૧. વિભઙ્ગવારો

નહેતુપચ્ચયો

૩૨૩. અજ્ઝત્તિકં ધમ્મં પટિચ્ચ અજ્ઝત્તિકો ધમ્મો ઉપ્પજ્જતિ નહેતુપચ્ચયા – અહેતુકપટિસન્ધિક્ખણે ચિત્તં પટિચ્ચ અજ્ઝત્તિકં કટત્તારૂપં. (૧)

અજ્ઝત્તિકં ધમ્મં પટિચ્ચ બાહિરો ધમ્મો ઉપ્પજ્જતિ નહેતુપચ્ચયા – અહેતુકં ચિત્તં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં; અહેતુકપટિસન્ધિક્ખણે ચિત્તં પટિચ્ચ સમ્પયુત્તકા ખન્ધા બાહિરં કટત્તા ચ રૂપં, વિચિકિચ્છાસહગતં ઉદ્ધચ્ચસહગતં ચિત્તં પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૨)

અજ્ઝત્તિકં ધમ્મં પટિચ્ચ અજ્ઝત્તિકો ચ બાહિરો ચ ધમ્મા ઉપ્પજ્જન્તિ નહેતુપચ્ચયા – અહેતુકપટિસન્ધિક્ખણે ચિત્તં પટિચ્ચ સમ્પયુત્તકા ખન્ધા અજ્ઝત્તિકઞ્ચ બાહિરઞ્ચ કટત્તારૂપં. (૩)

૩૨૪. બાહિરં ધમ્મં પટિચ્ચ બાહિરો ધમ્મો ઉપ્પજ્જતિ નહેતુપચ્ચયા – અહેતુકં બાહિરં એકં ખન્ધં પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં, દ્વે ખન્ધે…પે… અહેતુકપટિસન્ધિક્ખણે …પે… (યાવ અસઞ્ઞસત્તા) વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

બાહિરં ધમ્મં પટિચ્ચ અજ્ઝત્તિકો ધમ્મો ઉપ્પજ્જતિ નહેતુપચ્ચયા – અહેતુકે બાહિરે ખન્ધે પટિચ્ચ ચિત્તં; અહેતુકપટિસન્ધિક્ખણે બાહિરે ખન્ધે પટિચ્ચ ચિત્તં અજ્ઝત્તિકં કટત્તા ચ રૂપં, અહેતુકપટિસન્ધિક્ખણે વત્થું પટિચ્ચ ચિત્તં. (૨)

બાહિરં ધમ્મં પટિચ્ચ અજ્ઝત્તિકો ચ બાહિરો ચ ધમ્મા ઉપ્પજ્જન્તિ નહેતુપચ્ચયા – અહેતુકં બાહિરં એકં ખન્ધં પટિચ્ચ દ્વે ખન્ધા ચિત્તઞ્ચ ચિત્તસમુટ્ઠાનઞ્ચ રૂપં, દ્વે ખન્ધે …પે… અહેતુકપટિસન્ધિક્ખણે બાહિરં એકં ખન્ધં પટિચ્ચ દ્વે ખન્ધા ચિત્તઞ્ચ અજ્ઝત્તિકઞ્ચ બાહિરઞ્ચ કટત્તારૂપં, અહેતુકપટિસન્ધિક્ખણે વત્થું પટિચ્ચ ચિત્તં સમ્પયુત્તકા ચ ખન્ધા. (૩)

૩૨૫. અજ્ઝત્તિકઞ્ચ બાહિરઞ્ચ ધમ્મં પટિચ્ચ અજ્ઝત્તિકો ધમ્મો ઉપ્પજ્જતિ નહેતુપચ્ચયા – અહેતુકપટિસન્ધિક્ખણે ચિત્તઞ્ચ સમ્પયુત્તકે ચ ખન્ધે પટિચ્ચ અજ્ઝત્તિકં કટત્તારૂપં. (૧)

