૧. વિભઙ્ગવારો

હેતુપચ્ચયો

૩૦૦. ચિત્તસંસટ્ઠસમુટ્ઠાનો ધમ્મો ચિત્તસંસટ્ઠસમુટ્ઠાનસ્સ ધમ્મસ્સ હેતુપચ્ચયેન પચ્ચયો – ચિત્તસંસટ્ઠસમુટ્ઠાના હેતૂ સમ્પયુત્તકાનં ખન્ધાનં હેતુપચ્ચયેન પચ્ચયો; પટિસન્ધિક્ખણે…પે…. (મૂલં કાતબ્બં) ચિત્તસંસટ્ઠસમુટ્ઠાના હેતૂ ચિત્તસ્સ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (મૂલં કાતબ્બં) ચિત્તસંસટ્ઠસમુટ્ઠાના હેતૂ સમ્પયુત્તકાનં ખન્ધાનં ચિત્તસ્સ ચ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૩)

આરમ્મણપચ્ચયો

૩૦૧. ચિત્તસંસટ્ઠસમુટ્ઠાનો ધમ્મો ચિત્તસંસટ્ઠસમુટ્ઠાનસ્સ ધમ્મસ્સ આરમ્મણપચ્ચયેન પચ્ચયો – ચિત્તસંસટ્ઠસમુટ્ઠાને ખન્ધે આરબ્ભ ચિત્તસંસટ્ઠસમુટ્ઠાના ખન્ધા ઉપ્પજ્જન્તિ. (મૂલં કાતબ્બં) ચિત્તસંસટ્ઠસમુટ્ઠાને ખન્ધે આરબ્ભ ચિત્તં ઉપ્પજ્જતિ. (મૂલં કાતબ્બં) ચિત્તસંસટ્ઠસમુટ્ઠાને ખન્ધે આરબ્ભ ચિત્તઞ્ચ સમ્પયુત્તકા ચ ખન્ધા ઉપ્પજ્જન્તિ. (૩)

નોચિત્તસંસટ્ઠસમુટ્ઠાનો ધમ્મો નોચિત્તસંસટ્ઠસમુટ્ઠાનસ્સ ધમ્મસ્સ આરમ્મણપચ્ચયેન પચ્ચયો – અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ…પે… નિબ્બાનં પચ્ચવેક્ખન્તિ. નિબ્બાનં ગોત્રભુસ્સ…પે…. (સંખિત્તં. યથા ચિત્તસહભૂદુકે આરમ્મણં એવં કાતબ્બં, નિન્નાનાકરણં. નવપિ પઞ્હા.)

અધિપતિપચ્ચયો

૩૦૨. ચિત્તસંસટ્ઠસમુટ્ઠાનો ધમ્મો ચિત્તસંસટ્ઠસમુટ્ઠાનસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ… તીણિ (દ્વેપિ અધિપતી કાતબ્બા). (૩)

નોચિત્તસંસટ્ઠસમુટ્ઠાનો ધમ્મો નોચિત્તસંસટ્ઠસમુટ્ઠાનસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ… તીણિ (દ્વેપિ અધિપતિ કાતબ્બા). (૩)

ચિત્તસંસટ્ઠસમુટ્ઠાનો ચ નોચિત્તસંસટ્ઠસમુટ્ઠાનો ચ ધમ્મા ચિત્તસંસટ્ઠસમુટ્ઠાનસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ. (એકાયેવ અધિપતિ કાતબ્બા, નવપિ પઞ્હા. યથા ચિત્તસહભૂદુકં, એવં કાતબ્બં, નિન્નાનાકરણં).

અનન્તરપચ્ચયાદિ

૩૦૩. ચિત્તસંસટ્ઠસમુટ્ઠાનો ધમ્મો ચિત્તસંસટ્ઠસમુટ્ઠાનસ્સ ધમ્મસ્સ અનન્તરપચ્ચયેન પચ્ચયો (નવપિ પઞ્હા ચિત્તસહભૂદુકસદિસા)… સમનન્તરપચ્ચયેન પચ્ચયો… નવ… સહજાતપચ્ચયેન પચ્ચયો… નવ (પટિચ્ચસદિસા)… અઞ્ઞમઞ્ઞપચ્ચયેન પચ્ચયો… નવ (પટિચ્ચસદિસા)… નિસ્સયપચ્ચયેન પચ્ચયો… નવ (પચ્ચયસદિસા)… ઉપનિસ્સયપચ્ચયેન પચ્ચયો (નવપિ પઞ્હા ચિત્તસહભૂદુકસદિસા, નિન્નાનાકરણં).

