૧. વિભઙ્ગવારો

હેતુપચ્ચયો

૨૩૯. ચિત્તસહભું ધમ્મં પટિચ્ચ ચિત્તસહભૂ ધમ્મો ઉપ્પજ્જતિ હેતુપચ્ચયા – ચિત્તસહભું એકં ખન્ધં પટિચ્ચ દ્વે ખન્ધા ચિત્તસહભુ ચિત્તસમુટ્ઠાનઞ્ચ રૂપં, દ્વે ખન્ધે…પે… પટિસન્ધિક્ખણે ચિત્તસહભું એકં ખન્ધં પટિચ્ચ દ્વે ખન્ધા, દ્વે ખન્ધે…પે…. (૧)

ચિત્તસહભું ધમ્મં પટિચ્ચ નોચિત્તસહભૂ ધમ્મો ઉપ્પજ્જતિ હેતુપચ્ચયા – ચિત્તસહભૂ ખન્ધે પટિચ્ચ ચિત્તં નોચિત્તસહભુ ચિત્તસમુટ્ઠાનઞ્ચ રૂપં; પટિસન્ધિક્ખણે ચિત્તસહભૂ ખન્ધે પટિચ્ચ ચિત્તં કટત્તા ચ રૂપં. (૨)

ચિત્તસહભું ધમ્મં પટિચ્ચ ચિત્તસહભૂ ચ નોચિત્તસહભૂ ચ ધમ્મા ઉપ્પજ્જન્તિ હેતુપચ્ચયા – ચિત્તસહભું એકં ખન્ધં પટિચ્ચ દ્વે ખન્ધા ચિત્તઞ્ચ ચિત્તસહભુ ચ નોચિત્તસહભુ ચ ચિત્તસમુટ્ઠાનં રૂપં, દ્વે ખન્ધે…પે… પટિસન્ધિક્ખણે ચિત્તસહભું એકં ખન્ધં પટિચ્ચ દ્વે ખન્ધા ચિત્તઞ્ચ કટત્તા ચ રૂપં, દ્વે ખન્ધે…પે…. (૩)

૨૪૦. નોચિત્તસહભું ધમ્મં પટિચ્ચ નોચિત્તસહભૂ ધમ્મો ઉપ્પજ્જતિ હેતુપચ્ચયા – ચિત્તં પટિચ્ચ નોચિત્તસહભુ ચિત્તસમુટ્ઠાનં રૂપં; પટિસન્ધિક્ખણે ચિત્તં પટિચ્ચ કટત્તારૂપં, ચિત્તં પટિચ્ચ વત્થુ, વત્થું પટિચ્ચ ચિત્તં, એકં મહાભૂતં…પે… મહાભૂતે પટિચ્ચ નોચિત્તસહભુ ચિત્તસમુટ્ઠાનં રૂપં કટત્તારૂપં ઉપાદારૂપં. (૧)

નોચિત્તસહભું ધમ્મં પટિચ્ચ ચિત્તસહભૂ ધમ્મો ઉપ્પજ્જતિ હેતુપચ્ચયા – ચિત્તં પટિચ્ચ સમ્પયુત્તકા ખન્ધા ચિત્તસહભુ ચિત્તસમુટ્ઠાનઞ્ચ રૂપં; પટિસન્ધિક્ખણે ચિત્તં પટિચ્ચ સમ્પયુત્તકા ખન્ધા, પટિસન્ધિક્ખણે વત્થું પટિચ્ચ ચિત્તસહભૂ ખન્ધા, મહાભૂતે પટિચ્ચ ચિત્તસહભુ ચિત્તસમુટ્ઠાનં રૂપં ઉપાદારૂપં. (૨)

