૧. વિભઙ્ગવારો

હેતુપચ્ચયો

૨૭૮. ચિત્તસંસટ્ઠસમુટ્ઠાનં ધમ્મં પટિચ્ચ ચિત્તસંસટ્ઠસમુટ્ઠાનો ધમ્મો ઉપ્પજ્જતિ હેતુપચ્ચયા – ચિત્તસંસટ્ઠસમુટ્ઠાનં એકં ખન્ધં પટિચ્ચ દ્વે ખન્ધા, દ્વે ખન્ધે પટિચ્ચ એકો ખન્ધો; પટિસન્ધિક્ખણે…પે…. (૧)

ચિત્તસંસટ્ઠસમુટ્ઠાનં ધમ્મં પટિચ્ચ નોચિત્તસંસટ્ઠસમુટ્ઠાનો ધમ્મો ઉપ્પજ્જતિ હેતુપચ્ચયા – ચિત્તસંસટ્ઠસમુટ્ઠાને ખન્ધે પટિચ્ચ ચિત્તં ચિત્તસમુટ્ઠાનઞ્ચ રૂપં; પટિસન્ધિક્ખણે ચિત્તસંસટ્ઠસમુટ્ઠાને ખન્ધે પટિચ્ચ ચિત્તં કટત્તા ચ રૂપં. (૨)

ચિત્તસંસટ્ઠસમુટ્ઠાનં ધમ્મં પટિચ્ચ ચિત્તસંસટ્ઠસમુટ્ઠાનો ચ નોચિત્તસંસટ્ઠસમુટ્ઠાનો ચ ધમ્મા ઉપ્પજ્જન્તિ હેતુપચ્ચયા – ચિત્તસંસટ્ઠસમુટ્ઠાનં એકં ખન્ધં પટિચ્ચ દ્વે ખન્ધા ચિત્તઞ્ચ ચિત્તસમુટ્ઠાનઞ્ચ રૂપં, દ્વે ખન્ધે…પે… પટિસન્ધિક્ખણે…પે…. (૩)

૨૭૯. નોચિત્તસંસટ્ઠસમુટ્ઠાનં ધમ્મં પટિચ્ચ નોચિત્તસંસટ્ઠસમુટ્ઠાનો ધમ્મો ઉપ્પજ્જતિ હેતુપચ્ચયા – ચિત્તં પટિચ્ચ ચિત્તસમુટ્ઠાનં રૂપં; પટિસન્ધિક્ખણે ચિત્તં પટિચ્ચ કટત્તારૂપં, ચિત્તં પટિચ્ચ વત્થુ, વત્થું પટિચ્ચ ચિત્તં, એકં મહાભૂતં…પે… મહાભૂતે પટિચ્ચ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

નોચિત્તસંસટ્ઠસમુટ્ઠાનં ધમ્મં પટિચ્ચ ચિત્તસંસટ્ઠસમુટ્ઠાનો ધમ્મો ઉપ્પજ્જતિ હેતુપચ્ચયા – ચિત્તં પટિચ્ચ સમ્પયુત્તકા ખન્ધા; પટિસન્ધિક્ખણે ચિત્તં પટિચ્ચ સમ્પયુત્તકા ખન્ધા, પટિસન્ધિક્ખણે વત્થું પટિચ્ચ ચિત્તસંસટ્ઠસમુટ્ઠાના ખન્ધા. (૨)

નોચિત્તસંસટ્ઠસમુટ્ઠાનં ધમ્મં પટિચ્ચ ચિત્તસંસટ્ઠસમુટ્ઠાનો ચ નોચિત્તસંસટ્ઠસમુટ્ઠાનો ચ ધમ્મા ઉપ્પજ્જન્તિ હેતુપચ્ચયા – ચિત્તં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં; પટિસન્ધિક્ખણે ચિત્તં પટિચ્ચ સમ્પયુત્તકા ખન્ધા કટત્તા ચ રૂપં, પટિસન્ધિક્ખણે વત્થું પટિચ્ચ ચિત્તં સમ્પયુત્તકા ચ ખન્ધા. (૩)

૨૮૦. ચિત્તસંસટ્ઠસમુટ્ઠાનઞ્ચ નોચિત્તસંસટ્ઠસમુટ્ઠાનઞ્ચ ધમ્મં પટિચ્ચ ચિત્તસંસટ્ઠસમુટ્ઠાનો ધમ્મો ઉપ્પજ્જતિ હેતુપચ્ચયા – ચિત્તસંસટ્ઠસમુટ્ઠાનં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા, દ્વે ખન્ધે…પે… પટિસન્ધિક્ખણે ચિત્તસંસટ્ઠસમુટ્ઠાનં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા, દ્વે ખન્ધે…પે… પટિસન્ધિક્ખણે ચિત્તસંસટ્ઠસમુટ્ઠાનં એકં ખન્ધઞ્ચ વત્થુઞ્ચ પટિચ્ચ દ્વે ખન્ધા, દ્વે ખન્ધે…પે…. (૧)

ચિત્તસંસટ્ઠસમુટ્ઠાનઞ્ચ નોચિત્તસંસટ્ઠસમુટ્ઠાનઞ્ચ ધમ્મં પટિચ્ચ નોચિત્તસંસટ્ઠસમુટ્ઠાનો ધમ્મો ઉપ્પજ્જતિ હેતુપચ્ચયા – ચિત્તસંસટ્ઠસમુટ્ઠાને ખન્ધે ચ ચિત્તઞ્ચ પટિચ્ચ ચિત્તસમુટ્ઠાનં રૂપં, ચિત્તસંસટ્ઠસમુટ્ઠાને ખન્ધે ચ મહાભૂતે ચ પટિચ્ચ ચિત્તસમુટ્ઠાનં રૂપં; પટિસન્ધિક્ખણે ચિત્તસંસટ્ઠસમુટ્ઠાને ખન્ધે ચ ચિત્તઞ્ચ પટિચ્ચ કટત્તારૂપં, પટિસન્ધિક્ખણે ચિત્તસંસટ્ઠસમુટ્ઠાને ખન્ધે ચ મહાભૂતે ચ પટિચ્ચ કટત્તારૂપં, પટિસન્ધિક્ખણે ચિત્તસંસટ્ઠસમુટ્ઠાને ખન્ધે ચ વત્થુઞ્ચ પટિચ્ચ ચિત્તં. (૨)

ચિત્તસંસટ્ઠસમુટ્ઠાનઞ્ચ નોચિત્તસંસટ્ઠસમુટ્ઠાનઞ્ચ ધમ્મં પટિચ્ચ ચિત્તસંસટ્ઠસમુટ્ઠાનો ચ નોચિત્તસંસટ્ઠસમુટ્ઠાનો ચ ધમ્મા ઉપ્પજ્જન્તિ હેતુપચ્ચયા – ચિત્તસંસટ્ઠસમુટ્ઠાનં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં, દ્વે ખન્ધે…પે… પટિસન્ધિક્ખણે ચિત્તસંસટ્ઠસમુટ્ઠાનં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા કટત્તા ચ રૂપં, દ્વે ખન્ધે…પે… પટિસન્ધિક્ખણે ચિત્તસંસટ્ઠસમુટ્ઠાનં એકં ખન્ધઞ્ચ વત્થુઞ્ચ પટિચ્ચ દ્વે ખન્ધા ચિત્તઞ્ચ, દ્વે ખન્ધે…પે… (સંખિત્તં). (૩)