૧. વિભઙ્ગવારો

નહેતુપચ્ચયો

૧૯૩. ચિત્તસમુટ્ઠાનં ધમ્મં પટિચ્ચ ચિત્તસમુટ્ઠાનો ધમ્મો ઉપ્પજ્જતિ નહેતુપચ્ચયા – અહેતુકં ચિત્તસમુટ્ઠાનં એકં ખન્ધં પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં, દ્વે ખન્ધે…પે… અહેતુકપટિસન્ધિક્ખણે ચિત્તસમુટ્ઠાનં એકં ખન્ધં પટિચ્ચ દ્વે ખન્ધા, દ્વે ખન્ધે…પે… ચિત્તસમુટ્ઠાનં એકં મહાભૂતં…પે… મહાભૂતે પટિચ્ચ ચિત્તસમુટ્ઠાનં રૂપં ઉપાદારૂપં, વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

ચિત્તસમુટ્ઠાનં ધમ્મં પટિચ્ચ નોચિત્તસમુટ્ઠાનો ધમ્મો ઉપ્પજ્જતિ હેતુપચ્ચયા – અહેતુકે ચિત્તસમુટ્ઠાને ખન્ધે પટિચ્ચ ચિત્તં; અહેતુકપટિસન્ધિક્ખણે ચિત્તસમુટ્ઠાને ખન્ધે પટિચ્ચ ચિત્તં કટત્તા ચ રૂપં. (૨)

ચિત્તસમુટ્ઠાનં ધમ્મં પટિચ્ચ ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા ઉપ્પજ્જન્તિ નહેતુપચ્ચયા – અહેતુકં ચિત્તસમુટ્ઠાનં એકં ખન્ધં પટિચ્ચ દ્વે ખન્ધા ચિત્તઞ્ચ ચિત્તસમુટ્ઠાનઞ્ચ રૂપં, દ્વે ખન્ધે…પે… અહેતુકપટિસન્ધિક્ખણે…પે…. (૩)

૧૯૪. નોચિત્તસમુટ્ઠાનં ધમ્મં પટિચ્ચ નોચિત્તસમુટ્ઠાનો ધમ્મો ઉપ્પજ્જતિ નહેતુપચ્ચયા – અહેતુકપટિસન્ધિક્ખણે ચિત્તં પટિચ્ચ કટત્તારૂપં, ચિત્તં પટિચ્ચ વત્થુ, વત્થું પટિચ્ચ ચિત્તં, એકં મહાભૂતં…પે… (યાવ અસઞ્ઞસત્તા કાતબ્બા). (૧)

નોચિત્તસમુટ્ઠાનં ધમ્મં પટિચ્ચ ચિત્તસમુટ્ઠાનો ધમ્મો ઉપ્પજ્જતિ નહેતુપચ્ચયા – અહેતુકં ચિત્તં પટિચ્ચ સમ્પયુત્તકા ખન્ધા ચિત્તસમુટ્ઠાનઞ્ચ રૂપં; અહેતુકપટિસન્ધિક્ખણે ચિત્તં…પે… અહેતુકપટિસન્ધિક્ખણે વત્થું પટિચ્ચ ચિત્તસમુટ્ઠાના ખન્ધા, વિચિકિચ્છાસહગતે ઉદ્ધચ્ચસહગતે ખન્ધે પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૨)

નોચિત્તસમુટ્ઠાનં ધમ્મં પટિચ્ચ ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા ઉપ્પજ્જન્તિ નહેતુપચ્ચયા – અહેતુકપટિસન્ધિક્ખણે ચિત્તં પટિચ્ચ સમ્પયુત્તકા ખન્ધા કટત્તા ચ રૂપં; અહેતુકપટિસન્ધિક્ખણે વત્થું પટિચ્ચ ચિત્તં સમ્પયુત્તકા ખન્ધા ચ. (૩)

૧૯૫. ચિત્તસમુટ્ઠાનઞ્ચ નોચિત્તસમુટ્ઠાનઞ્ચ ધમ્મં પટિચ્ચ ચિત્તસમુટ્ઠાનો ધમ્મો ઉપ્પજ્જતિ નહેતુપચ્ચયા – અહેતુકં ચિત્તસમુટ્ઠાનં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા ચિત્તસમુટ્ઠાનઞ્ચ રૂપં, દ્વે ખન્ધે…પે… અહેતુકપટિસન્ધિક્ખણે ચિત્તસમુટ્ઠાનં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા, દ્વે ખન્ધે…પે… અહેતુકપટિસન્ધિક્ખણે ચિત્તસમુટ્ઠાનં એકં ખન્ધઞ્ચ વત્થુઞ્ચ પટિચ્ચ દ્વે ખન્ધા, દ્વે ખન્ધે…પે… વિચિકિચ્છાસહગતે ઉદ્ધચ્ચસહગતે ખન્ધે ચ ચિત્તઞ્ચ પટિચ્ચ વિચિકિચ્છાસહગતો ઉદ્ધચ્ચસહગતો મોહો. (૧)

