૧. વિભઙ્ગવારો

નહેતુપચ્ચયો

૨૮૨. ચિત્તસંસટ્ઠસમુટ્ઠાનં ધમ્મં પટિચ્ચ ચિત્તસંસટ્ઠસમુટ્ઠાનો ધમ્મો ઉપ્પજ્જતિ નહેતુપચ્ચયા – અહેતુકં ચિત્તસંસટ્ઠસમુટ્ઠાનં એકં ખન્ધં પટિચ્ચ દ્વે ખન્ધા, દ્વે ખન્ધે…પે… અહેતુકપટિસન્ધિક્ખણે…પે… વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

ચિત્તસંસટ્ઠસમુટ્ઠાનં ધમ્મં પટિચ્ચ નોચિત્તસંસટ્ઠસમુટ્ઠાનો ધમ્મો ઉપ્પજ્જતિ નહેતુપચ્ચયા – અહેતુકે ચિત્તસંસટ્ઠસમુટ્ઠાને ખન્ધે પટિચ્ચ ચિત્તં ચિત્તસમુટ્ઠાનઞ્ચ રૂપં; અહેતુકપટિસન્ધિક્ખણે…પે…. (૨)

ચિત્તસંસટ્ઠસમુટ્ઠાનં ધમ્મં પટિચ્ચ ચિત્તસંસટ્ઠસમુટ્ઠાનો ચ નોચિત્તસંસટ્ઠસમુટ્ઠાનો ચ ધમ્મા ઉપ્પજ્જન્તિ નહેતુપચ્ચયા – અહેતુકં ચિત્તસંસટ્ઠસમુટ્ઠાનં એકં ખન્ધં પટિચ્ચ દ્વે ખન્ધા ચિત્તઞ્ચ ચિત્તસમુટ્ઠાનઞ્ચ રૂપં, દ્વે ખન્ધે…પે… અહેતુકપટિસન્ધિક્ખણે…પે…. (૩)

૨૮૩. નોચિત્તસંસટ્ઠસમુટ્ઠાનં ધમ્મં પટિચ્ચ નોચિત્તસંસટ્ઠસમુટ્ઠાનો ધમ્મો ઉપ્પજ્જતિ નહેતુપચ્ચયા – અહેતુકં ચિત્તં પટિચ્ચ ચિત્તસમુટ્ઠાનં રૂપં; અહેતુકપટિસન્ધિક્ખણે ચિત્તં પટિચ્ચ કટત્તારૂપં, ચિત્તં પટિચ્ચ વત્થુ, વત્થું પટિચ્ચ ચિત્તં, એકં મહાભૂતં…પે… (યાવ અસઞ્ઞસત્તા). (૧)

નોચિત્તસંસટ્ઠસમુટ્ઠાનં ધમ્મં પટિચ્ચ ચિત્તસંસટ્ઠસમુટ્ઠાનો ધમ્મો ઉપ્પજ્જતિ નહેતુપચ્ચયા – અહેતુકં ચિત્તં પટિચ્ચ સમ્પયુત્તકા ખન્ધા; અહેતુકપટિસન્ધિક્ખણે ચિત્તં પટિચ્ચ સમ્પયુત્તકા ખન્ધા, અહેતુકપટિસન્ધિક્ખણે વત્થું પટિચ્ચ ચિત્તસંસટ્ઠસમુટ્ઠાના ખન્ધા, વિચિકિચ્છાસહગતં ઉદ્ધચ્ચસહગતં ચિત્તં પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૨)

નોચિત્તસંસટ્ઠસમુટ્ઠાનં ધમ્મં પટિચ્ચ ચિત્તસંસટ્ઠસમુટ્ઠાનો ચ નોચિત્તસંસટ્ઠસમુટ્ઠાનો ચ ધમ્મા ઉપ્પજ્જન્તિ નહેતુપચ્ચયા – અહેતુકં ચિત્તં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં; અહેતુકપટિસન્ધિક્ખણે ચિત્તં પટિચ્ચ સમ્પયુત્તકા ખન્ધા કટત્તા ચ રૂપં, અહેતુકપટિસન્ધિક્ખણે વત્થું પટિચ્ચ ચિત્તં સમ્પયુત્તકા ચ ખન્ધા. (૩)

