૧. વિભઙ્ગવારો

હેતુપચ્ચયો

૨૮૯. ચિત્તસંસટ્ઠસમુટ્ઠાનં ધમ્મં પચ્ચયા ચિત્તસંસટ્ઠસમુટ્ઠાનો ધમ્મો ઉપ્પજ્જતિ હેતુપચ્ચયા (સંખિત્તં) તીણિ (પટિચ્ચવારસદિસા).

નોચિત્તસંસટ્ઠસમુટ્ઠાનં ધમ્મં પચ્ચયા નોચિત્તસંસટ્ઠસમુટ્ઠાનો ધમ્મો ઉપ્પજ્જતિ હેતુપચ્ચયા – ચિત્તં પચ્ચયા ચિત્તસમુટ્ઠાનં રૂપં, વત્થું પચ્ચયા ચિત્તં; પટિસન્ધિક્ખણે…પે… (યાવ મહાભૂતા). (૧)

નોચિત્તસંસટ્ઠસમુટ્ઠાનં ધમ્મં પચ્ચયા ચિત્તસંસટ્ઠસમુટ્ઠાનો ધમ્મો ઉપ્પજ્જતિ હેતુપચ્ચયા – ચિત્તં પચ્ચયા સમ્પયુત્તકા ખન્ધા, વત્થું પચ્ચયા ચિત્તસંસટ્ઠસમુટ્ઠાના ખન્ધા (પટિસન્ધિક્ખણે દ્વેપિ કાતબ્બા) તીણિ. (૩)

૨૯૦. ચિત્તસંસટ્ઠસમુટ્ઠાનઞ્ચ નોચિત્તસંસટ્ઠસમુટ્ઠાનઞ્ચ ધમ્મં પચ્ચયા ચિત્તસંસટ્ઠસમુટ્ઠાનો ધમ્મો ઉપ્પજ્જતિ હેતુપચ્ચયા – ચિત્તસંસટ્ઠસમુટ્ઠાનં એકં ખન્ધઞ્ચ ચિત્તઞ્ચ પચ્ચયા દ્વે ખન્ધા, દ્વે ખન્ધે ચ…પે… ચિત્તસંસટ્ઠસમુટ્ઠાનં એકં ખન્ધઞ્ચ વત્થુઞ્ચ પચ્ચયા દ્વે ખન્ધા, દ્વે ખન્ધે ચ…પે… (પટિસન્ધિક્ખણે દ્વેપિ કાતબ્બા). (૧)

ચિત્તસંસટ્ઠસમુટ્ઠાનઞ્ચ નોચિત્તસંસટ્ઠસમુટ્ઠાનઞ્ચ ધમ્મં પચ્ચયા નોચિત્તસંસટ્ઠસમુટ્ઠાનો ધમ્મો ઉપ્પજ્જતિ હેતુપચ્ચયા – ચિત્તસંસટ્ઠસમુટ્ઠાને ખન્ધે ચ ચિત્તઞ્ચ પચ્ચયા નોચિત્તસંસટ્ઠસમુટ્ઠાનં રૂપં, ચિત્તસંસટ્ઠસમુટ્ઠાને ખન્ધે ચ મહાભૂતે ચ પચ્ચયા નોચિત્તસંસટ્ઠસમુટ્ઠાનં રૂપં, ચિત્તસંસટ્ઠસમુટ્ઠાને ખન્ધે ચ વત્થુઞ્ચ પચ્ચયા ચિત્તં (પટિસન્ધિક્ખણે તીણિપિ કાતબ્બા). (૨)

ચિત્તસંસટ્ઠસમુટ્ઠાનઞ્ચ નોચિત્તસંસટ્ઠસમુટ્ઠાનઞ્ચ ધમ્મં પચ્ચયા ચિત્તસંસટ્ઠસમુટ્ઠાનો ચ નોચિત્તસંસટ્ઠસમુટ્ઠાનો ચ ધમ્મા ઉપ્પજ્જન્તિ હેતુપચ્ચયા – ચિત્તસંસટ્ઠસમુટ્ઠાનં એકં ખન્ધઞ્ચ ચિત્તઞ્ચ પચ્ચયા દ્વે ખન્ધા ચિત્તસંસટ્ઠસમુટ્ઠાનઞ્ચ રૂપં, દ્વે ખન્ધે…પે… ચિત્તસંસટ્ઠસમુટ્ઠાનં એકં ખન્ધઞ્ચ વત્થુઞ્ચ પચ્ચયા દ્વે ખન્ધા ચિત્તઞ્ચ, દ્વે ખન્ધે…પે… (પટિસન્ધિક્ખણે દ્વેપિ કાતબ્બા). (૩)

આરમ્મણપચ્ચયો

૨૯૧. ચિત્તસંસટ્ઠસમુટ્ઠાનં ધમ્મં પચ્ચયા ચિત્તસંસટ્ઠસમુટ્ઠાનો ધમ્મો ઉપ્પજ્જતિ આરમ્મણપચ્ચયા… તીણિ (પટિચ્ચસદિસા).

