૧. વિભઙ્ગવારો

હેતુપચ્ચયો

૨૧૦. ચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ હેતુપચ્ચયેન પચ્ચયો – ચિત્તસમુટ્ઠાના હેતૂ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૧)

ચિત્તસમુટ્ઠાનો ધમ્મો નોચિત્તસમુટ્ઠાનસ્સ ધમ્મસ્સ હેતુપચ્ચયેન પચ્ચયો – ચિત્તસમુટ્ઠાના હેતૂ ચિત્તસ્સ હેતુપચ્ચયેન પચ્ચયો; પટિસન્ધિક્ખણે ચિત્તસમુટ્ઠાના હેતૂ ચિત્તસ્સ કટત્તા ચ રૂપાનં હેતુપચ્ચયેન પચ્ચયો. (૨)

ચિત્તસમુટ્ઠાનો ધમ્મો ચિત્તસમુટ્ઠાનસ્સ ચ નોચિત્તસમુટ્ઠાનસ્સ ચ ધમ્મસ્સ હેતુપચ્ચયેન પચ્ચયો – ચિત્તસમુટ્ઠાના હેતૂ સમ્પયુત્તકાનં ખન્ધાનં ચિત્તસ્સ ચ ચિત્તસમુટ્ઠાનાનઞ્ચ રૂપાનં હેતુપચ્ચયેન પચ્ચયો; પટિસન્ધિક્ખણે…પે…. (૩)

આરમ્મણપચ્ચયો

૨૧૧. ચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ આરમ્મણપચ્ચયેન પચ્ચયો – ચિત્તસમુટ્ઠાને ખન્ધે આરબ્ભ ચિત્તસમુટ્ઠાના ખન્ધા ઉપ્પજ્જન્તિ. (મૂલં કાતબ્બં) ચિત્તસમુટ્ઠાને ખન્ધે આરબ્ભ ચિત્તં ઉપ્પજ્જતિ. (મૂલં કાતબ્બં) ચિત્તસમુટ્ઠાને ખન્ધે આરબ્ભ ચિત્તસમુટ્ઠાના ખન્ધા ચ ચિત્તઞ્ચ ઉપ્પજ્જન્તિ. (૩)

૨૧૨. નોચિત્તસમુટ્ઠાનો ધમ્મો નોચિત્તસમુટ્ઠાનસ્સ ધમ્મસ્સ આરમ્મણપચ્ચયેન પચ્ચયો – અરિયા મગ્ગા વુટ્ઠહિત્વા મગ્ગં પચ્ચવેક્ખન્તિ, ફલં…પે… નિબ્બાનં પચ્ચવેક્ખન્તિ. નિબ્બાનં ગોત્રભુસ્સ, વોદાનસ્સ, મગ્ગસ્સ, ફલસ્સ, આવજ્જનાય આરમ્મણપચ્ચયેન પચ્ચયો; ચક્ખું…પે… વત્થું નોચિત્તસમુટ્ઠાને ખન્ધે અનિચ્ચતો…પે… વિપસ્સતિ, અસ્સાદેતિ અભિનન્દતિ, તં આરબ્ભ ચિત્તં ઉપ્પજ્જતિ. દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. ચેતોપરિયઞાણેન નોચિત્તસમુટ્ઠાનચિત્તસમઙ્ગિસ્સ ચિત્તં જાનાતિ, આકાસાનઞ્ચાયતનં…પે… આકિઞ્ચઞ્ઞાયતનં…પે… રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં…પે… નોચિત્તસમુટ્ઠાના ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૧)

નોચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ આરમ્મણપચ્ચયેન પચ્ચયો – અરિયા મગ્ગા…પે… નિબ્બાનં પચ્ચવેક્ખન્તિ (પઠમગમનસદિસં); ચક્ખું…પે… વત્થું નોચિત્તસમુટ્ઠાને ખન્ધે અનિચ્ચતો…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ…પે… રૂપાયતનં ચક્ખુવિઞ્ઞાણસહગતાનં ખન્ધાનં…પે… ફોટ્ઠબ્બાયતનં…પે… નોચિત્તસમુટ્ઠાના ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ, અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૨)