૨૮૪. ચિત્તસંસટ્ઠસમુટ્ઠાનઞ્ચ નોચિત્તસંસટ્ઠસમુટ્ઠાનઞ્ચ ધમ્મં પટિચ્ચ ચિત્તસંસટ્ઠસમુટ્ઠાનો ધમ્મો ઉપ્પજ્જતિ નહેતુપચ્ચયા – અહેતુકં ચિત્તસંસટ્ઠસમુટ્ઠાનં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા, દ્વે ખન્ધે…પે… અહેતુકપટિસન્ધિક્ખણે ચિત્તસંસટ્ઠસમુટ્ઠાનં એકં ખન્ધઞ્ચ ચિતઞ્ચ…પે… અહેતુકપટિસન્ધિક્ખણે ચિત્તસંસટ્ઠસમુટ્ઠાનં એકં ખન્ધઞ્ચ વત્થુઞ્ચ પટિચ્ચ દ્વે ખન્ધા, દ્વે ખન્ધે…પે… વિચિકિચ્છાસહગતે ઉદ્ધચ્ચસહગતે ખન્ધે ચ ચિત્તઞ્ચ પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

ચિત્તસંસટ્ઠસમુટ્ઠાનઞ્ચ નોચિત્તસંસટ્ઠસમુટ્ઠાનઞ્ચ ધમ્મં પટિચ્ચ નોચિત્તસંસટ્ઠસમુટ્ઠાનો ધમ્મો ઉપ્પજ્જતિ નહેતુપચ્ચયા – અહેતુકે ચિત્તસંસટ્ઠસમુટ્ઠાને ખન્ધે ચ ચિત્તઞ્ચ પટિચ્ચ ચિત્તસમુટ્ઠાનં રૂપં, અહેતુકે ચિત્તસંસટ્ઠસમુટ્ઠાને ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં; અહેતુકપટિસન્ધિક્ખણે ચિત્તસંસટ્ઠસમુટ્ઠાને ખન્ધે ચ ચિત્તઞ્ચ પટિચ્ચ કટત્તારૂપં, અહેતુકપટિસન્ધિક્ખણે ચિત્તસંસટ્ઠસમુટ્ઠાને ખન્ધે ચ મહાભૂતે ચ પટિચ્ચ કટત્તારૂપં, અહેતુકપટિસન્ધિક્ખણે ચિત્તસંસટ્ઠસમુટ્ઠાને ખન્ધે ચ વત્થુઞ્ચ પટિચ્ચ ચિત્તં. (૨)

ચિત્તસંસટ્ઠસમુટ્ઠાનઞ્ચ નોચિત્તસંસટ્ઠસમુટ્ઠાનઞ્ચ ધમ્મં પટિચ્ચ ચિત્તસંસટ્ઠસમુટ્ઠાનો ચ નોચિત્તસંસટ્ઠસમુટ્ઠાનો ચ ધમ્મા ઉપ્પજ્જન્તિ નહેતુપચ્ચયા – અહેતુકં ચિત્તસંસટ્ઠસમુટ્ઠાનં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં, દ્વે ખન્ધે…પે… (અહેતુકપટિસન્ધિક્ખણે દ્વેપિ કાતબ્બા). (૩)

નઆરમ્મણપચ્ચયો

૨૮૫. ચિત્તસંસટ્ઠસમુટ્ઠાનં ધમ્મં પટિચ્ચ નોચિત્તસંસટ્ઠસમુટ્ઠાનો ધમ્મો ઉપ્પજ્જતિ નઆરમ્મણપચ્ચયા – ચિત્તસંસટ્ઠસમુટ્ઠાને ખન્ધે પટિચ્ચ ચિત્તસમુટ્ઠાનં રૂપં; પટિસન્ધિક્ખણે…પે…. (૧)

નોચિત્તસંસટ્ઠસમુટ્ઠાનં ધમ્મં પટિચ્ચ નોચિત્તસંસટ્ઠસમુટ્ઠાનો ધમ્મો ઉપ્પજ્જતિ નઆરમ્મણપચ્ચયા – ચિત્તં પટિચ્ચ ચિત્તસમુટ્ઠાનં રૂપં; પટિસન્ધિક્ખણે ચિત્તં પટિચ્ચ કટત્તારૂપં, ચિત્તં પટિચ્ચ વત્થુ, એકં મહાભૂતં…પે… (યાવ અસઞ્ઞસત્તા). (૧)

ચિત્તસંસટ્ઠસમુટ્ઠાનઞ્ચ નોચિત્તસંસટ્ઠસમુટ્ઠાનઞ્ચ ધમ્મં પટિચ્ચ નોચિત્તસંસટ્ઠસમુટ્ઠાનો ધમ્મો ઉપ્પજ્જતિ નઆરમ્મણપચ્ચયા – ચિત્તસંસટ્ઠસમુટ્ઠાને ખન્ધે ચ ચિત્તઞ્ચ પટિચ્ચ ચિત્તસમુટ્ઠાનં રૂપં, ચિત્તસંસટ્ઠસમુટ્ઠાને ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં (પટિસન્ધિક્ખણે દ્વે, સંખિત્તં). (૧)