૧. વિભઙ્ગવારો

હેતુપચ્ચયો

૨૫૭. ચિત્તસહભૂ ધમ્મો ચિત્તસહભુસ્સ ધમ્મસ્સ હેતુપચ્ચયેન પચ્ચયો – ચિત્તસહભૂ હેતૂ સમ્પયુત્તકાનં ખન્ધાનં ચિત્તસહભૂનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

ચિત્તસહભૂ ધમ્મો નોચિત્તસહભુસ્સ ધમ્મસ્સ હેતુપચ્ચયેન પચ્ચયો – ચિત્તસહભૂ હેતૂ ચિત્તસ્સ નોચિત્તસહભૂનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે ચિત્તસહભૂ હેતૂ ચિત્તસ્સ કટત્તા ચ રૂપાનં હેતુપચ્ચયેન પચ્ચયો. (૨)

ચિત્તસહભૂ ધમ્મો ચિત્તસહભુસ્સ ચ નોચિત્તસહભુસ્સ ચ ધમ્મસ્સ હેતુપચ્ચયેન પચ્ચયો; ચિત્તસહભૂ હેતૂ સમ્પયુત્તકાનં ખન્ધાનં ચિત્તસ્સ ચ ચિત્તસહભૂનઞ્ચ નોચિત્તસહભૂનઞ્ચ ચિત્તસમુટ્ઠાનાનં રૂપાનં હેતુપચ્ચયેન પચ્ચયો. (૩)

આરમ્મણપચ્ચયો

૨૫૮. ચિત્તસહભૂ ધમ્મો ચિત્તસહભુસ્સ ધમ્મસ્સ આરમ્મણપચ્ચયેન પચ્ચયો… નવ (ચિત્તસમુટ્ઠાનદુકસદિસં, નિન્નાનાકરણં).

અધિપતિપચ્ચયો

૨૫૯. ચિત્તસહભૂ ધમ્મો ચિત્તસહભુસ્સ ધમ્મસ્સ અધિપતિપચ્ચયેન પચ્ચયો… તીણિ (આરમ્મણાધિપતિપિ સહજાતાધિપતિપિ કાતબ્બા).

નોચિત્તસહભૂ ધમ્મો નોચિત્તસહભુસ્સ ધમ્મસ્સ અધિપતિપચ્ચયેન પચ્ચયો… તીણિ (આરમ્મણાધિપતિપિ સહજાતાધિપતિપિ ઇમેસમ્પિ તિણ્ણં કાતબ્બા. નવપિ પઞ્હા ચિત્તસમુટ્ઠાનદુકસદિસા. અન્તે તીણિ આરમ્મણાધિપતિયેવ).

અનન્તરપચ્ચયાદિ

૨૬૦. ચિત્તસહભૂ ધમ્મો ચિત્તસહભુસ્સ ધમ્મસ્સ અનન્તરપચ્ચયેન પચ્ચયો… નવ (ચિત્તસમુટ્ઠાનદુકસદિસં, નિન્નાનાકરણં)… સમનન્તરપચ્ચયેન પચ્ચયો… નવ (પટિચ્ચસદિસા) … સહજાતપચ્ચયેન પચ્ચયો… નવ (પટિચ્ચસદિસા)… અઞ્ઞમઞ્ઞપચ્ચયેન પચ્ચયો… નવ (પટિચ્ચસદિસા)… નિસ્સયપચ્ચયેન પચ્ચયો… નવ (પચ્ચયવારસદિસા)… ઉપનિસ્સયપચ્ચયેન પચ્ચયો… નવ (ચિત્તસમુટ્ઠાનદુકસદિસા).

પુરેજાતપચ્ચયો

૨૬૧. નોચિત્તસહભૂ ધમ્મો નોચિત્તસહભુસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં… તીણિ (નોચિત્તસહભૂ મૂલંયેવ લબ્ભતિ, ચિત્તસમુટ્ઠાનદુકસદિસા. તીણિપિ નિન્નાનાકરણં).