નોચિત્તસમુટ્ઠાનો ધમ્મો ચિત્તસમુટ્ઠાનસ્સ ચ નોચિત્તસમુટ્ઠાનસ્સ ચ ધમ્મસ્સ આરમ્મણપચ્ચયેન પચ્ચયો – અરિયા મગ્ગા…પે… નિબ્બાનં પચ્ચવેક્ખન્તિ (પઠમગમનસદિસં), નોચિત્તસમુટ્ઠાને ખન્ધે અનિચ્ચતો…પે… વિપસ્સતિ અસ્સાદેતિ અભિનન્દતિ, તં આરબ્ભ ચિત્તઞ્ચ સમ્પયુત્તકા ચ ખન્ધા ઉપ્પજ્જન્તિ. દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ સમ્પયુત્તકાનઞ્ચ ખન્ધાનં…પે… ફોટ્ઠબ્બાયતનં…પે… નોચિત્તસમુટ્ઠાના ખન્ધા ઇદ્ધિવિધઞાણસ્સ, ચેતોપરિયઞાણસ્સ, પુબ્બેનિવાસાનુસ્સતિઞાણસ્સ અનાગતંસઞાણસ્સ, આવજ્જનાય આરમ્મણપચ્ચયેન પચ્ચયો. (૩)

ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા ચિત્તસમુટ્ઠાનસ્સ ધમ્મસ્સ આરમ્મણપચ્ચયેન પચ્ચયો… તીણિ (આરબ્ભ કાતબ્બા).

અધિપતિપચ્ચયો

૨૧૩. ચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – ચિત્તસમુટ્ઠાને ખન્ધે ગરું કત્વા ચિત્તસમુટ્ઠાના ખન્ધા ઉપ્પજ્જન્તિ. સહજાતાધિપતિ – ચિત્તસમુટ્ઠાનાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો (તીણિપિ આરમ્મણાધિપતિ, સહજાતાધિપતિપિ કાતબ્બા). (૩)

નોચિત્તસમુટ્ઠાનો ધમ્મો નોચિત્તસમુટ્ઠાનસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ – અરિયા મગ્ગા…પે… નિબ્બાનં ગરું કત્વા…પે… નોચિત્તસમુટ્ઠાને ખન્ધે ગરું કત્વા અસ્સાદેતિ અભિનન્દતિ, તં ગરું કત્વા ચિત્તં ઉપ્પજ્જતિ. (૧)

નોચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ, સહજાતાધિપતિ. આરમ્મણાધિપતિ – અરિયા મગ્ગા…પે… નિબ્બાનં ગરું કત્વા પચ્ચવેક્ખન્તિ…પે… નોચિત્તસમુટ્ઠાને ખન્ધે ગરું કત્વા અસ્સાદેતિ અભિનન્દતિ, તં ગરું કત્વા રાગો ઉપ્પજ્જતિ, દિટ્ઠિ ઉપ્પજ્જતિ. સહજાતાધિપતિ – નોચિત્તસમુટ્ઠાનાધિપતિ સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં અધિપતિપચ્ચયેન પચ્ચયો. (૨)

નોચિત્તસમુટ્ઠાનો ધમ્મો ચિત્તસમુટ્ઠાનસ્સ ચ નોચિત્તસમુટ્ઠાનસ્સ ચ ધમ્મસ્સ અધિપતિપચ્ચયેન પચ્ચયો. આરમ્મણાધિપતિ – અરિયા મગ્ગા…પે… નિબ્બાનં ગરું કત્વા પચ્ચવેક્ખન્તિ…પે… નોચિત્તસમુટ્ઠાને ખન્ધે ગરું કત્વા…પે… ચિત્તઞ્ચ સમ્પયુત્તકા ચ ખન્ધા ઉપ્પજ્જન્તિ. (૩)

ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા ચિત્તસમુટ્ઠાનસ્સ ધમ્મસ્સ અધિપતિપચ્ચયેન પચ્ચયો – આરમ્મણાધિપતિ… તીણિ (આરમ્મણાધિપતિયેવ).

અનન્તર-સમનન્તરપચ્ચયા

૨૧૪. ચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ અનન્તરપચ્ચયેન પચ્ચયો… તીણિ (વુટ્ઠાનં નત્થિ).

નોચિત્તસમુટ્ઠાનો ધમ્મો નોચિત્તસમુટ્ઠાનસ્સ ધમ્મસ્સ અનન્તરપચ્ચયેન પચ્ચયો – પુરિમં પુરિમં ચિત્તં પચ્છિમસ્સ પચ્છિમસ્સ…પે… નિરોધા વુટ્ઠહન્તસ્સ નેવસઞ્ઞાનાસઞ્ઞાયતનં ફલસમાપત્તિયા અનન્તરપચ્ચયેન પચ્ચયો (ઇતરે દ્વે ગણના, ઇમસ્સ સદિસાયેવ કાતબ્બા).

ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા ચિત્તસમુટ્ઠાનસ્સ ધમ્મસ્સ અનન્તરપચ્ચયેન પચ્ચયો (તીણિ કાતબ્બા, વુટ્ઠાનં નત્થિ)… સમનન્તરપચ્ચયેન પચ્ચયો.

સહજાતપચ્ચયાદિ

૨૧૫. ચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ સહજાતપચ્ચયેન પચ્ચયો (પટિચ્ચવારસદિસં)… અઞ્ઞમઞ્ઞપચ્ચયેન પચ્ચયો (પટિચ્ચવારસદિસં)… નિસ્સયપચ્ચયેન પચ્ચયો (પચ્ચયવારસદિસં).

ઉપનિસ્સયપચ્ચયો

૨૧૬. ચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – (તીણિ પઞ્હા કાતબ્બા). (૩)

નોચિત્તસમુટ્ઠાનો ધમ્મો નોચિત્તસમુટ્ઠાનસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ઉતું… ભોજનં… સેનાસનં ચિત્તં ઉપનિસ્સાય દાનં દેતિ…પે… સઙ્ઘં ભિન્દતિ; ઉતુ… ભોજનં… સેનાસનં ચિત્તં ચિત્તસ્સ ઉપનિસ્સયપચ્ચયેન પચ્ચયો. (૧)

નોચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ઉતું… ભોજનં… સેનાસનં ચિત્તં ઉપનિસ્સાય દાનં દેતિ…પે… સઙ્ઘં ભિન્દતિ; ઉતુ… ભોજનં… સેનાસનં ચિત્તં સદ્ધાય…પે… મગ્ગસ્સ ફલસમાપત્તિયા ઉપનિસ્સયપચ્ચયેન પચ્ચયો. (૨)

નોચિત્તસમુટ્ઠાનો ધમ્મો ચિત્તસમુટ્ઠાનસ્સ ચ નોચિત્તસમુટ્ઠાનસ્સ ચ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો – ઉતું… ભોજનં… સેનાસનં ચિત્તં ઉપનિસ્સાય દાનં દેતિ…પે… સઙ્ઘં ભિન્દતિ; ઉતુ… ભોજનં… સેનાસનં ચિત્તં ચિત્તસમુટ્ઠાનાનં ખન્ધાનં ચિત્તસ્સ ચ ઉપનિસ્સયપચ્ચયેન પચ્ચયો. (૩)

ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા ચિત્તસમુટ્ઠાનસ્સ ધમ્મસ્સ ઉપનિસ્સયપચ્ચયેન પચ્ચયો – આરમ્મણૂપનિસ્સયો, અનન્તરૂપનિસ્સયો, પકતૂપનિસ્સયો…પે…. પકતૂપનિસ્સયો… તીણિ.

પુરેજાતપચ્ચયો

૨૧૭. ચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ પુરેજાતપચ્ચયેન પચ્ચયો. આરમ્મણપુરેજાતં – ચિત્તસમુટ્ઠાને રૂપે…પે… ફોટ્ઠબ્બે અનિચ્ચતો…પે… વિપસ્સતિ…પે… દોમનસ્સં ઉપ્પજ્જતિ; દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસહગતાનં ખન્ધાનં પુરેજાતપચ્ચયેન પચ્ચયો…પે… ફોટ્ઠબ્બાયતનં કાયવિઞ્ઞાણસહગતાનં ખન્ધાનં પુરેજાતપચ્ચયેન પચ્ચયો. (૧)

ચિત્તસમુટ્ઠાનો ધમ્મો નોચિત્તસમુટ્ઠાનસ્સ ધમ્મસ્સ પુરેજાતપચ્ચયેન પચ્ચયો. આરમ્મણપુરેજાતં – ચિત્તસમુટ્ઠાને રૂપે…પે… ફોટ્ઠબ્બે અનિચ્ચતો…પે… વિપસ્સતિ અસ્સાદેતિ અભિનન્દતિ, તં આરબ્ભ ચિત્તં ઉપ્પજ્જતિ. દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં કાયવિઞ્ઞાણસ્સ પુરેજાતપચ્ચયેન પચ્ચયો. (૨)

