસમુટ્ઠાનઞ્ચ રૂપં, દ્વે ખન્ધે…પે… વત્થું પચ્ચયા ચિત્તં સમ્પયુત્તકા ચ ખન્ધા (પટિસન્ધિક્ખણે દ્વેપિ કાતબ્બા). (૩)

૩૩૩. અજ્ઝત્તિકઞ્ચ બાહિરઞ્ચ ધમ્મં પચ્ચયા અજ્ઝત્તિકો ધમ્મો ઉપ્પજ્જતિ હેતુપચ્ચયા – પટિસન્ધિક્ખણે ચિત્તઞ્ચ સમ્પયુત્તકે ચ ખન્ધે પચ્ચયા અજ્ઝત્તિકં કટત્તારૂપં. અજ્ઝત્તિકઞ્ચ બાહિરઞ્ચ ધમ્મં પચ્ચયા બાહિરો ધમ્મો ઉપ્પજ્જતિ હેતુપચ્ચયા – બાહિરં એકં ખન્ધઞ્ચ ચિત્તઞ્ચ પચ્ચયા દ્વે ખન્ધા ચિત્તસમુટ્ઠાનઞ્ચ રૂપં, દ્વે ખન્ધે…પે… ચિત્તઞ્ચ મહાભૂતે ચ પચ્ચયા ચિત્તસમુટ્ઠાનં રૂપં, ચિત્તઞ્ચ વત્થુઞ્ચ પચ્ચયા બાહિરા ખન્ધા (પટિસન્ધિક્ખણે તીણિપિ કાતબ્બા). અજ્ઝત્તિકઞ્ચ બાહિરઞ્ચ ધમ્મં પચ્ચયા અજ્ઝત્તિકો ચ બાહિરો ચ ધમ્મા ઉપ્પજ્જન્તિ હેતુપચ્ચયા – પટિસન્ધિક્ખણે બાહિરં એકં ખન્ધઞ્ચ ચિત્તઞ્ચ પચ્ચયા દ્વે ખન્ધા અજ્ઝત્તિકઞ્ચ બાહિરઞ્ચ કટત્તારૂપં, દ્વે ખન્ધે…પે…. (૩)

આરમ્મણપચ્ચયો

૩૩૪. અજ્ઝત્તિકં ધમ્મં પચ્ચયા અજ્ઝત્તિકો ધમ્મો ઉપ્પજ્જતિ આરમ્મણપચ્ચયા – ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં …પે…. અજ્ઝત્તિકં ધમ્મં પચ્ચયા બાહિરો ધમ્મો ઉપ્પજ્જતિ આરમ્મણપચ્ચયા – ચક્ખાયતનઞ્ચ ચક્ખુવિઞ્ઞાણઞ્ચ પચ્ચયા ચક્ખુવિઞ્ઞાણસહગતા ખન્ધા…પે… કાયાયતનઞ્ચ…પે… ચિત્તં પચ્ચયા સમ્પયુત્તકા ખન્ધા; પટિસન્ધિક્ખણે…પે…. અજ્ઝત્તિકં ધમ્મં પચ્ચયા અજ્ઝત્તિકો ચ બાહિરો ચ ધમ્મા ઉપ્પજ્જન્તિ આરમ્મણપચ્ચયા – ચક્ખાયતનં પચ્ચયા ચક્ખુવિઞ્ઞાણં સમ્પયુત્તકા ચ ખન્ધા…પે… કાયાયતનં…પે…. (૩)

બાહિરં ધમ્મં પચ્ચયા બાહિરો ધમ્મો ઉપ્પજ્જતિ આરમ્મણપચ્ચયા – બાહિરં એકં ખન્ધં પચ્ચયા દ્વે ખન્ધા, દ્વે ખન્ધે…પે… પટિસન્ધિક્ખણે…પે… વત્થું પચ્ચયા બાહિરા ખન્ધા. બાહિરં ધમ્મં પચ્ચયા અજ્ઝત્તિકો ધમ્મો ઉપ્પજ્જતિ આરમ્મણપચ્ચયા – બાહિરે ખન્ધે પચ્ચયા ચિત્તં, વત્થું પચ્ચયા ચિત્તં (પટિસન્ધિક્ખણે દ્વેપિ કાતબ્બા). બાહિરં ધમ્મં પચ્ચયા અજ્ઝત્તિકો ચ બાહિરો ચ ધમ્મા ઉપ્પજ્જન્તિ આરમ્મણપચ્ચયા – વત્થું પચ્ચયા ચિત્તઞ્ચ સમ્પયુત્તકા ચ ખન્ધા (પટિસન્ધિક્ખણે એકં કાતબ્બં). (૩)

૩૩૫. અજ્ઝત્તિકઞ્ચ બાહિરઞ્ચ ધમ્મં પચ્ચયા અજ્ઝત્તિકો ધમ્મો ઉપ્પજ્જતિ આરમ્મણપચ્ચયા – ચક્ખુવિઞ્ઞાણસહગતે ખન્ધે ચ ચક્ખાયતનઞ્ચ પચ્ચયા ચક્ખુવિઞ્ઞાણં…પે… કાયવિઞ્ઞાણસહગતે…પે….

અજ્ઝત્તિકઞ્ચ બાહિરઞ્ચ ધમ્મં પચ્ચયા બાહિરો ધમ્મો ઉપ્પજ્જતિ આરમ્મણપચ્ચયા – ચક્ખુવિઞ્ઞાણસહગતં એકં ખન્ધઞ્ચ ચક્ખાયતનઞ્ચ ચક્ખુવિઞ્ઞાણઞ્ચ પચ્ચયા દ્વે ખન્ધા, દ્વે ખન્ધે…પે… કાયવિઞ્ઞાણસહગતં…પે… બાહિરં એકં ખન્ધઞ્ચ ચિત્તઞ્ચ પચ્ચયા દ્વે ખન્ધા, દ્વે ખન્ધે…પે… ચિત્તઞ્ચ વત્થુઞ્ચ પચ્ચયા બાહિરા ખન્ધા (પટિસન્ધિક્ખણે દ્વેપિ કાતબ્બા). અજ્ઝત્તિકઞ્ચ બાહિરઞ્ચ ધમ્મં પચ્ચયા અજ્ઝત્તિકો ચ બાહિરો ચ ધમ્મા ઉપ્પજ્જન્તિ આરમ્મણપચ્ચયા – ચક્ખુવિઞ્ઞાણસહગતં એકં ખન્ધઞ્ચ ચક્ખાયતનઞ્ચ પચ્ચયા દ્વે ખન્ધા ચક્ખુવિઞ્ઞાણઞ્ચ, દ્વે ખન્ધે…પે… (સંખિત્તં). (૩)