પચ્છાજાતાસેવનપચ્ચયા

૨૬૨. ચિત્તસહભૂ ધમ્મો નોચિત્તસહભુસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા ચિત્તસહભૂ ખન્ધા પુરેજાતસ્સ ઇમસ્સ નોચિત્તસહભુસ્સ કાયસ્સ પચ્છાજાતપચ્ચયેન પચ્ચયો. (૧)

નોચિત્તસહભૂ ધમ્મો નોચિત્તસહભુસ્સ ધમ્મસ્સ પચ્છાજાતપચ્ચયેન પચ્ચયો…પે…. (૧)

ચિત્તસહભૂ ચ નોચિત્તસહભૂ ચ ધમ્મા નોચિત્તસહભુસ્સ ધમ્મસ્સ પચ્છાજાતપચ્ચયેન પચ્ચયો (સંખિત્તં)… આસેવનપચ્ચયેન પચ્ચયો… નવ.

કમ્મપચ્ચયો

૨૬૩. ચિત્તસહભૂ ધમ્મો ચિત્તસહભુસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – ચિત્તસહભૂ ચેતના સમ્પયુત્તકાનં ખન્ધાનં ચિત્તસહભૂનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – ચિત્તસહભૂ ચેતના વિપાકાનં ચિત્તસહભૂનં ખન્ધાનં કમ્મપચ્ચયેન પચ્ચયો. (૧)

ચિત્તસહભૂ ધમ્મો નોચિત્તસહભુસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – ચિત્તસહભૂ ચેતના ચિત્તસ્સ નોચિત્તસહભૂનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – ચિત્તસહભૂ ચેતના વિપાકસ્સ ચિત્તસ્સ કટત્તા ચ રૂપાનં કમ્મપચ્ચયેન પચ્ચયો. (૨)

ચિત્તસહભૂ ધમ્મો ચિત્તસહભુસ્સ ચ નોચિત્તસહભુસ્સ ચ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – ચિત્તસહભૂ ચેતના સમ્પયુત્તકાનં ખન્ધાનં ચિત્તસ્સ ચ ચિત્તસહભૂનઞ્ચ નોચિત્તસહભૂનઞ્ચ ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – ચિત્તસહભૂ ચેતના વિપાકાનં ખન્ધાનં ચિત્તસ્સ કટત્તા ચ રૂપાનં કમ્મપચ્ચયેન પચ્ચયો. (૩)

વિપાકપચ્ચયાદિ

૨૬૪. ચિત્તસહભૂ ધમ્મો ચિત્તસહભુસ્સ ધમ્મસ્સ વિપાકપચ્ચયેન પચ્ચયો (ચિત્તસમુટ્ઠાનદુકસદિસં)… આહારપચ્ચયેન પચ્ચયો… નવ (ચિત્તસમુટ્ઠાનદુકસદિસા. ઇમમ્પિ એકં કબળીકારઆહારસદિસં). ચિત્તસહભૂ ધમ્મો ચિત્તસહભુસ્સ ધમ્મસ્સ ઇન્દ્રિયપચ્ચયેન પચ્ચયો… નવ (ચિત્તસમુટ્ઠાનદુકસદિસં, નિન્નાનાકરણં)… ઝાનપચ્ચયેન પચ્ચયો… તીણિ… મગ્ગપચ્ચયેન પચ્ચયો… તીણિ… સમ્પયુત્તપચ્ચયેન પચ્ચયો… પઞ્ચ.

વિપ્પયુત્તપચ્ચયો

૨૬૫. ચિત્તસહભૂ ધમ્મો ચિત્તસહભુસ્સ ધમ્મસ્સ વિપ્પયુત્તપચ્ચયેન પચ્ચયો. સહજાતા – ચિત્તસહભૂ ખન્ધા ચિત્તસહભૂનં ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. (૧)

ચિત્તસહભૂ ધમ્મો નોચિત્તસહભુસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – ચિત્તસહભૂ ખન્ધા નોચિત્તસહભૂનં ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે…પે…. પચ્છાજાતા – ચિત્તસહભૂ ખન્ધા પુરેજાતસ્સ ઇમસ્સ નોચિત્તસહભુસ્સ કાયસ્સ વિપ્પયુત્તપચ્ચયેન પચ્ચયો. (૨)