ચિત્તસમુટ્ઠાનો ધમ્મો ચિત્તસમુટ્ઠાનસ્સ ચ નોચિત્તસમુટ્ઠાનસ્સ ચ ધમ્મસ્સ પુરેજાતપચ્ચયેન પચ્ચયો. આરમ્મણપુરેજાતં – ચિત્તસમુટ્ઠાને રૂપે…પે… ફોટ્ઠબ્બે અનિચ્ચતો…પે… વિપસ્સતિ અસ્સાદેતિ અભિનન્દતિ, તં આરબ્ભ ચિત્તઞ્ચ સમ્પયુત્તકા ચ ખન્ધા ઉપ્પજ્જન્તિ. દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ સમ્પયુત્તકાનઞ્ચ ખન્ધાનં પુરેજાતપચ્ચયેન પચ્ચયો…પે… ફોટ્ઠબ્બાયતનં…પે…. (૩)

૨૧૮. નોચિત્તસમુટ્ઠાનો ધમ્મો નોચિત્તસમુટ્ઠાનસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… કાયં, રૂપે…પે… ફોટ્ઠબ્બે વત્થું અનિચ્ચતો…પે… તં આરબ્ભ ચિત્તં ઉપ્પજ્જતિ. દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ…પે… ફોટ્ઠબ્બાયતનં …પે…. વત્થુપુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં…પે… વત્થુ ચિત્તસ્સ પુરેજાતપચ્ચયેન પચ્ચયો. (૧)

નોચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… દોમનસ્સં ઉપ્પજ્જતિ. દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસહગતાનં ખન્ધાનં…પે… ફોટ્ઠબ્બાયતનં…પે…. વત્થુપુરેજાતં – ચક્ખાયતનં ચક્ખુવિઞ્ઞાણસહગતાનં ખન્ધાનં…પે… કાયાયતનં…પે… વત્થુ ચિત્તસમુટ્ઠાનાનં ખન્ધાનં પુરેજાતપચ્ચયેન પચ્ચયો. (૨)

નોચિત્તસમુટ્ઠાનો ધમ્મો ચિત્તસમુટ્ઠાનસ્સ ચ નોચિત્તસમુટ્ઠાનસ્સ ચ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. આરમ્મણપુરેજાતં – ચક્ખું…પે… વત્થું અનિચ્ચતો…પે… તં આરબ્ભ ચિત્તઞ્ચ સમ્પયુત્તકા ચ ખન્ધા ઉપ્પજ્જન્તિ. દિબ્બેન ચક્ખુના રૂપં પસ્સતિ, દિબ્બાય સોતધાતુયા સદ્દં સુણાતિ. રૂપાયતનં ચક્ખુવિઞ્ઞાણસ્સ સમ્પયુત્તકાનઞ્ચ ખન્ધાનં…પે… ફોટ્ઠબ્બાયતનં…પે…. વત્થુપુરેજાતં – ચક્ખાયતનં ચક્ખુવિઞ્ઞાણસ્સ સમ્પયુત્તકાનઞ્ચ ખન્ધાનં…પે… કાયાયતનં…પે… વત્થુ ચિત્તસ્સ સમ્પયુત્તકાનઞ્ચ ખન્ધાનં પુરેજાતપચ્ચયેન પચ્ચયો. (૩)

૨૧૯. ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા ચિત્તસમુટ્ઠાનસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. ચિત્તસમુટ્ઠાનં રૂપાયતનઞ્ચ ચક્ખાયતનઞ્ચ ચક્ખુવિઞ્ઞાણસહગતાનં ખન્ધાનં …પે… ચિત્તસમુટ્ઠાનં ફોટ્ઠબ્બાયતનઞ્ચ કાયાયતનઞ્ચ કાયવિઞ્ઞાણસહગતાનં ખન્ધાનં પુરેજાતપચ્ચયેન પચ્ચયો; ચિત્તસમુટ્ઠાનં રૂપાયતનઞ્ચ વત્થુ ચ ચિત્તસમુટ્ઠાનાનં ખન્ધાનં પુરેજાતપચ્ચયેન પચ્ચયો…પે… ચિત્તસમુટ્ઠાનં ફોટ્ઠબ્બાયતનઞ્ચ વત્થુ ચ…પે…. (૧)

ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા નોચિત્તસમુટ્ઠાનસ્સ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. ચિત્તસમુટ્ઠાનં રૂપાયતનઞ્ચ ચક્ખાયતનઞ્ચ ચક્ખુવિઞ્ઞાણસ્સ…પે… ચિત્તસમુટ્ઠાનં ફોટ્ઠબ્બાયતનઞ્ચ કાયાયતનઞ્ચ કાયવિઞ્ઞાણસ્સ પુરેજાતપચ્ચયેન પચ્ચયો; ચિત્તસમુટ્ઠાનં રૂપાયતનઞ્ચ વત્થુ ચ ચિત્તસ્સ પુરેજાતપચ્ચયેન પચ્ચયો…પે… ચિત્તસમુટ્ઠાનં ફોટ્ઠબ્બાયતનઞ્ચ વત્થુ ચ…પે…. (૨)

ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા ચિત્તસમુટ્ઠાનસ્સ ચ નોચિત્તસમુટ્ઠાનસ્સ ચ ધમ્મસ્સ પુરેજાતપચ્ચયેન પચ્ચયો – આરમ્મણપુરેજાતં, વત્થુપુરેજાતં. ચિત્તસમુટ્ઠાનં રૂપાયતનઞ્ચ ચક્ખાયતનઞ્ચ ચક્ખુવિઞ્ઞાણસ્સ સમ્પયુત્તકાનઞ્ચ ખન્ધાનં પુરેજાતપચ્ચયેન પચ્ચયો…પે… ચિત્તસમુટ્ઠાનં ફોટ્ઠબ્બાયતનં ચ…પે… ચિત્તસમુટ્ઠાનં રૂપાયતનઞ્ચ વત્થુ ચ ચિત્તસ્સ સમ્પયુત્તકાનઞ્ચ ખન્ધાનં પુરેજાતપચ્ચયેન પચ્ચયો…પે… ચિત્તસમુટ્ઠાનં ફોટ્ઠબ્બાયતનઞ્ચ વત્થુ ચ…પે…. (૩)

પચ્છાજાતાસેવનપચ્ચયા

૨૨૦. ચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ પચ્છાજાતપચ્ચયેન પચ્ચયો – પચ્છાજાતા ચિત્તસમુટ્ઠાના ખન્ધા પુરેજાતસ્સ ઇમસ્સ ચિત્તસમુટ્ઠાનસ્સ કાયસ્સ પચ્છાજાતપચ્ચયેન પચ્ચયો (ઇમિનાકારેનેવ પચ્છાજાતો વિત્થારેતબ્બો)… આસેવનપચ્ચયેન પચ્ચયો… નવ.

કમ્મ-વિપાકપચ્ચયા

૨૨૧. ચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – ચિત્તસમુટ્ઠાના ચેતના સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – ચિત્તસમુટ્ઠાના ચેતના વિપાકાનં ખન્ધાનં કમ્મપચ્ચયેન પચ્ચયો. (૧)

ચિત્તસમુટ્ઠાનો ધમ્મો નોચિત્તસમુટ્ઠાનસ્સ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – ચિત્તસમુટ્ઠાના ચેતના ચિત્તસ્સ કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – ચિત્તસમુટ્ઠાના ચેતના વિપાકસ્સ ચિત્તસ્સ કટત્તા ચ રૂપાનં કમ્મપચ્ચયેન પચ્ચયો. (૨)

ચિત્તસમુટ્ઠાનો ધમ્મો ચિત્તસમુટ્ઠાનસ્સ ચ નોચિત્તસમુટ્ઠાનસ્સ ચ ધમ્મસ્સ કમ્મપચ્ચયેન પચ્ચયો – સહજાતા, નાનાક્ખણિકા. સહજાતા – ચિત્તસમુટ્ઠાના ચેતના સમ્પયુત્તકાનં ખન્ધાનં ચિત્તસ્સ ચ ચિત્તસમુટ્ઠાનાનઞ્ચ રૂપાનં કમ્મપચ્ચયેન પચ્ચયો; પટિસન્ધિક્ખણે…પે…. નાનાક્ખણિકા – ચિત્તસમુટ્ઠાના ચેતના વિપાકાનં ખન્ધાનં ચિત્તસ્સ ચ કટત્તા ચ રૂપાનં કમ્મપચ્ચયેન પચ્ચયો. (૩)

ચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ વિપાકપચ્ચયેન પચ્ચયો… નવ.

આહારપચ્ચયો

૨૨૨. ચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ આહારપચ્ચયેન પચ્ચયો – ચિત્તસમુટ્ઠાના આહારા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો; પટિસન્ધિક્ખણે…પે…. (મૂલં કાતબ્બં) ચિત્તસમુટ્ઠાના આહારા ચિત્તસ્સ આહારપચ્ચયેન પચ્ચયો; પટિસન્ધિક્ખણે…પે… ચિત્તસમુટ્ઠાનો કબળીકારો આહારો ઇમસ્સ નોચિત્તસમુટ્ઠાનસ્સ કાયસ્સ આહારપચ્ચયેન પચ્ચયો. (મૂલં કાતબ્બં) ચિત્તસમુટ્ઠાના આહારા સમ્પયુત્તકાનં ખન્ધાનં ચિત્તસ્સ ચ ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો; પટિસન્ધિક્ખણે…પે…. (૩)