પુરેજાતપચ્ચયાદિ

૩૦૪. નોચિત્તસંસટ્ઠસમુટ્ઠાનો ધમ્મો નોચિત્તસંસટ્ઠસમુટ્ઠાનસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં… તીણિ (ચિત્તસહભૂદુકસદિસા, નિન્નાનાકરણં).

ચિત્તસંસટ્ઠસમુટ્ઠાનો ધમ્મો નોચિત્તસંસટ્ઠસમુટ્ઠાનસ્સ ધમ્મસ્સ પચ્છાજાતપચ્ચયેન પચ્ચયો (ચિત્તસહભૂદુકસદિસા, નિન્નાનાકરણં. તીણિપિ પચ્છાજાતા. દ્વે. એકમૂલાનં એકા ઘટના)… આસેવનપચ્ચયેન પચ્ચયો… નવ.

કમ્મપચ્ચયાદિ

૩૦૫. ચિત્તસંસટ્ઠસમુટ્ઠાનો ધમ્મો ચિત્તસંસટ્ઠસમુટ્ઠાનસ્સ ધમ્મસ્સ કમ્મપચ્ચયેન પચ્ચયો… તીણિ (ચિત્તસહભૂદુકસદિસા નિન્નાનાકરણા. તીણિપિ સહજાતા, નાનાક્ખણિકા)… વિપાકપચ્ચયેન પચ્ચયો… નવ… આહારપચ્ચયેન પચ્ચયો… નવ (ચિત્તસહભૂગમનસદિસા, એકંયેવ કબળીકારં આહારં)… ઇન્દ્રિયપચ્ચયેન પચ્ચયો… નવ… ઝાનપચ્ચયેન પચ્ચયો… તીણિ… મગ્ગપચ્ચયેન પચ્ચયો… તીણિ… સમ્પયુત્તપચ્ચયેન પચ્ચયો… પઞ્ચ.

વિપ્પયુત્તપચ્ચયો

૩૦૬. ચિત્તસંસટ્ઠસમુટ્ઠાનો ધમ્મો નોચિત્તસંસટ્ઠસમુટ્ઠાનસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં). (૧)

નોચિત્તસંસટ્ઠસમુટ્ઠાનો ધમ્મો નોચિત્તસંસટ્ઠસમુટ્ઠાનસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં (સંખિત્તં). (૧)

નોચિત્તસંસટ્ઠસમુટ્ઠાનો ધમ્મો ચિત્તસંસટ્ઠસમુટ્ઠાનસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં. સહજાતં – પટિસન્ધિક્ખણે વત્થુ ચિત્તસંસટ્ઠસમુટ્ઠાનાનં ખન્ધાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસહગતાનં ખન્ધાનં વિપ્પયુત્તપચ્ચયેન પચ્ચયો…પે… કાયાયતનં…પે… વત્થુ ચિત્તસંસટ્ઠસમુટ્ઠાનાનં ખન્ધાનં વિપ્પયુત્તપચ્ચયેન પચ્ચયો. (૨)

નોચિત્તસંસટ્ઠસમુટ્ઠાનો ધમ્મો ચિત્તસંસટ્ઠસમુટ્ઠાનસ્સ ચ નોચિત્તસંસટ્ઠસમુટ્ઠાનસ્સ ચ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં. સહજાતં – પટિસન્ધિક્ખણે વત્થુ ચિત્તસ્સ સમ્પયુત્તકાનઞ્ચ ખન્ધાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ સમ્પયુત્તકાનઞ્ચ ખન્ધાનં વિપ્પયુત્તપચ્ચયેન પચ્ચયો…પે… કાયાયતનં…પે… વત્થુ ચિત્તસ્સ સમ્પયુત્તકાનઞ્ચ ખન્ધાનં વિપ્પયુત્તપચ્ચયેન પચ્ચયો. (૩)

ચિત્તસંસટ્ઠસમુટ્ઠાનો ચ નોચિત્તસંસટ્ઠસમુટ્ઠાનો ચ ધમ્મા નોચિત્તસંસટ્ઠસમુટ્ઠાનસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં).