ચિત્તસહભૂ ધમ્મો ચિત્તસહભુસ્સ ચ નોચિત્તસહભુસ્સ ચ ધમ્મસ્સ વિપ્પયુત્તપચ્ચયેન પચ્ચયો. સહજાતા – ચિત્તસહભૂ ખન્ધા ચિત્તસહભૂનઞ્ચ નોચિત્તસહભૂનઞ્ચ ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. (૩)

૨૬૬. નોચિત્તસહભૂ ધમ્મો નોચિત્તસહભુસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતં – ચિત્તં નોચિત્તસહભૂનં ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે ચિત્તં કટત્તારૂપાનં વિપ્પયુત્તપચ્ચયેન પચ્ચયો; ચિત્તં વત્થુસ્સ વિપ્પયુત્તપચ્ચયેન પચ્ચયો; વત્થુ ચિત્તસ્સ વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ વિપ્પયુત્તપચ્ચયેન પચ્ચયો…પે… કાયાયતનં…પે… વત્થુ ચિત્તસ્સ વિપ્પયુત્તપચ્ચયેન પચ્ચયો. પચ્છાજાતં – ચિત્તં પુરેજાતસ્સ ઇમસ્સ નોચિત્તસહભુસ્સ કાયસ્સ વિપ્પયુત્તપચ્ચયેન પચ્ચયો. (૧)

નોચિત્તસહભૂ ધમ્મો ચિત્તસહભુસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં. સહજાતં – ચિત્તં ચિત્તસહભૂનં ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસહગતાનં ખન્ધાનં વિપ્પયુત્તપચ્ચયેન પચ્ચયો…પે… કાયાયતનં…પે… વત્થુ ચિત્તસહભૂનં ખન્ધાનં વિપ્પયુત્તપચ્ચયેન પચ્ચયો. (૨)

નોચિત્તસહભૂ ધમ્મો ચિત્તસહભુસ્સ ચ નોચિત્તસહભુસ્સ ચ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં. સહજાતં – ચિત્તં ચિત્તસહભૂનઞ્ચ નોચિત્તસહભૂનઞ્ચ ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે…પે…. વત્થુપુરેજાતં – ચક્ખાયતનં ચક્ખુવિઞ્ઞાણસ્સ સમ્પયુત્તકાનઞ્ચ રૂપાનં વિપ્પયુત્તપચ્ચયેન પચ્ચયો…પે… કાયાયતનં…પે… વત્થુ ચિત્તસ્સ સમ્પયુત્તકાનઞ્ચ ખન્ધાનં વિપ્પયુત્તપચ્ચયેન પચ્ચયો. (૩)

૨૬૭. ચિત્તસહભૂ ચ નોચિત્તસહભૂ ચ ધમ્મા ચિત્તસહભુસ્સ ધમ્મસ્સ વિપ્પયુત્તપચ્ચયેન પચ્ચયો. સહજાતા – ચિત્તસહભૂ ખન્ધા ચ ચિત્તઞ્ચ ચિત્તસહભૂનં ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. (૧)

ચિત્તસહભૂ ચ નોચિત્તસહભૂ ચ ધમ્મા નોચિત્તસહભુસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતા – ચિત્તસહભૂ ખન્ધા ચ ચિત્તઞ્ચ નોચિત્તસહભૂનં ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો; પટિસન્ધિક્ખણે …પે…. પચ્છાજાતા – ચિત્તસહભૂ ખન્ધા ચ ચિત્તઞ્ચ પુરેજાતસ્સ ઇમસ્સ નોચિત્તસહભુસ્સ કાયસ્સ વિપ્પયુત્તપચ્ચયેન પચ્ચયો. (૨)

ચિત્તસહભૂ ચ નોચિત્તસહભૂ ચ ધમ્મા ચિત્તસહભુસ્સ ચ નોચિત્તસહભુસ્સ ચ ધમ્મસ્સ વિપ્પયુત્તપચ્ચયેન પચ્ચયો – ચિત્તસહભૂ ખન્ધા ચ ચિત્તઞ્ચ ચિત્તસહભૂનઞ્ચ નોચિત્તસહભૂનઞ્ચ ચિત્તસમુટ્ઠાનાનં રૂપાનં વિપ્પયુત્તપચ્ચયેન પચ્ચયો. (૩)

