૧. વિભઙ્ગવારો

હેતુપચ્ચયો

૩૧૮. અજ્ઝત્તિકં ધમ્મં પટિચ્ચ અજ્ઝત્તિકો ધમ્મો ઉપ્પજ્જતિ હેતુપચ્ચયા – પટિસન્ધિક્ખણે ચિત્તં પટિચ્ચ અજ્ઝત્તિકં કટત્તારૂપં. (૧)

અજ્ઝત્તિકં ધમ્મં પટિચ્ચ બાહિરો ધમ્મો ઉપ્પજ્જતિ હેતુપચ્ચયા – ચિત્તં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં; પટિસન્ધિક્ખણે ચિત્તં પટિચ્ચ સમ્પયુત્તકા ખન્ધા બાહિરં કટત્તા ચ રૂપં. (૨)

અજ્ઝત્તિકં ધમ્મં પટિચ્ચ અજ્ઝત્તિકો ચ બાહિરો ચ ધમ્મા ઉપ્પજ્જન્તિ હેતુપચ્ચયા – પટિસન્ધિક્ખણે ચિત્તં પટિચ્ચ સમ્પયુત્તકા ખન્ધા અજ્ઝત્તિકઞ્ચ બાહિરઞ્ચ કટત્તારૂપં. (૩)

૩૧૯. બાહિરં ધમ્મં પટિચ્ચ બાહિરો ધમ્મો ઉપ્પજ્જતિ હેતુપચ્ચયા – બાહિરં એકં ખન્ધં પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં, દ્વે ખન્ધે…પે… પટિસન્ધિક્ખણે બાહિરં એકં ખન્ધં પટિચ્ચ દ્વે ખન્ધા બાહિરં કટત્તા ચ રૂપં, દ્વે ખન્ધે…પે… ખન્ધે પટિચ્ચ વત્થુ, વત્થું પટિચ્ચ ખન્ધા, એકં મહાભૂતં…પે… મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

બાહિરં ધમ્મં પટિચ્ચ અજ્ઝત્તિકો ધમ્મો ઉપ્પજ્જતિ હેતુપચ્ચયા – બાહિરે ખન્ધે પટિચ્ચ ચિત્તં; પટિસન્ધિક્ખણે બાહિરે ખન્ધે પટિચ્ચ ચિત્તં અજ્ઝત્તિકં કટત્તા ચ રૂપં, પટિસન્ધિક્ખણે બાહિરં વત્થું પટિચ્ચ ચિત્તં. (૨)

બાહિરં ધમ્મં પટિચ્ચ અજ્ઝત્તિકો ચ બાહિરો ચ ધમ્મા ઉપ્પજ્જન્તિ હેતુપચ્ચયા – બાહિરં એકં ખન્ધં પટિચ્ચ દ્વે ખન્ધા ચિત્તઞ્ચ ચિત્તસમુટ્ઠાનઞ્ચ રૂપં, દ્વે ખન્ધે…પે… પટિસન્ધિક્ખણે બાહિરં એકં ખન્ધં પટિચ્ચ દ્વે ખન્ધા ચિત્તઞ્ચ અજ્ઝત્તિકઞ્ચ બાહિરઞ્ચ કટત્તારૂપં, દ્વે ખન્ધે…પે… પટિસન્ધિક્ખણે વત્થું પટિચ્ચ ચિત્તં સમ્પયુત્તકા ચ ખન્ધા. (૩)

૩૨૦. અજ્ઝત્તિકઞ્ચ બાહિરઞ્ચ ધમ્મં પટિચ્ચ અજ્ઝત્તિકો ધમ્મો ઉપ્પજ્જતિ હેતુપચ્ચયા – પટિસન્ધિક્ખણે ચિત્તઞ્ચ સમ્પયુત્તકે ચ ખન્ધે પટિચ્ચ અજ્ઝત્તિકં કટત્તારૂપં. (૧)