નોચિત્તસંસટ્ઠસમુટ્ઠાનં ધમ્મં પચ્ચયા નોચિત્તસંસટ્ઠસમુટ્ઠાનો ધમ્મો ઉપ્પજ્જતિ આરમ્મણપચ્ચયા – ચક્ખાયતનં પચ્ચયા ચક્ખુવિઞ્ઞાણં…પે… કાયાયતનં…પે… વત્થું પચ્ચયા ચિત્તં; પટિસન્ધિક્ખણે…પે…. (૧)

નોચિત્તસંસટ્ઠસમુટ્ઠાનં ધમ્મં પચ્ચયા ચિત્તસંસટ્ઠસમુટ્ઠાનો ધમ્મો ઉપ્પજ્જતિ આરમ્મણપચ્ચયા – ચક્ખાયતનં પચ્ચયા ચક્ખુવિઞ્ઞાણસહગતા ખન્ધા…પે… કાયાયતનં…પે… ચિત્તં પચ્ચયા સમ્પયુત્તકા ખન્ધા, વત્થું પચ્ચયા ચિત્તસંસટ્ઠસમુટ્ઠાના ખન્ધા (પટિસન્ધિક્ખણે દ્વેપિ કાતબ્બા). (૨)

નોચિત્તસંસટ્ઠસમુટ્ઠાનં ધમ્મં પચ્ચયા ચિત્તસંસટ્ઠસમુટ્ઠાનો ચ નોચિત્તસંસટ્ઠસમુટ્ઠાનો ચ ધમ્મા ઉપ્પજ્જન્તિ આરમ્મણપચ્ચયા – ચક્ખાયતનં પચ્ચયા ચક્ખુવિઞ્ઞાણં સમ્પયુત્તકા ચ ખન્ધા…પે… કાયાયતનં…પે… વત્થું પચ્ચયા ચિત્તં સમ્પયુત્તકા ચ ખન્ધા (પટિસન્ધિક્ખણે એકં કાતબ્બં). (૩)

૨૯૨. ચિત્તસંસટ્ઠસમુટ્ઠાનઞ્ચ નોચિત્તસંસટ્ઠસમુટ્ઠાનઞ્ચ ધમ્મં પચ્ચયા ચિત્તસંસટ્ઠસમુટ્ઠાનો ધમ્મો ઉપ્પજ્જતિ આરમ્મણપચ્ચયા – ચક્ખુવિઞ્ઞાણસહગતં એકં ખન્ધઞ્ચ ચક્ખાયતનઞ્ચ ચક્ખુવિઞ્ઞાણઞ્ચ પચ્ચયા દ્વે ખન્ધા, દ્વે ખન્ધે…પે… કાયવિઞ્ઞાણસહગતં…પે… ચિત્તસંસટ્ઠસમુટ્ઠાનં એકં ખન્ધઞ્ચ ચિત્તઞ્ચ પચ્ચયા દ્વે ખન્ધા, દ્વે ખન્ધે…પે… ચિત્તસંસટ્ઠસમુટ્ઠાનં એકં ખન્ધઞ્ચ વત્થુઞ્ચ પચ્ચયા દ્વે ખન્ધા, દ્વે ખન્ધે…પે… (પટિસન્ધિક્ખણે દ્વે કાતબ્બા). (૧)

ચિત્તસંસટ્ઠસમુટ્ઠાનઞ્ચ નોચિત્તસંસટ્ઠસમુટ્ઠાનઞ્ચ ધમ્મં પચ્ચયા નોચિત્તસંસટ્ઠસમુટ્ઠાનો ધમ્મો ઉપ્પજ્જતિ આરમ્મણપચ્ચયા – ચક્ખુવિઞ્ઞાણસહગતે ખન્ધે ચ ચક્ખાયતનઞ્ચ પચ્ચયા ચક્ખુવિઞ્ઞાણં …પે… કાયવિઞ્ઞાણસહગતે…પે… ચિત્તસંસટ્ઠસમુટ્ઠાને ખન્ધે ચ વત્થુઞ્ચ પચ્ચયા ચિત્તં (પટિસન્ધિક્ખણે એકં કાતબ્બં). (૨)

ચિત્તસંસટ્ઠસમુટ્ઠાનઞ્ચ નોચિત્તસંસટ્ઠસમુટ્ઠાનઞ્ચ ધમ્મં પચ્ચયા ચિત્તસંસટ્ઠસમુટ્ઠાનો ચ નોચિત્તસંસટ્ઠસમુટ્ઠાનો ચ ધમ્મા ઉપ્પજ્જન્તિ આરમ્મણપચ્ચયા – ચિત્તસંસટ્ઠસમુટ્ઠાનં એકં ખન્ધઞ્ચ વત્થુઞ્ચ પચ્ચયા દ્વે ખન્ધા ચિત્તઞ્ચ, દ્વે ખન્ધે…પે… (પટિસન્ધિક્ખણે એકં કાતબ્બં, સંખિત્તં). (૩)