૨૨૩. નોચિત્તસમુટ્ઠાનો ધમ્મો નોચિત્તસમુટ્ઠાનસ્સ ધમ્મસ્સ આહારપચ્ચયેન પચ્ચયો – પટિસન્ધિક્ખણે નોચિત્તસમુટ્ઠાના આહારા કટત્તારૂપાનં આહારપચ્ચયેન પચ્ચયો; નોચિત્તસમુટ્ઠાનો કબળીકારો આહારો ઇમસ્સ નોચિત્તસમુટ્ઠાનસ્સ કાયસ્સ આહારપચ્ચયેન પચ્ચયો. (મૂલં કાતબ્બં) નોચિત્તસમુટ્ઠાના આહારા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો; પટિસન્ધિક્ખણે…પે…. (મૂલં કાતબ્બં) પટિસન્ધિક્ખણે નોચિત્તસમુટ્ઠાના આહારા સમ્પયુત્તકાનં ખન્ધાનં કટત્તા ચ રૂપાનં આહારપચ્ચયેન પચ્ચયો. (૩)

૨૨૪. ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા ચિત્તસમુટ્ઠાનસ્સ ધમ્મસ્સ આહારપચ્ચયેન પચ્ચયો – ચિત્તસમુટ્ઠાના ચ નોચિત્તસમુટ્ઠાના ચ આહારા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં આહારપચ્ચયેન પચ્ચયો; પટિસન્ધિક્ખણે…પે…. (મૂલં કાતબ્બં) પટિસન્ધિક્ખણે ચિત્તસમુટ્ઠાના ચ નોચિત્તસમુટ્ઠાના ચ આહારા કટત્તારૂપાનં આહારપચ્ચયેન પચ્ચયો; ચિત્તસમુટ્ઠાનો ચ નોચિત્તસમુટ્ઠાનો ચ કબળીકારો આહારો ઇમસ્સ નોચિત્તસમુટ્ઠાનસ્સ કાયસ્સ આહારપચ્ચયેન પચ્ચયો. (મૂલં કાતબ્બં) પટિસન્ધિક્ખણે ચિત્તસમુટ્ઠાના ચ નોચિત્તસમુટ્ઠાના ચ આહારા સમ્પયુત્તકાનં ખન્ધાનં કટત્તા ચ રૂપાનં આહારપચ્ચયેન પચ્ચયો. (૩)

ઇન્દ્રિયપચ્ચયાદિ

૨૨૫. ચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ ઇન્દ્રિયપચ્ચયેન પચ્ચયો… તીણિ.

નોચિત્તસમુટ્ઠાનો ધમ્મો નોચિત્તસમુટ્ઠાનસ્સ ધમ્મસ્સ ઇન્દ્રિયપચ્ચયેન પચ્ચયો – પટિસન્ધિક્ખણે નોચિત્તસમુટ્ઠાના ઇન્દ્રિયા કટત્તારૂપાનં ઇન્દ્રિયપચ્ચયેન પચ્ચયો; પટિસન્ધિક્ખણે…પે… ચક્ખુન્દ્રિયં ચક્ખુવિઞ્ઞાણસ્સ…પે… કાયિન્દ્રિયં કાયવિઞ્ઞાણસ્સ…પે… રૂપજીવિતિન્દ્રિયં કટત્તારૂપાનં ઇન્દ્રિયપચ્ચયેન પચ્ચયો. (મૂલં કાતબ્બં) નોચિત્તસમુટ્ઠાના ઇન્દ્રિયા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં ઇન્દ્રિયપચ્ચયેન પચ્ચયો; પટિસન્ધિક્ખણે…પે… ચક્ખુન્દ્રિયં ચક્ખુવિઞ્ઞાણસહગતાનં ખન્ધાનં…પે… કાયિન્દ્રિયં…પે…. (મૂલં કાતબ્બં) પટિસન્ધિક્ખણે નોચિત્તસમુટ્ઠાના ઇન્દ્રિયા સમ્પયુત્તકાનં ખન્ધાનં કટત્તા ચ રૂપાનં ઇન્દ્રિયપચ્ચયેન પચ્ચયો; ચક્ખુન્દ્રિયં ચક્ખુવિઞ્ઞાણસ્સ ચક્ખુવિઞ્ઞાણસહગતાનઞ્ચ ખન્ધાનં…પે… કાયિન્દ્રિયં…પે…. (૩)