અત્થિપચ્ચયો

૩૦૭. ચિત્તસંસટ્ઠસમુટ્ઠાનો ધમ્મો ચિત્તસંસટ્ઠસમુટ્ઠાનસ્સ ધમ્મસ્સ અત્થિપચ્ચયેન પચ્ચયો (પટિચ્ચસદિસા). ચિત્તસંસટ્ઠસમુટ્ઠાનો ધમ્મો નોચિત્તસંસટ્ઠસમુટ્ઠાનસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં (સંખિત્તં). ચિત્તસંસટ્ઠસમુટ્ઠાનો ધમ્મો ચિત્તસંસટ્ઠસમુટ્ઠાનસ્સ ચ નોચિત્તસંસટ્ઠસમુટ્ઠાનસ્સ ચ ધમ્મસ્સ અત્થિપચ્ચયેન પચ્ચયો (પટિચ્ચસદિસા). (૩)

નોચિત્તસંસટ્ઠસમુટ્ઠાનો ધમ્મો નોચિત્તસંસટ્ઠસમુટ્ઠાનસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (પુરેજાતસદિસં પુરેજાતં કાતબ્બં. સબ્બં સંખિત્તં. વિત્થારેતબ્બં). (૧)

નોચિત્તસંસટ્ઠસમુટ્ઠાનો ધમ્મો ચિત્તસંસટ્ઠસમુટ્ઠાનસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતં – ચિત્તં સમ્પયુત્તકાનં ખન્ધાનં અત્થિપચ્ચયેન પચ્ચયો; પટિસન્ધિક્ખણે ચિત્તં સમ્પયુત્તકાનં ખન્ધાનં અત્થિપચ્ચયેન પચ્ચયો, પટિસન્ધિક્ખણે વત્થુ ચિત્તસંસટ્ઠસમુટ્ઠાનાનં ખન્ધાનં અત્થિપચ્ચયેન પચ્ચયો. પુરેજાતં (પુરેજાતસદિસં, નિન્નાનાકરણં). (૨)

નોચિત્તસંસટ્ઠસમુટ્ઠાનો ધમ્મો ચિત્તસંસટ્ઠસમુટ્ઠાનસ્સ ચ નોચિત્તસંસટ્ઠસમુટ્ઠાનસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતં – ચિત્તં સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો; પટિસન્ધિક્ખણે ચિત્તં સમ્પયુત્તકાનં ખન્ધાનં કટત્તા ચ રૂપાનં અત્થિપચ્ચયેન પચ્ચયો, પટિસન્ધિક્ખણે વત્થુ ચિત્તસ્સ સમ્પયુત્તકાનઞ્ચ ખન્ધાનં અત્થિપચ્ચયેન પચ્ચયો. પુરેજાતં (પુરેજાતસદિસં). (૩)

૩૦૮. ચિત્તસંસટ્ઠસમુટ્ઠાનો ચ નોચિત્તસંસટ્ઠસમુટ્ઠાનો ચ ધમ્મા ચિત્તસંસટ્ઠસમુટ્ઠાનસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – ચક્ખુવિઞ્ઞાણસહગતો એકો ખન્ધો ચ ચક્ખુવિઞ્ઞાણઞ્ચ દ્વિન્નં ખન્ધાનં…પે… દ્વે ખન્ધા ચ…પે… ચક્ખુવિઞ્ઞાણસહગતો એકો ખન્ધો ચ ચક્ખાયતનઞ્ચ દ્વિન્નં ખન્ધાનં…પે… દ્વે ખન્ધા ચ…પે… કાયવિઞ્ઞાણસહગતો…પે… ચિત્તસંસટ્ઠસમુટ્ઠાનો એકો ખન્ધો ચ ચિત્તઞ્ચ દ્વિન્નં ખન્ધાનં અત્થિપચ્ચયેન પચ્ચયો, દ્વે ખન્ધા ચ…પે… ચિત્તસંસટ્ઠસમુટ્ઠાનો એકો ખન્ધો ચ વત્થુ ચ દ્વિન્નં ખન્ધાનં અત્થિપચ્ચયેન પચ્ચયો…પે… દ્વે ખન્ધા ચ…પે… (પટિસન્ધિક્ખણે દ્વેપિ કાતબ્બા). (૧)