અજ્ઝત્તિકઞ્ચ બાહિરઞ્ચ ધમ્મં પટિચ્ચ બાહિરો ધમ્મો ઉપ્પજ્જતિ હેતુપચ્ચયા – બાહિરં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં, દ્વે ખન્ધે ચ…પે… ચિત્તઞ્ચ મહાભૂતે ચ પટિચ્ચ ચિત્તસમુટ્ઠાનં રૂપં; પટિસન્ધિક્ખણે બાહિરં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા બાહિરં કટત્તા ચ રૂપં, દ્વે ખન્ધે ચ…પે… ચિત્તઞ્ચ મહાભૂતે ચ પટિચ્ચ બાહિરં કટત્તારૂપં, પટિસન્ધિક્ખણે ચિત્તઞ્ચ વત્થુઞ્ચ પટિચ્ચ બાહિરા ખન્ધા. (૨)

અજ્ઝત્તિકઞ્ચ બાહિરઞ્ચ ધમ્મં પટિચ્ચ અજ્ઝત્તિકો ચ બાહિરો ચ ધમ્મા ઉપ્પજ્જન્તિ હેતુપચ્ચયા – પટિસન્ધિક્ખણે બાહિરં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા અજ્ઝત્તિકઞ્ચ બાહિરઞ્ચ કટત્તારૂપં, દ્વે ખન્ધે ચ…પે…. (૩)

આરમ્મણપચ્ચયો

૩૨૧. અજ્ઝત્તિકં ધમ્મં પટિચ્ચ બાહિરો ધમ્મો ઉપ્પજ્જતિ આરમ્મણપચ્ચયા – ચિત્તં પટિચ્ચ સમ્પયુત્તકા ખન્ધા; પટિસન્ધિક્ખણે ચિત્તં પટિચ્ચ સમ્પયુત્તકા ખન્ધા. (૧)

બાહિરં ધમ્મં પટિચ્ચ બાહિરો ધમ્મો ઉપ્પજ્જતિ આરમ્મણપચ્ચયા – બાહિરં એકં ખન્ધં પટિચ્ચ દ્વે ખન્ધા, દ્વે ખન્ધે…પે… પટિસન્ધિક્ખણે…પે… વત્થું પટિચ્ચ ખન્ધા. (૧)

બાહિરં ધમ્મં પટિચ્ચ અજ્ઝત્તિકો ધમ્મો ઉપ્પજ્જતિ આરમ્મણપચ્ચયા – બાહિરે ખન્ધે પટિચ્ચ ચિત્તં; પટિસન્ધિક્ખણે બાહિરે ખન્ધે પટિચ્ચ ચિત્તં, પટિસન્ધિક્ખણે વત્થું પટિચ્ચ ચિત્તં. (૨)

બાહિરં ધમ્મં પટિચ્ચ અજ્ઝત્તિકો ચ બાહિરો ચ ધમ્મા ઉપ્પજ્જન્તિ આરમ્મણપચ્ચયા – બાહિરં એકં ખન્ધં પટિચ્ચ દ્વે ખન્ધા ચિત્તઞ્ચ, દ્વે ખન્ધે…પે… પટિસન્ધિક્ખણે બાહિરં એકં ખન્ધં પટિચ્ચ દ્વે ખન્ધા ચિત્તઞ્ચ, દ્વે ખન્ધે…પે… પટિસન્ધિક્ખણે વત્થું પટિચ્ચ ચિત્તં સમ્પયુત્તકા ચ ખન્ધા. (૩)

અજ્ઝત્તિકઞ્ચ બાહિરઞ્ચ ધમ્મં પટિચ્ચ બાહિરો ધમ્મો ઉપ્પજ્જતિ આરમ્મણપચ્ચયા – બાહિરં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા, દ્વે ખન્ધે ચ…પે… પટિસન્ધિક્ખણે બાહિરં એકં ખન્ધં ચિત્તઞ્ચ પટિચ્ચ દ્વે ખન્ધા, દ્વે ખન્ધે ચ…પે… પટિસન્ધિક્ખણે બાહિરં એકં ખન્ધઞ્ચ ચિત્તઞ્ચ વત્થુઞ્ચ પટિચ્ચ દ્વે ખન્ધા, દ્વે ખન્ધે ચ…પે… (સંખિત્તં). (૧)