અજ્ઝત્તિકઞ્ચ બાહિરઞ્ચ ધમ્મં પટિચ્ચ બાહિરો ધમ્મો ઉપ્પજ્જતિ નહેતુપચ્ચયા – અહેતુકં બાહિરં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં, દ્વે ખન્ધે…પે… અહેતુકં ચિત્તઞ્ચ મહાભૂતે ચ પટિચ્ચ ચિત્તસમુટ્ઠાનં રૂપં; અહેતુકપટિસન્ધિક્ખણે બાહિરં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા બાહિરં કટત્તા ચ રૂપં; અહેતુકપટિસન્ધિક્ખણે ચિત્તઞ્ચ મહાભૂતે ચ પટિચ્ચ બાહિરં કટત્તારૂપં, અહેતુકપટિસન્ધિક્ખણે ચિત્તઞ્ચ વત્થુઞ્ચ પટિચ્ચ બાહિરા ખન્ધા, વિચિકિચ્છાસહગતે ઉદ્ધચ્ચસહગતે ખન્ધે ચ ચિત્તઞ્ચ પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૨)

અજ્ઝત્તિકઞ્ચ બાહિરઞ્ચ ધમ્મં પટિચ્ચ અજ્ઝત્તિકો ચ બાહિરો ચ ધમ્મા ઉપ્પજ્જન્તિ નહેતુપચ્ચયા – અહેતુકપટિસન્ધિક્ખણે બાહિરં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા અજ્ઝત્તિકઞ્ચ બાહિરઞ્ચ કટત્તારૂપં, દ્વે ખન્ધે ચ…પે…. (૩)

નઆરમ્મણપચ્ચયો

૩૨૬. અજ્ઝત્તિકં ધમ્મં પટિચ્ચ અજ્ઝત્તિકો ધમ્મો ઉપ્પજ્જતિ નઆરમ્મણપચ્ચયા – પટિસન્ધિક્ખણે ચિત્તં પટિચ્ચ અજ્ઝત્તિકં કટત્તારૂપં. (૧)

અજ્ઝત્તિકં ધમ્મં પટિચ્ચ બાહિરો ધમ્મો ઉપ્પજ્જતિ નઆરમ્મણપચ્ચયા – ચિત્તં પટિચ્ચ ચિત્તસમુટ્ઠાનં રૂપં; પટિસન્ધિક્ખણે ચિત્તં પટિચ્ચ બાહિરં કટત્તારૂપં. (૨)

અજ્ઝત્તિકં ધમ્મં પટિચ્ચ અજ્ઝત્તિકો ચ બાહિરો ચ ધમ્મા ઉપ્પજ્જન્તિ નઆરમ્મણપચ્ચયા; પટિસન્ધિક્ખણે ચિત્તં પટિચ્ચ અજ્ઝત્તિકઞ્ચ બાહિરઞ્ચ કટત્તારૂપં. (૩)

બાહિરં ધમ્મં પટિચ્ચ બાહિરો ધમ્મો ઉપ્પજ્જતિ નઆરમ્મણપચ્ચયા – બાહિરે ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે બાહિરે ખન્ધે પટિચ્ચ બાહિરં કટત્તારૂપં, બાહિરે ખન્ધે પટિચ્ચ વત્થુ, એકં મહાભૂતં…પે… (યાવ અસઞ્ઞસત્તા). (૧)

બાહિરં ધમ્મં પટિચ્ચ અજ્ઝત્તિકો ધમ્મો ઉપ્પજ્જતિ નઆરમ્મણપચ્ચયા – પટિસન્ધિક્ખણે બાહિરે ખન્ધે પટિચ્ચ અજ્ઝત્તિકં કટત્તારૂપં. (૨)

બાહિરં ધમ્મં પટિચ્ચ અજ્ઝત્તિકો ચ બાહિરો ચ ધમ્મા ઉપ્પજ્જન્તિ નઆરમ્મણપચ્ચયા – પટિસન્ધિક્ખણે બાહિરે ખન્ધે પટિચ્ચ અજ્ઝત્તિકઞ્ચ બાહિરઞ્ચ કટત્તારૂપં. (૩)