નોચિત્તસહભું ધમ્મં પટિચ્ચ ચિત્તસહભૂ ચ નોચિત્તસહભૂ ચ ધમ્મા ઉપ્પજ્જન્તિ હેતુપચ્ચયા – ચિત્તં પટિચ્ચ સમ્પયુત્તકા ખન્ધા ચિત્તસહભુ ચ નોચિત્તસહભુ ચ ચિત્તસમુટ્ઠાનં રૂપં; પટિસન્ધિક્ખણે ચિત્તં પટિચ્ચ સમ્પયુત્તકા ખન્ધા કટત્તા ચ રૂપં, પટિસન્ધિક્ખણે વત્થું પટિચ્ચ ચિત્તઞ્ચ સમ્પયુત્તકા ચ ખન્ધા, મહાભૂતે પટિચ્ચ ચિત્તસહભુ ચ નોચિત્તસહભુ ચ ચિત્તસમુટ્ઠાનં રૂપં ઉપાદારૂપં. (૩)

૨૪૧. ચિત્તસહભુઞ્ચ નોચિત્તસહભુઞ્ચ ધમ્મં પટિચ્ચ ચિત્તસહભૂ ધમ્મો ઉપ્પજ્જતિ હેતુપચ્ચયા – ચિત્તસહભું એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા ચિત્તસહભુ ચિત્તસમુટ્ઠાનઞ્ચ રૂપં, દ્વે ખન્ધે ચ…પે… પટિસન્ધિક્ખણે ચિત્તસહભું એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા, દ્વે ખન્ધે ચ…પે… પટિસન્ધિક્ખણે ચિત્તસહભું એકં ખન્ધઞ્ચ વત્થુઞ્ચ પટિચ્ચ દ્વે ખન્ધા, દ્વે ખન્ધે ચ…પે… ચિત્તસહભૂ ખન્ધે ચ મહાભૂતે ચ પટિચ્ચ ચિત્તસહભુ ચિત્તસમુટ્ઠાનં રૂપં ઉપાદારૂપં. (૧)

ચિત્તસહભુઞ્ચ નોચિત્તસહભુઞ્ચ ધમ્મં પટિચ્ચ નોચિત્તસહભૂ ધમ્મો ઉપ્પજ્જતિ હેતુપચ્ચયા – ચિત્તસહભૂ ખન્ધે ચ ચિત્તઞ્ચ પટિચ્ચ નોચિત્તસહભુ ચિત્તસમુટ્ઠાનં રૂપં; પટિસન્ધિક્ખણે ચિત્તસહભૂ ખન્ધે ચ ચિત્તઞ્ચ પટિચ્ચ કટત્તારૂપં, પટિસન્ધિક્ખણે ચિત્તસહભૂ ખન્ધે ચ વત્થુઞ્ચ પટિચ્ચ ચિત્તં, ચિત્તસહભૂ ખન્ધે ચ મહાભૂતે ચ પટિચ્ચ નોચિત્તસહભુ ચિત્તસમુટ્ઠાનં રૂપં કટત્તારૂપં ઉપાદારૂપં. (૨)

ચિત્તસહભુઞ્ચ નોચિત્તસહભુઞ્ચ ધમ્મં પટિચ્ચ ચિત્તસહભૂ ચ નોચિત્તસહભૂ ચ ધમ્મા ઉપ્પજ્જન્તિ હેતુપચ્ચયા – ચિત્તસહભું એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા ચિત્તસહભુ ચ નોચિત્તસહભુ ચ ચિત્તસમુટ્ઠાનં રૂપં, દ્વે ખન્ધે ચ…પે… પટિસન્ધિક્ખણે ચિત્તસહભું એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા કટત્તા ચ રૂપં, દ્વે ખન્ધે ચ…પે… પટિસન્ધિક્ખણે ચિત્તસહભું એક ખન્ધઞ્ચ વત્થુઞ્ચ પટિચ્ચ દ્વે ખન્ધા ચિત્તઞ્ચ, દ્વે ખન્ધે ચ…પે… ચિત્તસહભૂ ખન્ધે ચ મહાભૂતે ચ પટિચ્ચ કટત્તારૂપં ઉપાદારૂપં (સંખિત્તં). (૩)