અત્થિપચ્ચયો

૨૬૮. ચિત્તસહભૂ ધમ્મો ચિત્તસહભુસ્સ ધમ્મસ્સ અત્થિપચ્ચયેન પચ્ચયો – ચિત્તસહભૂ એકો ખન્ધો…પે… (પટિચ્ચસદિસં). (૧)

ચિત્તસહભૂ ધમ્મો નોચિત્તસહભુસ્સ ધમ્મસ્સ અત્થિપચ્ચયેન પચ્ચયો – સહજાતં, પચ્છાજાતં (સંખિત્તં). (૨)

ચિત્તસહભૂ ધમ્મો ચિત્તસહભુસ્સ ચ નોચિત્તસહભુસ્સ ચ ધમ્મસ્સ અત્થિપચ્ચયેન પચ્ચયો – ચિત્તસહભૂ એકો ખન્ધો…પે… (પટિચ્ચસદિસં). (૩)

નોચિત્તસહભૂ ધમ્મો નોચિત્તસહભુસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (સંખિત્તં). (૧)

નોચિત્તસહભૂ ધમ્મો ચિત્તસહભુસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં (સંખિત્તં. (૨)

નોચિત્તસહભૂ ધમ્મો ચિત્તસહભુસ્સ ચ નોચિત્તસહભુસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં (સંખિત્તં). (૩)

૨૬૯. ચિત્તસહભૂ ચ નોચિત્તસહભૂ ચ ધમ્મા ચિત્તસહભુસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – ચક્ખુવિઞ્ઞાણસહગતો એકો ખન્ધો ચ ચક્ખાયતનઞ્ચ ચક્ખુવિઞ્ઞાણઞ્ચ દ્વિન્નં ખન્ધાનં…પે… દ્વે ખન્ધા ચ…પે… (સબ્બં પટિસન્ધિયં કાતબ્બં, સહજાતં પુરેજાતમ્પિ). (૧)

ચિત્તસહભૂ ચ નોચિત્તસહભૂ ચ ધમ્મા નોચિત્તસહભુસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતા – ચક્ખુવિઞ્ઞાણસહગતા ખન્ધા ચક્ખાયતનઞ્ચ ચક્ખુવિઞ્ઞાણસ્સ અત્થિપચ્ચયેન પચ્ચયો…પે… કાયવિઞ્ઞાણસહગતા…પે… ચિત્તસહભૂ ખન્ધા ચ ચિત્તઞ્ચ નોચિત્તસહભૂનં ચિત્તસમુટ્ઠાનાનં રૂપાનં અત્થિપચ્ચયેન પચ્ચયો. સહજાતા – ચિત્તસહભૂ ખન્ધા ચ વત્થુ ચ ચિત્તસ્સ અત્થિપચ્ચયેન પચ્ચયો. સહજાતા – ચિત્તસહભૂ ખન્ધા ચ મહાભૂતા ચ નોચિત્તસહભૂનં ચિત્તસમુટ્ઠાનાનં રૂપાનં અત્થિપચ્ચયેન પચ્ચયો (પટિસન્ધિક્ખણે તીણિપિ કાતબ્બા). પચ્છાજાતા – ચિત્તસહભૂ ખન્ધા ચ ચિત્તઞ્ચ પુરેજાતસ્સ ઇમસ્સ નોચિત્તસહભુસ્સ કાયસ્સ અત્થિપચ્ચયેન પચ્ચયો. પચ્છાજાતા – ચિત્તસહભૂ ખન્ધા ચ કબળીકારો આહારો ચ ઇમસ્સ નોચિત્તસહભુસ્સ કાયસ્સ અત્થિપચ્ચયેન પચ્ચયો. પચ્છાજાતા – ચિત્તસહભૂ ખન્ધા ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૨)

ચિત્તસહભૂ ચ નોચિત્તસહભૂ ચ ધમ્મા ચિત્તસહભુસ્સ ચ નોચિત્તસહભુસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં. સહજાતો – ચક્ખુવિઞ્ઞાણસહગતો એકો ખન્ધો ચ ચક્ખાયતનં ચ…પે… (પચ્ચયવારસદિસં). (૩)