ચિત્તસંસટ્ઠસમુટ્ઠાનો ચ નોચિત્તસંસટ્ઠસમુટ્ઠાનો ચ ધમ્મા નોચિત્તસંસટ્ઠસમુટ્ઠાનસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતા – ચક્ખુવિઞ્ઞાણસહગતા ખન્ધા ચ ચક્ખાયતનઞ્ચ ચક્ખુવિઞ્ઞાણસ્સ અત્થિપચ્ચયેન પચ્ચયો…પે… કાયવિઞ્ઞાણસહગતા…પે… ચિત્તસંસટ્ઠસમુટ્ઠાના ખન્ધા ચ ચિત્તઞ્ચ ચિત્તસંસટ્ઠસમુટ્ઠાનાનં રૂપાનં અત્થિપચ્ચયેન પચ્ચયો, ચિત્તસંસટ્ઠસમુટ્ઠાના ખન્ધા ચ મહાભૂતા ચ ચિત્તસંસટ્ઠસમુટ્ઠાનાનં રૂપાનં અત્થિપચ્ચયેન પચ્ચયો, ચિત્તસંસટ્ઠસમુટ્ઠાના ખન્ધા ચ વત્થુ ચ ચિત્તસ્સ અત્થિપચ્ચયેન પચ્ચયો (પટિસન્ધિક્ખણે તીણિ કાતબ્બા). પચ્છાજાતા – ચિત્તસંસટ્ઠસમુટ્ઠાના ખન્ધા ચ ચિત્તઞ્ચ પુરેજાતસ્સ ઇમસ્સ નોચિત્તસંસટ્ઠસમુટ્ઠાનસ્સ કાયસ્સ અત્થિપચ્ચયેન પચ્ચયો. પચ્છાજાતા – ચિત્તસંસટ્ઠસમુટ્ઠાના ખન્ધા ચ ચિત્તઞ્ચ કબળીકારો આહારો ચ ઇમસ્સ નોચિત્તસંસટ્ઠસમુટ્ઠાનસ્સ કાયસ્સ અત્થિપચ્ચયેન પચ્ચયો. પચ્છાજાતા – ચિત્તસંસટ્ઠસમુટ્ઠાના ખન્ધા ચ ચિત્તઞ્ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૨)

ચિત્તસંસટ્ઠસમુટ્ઠાનો ચ નોચિત્તસંસટ્ઠસમુટ્ઠાનો ચ ધમ્મા ચિત્તસંસટ્ઠસમુટ્ઠાનસ્સ ચ નોચિત્તસંસટ્ઠસમુટ્ઠાનસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – ચક્ખુવિઞ્ઞાણસહગતો એકો ખન્ધો ચ ચક્ખાયતનઞ્ચ દ્વિન્નં ખન્ધાનં ચક્ખુવિઞ્ઞાણસ્સ ચ અત્થિપચ્ચયેન પચ્ચયો, દ્વે ખન્ધા ચ…પે… કાયવિઞ્ઞાણસહગતો…પે…. સહજાતો – ચિત્તસંસટ્ઠસમુટ્ઠાનો એકો ખન્ધો ચ ચિત્તઞ્ચ દ્વિન્નં ખન્ધાનં ચિત્તસમુટ્ઠાનાનઞ્ચ રૂપાનં અત્થિપચ્ચયેન પચ્ચયો, દ્વે ખન્ધા ચ…પે… ચિત્તસંસટ્ઠસમુટ્ઠાનો એકો ખન્ધો ચ વત્થુ ચ દ્વિન્નં ખન્ધાનં ચિત્તસ્સ ચ અત્થિપચ્ચયેન પચ્ચયો, દ્વે ખન્ધા ચ…પે… (પટિસન્ધિક્ખણે દ્વેપિ કાતબ્બા). (૩)