ચિત્તસમુટ્ઠાનઞ્ચ નોચિત્તસમુટ્ઠાનઞ્ચ ધમ્મં પટિચ્ચ નોચિત્તસમુટ્ઠાનો ધમ્મો ઉપ્પજ્જતિ નહેતુપચ્ચયા – અહેતુકપટિસન્ધિક્ખણે ચિત્તસમુટ્ઠાને ખન્ધે ચ ચિત્તઞ્ચ પટિચ્ચ કટત્તારૂપં; અહેતુકપટિસન્ધિક્ખણે ચિત્તસમુટ્ઠાને ખન્ધે ચ મહાભૂતે ચ પટિચ્ચ કટત્તારૂપં, અહેતુકપટિસન્ધિક્ખણે ચિત્તસમુટ્ઠાને ખન્ધે ચ વત્થુઞ્ચ પટિચ્ચ ચિત્તં. (૨)

ચિત્તસમુટ્ઠાનઞ્ચ નોચિત્તસમુટ્ઠાનઞ્ચ ધમ્મં પટિચ્ચ ચિત્તસમુટ્ઠાનો ચ નોચિત્તસમુટ્ઠાનો ચ ધમ્મા ઉપ્પજ્જન્તિ નહેતુપચ્ચયા – અહેતુકપટિસન્ધિક્ખણે ચિત્તસમુટ્ઠાનં એકં ખન્ધઞ્ચ ચિત્તઞ્ચ પટિચ્ચ દ્વે ખન્ધા કટત્તા ચ રૂપં, દ્વે ખન્ધે…પે… અહેતુકપટિસન્ધિક્ખણે ચિત્તસમુટ્ઠાનં એકં ખન્ધઞ્ચ વત્થુઞ્ચ પટિચ્ચ દ્વે ખન્ધા ચિત્તઞ્ચ, દ્વે ખન્ધે…પે…. (૩)

નઆરમ્મણપચ્ચયો

૧૯૬. ચિત્તસમુટ્ઠાનં ધમ્મં પટિચ્ચ ચિત્તસમુટ્ઠાનો ધમ્મો ઉપ્પજ્જતિ નઆરમ્મણપચ્ચયા – ચિત્તસમુટ્ઠાને ખન્ધે પટિચ્ચ ચિત્તસમુટ્ઠાનં રૂપં, ચિત્તસમુટ્ઠાનં એકં મહાભૂતં…પે… મહાભૂતે પટિચ્ચ ચિત્તસમુટ્ઠાનં રૂપં, ઉપાદારૂપં. (૧)

ચિત્તસમુટ્ઠાનં ધમ્મં પટિચ્ચ નોચિત્તસમુટ્ઠાનો ધમ્મો ઉપ્પજ્જતિ નઆરમ્મણપચ્ચયા – પટિસન્ધિક્ખણે ચિત્તસમુટ્ઠાને ખન્ધે પટિચ્ચ કટત્તારૂપં. (૨)

૧૯૭. નોચિત્તસમુટ્ઠાનં ધમ્મં પટિચ્ચ નોચિત્તસમુટ્ઠાનો ધમ્મો ઉપ્પજ્જતિ નઆરમ્મણપચ્ચયા – પટિસન્ધિક્ખણે ચિત્તં પટિચ્ચ કટત્તારૂપં, ચિત્તં પટિચ્ચ વત્થુ, એકં મહાભૂતં…પે… (યાવ અસઞ્ઞસત્તા). (૧)

નોચિત્તસમુટ્ઠાનં ધમ્મં પટિચ્ચ ચિત્તસમુટ્ઠાનો ધમ્મો ઉપ્પજ્જતિ નઆરમ્મણપચ્ચયા – ચિત્તં પટિચ્ચ ચિત્તસમુટ્ઠાનં રૂપં. (૨)

ચિત્તસમુટ્ઠાનઞ્ચ નોચિત્તસમુટ્ઠાનઞ્ચ ધમ્મં પટિચ્ચ ચિત્તસમુટ્ઠાનો ધમ્મો ઉપ્પજ્જતિ નઆરમ્મણપચ્ચયા – ચિત્તસમુટ્ઠાને ખન્ધે ચ ચિત્તઞ્ચ પટિચ્ચ ચિત્તસમુટ્ઠાનં રૂપં, ચિત્તઞ્ચ મહાભૂતે ચ પટિચ્ચ ચિત્તસમુટ્ઠાનં રૂપં. (૧)

ચિત્તસમુટ્ઠાનઞ્ચ નોચિત્તસમુટ્ઠાનઞ્ચ ધમ્મં પટિચ્ચ નોચિત્તસમુટ્ઠાનો ધમ્મો ઉપ્પજ્જતિ નઆરમ્મણપચ્ચયા – પટિસન્ધિક્ખણે ચિત્તસમુટ્ઠાને ખન્ધે ચ ચિત્તઞ્ચ પટિચ્ચ કટત્તારૂપં; પટિસન્ધિક્ખણે ચિત્તસમુટ્ઠાને ખન્ધે ચ મહાભૂતે ચ પટિચ્ચ કટત્તારૂપં (સંખિત્તં). (૨)