૨. સઙ્ખ્યાવારો

સુદ્ધં

૨૭૦. હેતુયા તીણિ, આરમ્મણે નવ, અધિપતિયા નવ, અનન્તરે નવ, સમનન્તરે નવ, સહજાતે નવ, અઞ્ઞમઞ્ઞે નવ, નિસ્સયે નવ, ઉપનિસ્સયે નવ, પુરેજાતે તીણિ, પચ્છાજાતે તીણિ, આસેવને નવ, કમ્મે તીણિ, વિપાકે નવ, આહારે નવ, ઇન્દ્રિયે નવ, ઝાને તીણિ, મગ્ગે તીણિ, સમ્પયુત્તે પઞ્ચ, વિપ્પયુત્તે નવ, અત્થિયા નવ, નત્થિયા નવ, વિગતે નવ, અવિગતે નવ.

અનુલોમં.

પચ્ચનીયુદ્ધારો

૨૭૧. ચિત્તસહભૂ ધમ્મો ચિત્તસહભુસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… કમ્મપચ્ચયેન પચ્ચયો. (૧)

ચિત્તસહભૂ ધમ્મો નોચિત્તસહભુસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પચ્છાજાતપચ્ચયેન પચ્ચયો… કમ્મપચ્ચયેન પચ્ચયો. (૨)

ચિત્તસહભૂ ધમ્મો ચિત્તસહભુસ્સ ચ નોચિત્તસહભુસ્સ ચ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… કમ્મપચ્ચયેન પચ્ચયો. (૩)

૨૭૨. નોચિત્તસહભૂ ધમ્મો નોચિત્તસહભુસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો… પચ્છાજાતપચ્ચયેન પચ્ચયો… આહારપચ્ચયેન પચ્ચયો… ઇન્દ્રિયપચ્ચયેન પચ્ચયો. (૧)

નોચિત્તસહભૂ ધમ્મો ચિત્તસહભુસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો. (૨)

નોચિત્તસહભૂ ધમ્મો ચિત્તસહભુસ્સ ચ નોચિત્તસહભુસ્સ ચ ધમ્મસ્સ આરમ્મણપચ્ચયેન પચ્ચયો … સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો. (૩)

૨૭૩. ચિત્તસહભૂ ચ નોચિત્તસહભૂ ચ ધમ્મા ચિત્તસહભુસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૧)

ચિત્તસહભૂ ચ નોચિત્તસહભૂ ચ ધમ્મા નોચિત્તસહભુસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પચ્છાજાતપચ્ચયેન પચ્ચયો. (૨)

ચિત્તસહભૂ ચ નોચિત્તસહભૂ ચ ધમ્મા ચિત્તસહભુસ્સ ચ નોચિત્તસહભુસ્સ ચ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો. (૩)