૨૨૬. ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા ચિત્તસમુટ્ઠાનસ્સ ધમ્મસ્સ ઇન્દ્રિયપચ્ચયેન પચ્ચયો – ચિત્તસમુટ્ઠાના ચ નોચિત્તસમુટ્ઠાના ચ ઇન્દ્રિયા સમ્પયુત્તકાનં ખન્ધાનં ચિત્તસમુટ્ઠાનાનઞ્ચ રૂપાનં ઇન્દ્રિયપચ્ચયેન પચ્ચયો; પટિસન્ધિક્ખણે…પે… ચક્ખુન્દ્રિયઞ્ચ ઉપેક્ખિન્દ્રિયઞ્ચ ચક્ખુવિઞ્ઞાણસહગતાનં ખન્ધાનં…પે… કાયિન્દ્રિયઞ્ચ સુખિન્દ્રિયઞ્ચ…પે… કાયિન્દ્રિયઞ્ચ દુક્ખિન્દ્રિયઞ્ચ કાયવિઞ્ઞાણસહગતાનં ખન્ધાનં ઇન્દ્રિયપચ્ચયેન પચ્ચયો. (મૂલં કાતબ્બં) પટિસન્ધિક્ખણે ચિત્તસમુટ્ઠાના ચ નોચિત્તસમુટ્ઠાના ચ ઇન્દ્રિયા કટત્તારૂપાનં ઇન્દ્રિયપચ્ચયેન પચ્ચયો; ચક્ખુન્દ્રિયઞ્ચ ઉપેક્ખિન્દ્રિયઞ્ચ ચક્ખુવિઞ્ઞાણસ્સ …પે… કાયિન્દ્રિયઞ્ચ…પે…. (મૂલં કાતબ્બં) પટિસન્ધિક્ખણે ચિત્તસમુટ્ઠાના ચ નોચિત્તસમુટ્ઠાના ચ ઇન્દ્રિયા સમ્પયુત્તકાનં ખન્ધાનં કટત્તા ચ રૂપાનં ઇન્દ્રિયપચ્ચયેન પચ્ચયો; ચક્ખુન્દ્રિયઞ્ચ ઉપેક્ખિન્દ્રિયઞ્ચ ચક્ખુવિઞ્ઞાણસ્સ સમ્પયુત્તકાનઞ્ચ ખન્ધાનં ઇન્દ્રિયપચ્ચયેન પચ્ચયો; કાયિન્દ્રિયં ચ…પે…. (૩)

ઝાનપચ્ચયેન પચ્ચયો… તીણિ… મગ્ગપચ્ચયેન પચ્ચયો… તીણિ… સમ્પયુત્તપચ્ચયેન પચ્ચયો… પઞ્ચ…પે….

વિપ્પયુત્તપચ્ચયો

૨૨૭. ચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં). (૧)

ચિત્તસમુટ્ઠાનો ધમ્મો નોચિત્તસમુટ્ઠાનસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં. સહજાતં – પટિસન્ધિક્ખણે (સંખિત્તં). (૨)

ચિત્તસમુટ્ઠાનો ધમ્મો ચિત્તસમુટ્ઠાનસ્સ ચ નોચિત્તસમુટ્ઠાનસ્સ ચ ધમ્મસ્સ વિપ્પયુત્તપચ્ચયેન પચ્ચયો… પચ્છાજાતં (સંખિત્તં). (૩)

૨૨૮. નોચિત્તસમુટ્ઠાનો ધમ્મો નોચિત્તસમુટ્ઠાનસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતં – પટિસન્ધિક્ખણે ચિત્તં કટત્તા રૂપાનં વિપ્પયુત્તપચ્ચયેન પચ્ચયો, ચિત્તં વત્થુસ્સ વિપ્પયુત્તપચ્ચયેન પચ્ચયો, વત્થુ ચિત્તસ્સ વિપ્પયુત્તપચ્ચયેન પચ્ચયો. પુરેજાતં – ચક્ખાયતનં ચક્ખુવિઞ્ઞાણસ્સ…પે… કાયાયતનં કાયવિઞ્ઞાણસ્સ…પે… વત્થુ ચિત્તસ્સ વિપ્પયુત્તપચ્ચયેન પચ્ચયો. પચ્છાજાતા – નોચિત્તસમુટ્ઠાના ખન્ધા પુરેજાતસ્સ ઇમસ્સ નોચિત્તસમુટ્ઠાનસ્સ કાયસ્સ વિપ્પયુત્તપચ્ચયેન પચ્ચયો. (૧)

નોચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં (સંખિત્તં). (૨)

નોચિત્તસમુટ્ઠાનો ધમ્મો ચિત્તસમુટ્ઠાનસ્સ ચ નોચિત્તસમુટ્ઠાનસ્સ ચ ધમ્મસ્સ વિપ્પયુત્તપચ્ચયેન પચ્ચયો – સહજાતં, પુરેજાતં, પચ્છાજાતં (સંખિત્તં). (૩)

૨૨૯. ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા ચિત્તસમુટ્ઠાનસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં). (૧)

ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા નોચિત્તસમુટ્ઠાનસ્સ ધમ્મસ્સ વિપ્પયુત્તપચ્ચયેન પચ્ચયો – સહજાતં, પચ્છાજાતં (સંખિત્તં). (૨)

ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા ચિત્તસમુટ્ઠાનસ્સ ચ નોચિત્તસમુટ્ઠાનસ્સ ચ ધમ્મસ્સ વિપ્પયુત્તપચ્ચયેન પચ્ચયો… પચ્છાજાતં (સંખિત્તં). (૩)

અત્થિપચ્ચયાદિ

૨૩૦. ચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં (સંખિત્તં). (૧)

ચિત્તસમુટ્ઠાનો ધમ્મો નોચિત્તસમુટ્ઠાનસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં (સંખિત્તં). (૨)

ચિત્તસમુટ્ઠાનો ધમ્મો ચિત્તસમુટ્ઠાનસ્સ ચ નોચિત્તસમુટ્ઠાનસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં (સંખિત્તં). (૩)

નોચિત્તસમુટ્ઠાનો ધમ્મો નોચિત્તસમુટ્ઠાનસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં (સંખિત્તં). (૧)

નોચિત્તસમુટ્ઠાનો ધમ્મો ચિત્તસમુટ્ઠાનસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં (સંખિત્તં). (૨)

નોચિત્તસમુટ્ઠાનો ધમ્મો ચિત્તસમુટ્ઠાનસ્સ ચ નોચિત્તસમુટ્ઠાનસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં (સંખિત્તં). (૩)

૨૩૧. ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા ચિત્તસમુટ્ઠાનસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતો – ચક્ખુવિઞ્ઞાણસહગતો એકો ખન્ધો…પે… (સંખિત્તં). (૧)

ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા નોચિત્તસમુટ્ઠાનસ્સ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં, આહારં, ઇન્દ્રિયં. સહજાતા – ચક્ખુવિઞ્ઞાણસહગતા ખન્ધા ચ ચક્ખાયતનઞ્ચ ચક્ખુવિઞ્ઞાણસ્સ અત્થિપચ્ચયેન પચ્ચયો…પે… કાયવિઞ્ઞાણસહગતા…પે…. સહજાતા – ચિત્તસમુટ્ઠાના…પે… (પચ્ચયવારસદિસં પટિસન્ધિપિ પવત્તિપિ કાતબ્બા સબ્બેસમ્પિ પઞ્હાનં.) પચ્છાજાતા – ચિત્તસમુટ્ઠાના ખન્ધા ચ ચિત્તઞ્ચ પુરેજાતસ્સ ઇમસ્સ નોચિત્તસમુટ્ઠાનસ્સ કાયસ્સ અત્થિપચ્ચયેન પચ્ચયો. પચ્છાજાતા – ચિત્તસમુટ્ઠાના ખન્ધા ચ ચિત્તઞ્ચ કબળીકારો આહારો ચ ઇમસ્સ નોચિત્તસમુટ્ઠાનસ્સ કાયસ્સ અત્થિપચ્ચયેન પચ્ચયો. પચ્છાજાતા – ચિત્તસમુટ્ઠાના ખન્ધા ચ ચિત્તઞ્ચ રૂપજીવિતિન્દ્રિયઞ્ચ કટત્તારૂપાનં અત્થિપચ્ચયેન પચ્ચયો. (૨)

ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા ચિત્તસમુટ્ઠાનસ્સ ચ નોચિત્તસમુટ્ઠાનસ્સ ચ ધમ્મસ્સ અત્થિપચ્ચયેન પચ્ચયો – સહજાતં, પુરેજાતં, પચ્છાજાતં. સહજાતો – ચક્ખુવિઞ્ઞાણસહગતો…પે… (સંખિત્તં). (૩)

નત્થિપચ્ચયેન પચ્ચયો… વિગતપચ્ચયેન પચ્ચયો… અવિગતપચ્ચયેન પચ્ચયો.