૨. સઙ્ખ્યાવારો

સુદ્ધં

૨૩૨. હેતુયા તીણિ, આરમ્મણે નવ, અધિપતિયા નવ, અનન્તરે નવ, સમનન્તરે નવ, સહજાતે નવ, અઞ્ઞમઞ્ઞે નવ, નિસ્સયે નવ, ઉપનિસ્સયે નવ, પુરેજાતે નવ, પચ્છાજાતે નવ, આસેવને નવ, કમ્મે તીણિ, વિપાકે નવ (સબ્બત્થ નવ), ઇન્દ્રિયે નવ, ઝાને તીણિ, મગ્ગે તીણિ, સમ્પયુત્તે પઞ્ચ, વિપ્પયુત્તે નવ…પે… અવિગતે નવ.

અનુલોમં.

પચ્ચનીયુદ્ધારો

૨૩૩. ચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો… પચ્છાજાતપચ્ચયેન પચ્ચયો… કમ્મપચ્ચયેન પચ્ચયો. (૧)

ચિત્તસમુટ્ઠાનો ધમ્મો નોચિત્તસમુટ્ઠાનસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો… પચ્છાજાતપચ્ચયેન પચ્ચયો… કમ્મપચ્ચયેન પચ્ચયો… આહારપચ્ચયેન પચ્ચયો. (૨)

ચિત્તસમુટ્ઠાનો ધમ્મો ચિત્તસમુટ્ઠાનસ્સ ચ નોચિત્તસમુટ્ઠાનસ્સ ચ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો… પચ્છાજાતપચ્ચયેન પચ્ચયો… કમ્મપચ્ચયેન પચ્ચયો. (૩)

૨૩૪. નોચિત્તસમુટ્ઠાનો ધમ્મો નોચિત્તસમુટ્ઠાનસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો… પચ્છાજાતપચ્ચયેન પચ્ચયો… આહારપચ્ચયેન પચ્ચયો… ઇન્દ્રિયપચ્ચયેન પચ્ચયો. (૧)

નોચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો… પચ્છાજાતપચ્ચયેન પચ્ચયો. (૨)

નોચિત્તસમુટ્ઠાનો ધમ્મો ચિત્તસમુટ્ઠાનસ્સ ચ નોચિત્તસમુટ્ઠાનસ્સ ચ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો… પચ્છાજાતપચ્ચયેન પચ્ચયો. (૩)

૨૩૫. ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા ચિત્તસમુટ્ઠાનસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો… પચ્છાજાતપચ્ચયેન પચ્ચયો. (૧)

ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા નોચિત્તસમુટ્ઠાનસ્સ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો… પચ્છાજાતપચ્ચયેન પચ્ચયો… આહારપચ્ચયેન પચ્ચયો. (૨)

ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા ચિત્તસમુટ્ઠાનસ્સ ચ નોચિત્તસમુટ્ઠાનસ્સ ચ ધમ્મસ્સ આરમ્મણપચ્ચયેન પચ્ચયો… સહજાતપચ્ચયેન પચ્ચયો… ઉપનિસ્સયપચ્ચયેન પચ્ચયો… પુરેજાતપચ્ચયેન પચ્ચયો… પચ્છાજાતપચ્ચયેન પચ્ચયો. (૩)