૩૨૭. અજ્ઝત્તિકઞ્ચ બાહિરઞ્ચ ધમ્મં પટિચ્ચ અજ્ઝત્તિકો ધમ્મો ઉપ્પજ્જતિ નઆરમ્મણપચ્ચયા – પટિસન્ધિક્ખણે ચિત્તઞ્ચ સમ્પયુત્તકે ચ ખન્ધે પટિચ્ચ અજ્ઝત્તિકં કટત્તારૂપં. (૧)

અજ્ઝત્તિકઞ્ચ બાહિરઞ્ચ ધમ્મં પટિચ્ચ બાહિરો ધમ્મો ઉપ્પજ્જતિ નઆરમ્મણપચ્ચયા – બાહિરે ખન્ધે ચ ચિત્તઞ્ચ પટિચ્ચ ચિત્તસમુટ્ઠાનં રૂપં, ચિત્તઞ્ચ મહાભૂતે ચ પટિચ્ચ ચિત્તસમુટ્ઠાનં રૂપં (પટિસન્ધિક્ખણે દ્વે કાતબ્બા).

અજ્ઝત્તિકઞ્ચ બાહિરઞ્ચ ધમ્મં પટિચ્ચ અજ્ઝત્તિકો ચ બાહિરો ચ ધમ્મા ઉપ્પજ્જન્તિ નઆરમ્મણપચ્ચયા – પટિસન્ધિક્ખણે ચિત્તઞ્ચ સમ્પયુત્તકે ચ ખન્ધે પટિચ્ચ અજ્ઝત્તિકઞ્ચ બાહિરઞ્ચ કટત્તારૂપં (સંખિત્તં). (૩)

નઝાનપચ્ચયો

૩૨૮. અજ્ઝત્તિકં ધમ્મં પટિચ્ચ બાહિરો ધમ્મો ઉપ્પજ્જતિ નઝાનપચ્ચયા – ચક્ખુવિઞ્ઞાણં પટિચ્ચ સમ્પયુત્તકા ખન્ધા…પે… કાયવિઞ્ઞાણં…પે….

બાહિરં ધમ્મં પટિચ્ચ બાહિરો ધમ્મો ઉપ્પજ્જતિ નઝાનપચ્ચયા – ચક્ખુવિઞ્ઞાણસહગતં એકં ખન્ધં પટિચ્ચ દ્વે ખન્ધા, દ્વે ખન્ધે…પે… કાયવિઞ્ઞાણસહગતં…પે… બાહિરં… આહારસમુટ્ઠાનં… ઉતુસમુટ્ઠાનં… અસઞ્ઞસત્તાનં…પે…. બાહિરં ધમ્મં પટિચ્ચ અજ્ઝત્તિકો ધમ્મો ઉપ્પજ્જતિ નઝાનપચ્ચયા – ચક્ખુવિઞ્ઞાણસહગતે ખન્ધે પટિચ્ચ ચક્ખુવિઞ્ઞાણં…પે… કાયવિઞ્ઞાણસહગતે ખન્ધે પટિચ્ચ કાયવિઞ્ઞાણં. બાહિરં ધમ્મં પટિચ્ચ અજ્ઝત્તિકો ચ બાહિરો ચ ધમ્મા ઉપ્પજ્જન્તિ નઝાનપચ્ચયા – ચક્ખુવિઞ્ઞાણસહગતં એકં ખન્ધં પટિચ્ચ દ્વે ખન્ધા ચક્ખુવિઞ્ઞાણઞ્ચ, દ્વે ખન્ધે…પે… કાયવિઞ્ઞાણસહગતં એકં ખન્ધં…પે…. (૩)

અજ્ઝત્તિકઞ્ચ બાહિરઞ્ચ ધમ્મં પટિચ્ચ બાહિરો ધમ્મો ઉપ્પજ્જતિ નઝાનપચ્ચયા – ચક્ખુવિઞ્ઞાણસહગતં એકં ખન્ધઞ્ચ ચક્ખુવિઞ્ઞાણઞ્ચ પટિચ્ચ દ્વે ખન્ધા, દ્વે ખન્ધે…પે… કાયવિઞ્ઞાણં (ચક્કં).